Əbɨro 5:1 - Gabri Maja

¹ Mangɨl gɨ da ka-cay ka-bɔgɛ kɨbar gɨ ani ani gɨ kan doriige duroy kalaŋ le, gɨye-lɔɔdi na lɔɔ gɨye bɨn̰ Kumu kol cayge. Kan som na kɨya bɨn̰ Kumu hɨnga ga ni bee bɨ, bɔgɛ kɨbar bɨ, kɨya cay ɨsɨnan̰əŋ.

Əbɨro 5:1 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 15:17

Lee gɨ ɨŋ ɓal lɔɔ gusi-mɔwa a cay gɨye nɔm ga ɨŋ lee bɨn̰ Kumu, dan̰ gɨyəŋ gɨ da te bugoŋ pɨna dan̰ Jesu-Kɨris.

1 Korɛ̰t 15:3

Hɨnga ga ɨŋ ba gɨlgɨŋ cay wase tumon̰ hɨnga nɔm le, na hɨnga ga gɨləŋge ɨŋ-bandi cay wase bɨ. Gɨləŋge gɨ Kɨris na ma naa kɨya cay ɨsɨna tɔna, dan̰ te gɨyəŋ gɨ da kɔl gɨ walge duroy Magtubu di da Kumu dɨŋ le.

Əbɨro 10:11

Dan̰ wɔlɛ pɨna pɨna ka-bɔgɛ kɨbar nɔm ɨrege dan̰ tɨbayge daa kɨya loon̰ gɨye koge. Bɨdɨn̰ge Kumu hɨnga ga ni bogɨn̰ kɨbar ga toyge pɨna hage, ga kɨya ɓale dɔrɛ ɨsɨnan̰əŋ naŋ bɨrɨŋ le.

Əbɨro 10:12

Ama ban Jesu-Kɨris na, ay gusi been̰ kɨbar na cay pɨna ɗɔ ƴɔbɨ. Ɗe hɨnga ga ni bogɨn̰ kɨbar kayi na wɨya dan̰ tumoyge yɔd kɨya cay ɨsɨnan̰əŋ. Kardi nee ɨni na, ban som na kɨway Kumu cay kobi gɨ bara gɨŋ dan̰ tumoyi.

Əbɨro 11:4

Dan̰ gɨyəŋ gɨ da aye kudurɔ na, Abɛl bɨn̰ Kumu hɨnga ga ni bogɨn̰ kɨbar ga kuɗa ɗɨn̰ hɨnga ga da Kayin ga bee. Kɨya cay aye kudurɔ gɨ ban orɨn̰ le, Kumu solii leen̰ ungo gɨ dan̰ durɔ ɗɨngar. Kɨya wa Kumu gusi koyi ba ƴɔɔ hɨnga ga ni be kayi le. Bɨ na dan̰ gɨyəŋ gɨ da aye kudurɔ ma, Abɛl na mara kalɨn̰ ma, hɨnga ga ban lee le woy te yɔɔ kɔl ban̰ nee ƴee.

Əbɨro 2:17

Na toy di hɨn̰ wo̰ ma, ojɨ gɨ naa wa wa kalɨn̰ ma, Jesu na bɨl gɨlɨn̰ hɨn̰ karmii wo̰ te hɨnga nɔm, ɗe ban na bɨlɨn̰ mangɨl gɨ da ka-cay ka-bɔgɛ kɨbar bɨ, gɨ ba sɔlɛ cɨn̰-n̰age di da kalaŋ bɨ, gɨ ɨre kɨbɨ gɨye koyi gɨŋ tumoy Kumu ɗe Kumu na ɗe kuduroyi jal cay ɨsɨna gɨ da te kalaŋ.

Əbɨro 7:27

Jesu wɨya gɨlɨn̰ na hɨn̰ te mangɨl gɨ da ka-cay ka-bɔgɛ kɨbar ga ɗaŋ wo̰ naŋ. Ban na ba-bɔgɛ kɨbar gɨ dan̰ wɔlɛ pɨna pɨna kol ɨsɨna koyi bɨ, kol ɨsɨna gɨ da karɨn̰ Ɨsɨrayɛl bɨ, naŋ. Ban bee kɨbar gɨ nee le, na cay pɨna wo̰ ƴɔbɨ, kɨɗɨn̰ ga ban ay gusi be leen̰ hɨnga ga ni bogɨn̰ kɨbar.

Əbɨro 8:3

Mangɨl gɨ da ka-cay ka-bɔgɛ kɨbar gɨ ani ani le, ɗeyge ɗe ban na bɨn̰ Kumu hɨnga ga ni bee bɨ, nare gɨ ni dɨɗe bogɨn̰ kɨbar bɨ. Na toy di hɨn̰ wo̰ ma, ojɨ gɨ Kɨris kalɨn̰ ma, na ɨran̰ dan̰ hɨnga ga ni bee bɨ.

Əbɨro 8:4

Hɨn̰ gɨ Kɨris na baa a cay gɨsəŋ gaŋ kɛ na, ban ni kɨya ɓale bɨləŋ ba-bɔgɛ kɨbar naŋ. Kɨya gɨ ka-bɔgɛ kɨbar ga ka bɨn̰ Kumu hɨnga ga ni bee dan̰ gɨyəŋ gɨ da gasɨn̰-kɔl le woyge nee ɨni.

Əbɨro 9:9

Hɨnga ga nee le, na kɨradi hɨnga ga gɨlna caa di na ba somɨn̰ nee haw kɛ. Kɨradi hɨnga le, gɨl gɨ hɨnga ga ni aye bee bɨ kɨbar gɨ ni bɔgɛ bɨn̰ Kumu bɨ le, na ɓalage lɔɔ gɨ ka-n̰ɨre Kumu dan̰ gɨyəŋ gɨ nee le, ɨrɨmedɨge na kuɗa duroŋ cɨrɛɗ naŋ.