Əbɨro 4:12 - Gabri Maja

¹² Na cɨndi, kɔl gɨ da Kumu le na kɔl gɨ som-bɨra bɨ, togii woy nee bɨ, ƴee ɗɨn̰ pəlɨm di ƴee gasɨndo sɔɔ bɨ. Hɨndi andaŋ kuduroy ungo, or bɨrɨŋ pɔyɛ kɨɗɨn̰ ga ungo habedi bɨ, turnoy bɨ dayaŋge nee gaŋ daa. Bɨ or bɨrɨŋ pɔyɛ kɨɗɨn̰ ga gurɨyadi dan̰ sɔŋ gɨ a duroy isidi dayaŋge nee gaŋ daa bɨ. Kɔl gɨ da Kumu boy kɔl a cay hɨnga nɔm ga ungo ojɨ lɔɔ bɨ, cay ɨrɨme gɨ woy a kuduroy ungo gɨŋ bɨ.

Əbɨro 4:12 ပူးပေါင်းရင်းမြစ်များ

Kɔl-gɨ-Ɗari gɨ Lug wal 8:11

«Sɨlagɨŋ te kɨradi-kɔl le ba kɛ: Gasi gɨse le na kɔl gɨ da Kumu.

Kɔl-gɨ-Ɗari gɨ Ja̰ wal 12:48

Ungo gɨ na kan̰aŋ bɨ, gey kɔl hɨnge naŋ bɨ le, ban way ba bɔyɛ kɔl cayi ɨni: Kɔl gɨ ɨŋ ba ye le, kɨya bɔyɛ kɔl cayi, a wɔlɛ kagadi gɨŋ.

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Gɨye-lɔɔ 2:37

Kɨɗɨn̰ ga kalaŋ le jege kɔl gɨ nee le na, ɗugoyge adɨldɨge been̰ been̰. Lee gɨ kan ɨngɨr Pɨyɛr bɨ, ka-gɨre-gɨye ga ɗaŋ bɨ yege hɨn̰: «Karmɨni, kɛ ni gɨ lɔɔ na mɨna ga?»

Gɨye-lɔɔ 4:31

Kɨɗɨn̰ ga kan ol Kumu kaga ɨni na, kɨɗɨn̰ ga kan ba olɨn̰ Kumu nee le yɨbagdaŋ den̰ den̰. Turnɔ ɗe-kuduroy-bɛrɛ ƴee kuduroyge nɔm bɨ, kan teen̰ bɛrnɛ kɔl gɨ da Kumu dan̰ cɨn̰-bandɨ.

Gɨye-lɔɔ 5:33

Kɨɗɨn̰ ga kan jege kɔl gɨ nee le ɨni na, kuduroyge homge gɨɗaŋ, lee gɨ kan gey dɨɗe ka-gɨre-gɨye le coŋ.

Gɨye-lɔɔ 7:38

Kɨɗɨn̰ ga karɨn̰ Ɨsɨrayɛl dayge cayge a duroy daldɨŋ le, na Moyis ba ɨre duroy mon̰inagɨŋ gaŋ dan̰ ba-ƴɔbɛ gɨ daa nii ɨre arɨn̰ kɔl danayi cay garma gɨ Sɨnayi gɨŋ le. Na ban ba ƴɔɔ kɔl gɨ ni somɨn̰-bɨra gɨ nee le kɨbɨ Kumu bɨna.

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

1 Korɛ̰t 1:24

Ama ojɨn̰ cay kan ga Kumu teege le, kan naa Jubɨn̰əŋ wala, kan naa Gɨrɛgn̰əŋ kalɨn̰ ma, Kɨris le na dɔnɔ di da Kumu bɨ cɨn̰-muɗɔlɛ da Kumu bɨ.

2 Korɛ̰t 2:17

Kalaŋ kondɨ ayge kɔl gɨ da Kumu leen̰ge hɨnga ga ni gɨyaw, ama ni-gandi ni laa hɨn̰ wo̰ naŋ. Dan̰ bugoŋ gɨ ni bugoŋ pɨna dan̰ Kɨris le, ni dor kɔl gɨ sayga gusi Kumu dɨle orɨn̰ dan̰ ɨrɨme gɨ ɗaŋ a kuduroyni tumoy Kumu.

2 Korɛ̰t 4:2

Ni-gandi ni kan̰ hɨnga ga ni dasi ga leege kɨɗɨn̰ wɔsɛdɨge gaŋ coŋ bɨ, ni laa hɨnga dan̰ jɨba naŋ bɨ, ni tɨba kɔl gɨ da Kumu dan̰ poy pɨna naŋ bɨ. Ama na kɔl gɨ cɨndi ma mani ye cɨn̰ tɨwa dɨŋ, ni mal na gɨ kalaŋ nɔm na laa tɨmon̰ a cay haldɨni gɨ ɗari tumoyi Kumu.

Epɛs 5:13

Hɨnga nɔm ga ungo sɨɗɨgɨ toyge daa le, woy na kɨɗɨn̰ ga asɨn̰ gaŋ ɨni.

Epɛs 5:26

Ban lee hɨn̰ wo̰ ay na ɗege dan̰ cɨndɨge bɨn̰ Kumu. Ban dorge mɨra ɗege arɨn̰ dan̰ kaŋ bɨ dan̰ kɔl koyi bɨ.

Epɛs 6:17

Kagadi gɨŋ na, dɨbagɨŋ jagɨwa ga ni pɔɗɛ ga kɨŋ poɗɨn̰ le caygɨŋ bɨ, ayagɨŋ pəlɨm di na kɔl gɨ da Kumu gɨ Turnɔ di da Kumu bɨgɨŋ le kobɨgɨŋ bɨ.

1 Tesalonigɨ 2:13

Toy di ni ba leen̰ Kumu ho’o, kol caygɨŋ dan̰ tumoyni le ba kɛ: Kɨɗɨn̰ ga ni ba tee bɛrnɛ kɔl gɨ da Kumu bɨgɨŋ le, kɨŋ je bɨ, kɨŋ ƴee bɨ, kɨŋ ƴa na hɨn̰ gɨ naa kɔl gɨ da ungo gɨ ɨndi wo̰ naŋ, ama na hɨn̰ kɔl gɨ da Kumu gusi. Na cɨndi, na kɔl gɨ da Kumu, ban lee gɨye kuduroygɨŋ kɨŋ-gandi ka-aye kudurɔ.

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

Əbɨro 13:7

Hɨngɨŋ a cay ka-dɔrɛ tumoygɨŋ ga tumɔ teege bɛrnɛ gɨ da kɔl gɨ da Kumu bɨgɨŋ le. Sɨlagɨŋ gɨyəŋ gɨ kan dɨɗɨn̰ kɨbɨ gɨye-lɔɔdɨge bɨ, ayan̰gɨŋ cay tɨban̰ aye kudurɔ koge.

Əbɨro 6:5

kan talge kuɗadi kɔl gɨ da Kumu solge dɔnɔdi bɨ, ɨsɨbɨge belin̰əŋ di da dɔɔ-ƴaa da Kumu gɨ ba kɨya caga le haw kɛ solge bɨ.

Magtubu di Jag wal 1:18

Na dan̰ gɨyəŋ gɨ da kɔl gɨ cɨndi ma ban woona dan̰ kuduroy geye koyi, ɗe ana na bɨlɨn̰ won̰ hɨn̰ kalaŋ se kayi ga cay wase cɨg cɨg wo̰.

1 Pɨyɛr 1:23

Kɨŋ bɨləŋ kalaŋ ga hɨrɨwa na dan̰ wɔɔ gɨ hɨrɨwa bɨ. Wɔɔ gɨ nee le, saya na a te wɔɔ gɨ ni tɨma dɨŋ naŋ. Ama na a te kɔl gɨ da Kumu gɨ woy bɨra gɨ kɨya mare naŋ bɨrɨŋ.

Wasɨn̰a 1:16

Ungo gɨ nee le ƴom dɛsɨɗɛŋ won̰ jurgum a kobi gɨ bara gɨŋ bɨ, pəlɨm di haɗɨge gasɨndo sɔɗɨmɔŋ andaŋ kɨbi bɨ. Cɨndi jɨran̰de hɨn̰ tɨwa di jɨbɨ dan̰ tɔgɔ nɔm wo̰.

Wasɨn̰a 19:15

Pəlɨm di haɗɨge gasɨndo sɔɗɨmɔŋ andaŋ a kɨbɨ ba nɔɔ hɨnda kɨya codɨldɨn̰ te wɔɔ gɨ da kalaŋ. Na ban ba kɨya dɔrɛ tumoyi kalaŋ dan̰ dɔnɔ di hɨn̰ nare wo̰. Na ban ba kɨya lɔɔ kuduroy-hɔmɛ da Kumu gɨ dɔnɔdi ɗɨn̰ dɔnɔ nɔm hɨn̰ suru di kan ɗor a kɨɗɨn̰ ɔyɛdo gaŋ kɨya dorɨn̰ kaŋdo wo̰.

Wasɨn̰a 19:21

Pəlɨm di andaŋ a kɨbɨ ungo gɨ som a cay hɨnda gɨŋ dɨɗɨ te kalaŋ ga ɗaŋ, lee gɨ cɨɗəŋ nɔm diige kuyoŋdɨge sɨdɨldəŋge.

Wasɨn̰a 2:16

Hɨn̰ wo̰ na, bɨlgɨŋ haldɨgɨŋ. Hɨn̰ gɨ kɨŋ na bɨl haldɨgɨŋ naŋ na, ɨŋ kɨya bugoŋ gusɨgɨŋ mɨnde gɨ ni wɔrɨn̰ɛ dan̰ kalaŋ ga nee le, dan̰ pəlɨm di andaŋ a kɨbɨnɨ.

Wasɨn̰a 2:23

Ɨŋ kɨya ɗɔɔ tɨma dɨɗe karɨndo. Na hɨn̰ wo̰ ma, Ka-Daye nɔm kɨya sɔlɛge gɨ ɨŋ naa ba kɔbɛ te ɨrɨme bɨ, tabɨlaŋdi hɨnga ga woy a kuduroy kalaŋ bɨ, kɨya sɔlɛge gɨ ɨŋ na bɨn̰ ungo gɨ ani ani naa hɨnga ga ojɨ cayi ɓalɨn̰ dan̰ gɨye-lɔɔdi.

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.