Əbɨro 4:11 - Gabri Maja

¹¹ Naa hɨn̰ wo̰ na, kuɗa gɨ ana ongulgɨŋ gusɨnagɨŋ daa andɨn̰ a kɨɗɨn̰ dɔrɛ gɨlale ga nee gaŋ le. Laanagɨŋ ɗe gɨ ungo pɨna duroyna kayaŋ kɨya cay lɔɔ te tumɔ naŋ, hɨn̰ gɨ da mon̰iinagɨŋ wo̰ naŋ.

Əbɨro 4:11 ပူးပေါင်းရင်းမြစ်များ

Matɨyo 11:12

An̰ toy a boy wɔlɛ gɨ Ja̰ ba-lɔɔ batɛm teen̰ bɛrnɛ gɨŋ bɨrɨŋ andɨn̰ haw kɛ le, kalaŋ ɨre gɨlalge dɔɔ-ƴaa di daa nii bɨ, kalaŋ bɔɗɔɔge na dan̰ dɔnɔ bɨ.

Matɨyo 7:13

«Andaŋgɨŋ dan̰ kɨbɨ-ƴaa gɨ sɛlgɛgɛ gɨŋ. Kɨbɨ-ƴaa gɨ gumu na gɨyəŋ gɨ wol bəndəŋ bɨ, na gɨyəŋ gɨ orɨn̰ dan̰ kalaŋ na kɨɗɨn̰ mundoŋ gaŋ bɨ. Ama ka-ayedi kondɨge.

Kɔl-gɨ-Ɗari gɨ Lug wal 13:24

«Ko na wa wa kalɨn̰ ma laagɨŋ agɨŋ andɨn̰ dan̰ kɨbɨ gɨyəŋ gɨ sɛlgɛgɛ. Aŋ yəgɨŋ daa waŋ, kondɨwadi kalaŋ kɨya malege gɨyəŋ age na andɨn̰ nee ama kɨya ɓalege naŋ.

Kɔl-gɨ-Ɗari gɨ Lug wal 16:16

«Kalaŋ leege gɨye dan̰ magtubu Gasɨn̰-kɔl gɨ da Moyis bɨ, dan̰ magtubu di da ka-yɔɔ-kɔl-gɨ-Kumu-ba-yɔɔ bɨ bɨrɨŋ andɨn̰ge a boy wɔlɛ gɨ da Ja̰ ba-lɔɔ batɛm gɨŋ. An̰ toy wɔlɛdi gɨ nee gɨŋ le, kan teege bɛrnɛ Kɔl-gɨ-Ɗari gɨ da dɔɔ-ƴaa di da Kumu bɨ, waŋ waŋ kalɨn̰ ma na ungula gusi ɗe na andɨn̰ nee.

Kɔl-gɨ-Ɗari gɨ Ja̰ wal 6:27

Kɨŋ ɗɔɔ ba lɔɔ gɨye kɨya hɨnga ga ni dɔɔ ga kɨya mundoŋ ƴɔbɨ naŋ. Ama kɨŋ laa gɨye kɨya hɨnga ga ni dɔɔ ga kɨya wɔyɛ kɨya cay sɔmɛ-bɨra gɨ dan̰ cɨndi. Hɨnga ga ni dɔɔ ga nee le, ɨŋ-bandi Kurɨn̰-ungo le ba kɨya bɨgɨŋ, kɨya wa na ɨŋ-bandi ma, Kɨye bayi gɨ na Kumu gɨl doŋ gɨ naa ɗi-bandi na ba gɨygi leen̰ cɨndi le.»

Gɨye-lɔɔ 26:19

«Ayɨn̰ toy a wɔlɛdi gɨ nee gɨŋ le, Kɨlma Agɨripa, ɨŋ kan̰a kol hɨnga ga buyoŋ cɨnɨ hɨn̰ dḛḛ wo̰, ga sayga gusi Kumu le naŋ.

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Epɛs 5:6

Ɗɔɔgɨŋ ungo nargɨŋ dan̰ kɔl gɨ ni poy naŋ: Kɨya wa na hɨnga ga hɨn̰ wo̰ le ba jɨbe te kuduroy-hɔmɛ di da Kumu bɔgɛ cay kalaŋ ga na ka-baadi le.

Pilib 2:12

Ay karmɨnɨ ga ɨŋ lee-toygɨŋ, kɨŋ je kɔl kɨbɨ Kumu dan̰ wɔlɛ pɨna pɨna, hɨn̰ boy wɔlɛ gɨ ɨŋ ba won̰ duroygɨŋ le. Haw kɛ gɨ ɨŋ ba unɔ duroygɨŋ kalɨn̰ ma, kɨŋ je kɔl kɨbɨ Kumu ɗɨn̰ gɨ tumɔ coŋ. Leedɨdɨn̰ gɨye a cay pɔɗɛ kogɨŋ gɨŋ dan̰ bɔgɛ kɔl bɨ dan̰ lɔɔ pag pag bɨ.

Kɔlɔs 3:6

Na hɨnga ga nee le ba sɔgɛ kuduroy-hɔmɛ da Kumu ɨrgan̰ le.

Titɨ 1:16

Kan yege gɨ ke na sol Kumu ama gɨye-lɔɔdɨge gɨl gɨ kan sɨlage Kumu naŋ leen̰ cɨndi. Kalaŋ ga gɨlɨn̰ge hɨn̰ wo̰ le, na kalaŋ ga ɨsɨnge tɔgɨ bɨ, na ka-mɨn̰e daa bɨ, ɓalage lɔɔ hɨnga ga ɗari pɨna wo̰ dɨbe daa naŋ bɨ.

Titɨ 3:3

Na-gandi kalɨn̰ ma, tumɔ le na na kalaŋ ga dɨngaldaŋ bɨ, na na ka-mɨn̰e daa bɨ, kalaŋ ga kayaŋ bɨ. Na na gɔyɔŋ ga da tabɨlaŋdi hɨnga ga toyge kan̰dɨge kan̰dɨge bɨ, ga bɨn̰ ungo gusi-mɔwa bɨ. Na leede gɨŋ na kuduroy-ɨndɨwa bɨ, na somgɨŋ na kɨya lɔɔ kurɔŋdi hɨnga ga toyge kan̰dɨge kandɨge bɨ. Na leegɨŋ terɨn̰ tɔgɨ bɨ, na ƴomgɨŋ gusɨnagɨŋ dan̰ kuduroyna bɨ.

Əbɨro 3:12

Karmɨnɨ ga ban̰aŋ dan̰ ga kandɨ, ɗagɨŋ muɗɔlɛ cay gusɨgɨŋ gɨŋ. Ɗe waŋ waŋ kalɨn̰ ma a duroygɨŋ ɗɔɔ kuduroy ɨsɨna naŋ le, kuduroy-dɨmbɨrwa orɨn̰ danayi bɨrɨŋ, dorii a te gɨyəŋ gɨ da Kumu gɨ som-bɨra gɨŋ le coŋ naŋ.

Əbɨro 3:18

Kalaŋ ga Kumu ɓɨsɨ gusi bɨge gɨ kan na gɨ andaŋ a boy kɨɗɨn̰ dɔrɛ gɨlale kayi gaŋ naŋ le, na ga ani ga?» Na kan ga ka-kan̰e bɔgɛ kɔl le.

Əbɨro 4:6

Na toy di hɨn̰ wo̰ ma kan ga jege Kɔl-gɨ-Ɗari gɨ nee cay wase le, andaŋge a kɨɗɨn̰ dɔrɛ gɨlale gaŋ le naŋ, kɨya cay kan̰e lɔɔ tumɔ toge. Lee gɨ gɨyəŋ woy hangɨwa kɨya cay kalaŋ ga ɗaŋ, ɗe na andaŋge boy nee.

Əbɨro 6:11

Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

2 Pɨyɛr 2:6

Kumu boy kɔl a cay ƴaa-di-gumu di Sɔdɔm dan̰ Gɔmɔr bɨ, ulge dan̰ tɨwa muɗɔgɨ muɗɔgɨ coŋ. Bɨ ayge leen̰ hɨnga ga ni gɨle gɨ da kuduroy-hɔmɛ gɨ woy gam kalaŋ ga ka lɔɔ terɨn̰.