Əbɨro 3:6 - Gabri Maja

⁶ Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Əbɨro 3:6 ပူးပေါင်းရင်းမြစ်များ

Matɨyo 10:22

Kalaŋ nɔm kɨya ƴomgɨŋge dan̰ kuduroyge kɨya cay gusoŋnɨ. Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Matɨyo 16:18

Ama ɨŋ-bandi ɨŋ ye hɨn̰: Ji na Pɨyɛr, duroy na garma, bɨ ɨŋ-bandi ɨŋ kɨya gaɗe te Ka-Daye kange a cay garma gɨ nee gɨŋ le bɨ. Dɔnɔ da tɨma kɨya ɓale lɔɔ hɨnga danaa naŋ.

Matɨyo 24:13

Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Magtubu di Pol wal bɨn̰ kalaŋ ga Rɔm 11:22

Ɨrɨm a cay ɗarwa di da Kumu dɨŋ bɨ, a cay osɨwa koyi gɨŋ bɨ. Ban gɨl osɨwa koyi dan̰ kalaŋ ga andaŋge a te gɨyəŋ gɨŋ coŋ, ama ban sol cɨn̰-n̰age ton̰ tɔgɨ kɨɗɨn̰ ga ji na sɨma usa a te ɗarwa toyi dɨŋ. Hɨn̰ gɨ ji na ɨr usa cay nee naŋ na, ji-bandi kalɨn̰ ma kan kɨya sɨrɨn̰ coŋ bɨ.

Magtubu di Pol wal bɨn̰ kalaŋ ga Rɔm 12:12

Kuɗa gɨ kɨŋ laa gusi-mɔwa a cay ɨrɨmedɨgɨŋ gɨ kɨŋ bee a cay Kumu bɨ, dɨbɨgɨŋ ɗugoygɨŋ duroy hɨnga ga ni cɨn̰-kula gaŋ bɨ, ulagɨŋ Kumu daa daa dɨle gusi-mare bɨ.

Magtubu di Pol wal bɨn̰ kalaŋ ga Rɔm 15:13

Kuɗa gɨ Kumu gɨ ba bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee bɨgɨŋ gusi-mɔwa bɨ, bɨgɨŋ gusi-dɔbɛ a te gɨyəŋ gɨ da aye kudurɔ gɨŋ, ɗe ɨrɨmedɨgɨŋ gɨ kɨŋ ba bee a cayi le, san̰ cay mɨgayi gɨŋ dan̰ gɨyəŋ gɨ da dɔnɔ di da Turnɔ ɗe-kuduroy-bɛrɛ.

Magtubu di Pol wal bɨn̰ kalaŋ ga Rɔm 5:2

Na kol cayi ma mana wan̰ gɨyəŋ gɨ ni andɨn̰ a ɗarwa di da Kumu dɨŋ di nee le dan̰ gɨyəŋ gɨ da aye kudurɔ. A duroy ɗarwa di nee dɨŋ le na ɨre cay nee osu bɨ. Na lee gusi-mɔwa a cay gusoŋ-tɔgɛ gɨ da Kumu gɨŋ bɨ. Kɨya wa na sol gɨ wɔlɛ pɨna na kɨya andaŋ a boy gusoŋ-tɔgɛ gɨ nee gɨŋ le. Na hɨnga ga nee le ma, mana bee ɨrɨmedɨna cay nee.

1 Korɛ̰t 3:16

Kɨŋ na ƴaa-di-da-Kumu, lee gɨ Turnoy Kumu som kuduroygɨŋ le kɛɛ, kɨŋ sɨla wo̰ naŋ ga?

1 Korɛ̰t 6:19

Turnɔ ɗe-kuduroy-bɛrɛ di Kumu bɨgɨŋ ma som kuduroygɨŋ le, kuyoŋdi-gusɨgɨŋ na ƴaa sɔmɛdo le, kɛ kɨŋ sɨla hɨn̰ wo̰ naŋ ga? Kuyoŋdi-gusɨgɨŋ na kogɨŋ naŋ, kɨŋ na ga da Kumu.

2 Korɛ̰t 6:16

Kɛ na wa ba kɨya ɓale daye ƴaa-di-da-Kumu dan̰ kulan̰əŋ ga? Kɨya wa na-gandi na, na na ƴaa-di-da-Kumu gɨ som-bɨra dan̰ tumoyi hɨn̰ gɨ ban Kumu gusi ba ye duroy magtubu toy dɨŋ le, ban ye hɨn̰: «Ɨŋ kɨya sɔmɛ duroyge bɨ, Ɨŋ kɨya gɔrɛ duroyge bɨ, Ɨŋ kɨya bɨle Kumu koge bɨ, Kan kɨya bɨle na kalaŋ kange bɨ.»

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

Galad 6:9

Hɨn̰ wo̰ na, kuɗa gɨ na leegɨŋ ɗarwa dan̰ wɔlɛ pɨna pɨna bɨ, na ɗɔɔ ba gɨlale toy nee naŋ bɨ. Hɨn̰ gɨ na na gɨlalagɨŋ toy nee naŋ na, na kɨya wɔɔgɨŋ cay kobɨnagɨŋ boy wɔlɛdi gɨŋ.

Epɛs 3:12

Kol bugoŋ gɨ na bugoŋ pɨna dan̰ Kɨris bɨ, kuduroyna ga na bee cayi bɨ le, na way gɨyəŋ gɨ ni ɨrgan̰ gusi Kumu kɨya yoy kɔl boy ɔlɛ gɨŋ dɨle hundɔrɔ.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

1 Tesalonigɨ 5:16

Sɨmagɨŋ dan̰ gusi-mɔwa dan̰ wɔlɛ pɨna pɨna.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

1 Timote 3:15

Ama hɨn̰ gɨ ɨŋ na bugoŋ haw kɛ naŋ kalɨn̰ ma, ɨŋ wal kol hɨnga ga kɛ le bɨn̰ an̰ solɨn̰ gɨyəŋ gɨ ni loon̰ gɨye a duroy ƴaa-di-da-Kumu dɨŋ. Ƴaa le, na Ka-Daye ga na kalaŋ ga da Kumu gɨ som-bɨra. Na hɨndi mana ɗe ƴɔmɛ kɔl gɨ cɨndi daa hɨn̰ sɨya gɨ ni duroy ƴaa wo̰ bɨ ɗe jɨbe te kɔl gɨ cɨndi daa bɨ.

Əbɨro 1:2

Ama a wɔlɛdi gɨ haw kɛ gɨ kardi nee gɛs na, Kumu yena kɔl na dan̰ gɨyəŋ gɨ da Kurondi gɨ ban dorii si ba-gulɔŋ hɨnga nɔm bɨ. Na danayi ban ɗaŋ coŋ ma, Kumu sɨn̰ gɨɗɨgɨ-Kumu dan̰ cay gɨsəŋ dan̰ hɨnga nɔm ga boy nee bɨ.

Əbɨro 10:19

Hɨn̰ wo̰ na karmɨnɨ ga ban̰aŋ dan̰ ga kandɨ, na ɓal gɨ ni andaŋ a kɨɗɨn̰ ga woy dan̰ cɨndɨge cɨla coŋ dɨle hundɔrɔ, kɨya cay kɨbardi Jesu.

Əbɨro 10:21

Leen̰ cɨndi, na orɨn̰gɨŋ dan̰ mangɨl gɨ da ka-bɔgɛ kɨbar pɨna gɨ siige a cay ƴaa-di-da-Kumu dɨŋ.

Əbɨro 10:23

Ɗe gɨ ana gamgɨŋ hɨnga ga na bee ɨrɨmedɨnagɨŋ a cay nee, ma na ye koldɨge le osu. Kɨya wa Kumu gɨ ba-yɔɔ gɨ ɗi na kɨya lɔɔ hɨnga ga ban ye gɨ ɗi na kɨya lɔɔ le, na ba ɨre a cay gasɨndi gaŋ.

Əbɨro 10:35

Naa hɨn̰ wo̰ na, kɨŋ ɗɔɔ ba kaye bandɨ togɨŋ naŋ: Kɨya wa hɨnga ga ni cay kobɨgɨŋ ga gumu woy ojɨ cay bandɨ di nee le.

Əbɨro 11:1

Aye kudurɔ le na hɨnga ga ungo sol leen̰ cɨndi gɨ hɨnga ga ban ba bee ɨrɨmedi cay nee le, ɗi na kɨya wɔɔ. Hɨnga ga ungo baa sɔlɛ dan̰ cɨndi le, woy nee leen̰ cɨndi jɛɗɨ jɛɗɨ.

Əbɨro 3:14

Kɨya wa na-gandi nɔm na bɨləŋgɨŋ na ka-bugoŋ pɨna dan̰ Kɨris. Naa hɨn̰ wo̰ leen̰ cɨndi na, kɨbanagɨŋ aye kudurɔ gɨ na ba orɨn̰gɨŋ a toy dɨŋ le, ɨrɨn̰ cay nee usa bɨrɨŋ gɨsɨn̰ kagadi gɨŋ.

Əbɨro 4:11

Naa hɨn̰ wo̰ na, kuɗa gɨ ana ongulgɨŋ gusɨnagɨŋ daa andɨn̰ a kɨɗɨn̰ dɔrɛ gɨlale ga nee gaŋ le. Laanagɨŋ ɗe gɨ ungo pɨna duroyna kayaŋ kɨya cay lɔɔ te tumɔ naŋ, hɨn̰ gɨ da mon̰iinagɨŋ wo̰ naŋ.

Əbɨro 4:14

Naa hɨn̰ wo̰ na, kuɗa gɨ ɗe ana ƴom aye kudurɔ gɨ na ba ye koldi le osu. Kɨya wa na orɨn̰ dan̰ mangɨl gɨ da ka-cay ka-bɔgɛ kɨbar gɨ gumu. Mangɨl gɨ da ka-cay ka-bɔgɛ kɨbar gɨ nee le, na Jesu, Kurɨn̰-Kumu gɨ gay gɨɗɨgɨ-Kumu orɨn̰ bɨrɨŋ andɨn̰ gusi Kumu.

Əbɨro 4:16

Naa hɨn̰ wo̰ na, kuɗa gɨ na sɨye bongi kali-tɨrɨmbala di da ɗarwa dɨle hundɔrɔ coŋ bɨrɨŋ ɗe ban solɨn̰ cɨn̰-n̰age tonagɨŋ. Bɨ ana wan̰ ɗarwa di a gusii di kɨya jɨbe toyna a duroy hɨnga ga na or n̰agedɨge a boy tɨwado dɨŋ.

Əbɨro 6:11

Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

Əbɨro 6:18

Hɨn̰ wo̰ na tumɔ dan̰ kɔl gɨ ban ye gɨ ɗi na kɨya lɔɔ bɨ, ɗaŋ coŋ dan̰ ɓɨse gɨ ban ɓɨse gusi bɨ. Hɨnga ga sɔɔ ga nee le, kɨya bɨle ɗaŋ naŋ bɨ Kumu kɨya yɔ poy cay nee naŋ bɨrɨŋ bɨ. Ɨni na, na-gandi ga ba ɗe hɨnga nɔm coŋ kɨya ƴomɨn̰ hɨnga ga na ba bee ɨrɨmedɨna cay nee gɨ ban ba ɗe tumoyna le, na orɨn̰ dan̰ hɨnga ga dobɨ bandɨ kuduroyna tɔgɨ gɨɗaŋ.

Əbɨro 7:19

Na cɨndi, hɨnga ga gasɨn̰-kɔl gɨ da Moyis lee ɗe duroŋ cɨrɛɗ wo̰ unɔ. Ama Kumu bɨna a ban̰di nee hɨnga ga ni bogɨn̰ ɨrɨmedɨna cay nee, ga kuɗa ɗɨn̰ ga tumɔ coŋ. Lee gɨ na ɓal gɨ ni sɨye gusi Kumu dan̰ gɨyəŋ gɨ da hɨnga ga ni bogɨn̰ ɨrɨmedɨna cay nee ga nee le.

1 Pɨyɛr 1:8

Jesu le, kɨŋ sɨlayi dan̰ cɨndɨgɨŋ naŋ pa pa, ama kɨŋ geyii. Hɨn̰ gɨ haw kɛ kɨŋ na sɨlayi naŋ kalɨn̰ ma, kɨŋ bee kuduroygɨŋ a cayi. Na toy di hɨn̰ wo̰ ma gusɨgɨŋ moogɨŋ tɔgɨ bɨ, moogɨŋ bɨrɨŋ ɗɨn̰ gɨ ni yɔ yɔd bɨ.

1 Pɨyɛr 2:5

Kɨŋ-gandi kalɨn̰ ma, kɨŋ woy gɨlɨn̰ na hɨn̰ oru gɨ woy-bɨra gɨ Kumu lobɨgɨŋ leen̰ ƴaa-sɔmɛ gɨ da Turnɔ wo̰. Lee gɨ kɨŋ bɨle ka-bɔgɛ kɨbar ga woy dan̰ cɨndɨge bɨn̰ Kumu, ga kɨŋ lee gɨye n̰ɨre bii dan̰ gɨyəŋ gɨ da Turnɔ ɗe-kuduroy-bɛrɛ. N̰ɨre kogɨŋ dan̰ gɨyəŋ gɨ da Jesu-Kɨris le, kɨya mon̰ Kumu.

1 Pɨyɛr 4:17

Kɨya wa tɨwa di ni bon̰ kɔl ɓal ɨni. Ama na kalaŋ ga da Kumu ma kan kɨya aye toyi cayge. Ama hɨn̰ gɨ bɔyɛ kɔl na kɨya aye toy cayna na, kan ga kan̰ge bɔgɛ kuduroyge a cay Kɔl-gɨ-Ɗari le, kan gɨ dɨɗe kɨbi koge na mɨna ga?

Wasɨn̰a 2:18

Ungo gɨ ɨŋ ba solii le, jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Tɨyatir. «Kurɨn̰-Kumu gɨ cɨndi ƴeede tɨwa hɨn̰ kɨlen̰ tɨwa wo̰ bɨ, gondii jɨran̰de hɨn̰ nare gɨ yɨle wo̰ bɨ le, ye hɨn̰:

Wasɨn̰a 2:25

Ama hɨnga ga kɨŋ ba orɨn̰ le, ƴɨmagɨŋ usa bɨrɨŋ gɨsɨn̰ gɨ ɨŋ kɨya cagan̰.

Wasɨn̰a 2:26

«Ungo gɨ na bɨya-kɨmbɨl bɨ lun̰doŋ kardi gɨye hɨnge bɨrɨŋ andan̰ a kagadi wɔlɛ gɨŋ bɨ na, ɨŋ kɨya bɨn̰ ungo gɨ nee le, dɔnɔ di ni dɨn̰ cay te wɔɔ gɨ da kalaŋ.

Wasɨn̰a 3:11

Ɨŋ tɨlga nee mɨnde. Ƴɨmagɨŋ aye kudurɔ kogɨŋ gɨ kɨŋ orɨn̰ le usa, ɗe ungo wo̰ bɔɗɛ jagɨwa bɔyɛ kɨmbɨl kogɨŋ naŋ.