Əbɨro 5:12 - Gabri Maja

¹² Kardi sɨngɨɗɨ ɨni, lee gɨ kɨŋ ni kɨya bɨle ka-gɨlɨn̰ kalaŋ hɨnga ɨni. Ama kɨŋ mal gɨ kalaŋ na jɨge gɨlgɨŋ hɨnga ga ni gɨle ga cay wase ga boy kɔl gɨ da Kumu gɨŋ ƴee coŋ. Kɨŋ or bɨrɨŋ orɨn̰ na dan̰ tabɨlaŋdi kobɨn̰ ga ni sɔɔ, ama kɨŋ ɨran̰ na dan̰ tabɨlaŋdi hɨnga ga ni dɔɔ ga osi naŋ.

Əbɨro 5:12 ပူးပေါင်းရင်းမြစ်များ

Matɨyo 17:17

Ɨni na, Jesu ay kɔl yege hɨn̰: «Kɨŋ te kalaŋ ga aye kudurɔ kogɨŋ unɔ bɨ kɨŋ na ka-masa bɨ! Kɛ, ɨŋ kɨya sɔmɛ danagɨŋ bɨrɨŋ na wɔlɛ mɨna coŋ ga? Kɛ, na ca mɨna ma maŋ kɨya haye kuduronɨ caygɨŋ ga? Ɨren̰gɨŋ danayi bəŋ kɛ.»

Marg 9:19

Ɨni na, Jesu ay kɔl yege hɨn̰: «Kɨŋ te kalaŋ ga aye kudurɔ kogɨŋ unɔ! Kɛ ɨŋ kɨya sɔmɛ danagɨŋ bɨrɨŋ na wɔlɛ mɨna coŋ ga? Kɛ na cay mɨna ma maŋ kɨya dɨbe ɗugonɨ caygɨŋ ga? Ɨren̰gɨŋ danayi bəŋ.»

Gɨye-lɔɔ 7:38

Kɨɗɨn̰ ga karɨn̰ Ɨsɨrayɛl dayge cayge a duroy daldɨŋ le, na Moyis ba ɨre duroy mon̰inagɨŋ gaŋ dan̰ ba-ƴɔbɛ gɨ daa nii ɨre arɨn̰ kɔl danayi cay garma gɨ Sɨnayi gɨŋ le. Na ban ba ƴɔɔ kɔl gɨ ni somɨn̰-bɨra gɨ nee le kɨbɨ Kumu bɨna.

Magtubu di Pol wal bɨn̰ kalaŋ ga Rɔm 3:2

Ho’o, Jubɨn̰əŋ wayge hɨnga dan̰ kondiige! Cay wase na, na kan ma Kumu beege kɔl koyi kobɨge ɗe kan na gama.

1 Korɛ̰t 14:19

Ama duroy Ka-Daye na, ɨŋ gey yɔ na kɔl pɨna dan̰ gɨrɨn̰ canɨ gɨ ni gɨlɨn̰ kalaŋ ɗɨn̰ gɨ ni yɔ kɨbɨ gɨ ungo sɨla naŋ dubu-mɔjɨ.

1 Korɛ̰t 14:20

Ay, karmɨnɨ ga ban̰aŋ dan̰ ga kandɨ, ɗɔɔ gɨ kɨŋ bɨle karɨn̰aŋ ga n̰ən̰əŋ ojɨn̰ cay bɔyɛ kɔl naŋ. Kɨŋ bɨl karɨn̰aŋ ga n̰ən̰əŋ ujan̰ na cay hɨnga ga ɨsɨn, ama ojɨn̰ cay bɔyɛ kɔl na ɗa gɨ kɨŋ bɨl kalaŋ ga cɨndɨge naa cɛ̰ɛ̰.

Galad 4:3

Woy na hɨn̰ wo̰ kɨya cayna bɨ. Kɨya wa kɨɗɨn̰ ga na ban̰ karma ƴee le, tɔgɨn̰əŋ ga ɨsɨndəŋ ga a cay gɨsəŋ gaŋ ba ƴomnagɨŋge gɔyɔŋ.

Pilib 3:1

Gɨ ojɨ cay te kɔl gɨ ba baa na, ay karmɨnɨ ga ban̰aŋ dan̰ ga kandɨ, laagɨŋ gusi-mɔwa cay bugoŋ gɨ kɨŋ bugoŋ pɨna dan̰ Ba-gulɔŋ. Jɔgɛ wale magtubu bɨgɨŋ ojɨn̰ cay hɨnga ga pɨna hage ga ɨŋ ba yəgɨŋ koldɨge tumɔ le usaŋ naŋ. Ɨŋ jɨga ye hɨn̰ wo̰ ɗaŋ, na ɗe gɨ na laa danagɨŋ.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

Əbɨro 10:32

Kuɗa gɨ kuduroygɨŋ hɨn a cay hɨnga ga ləgɨŋ cay wase le. Kɨɗɨn̰ ga kɔl gɨ cɨndi gɨ da Kumu ba haŋgɨ cɨndɨgɨŋ le, a boy wɔlɛdi gɨ nee gɨŋ le, kɨŋ way tabɨ kondɨ kardi nee. Ama kɨŋ ɨre osu kɨbɨ kɨmbɨl gɨŋ le.

Əbɨro 5:11

Ni orɨn̰ dan̰ kɔl kondɨ gɨ ni yɔ cay hɨnga ga nee le, ama kɨɗɨn̰ dɔrɛ toyi osu tɔgɨ, kɨya wa kɨŋ bɨle kalaŋ ga sɨlage duroy kɔl haw naŋ.

Əbɨro 5:13

Waŋ waŋ gɨ baa kɨbɨ kobɨn̰ gɨŋ ƴee le, na kɨye. Lee gɨ ban kɨya ɓale sɔlɛ duroy kɔl gɨ ojɨ cay hɨnga ga dan̰ durɔ ɗɨngar le naŋ.

Əbɨro 6:1

Na toy di hɨn̰ wo̰ ma, kuɗa gɨ ana orgɨŋ dan̰ cɨndɨna tumɔ a te hɨnga ga ni gɨle ga ojɨ cay kalaŋ ga cɨndɨge nadɨrdaŋ a te Kɨris gaŋ bɨ. Kuɗa gɨ na sɔmdɛgɨŋ cay hɨnga ga ni gɨle ga cay wase gɨ ojɨ cay Kɨris le naŋ ɨni. Dɨle jɔgɛ tɨrabe hɨnga ga ni gɨle ga sayga toyge dɨŋ, hɨnga ga nee le ba kɛ: Ɗɔɔ kardi hɨnga ga kɨya orɨn̰ dan̰ kalaŋ tɨma dɨŋ bɨ, bɔgɛ kudurɔ cay Kumu bɨ,

1 Pɨyɛr 2:2

Hɨn̰ gɨ kɨye gɨ n̰əŋ ba orɨn̰ dan̰ tabɨlaŋdi kobɨn̰ ƴoyi le, kɨŋ-gandi kalɨn̰ ma ɨran̰gɨŋ dan̰ tabɨlaŋdi kobɨn̰ ga arɨn̰ cərərə gɨ na kɔl gɨ da Kumu le. Kan kɨya malgɨgɨŋ bɨ, kol cayge na kɨŋ kɨya wan̰ pɔɗɛ bɨ.

1 Pɨyɛr 4:11

Waŋ waŋ gɨ na yan̰ karmii kɔl a kɨɗɨn̰ daye gaŋ na, ɗa gɨ ban yage dan̰ gɨyəŋ gɨ da kɔl gɨ da Kumu. Waŋ waŋ gɨ naa ba lɔɔ gɨye bɨn̰ mɨgayi na, kuɗa ban lee dan̰ tɔgɨ di Kumu bii. Ɗe hɨnga nɔm ga kɨŋ lee dan̰ gɨyəŋ gɨ da Jesu-Kɨris le dɨbɨ gusoŋ-tɔgɛ a cay Kumu. Gusoŋ-tɔgɛ bɨ, dɔɔ tɨrɨmbala bɨ, woy ojɨn̰ na cayi, ɨlge dan̰ ɨlge. Ɗa-ɗe-woy-hɨn̰-wo̰!