Əbɨro 3:13 - Gabri Maja

¹³ Ama dɨbagɨŋ bandɨ kuduroy gusɨgɨŋ dan̰ wɔlɛ pɨna pɨna. Sɨlagɨŋ kuɗa gɨ kɨɗɨn̰ ga magtubu ba ye: Labɨde na, duroy na labɨde kol cayna bɨ. Hɨn̰ wo̰ na dɨbagɨŋ bandɨ kuduroy gusɨgɨŋ, ɗe ɨsɨna nar cɨn̰ ungo duroygɨŋ dɨrsɨn̰ toyi a cay nee naŋ.

Əbɨro 3:13 ပူးပေါင်းရင်းမြစ်များ

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Magtubu di Pol wal bɨn̰ kalaŋ ga Rɔm 7:11

Ɨsɨna way gɨyəŋ dan̰ gɨyəŋ caga gɨ da te tumɔ bɨ, say narɨn̰ cɨnɨ ƴomɨn̰ te tumɔ ɗe gɨ dan̰ gɨyəŋdo na ɨŋ na wayan̰ tɨma.

Epɛs 4:22

Ɗagɨŋ gɨye-lɔɔdɨgɨŋ ga tumɔ coŋ. Gɨye-lɔɔdɨgɨŋ ga tumɔ le ƴɨmagɨŋ dɨragɨŋ gusɨgɨŋ coŋ, hɨn̰ badɨge ga ɨlgi wo̰. Kɨŋ-gandi le tumɔ tabɨlaŋdi nare cɨn̰ kalaŋ gɨ wanɨn̰ kuduroygɨŋ daa jɨŋ jɨŋ le mondɨgɨŋ.

1 Tesalonigɨ 2:11

Hɨn̰ gɨ kɨŋ ba sol le, hɨnga ga ni ba lee danagɨŋ le, woy na hɨn̰ hɨnga ga karɨn̰aŋ ban̰an̰ge ba lee dan̰ karɨndɨge wo̰.

1 Tesalonigɨ 4:18

Hɨn̰ wo̰ na, dɨbagɨŋ bandɨ kuduroy gusɨgɨŋ duroygɨŋ dan̰ kɔl gɨ nee le.

1 Tesalonigɨ 5:11

Na toy di hɨn̰ wo̰ ma, dɨbagɨŋ bandɨ kuduroygɨŋ duroygɨŋ bɨ, jɨbgɨŋ te gusɨgɨŋ te aye kudurɔ gɨŋ bɨ, hɨn̰ gɨ kɨŋ ba leen̰ ɨni le.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

Əbɨro 13:22

Ay! Karmɨnɨ ga ban̰aŋ dan̰ ga kandɨ, ɨŋ olgɨŋ gɨ kɨŋ ƴa kɔl gɨ ɨŋ ba gɨyɨn̰ bɨgɨŋ kɨya dobɨn̰ bandɨ kuduroygɨŋ le, dan̰ dɨbe-ɗugɔ. Ɨŋ wal kɔl bɨgɨŋ na dḛ wo̰ ƴɔbɨ.

Magtubu di Jag wal 1:14

Waŋ waŋ kalɨn̰ ma, hɨnga ga gɨybii le, na tabɨlaŋ di hɨnga ga ɨsɨni ga woy kuduroyi, ba-orɨn̰ danayi bɨ, ba narii bɨ.