Əbɨro 5:7 - Gabri Maja

⁷ Kɨɗɨn̰ ga Jesu ban̰ a cay gɨsəŋ gaŋ le, Kumu gɨ ba ɓale poɗii kɨbɨ tɨma dɨŋ le, ban olii bɨ woy kɨbi bɨ wɨlal dan̰ kaŋdi cɨndi bɨ. Bɨ Kumu je ɔlɛ koyi kol dɔbɛ gɨ ban dobɨ cayi bii.

Əbɨro 5:7 ပူးပေါင်းရင်းမြစ်များ

Matɨyo 27:46

Bugoŋ jɨn̰ tɨwa sɨbɨ di ni borundo ɨni na, Jesu wɨlal dan̰ tumoyi di daa pəŋ ye hɨn̰: «Eli, Eli, lama sabaktani» duroy na «Kumu hɨnge, Kumu hɨnge, ji ɗəŋ coŋ na kɨya wa ga?»

Matɨyo 27:50

Ama Jesu wɨlal dan̰ togii ɗaŋ coŋ bɨ, hɨmbɨn̰.

Marg 15:34

Tɨwa sɨbɨ di ni borundo bugoŋ ɨni na, Jesu wɨlal dan̰ togii daa pəŋ hɨn̰: «Eloyi Eloyi, lama sabaktani» duroy na: «Kumu hɨnge Kumu hɨnge, ji ɗəŋ coŋ na kɨya wa ga?»

Marg 15:37

Ama Jesu wɨlal dan̰ togii bɨ, hɨmbɨn̰.

Kɔl-gɨ-Ɗari gɨ Lug wal 23:46

Jesu dor noy daa, dan̰ tumoyi di daa ye hɨn̰: «Banɨ, ɨŋ ɗen̰ turnonɨ duroy kobɨn̰ gɨŋ.» Kɨɗɨn̰ ga ban ye kɔl gɨ nee le ɨni na, ban hɨmbɨ.

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 11:35

Jesu ɨle.

Kɔl-gɨ-Ɗari gɨ Ja̰ wal 11:42

Ɨŋ-bandi le ɨŋ sol leen̰ cɨndi gɨ ji je ɔlɛ hɨnge daa daa han̰, ama ɨŋ ye kɔl na kɨya dɨmdɨrdi kalaŋ ga ba nɨwɨrəŋge kɛ le, ɗe beege kuduroyige cay hɨnga ga nee le: Gɨ ji naa ba gɨyigəŋ.»

Kɔl-gɨ-Ɗari gɨ Ja̰ wal 17:1

Kɨɗɨn̰ ga Jesu ye kɔl hɨn̰ wo̰ nɔm coŋ ɨni na, Ban ay cɨndi da solɨn̰ gɨɗɨgɨ-Kumu bɨ ye hɨn̰: «Banɨ, tɨwadi ɓal ɨni, gɨl gusoŋ-tɔgɛ kon̰ a cay kurondɨn̰, ɗe gɨ kurondɨn̰ kalɨn̰ ma gɨlɨn̰ kalaŋ ga cay gɨsəŋ gaŋ gusoŋ-tɔgɛ kon̰ bɨ.

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

Əbɨro 10:10

Jesu-Kɨris lee hɨnga ga kuduroy Kumu gey ɗəndəŋ. Kuyoŋdi-gusi gɨ ban ay been̰ kɨbar cay pɨna ɗɔɔ dan̰ cɨndi le, dorna mɨra te ɨsɨna gɨŋ.

Əbɨro 10:5

Na toy di hɨn̰ wo̰ ma, kɨɗɨn̰ ga Kɨris ɨre ɨrga cay gɨsəŋ gaŋ na, ban yen̰ Kumu hɨn̰: «Ji-bandi ji gey hɨnga ga ni bogɨn̰ kɨbar naŋ bɨ, Hɨnga ga ni aye be naŋ bɨ, Ama ji-bandi ji lee kuyonɨ bəŋ.

Əbɨro 11:7

Na dan̰ gɨyəŋ gɨ da aye kudurɔ ma, Nɨwe je kɔl gɨ Kumu yeyi tumɔ ojɨn̰ cay hɨnga ga kɨya lɔɔ gusɨge. Ama ungo baa sɔlɛ dan̰ cɨndi ƴee. Ban aya kɔl gɨ andaŋ kɨbɨ Kumu laan̰ sɔrɛ naŋ. Lee gɨ ban gaɗɨ koburo gɨ gumu taa taa hɨn̰ ƴaa wo̰ kɨya poɗɨn̰ ka-ƴaadi bɨ, kuyoŋdi-gusi koyi bɨ. Na dan̰ gɨyəŋ gɨ nee le ma, Nɨwe lee gɨ kɔl ƴom cay kalaŋ ga a cay gɨsəŋ gaŋ. Kɨya cay kuduroyi ga ban bee a cay Kumu le, Kumu solii leen̰ ungo gɨ dan̰ durɔ ɗɨngar a cɨndi.

Əbɨro 12:28

Na hɨn̰ wo̰ ma, ɗa gɨ na laan̰gɨŋ Kumu ho’o kɨya gɨ ban bɨna dɔɔ-ƴaa di osu di kɨya yɨbagdaŋ naŋ. Kuɗa gɨ na laan̰ Kumu ho’o, laan̰ gɨye bii dan̰ gɨyəŋ gɨ kɨya ƴɔɔ-cɨndi, dan̰ dɔbɛ caa bɨ, bɔgɛ kɔl bɨ.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

Əbɨro 2:14

Hɨn̰ gɨ karɨn̰aŋ na ɨran̰ge dan̰ kuyoŋdi-gusɨge bɨ, dan̰ kɨbar bɨ na, Jesu kalɨn̰ ma bɨle woy na hɨn̰ kan wo̰ bɨ. Lee gɨ ban orɨn̰ dan̰ kuyoŋdi-gusi hɨn̰ koge wo̰ bɨ. Ban lee hɨn̰ wo̰ na ɗe gɨ ay na mondɨn̰ dɔnɔ di da Haban̰ dan̰ gɨyəŋ gɨ da tɨmaydi. Haban̰ le na hɨndi di orɨn̰ dan̰ dɔnɔ di da tɨma kɔbɔ le.

1 Ja̰ 4:3

Ama turnɔ di na ya gɨ to na sɨla Jesu naŋ na, saya na a gusi Kumu naŋ. Turnɔ di nee le, na ɗe-baa di da Kɨris di kɨŋ ba je kɔldɔ gɨ na kɨya caga le. Ama haw kɛ na hɨndi woy a cay gɨsəŋ gaŋ kɛ ɨni.

2 Ja̰ 1:7

Ka-nare cɨn̰-kɨɗɨn̰ kondɨ andaŋge a cay gɨsəŋ gaŋ. Kan kan̰ge yɔ daa pɨraŋ hɨn̰ gɨ Jesu-Kɨris na ɨrga naa hɨn̰ ungo gɨ ɨndi wo̰ a cay gɨsəŋ gaŋ. Ungo gɨ na ya kɔl gɨ hɨn̰ wo̰ na, ban na ba nare kɨɗɨn̰ bɨ na ba-baa gɨ da Kɨris bɨ.