Əbɨro 2:9 - Gabri Maja

⁹ Ama hɨnga ga na sol haw kɛ ba kɛ: Jesu le Kumu jɨgan̰ danayi dugo lee gɨ ka-ƴɔbɛ ga daa nii ɗiige gɨ ni tɨwa lam wo̰ bɨ kardi nee na, Kumu dobii jagɨwa ga ni gusoŋ-tɔgɛ bɨ, hurɔmɔ bɨ cayi, kɨya tɨma di gɨlii-cɨn̰. Na toy di hɨn̰ wo̰ ma, dan̰ gɨyəŋ gɨ da ɗarwa di da Kumu na, Jesu sol tɨma dan̰ tɨdi kol cay kalaŋ nɔm.

Əbɨro 2:9 ပူးပေါင်းရင်းမြစ်များ

Matɨyo 16:28

Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ɨrege kɛ le, kɨya sɔlɛge Kurɨn̰-ungo kɨɗɨn̰ cagadi gɨŋ hɨn̰ kɨlma wo̰ pa dɨm ma kɨya marege ƴee.»

Matɨyo 6:28

«Na kɨya wa ma magɨŋ sol kɨya cay badɨge ga? Ɗagɨŋ cɨndɨgɨŋ dɨŋdɨn̰gɨŋ bɨn̰e hɛɗɨmɛ ga malgɨ duroy yage gɨŋ: Kan laage gɨye naŋ bɨ, cɨngɨɗage badɨge naŋ bɨ.

Marg 9:1

Jesu yege ɗaŋ coŋ hɨn̰: «Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ba ɨrege kɛ le, kɨya sɔlɛge dɔɔ-ƴaa di da Kumu di kɨya ɨrga dan̰ dɔnɔ le pa dɨm ma kɨya marege ƴee.»

Kɔl-gɨ-Ɗari gɨ Lug wal 9:27

Aŋ yəgɨŋ na cɨndi: Kalaŋ ga pɨna duroy kalaŋ ga ba ɨrege kɛ le, ga pɨna kɨya sɔlɛge dɔɔ-ƴaa di da Kumu dan̰ tɨdɨge pa dɨm ma kɨya marege ƴee.»

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 10:17

«Banɨ geyəŋ na kɨya gɨ ɨŋ ay gusɨnɨ dɨbɨ coŋ. Ama kardi nee na, ɨŋ kɨya jɔgɛ ƴɔɔ gusɨnɨ daa ɗaŋ ƴee.

Kɔl-gɨ-Ɗari gɨ Ja̰ wal 12:32

Ama ɨŋ-bandi le, kɨɗɨn̰ ga kan kɨya seŋge daa a cay sɨya-gɨ-dagɨli gɨŋ na, ɨŋ kɨya dɔrɛ kalaŋ nɔm ɨrgan̰ danage gusɨnɨ.»

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 8:51

Jagɨŋ! Aŋ yəgɨŋ daa waŋ na cɨndi, waŋ waŋ gɨ na aya kɔl hɨnge nɔm laan̰ gɨye na, ban kɨya mare naŋ bɨrɨŋ.»

Kɔl-gɨ-Ɗari gɨ Ja̰ wal 8:52

Ɨni na, Jubɨn̰əŋ yeyige hɨn̰: «Haw kɛ na, ni sol gɨ turnɔ di ɨsɨni woy a kuduron̰. Abɨraham ma bɨ, ka-yɔɔ-kɔl-gɨ-Kumu-ba-yɔɔ kalɨn̰ ma mage bɨ, ama ji-bandi ji ye haw kɛ hɨn̰: “Hɨn̰ gɨ ungo na aya kɔl hɨnge laan̰ gɨye na, tɨma na kɨya cɨlii naŋ bɨrɨŋ”.

Gɨye-lɔɔ 2:33

Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.

Gɨye-lɔɔ 3:13

Kumu gɨ da mon̰inagɨŋ le, na Kumu gɨ da Abɨraham bɨ, Isag bɨ, Jagob bɨ, ban dɨbɨ gusoŋ-tɔgɛ cay marɨna ba-gɨye koyi Jesu, ban gɨ kɨŋ ba dobii kobɨ Piladɨ bɨ, kɨŋ kan̰ii tumoy Piladɨ kɨɗɨn̰ ga Piladɨ ba gey ɗoyi daa le.

Magtubu di Pol wal bɨn̰ kalaŋ ga Rɔm 5:18

Na toy di hɨn̰ wo̰ ma, kol cay hɨnga ga dan̰ gɨyəŋdɨge naŋ, ga ungo pɨna hayi nɛŋ Adam lee le, kalaŋ nɔm andaŋge tɨma dɨŋ. Ama kol gɨye-lɔɔ gɨ dan̰ durɔ ɗɨngar gɨ ungo gɨ pɨna hayi nɛŋ gɨ na Kɨris lee le, kalaŋ nɔm kɨya ɓalege bɨle ga dan̰ durɔ ɗɨngar cɨn̰ Kumu bɨ, kɨya ɓalege wɔɔ sɔmɛ-bɨra gɨ dan̰ tumoyi bɨ.

Magtubu di Pol wal bɨn̰ kalaŋ ga Rɔm 5:8

Ama sɨlagɨŋ hɨnga ga Kumu lee gɨlɨn̰ geye koyi gɨ gumu kol cayna: Na kɨɗɨn̰ ga na-gandi na baa ka-lɔɔ ɨsɨna ƴee ma Kɨris ma kol cayna.

Magtubu di Pol wal bɨn̰ kalaŋ ga Rɔm 8:3

Hɨnga ga nee le gasɨn̰-kɔl gɨ da Moyis ɓala lɔɔ naŋ bɨrɨŋ, kɨya wa gabaŋ gɨ da kuyoŋdi-gusu gɨ da ungo lee gɨ gasɨn̰-kɔl gɨ da Moyis togi say unɔ. Ama Kumu lee hɨnga ga gasɨn̰-kɔl gɨ da Moyis ɓala lɔɔ naŋ. Ban gɨygɨ dan̰ Kurondi koyi ɨrga a cay gɨsəŋ gaŋ, dan̰ kuyoŋdi-gusu gɨ woy gɨlɨn̰ dan̰ gɨ da kalaŋ ga ɨndəŋ ga ka-lɔɔ ɨsɨna wo̰, kɨya dorɨn̰ kalaŋ te ɨsɨna gɨŋ coŋ. Na dan̰ gɨyəŋ gɨ nee le ma, Kumu bon̰ kɔl a cay ɨsɨna gɨ lee gɨye a kuduroy kalaŋ ga ɨndəŋ.

Magtubu di Pol wal bɨn̰ kalaŋ ga Rɔm 8:32

Kurondi gɨ ni kuduroyi kalɨn̰ ma, Kumu gamayi a gusi naŋ, ama ban dobii a kobɨ tɨma dɨŋ kol cayna na-gandi nɔm. Kɛ ban gɨ bɨna Kurondi le, kɨya bɨna hɨnga nɔm pɨna dan̰ Kurondi naŋ ga?

2 Korɛ̰t 5:15

Ban ma na kɨya cay kalaŋ nɔm ɗe kan ga somge-bɨra le na sɨmage-bɨra na kol cayge ke naŋ, ama na kol cay ban gɨ ma ma boy lɨbɨ kol cayge le.

2 Korɛ̰t 5:21

Tumɔ le Kɨris ɨran̰ dan̰ ɨsɨna cayi naŋ, ama Kumu bɨli leen̰ ba-lɔɔ ɨsɨna. Ɗe gɨ dan̰ gɨyəŋ gɨ da Kɨris na, na na bɨlɨn̰ kalaŋ ga dan̰ durɔ ɗɨngar cɨn̰ Kumu kol cay gɨye-lɔɔdi gɨ nee le.

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

1 Timote 2:6

Ban ay gusi bee kɨya bon̰ cay kalaŋ nɔm. Kɨɗɨn̰ ga tɨwadi ɓal na, Ban lee tɨmon̰ toyi di nee le. Gɨlɨn̰ gɨ Kumu na gey pɔɗɛ gɨ da kalaŋ nɔm.

Əbɨro 1:9

Ji gey gɨye-lɔɔ gɨ dan̰ durɔ ɗɨngar bɨ, Ji jɨbɨ gɨye-lɔɔ gɨ ɨsɨni sɛdɨ coŋ bɨ, Na toy di hɨn̰ wo̰ ma, ay Kumu, Kumu kon̰ dorɨn̰ sɨn̰ dan̰ cɨndɨn̰, N̰ɨgɨn̰ sɔŋ gɨ ni gusi-mɔwa can̰ bɨ, Sɨn̰ jam cɨndi gaŋ a duroy ka-pogɨn̰ɨn̰ bɨ.»

Əbɨro 10:5

Na toy di hɨn̰ wo̰ ma, kɨɗɨn̰ ga Kɨris ɨre ɨrga cay gɨsəŋ gaŋ na, ban yen̰ Kumu hɨn̰: «Ji-bandi ji gey hɨnga ga ni bogɨn̰ kɨbar naŋ bɨ, Hɨnga ga ni aye be naŋ bɨ, Ama ji-bandi ji lee kuyonɨ bəŋ.

Əbɨro 11:5

Na dan̰ gɨyəŋ gɨ da aye kudurɔ ma Kumu, ay Inɔg dan̰ cɨndi, lee gɨ ban sɨla tɨma naŋ. Kalaŋ wayayige naŋ kɨya wa Kumu ayi. Magtubu di da Kumu ye daa waŋ gɨ tumɔ pa dɨm ma gɨ kan ba kɨya ayi ƴee na, ban naa ungo gɨ ƴee cɨn̰ Kumu.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 2:7

Ji jɨgan̰ danayi dugo lee gɨ ka-ƴɔbɛ ga daa, Ɗiige dan̰ dɔnɔ dḛ. Ji dobii jagɨwa ga ni gusoŋ-tɔgɛ bɨ, Jagɨwa ga ni hurɔmɔ cayi bɨ.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

Əbɨro 8:3

Mangɨl gɨ da ka-cay ka-bɔgɛ kɨbar gɨ ani ani le, ɗeyge ɗe ban na bɨn̰ Kumu hɨnga ga ni bee bɨ, nare gɨ ni dɨɗe bogɨn̰ kɨbar bɨ. Na toy di hɨn̰ wo̰ ma, ojɨ gɨ Kɨris kalɨn̰ ma, na ɨran̰ dan̰ hɨnga ga ni bee bɨ.

1 Pɨyɛr 1:21

Dan̰ gɨyəŋ gɨ da Kɨris le, kɨŋ bee kuduroygɨŋ a cay Kumu gɨ boyii lɨbii kardi kalaŋ ga madɨrdaŋ gaŋ, ayi duroy gusoŋ-tɔgɛ koyi gɨŋ bɨ, lee gɨ aye kudurɔ kogɨŋ bɨ, ɨrɨmedɨgɨŋ gɨ kɨŋ bee cayi bɨ, woy na cay Kumu.

1 Ja̰ 2:2

Na ban ba-aye gusi bɨn̰ tɨma leen̰ hɨnga ga ni bogɨn̰ kɨbar, ɗe Kumu na ɗen̰ kuduroyi jal a cay ɨsɨna konagɨŋ gɨŋ. Gusi gɨ ban ay bɨn̰ tɨma le, na kol ɨsɨna konagɨŋ ƴɔbɨ naŋ. Ama na kɨya cay ɨsɨna gɨ da kalaŋ nɔm ga a cay gɨsəŋ gaŋ.

Wasɨn̰a 19:12

Cɨndi ƴeede tɨwa na hɨn̰ kɨlɛn̰ tɨwa wo̰ bɨ, orɨn̰ dan̰ jagɨwa-tɨrɨmbala ga dḛ dḛ dan̰ kondige a cayi bɨ. Walge gusoŋ gɨ ungo pɨna wo̰ kalɨn̰ ma sɨla duroyi naŋ a cayi. Gusoŋ gɨ nee le, na ban kan̰di hayi ba sɔlɛ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,