Əbɨro 2:3 - Gabri Maja

³ Pɔɗɛ gɨ gumu gɨ nee le, hɨn̰ gɨ na na sɨla laan̰ hɨnga naŋ na, kɛ kɔl gɨ ƴɔmɛ cayna naŋ na mɨna ga? Pɔɗɛ gɨ gumu gɨ nee le, Ba-gulɔŋ ban gusi koyi ay te tɔgɛ bɛrnɛdi tumɔ pa dɨm ma, kan ga jege koldi dan̰ sɨmayge yenige, lee gɨ or kɨɗɨn̰di gaŋ.

Əbɨro 2:3 ပူးပေါင်းရင်းမြစ်များ

Matɨyo 23:33

Kɨŋ na kumbulo, te wɔɔ gɨ da karɨn̰-kari! Tɨwa di ni gehɛn na hɨnga ga ni gɨle-cɨn̰ ga kɨya loogɨŋ, kɨya cay ɨsɨna kogɨŋ le. Kɨŋ kɨya ɓale mɨn̰e na mɨna ga?

Matɨyo 4:17

Ayɨn̰ toy wɔlɛdi gɨ nee gɨŋ le, Jesu ay te tɔgɛ bɛrnɛ ye hɨn̰: «Bɨlgɨŋ gɨye-lɔɔdɨgɨŋ kɨya wa dɔɔ-ƴaa di daa bugoŋ gusɨgɨŋ mɨnde ɨni.»

Marg 1:14

Kardi nee kɨɗɨn̰ ga ƴomge Ja̰ dangay dɨŋ coŋ ɨni na, Jesu or a cay gɨsəŋ ga Galile gaŋ. Ban tee bɛrnɛ di da Kɔl-gɨ-Ɗari gɨ da Kumu ye hɨn̰:

Kɔl-gɨ-Ɗari gɨ Lug wal 1:2

Kan walge na dan̰ gɨyəŋdɨge gɨyəŋdɨge, hɨn̰ gɨ kan ga ba solge dan̰ cɨndɨge a toy dɨŋ bɨ, ba dorge koldi bɨge le bɨ. Kan ga ba solge dan̰ cɨndɨge le, bɨləŋge labɨde na ka-tɔgɛ bɛrnɛ ga da Kumu.

Kɔl-gɨ-Ɗari gɨ Lug wal 1:69

Ban andɨn̰ dan̰ ba-pɔɗɛ kalaŋ pɨna gɨ orɨn̰ dan̰ dɔnɔ bɨna. Ban andɨn̰ danayi na duroy te wɨn̰je gɨ da Dabid gɨŋ.

Kɔl-gɨ-Ɗari gɨ Lug wal 24:19

Jesu dɨbɨge cay nee yege hɨn̰: «Na wa ba lɔɔ hɨnga ga?» Kan jɨga dɨbiige cay nee yeyge hɨn̰: «Na hɨnga ga andaŋ a cay Jesu gɨ Najarɛt! Ban na ba-yɔɔ-kɔl-gɨ-Kumu-ba-yɔɔ. Kumu dan̰ kalaŋ nɔm solge hɨn̰ gɨ ban na lee gɨye bɨ, ye kɔl bɨ, dan̰ dɔnɔ.

Kɔl-gɨ-Ɗari gɨ Ja̰ wal 15:27

Kardi nee na, na kɨŋ-gandi ba kɨya lɔɔ tɨmon̰ tɨnge bɨn̰ kalaŋ ga ɗaŋ, kɨya wa kɨŋ ay te gɨye danaŋ bɨrɨŋ gɨsɨn̰ labɨde.»

Gɨye-lɔɔ 1:22

Ayɨn̰ toy a cay batɛm da Ja̰ dɨŋ, bɨrɨŋ gɨsɨn̰ wɔlɛ gɨ Kumu ba ayi duroy nagɨŋ orɨn̰ danayi daa nii le. Ungo gɨ na ba kɨya dorii le, kɨya bɨle tɨmon̰ di da bɔyɛ lɨbe gɨ da Jesu danana.»

Gɨye-lɔɔ 2:22

«Kalaŋ ga Ɨsɨrayɛl jagɨŋ kɔl hɨnge: Kɨŋ nɔm kɨŋ sol hɨn̰ gɨ Jesu gɨ Najarɛt le, Kumu gɨlgɨŋ gɨ ɗi na gey kɔl koyi. Kɨya wa ban ayi leen̰ hɨnga ga ni beli bɨ, hɨnga ga ɗɨn̰ cɨn̰-kɨɗɨn̰ bɨ, hɨnga ga ni gɨle bɨ, a duroy gɨŋ.

Gɨye-lɔɔ 4:12

Ungo gɨ ɗaŋ gɨ ani ani gɨ pɔɗɛ kɨya sɔ gusi unɔ. Hɨn̰ gɨ kɨŋ na ɨra na ani ani a gɨɗɨgɨ-Kumu gɨŋ, wala a cay gɨsəŋ gaŋ, duroy kalaŋ kalɨn̰ ma, kɨŋ kɨya jɔɔ guson̰ ungo gɨ ɗaŋ gɨ kɨŋ kɨya aye poɗɨn̰ gusɨgɨŋ naŋ.»

Magtubu di Pol wal bɨn̰ kalaŋ ga Rɔm 11:14

Bɨ ɨŋ lee gɨye gɨ nee le ɨrɨmɨn̰ gɨ karmɨnɨ ga ni kɨbarnɨ ga na Jubɨ na laan̰ge jangɨ koldi, aŋ na poɗɨn̰ kan ga pɨna duroyge.

Magtubu di Pol wal bɨn̰ kalaŋ ga Rɔm 2:3

Ja, ji gɨ ba bɔyɛ kɔl a cay kalaŋ ga nee le bɨ, ji woy te lɔɔ hɨnga na hɨn̰ kan wo̰ bɨ le, kɛ ji ɨrɨm gɨ ji na kɨya dɔgɛ andaŋ a kɨbɨ bɔyɛ kɔl gɨ da Kumu gɨŋ ga?

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Tesalonigɨ 5:3

Kɨɗɨn̰ ga kalaŋ kɨya sɔmɛge yɔɔge hɨn̰: «Gusi-dɔbɛ woy bɨ, kɔl unɔ bɨ», ɨni na kɨɗɨn̰di ga nee gaŋ le bɨ mundoŋ kɨya andaŋ dus cayge gɨlɨn̰a na hɨn̰ wɔɔ gɨ ay te lɔɔ tama wo̰. Lɔɔ gɨ kan kɨya ɓale andaŋ kɨbɨ nee naŋ.

1 Timote 1:15

Kɔl gɨ kɛ le, na kɔl gɨ cɨndi gɨ ojɨ gɨ ungo na bɨga kuduroy cay nee bɨ, na kɔl gɨ ɓal gɨ kalaŋ nɔm na ƴage mɨlaŋ bɨ: Jesu-Kɨris ɨrga a cay gɨsəŋ gaŋ na kɨya pɔɗɛ ka-lɔɔ ɨsɨna. Ama ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm.

Titɨ 2:11

Na cɨndi, Kumu gɨl ɗarwa toyi, di dan̰ gɨyəŋdo di ban ɓal poɗɨn̰ kalaŋ nɔm.

Əbɨro 1:1

A boy ɨlge ga jɨne jɨne gaŋ, Kumu yen̰ mon̰ina kɔl dan̰ gɨyəŋ gɨ da ka-yɔɔ-kɔl-gɨ-Kumu-ba-yɔɔ tɨbaa kondɨ bɨ, dan̰ gɨyəŋ gɨ toyge kan̰dɨge kan̰dɨge bɨ.

Əbɨro 1:14

Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Əbɨro 1:2

Ama a wɔlɛdi gɨ haw kɛ gɨ kardi nee gɛs na, Kumu yena kɔl na dan̰ gɨyəŋ gɨ da Kurondi gɨ ban dorii si ba-gulɔŋ hɨnga nɔm bɨ. Na danayi ban ɗaŋ coŋ ma, Kumu sɨn̰ gɨɗɨgɨ-Kumu dan̰ cay gɨsəŋ dan̰ hɨnga nɔm ga boy nee bɨ.

Əbɨro 12:25

Hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ. Kɨŋ ɗɔɔ ba kan̰e jɔɔ kɔl gɨ da ban gɨ ba-yɔɔ kɔl danagɨŋ le naŋ. Kɨya wa Moyis sogɨ sɨmay karɨn̰ Ɨsɨrayɛl a cay gɨsəŋ gɨŋ kɛ, ama kan ga kan̰ge jɔɔ kɔl koyi le wayge hale. Koni ni-gandi na Kumu som na gɨɗɨgɨ-Kumu gɨŋ yen̰ kɔl danani. Hɨn̰ gɨ ni na bɨl kardɨni bii na, kɛ ni kɨya wɔɔ wɨdɨlde gɨ ɗɨn̰ a wɔlɛdi gɨ nee gɨŋ le naŋ ga?

Əbɨro 4:1

Kumu yenagɨŋ gɨ ɗi na kɨya bɨna hɨnga ga ban yena koldɨge: Na kɨya andaŋ kɨɗɨn̰ dɔrɛ gɨlale kayi gaŋ bɨ, hɨnga ga ban kɨya bɨna ga nee le, woy ban̰dɨge gaŋ jaŋ ƴee. Na toy di hɨn̰ wo̰ ma, kuɗa gɨ na ɗe cɨn̰-muɗɔlɛ cay gusɨnagɨŋ, ɗe ungo pɨna wo̰ duroygɨŋ dɔgɛ andaŋ a te gɨyəŋ gɨ ni andɨn̰ kɨɗɨn̰ dɔrɛ gɨlale gaŋ le coŋ naŋ.

Əbɨro 4:11

Naa hɨn̰ wo̰ na, kuɗa gɨ ana ongulgɨŋ gusɨnagɨŋ daa andɨn̰ a kɨɗɨn̰ dɔrɛ gɨlale ga nee gaŋ le. Laanagɨŋ ɗe gɨ ungo pɨna duroyna kayaŋ kɨya cay lɔɔ te tumɔ naŋ, hɨn̰ gɨ da mon̰iinagɨŋ wo̰ naŋ.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

1 Ja̰ 1:1

Ni wal magtubu bɨgɨŋ ojɨn̰ na cay ban gɨ ba-bee sɔmɛ-bɨra le. Ban som nee tumɔ ɓɨrag, pa dɨm ma Kumu ɗen̰ hɨnga nɔm ƴee. Ni-gandi, ni je kɔl gɨ ban ye bɨ, ni solii dan̰ cɨndɨni bɨ, ni ɗe cɨndɨni cayi kuɗa bɨ, ni ɨsɨbii dan̰ kobɨni bɨ.

Magtubu di Jud wal 1:17

Ay karmɨnɨ ga ɨŋ lee-toygɨŋ, hɨngɨŋ a cay kɔl gɨ ka-gɨre-gɨye ga da ba-gulondɨna Jesu-Kɨris yege tumɔ.

Wasɨn̰a 7:10

Kan nɔm wɨlalge dan̰ tumoyge di daa yen̰ge hɨn̰: «Pɔɗɛ sayga na gusi Kumu konagɨŋ, Gɨ som a cay kali-tɨrɨmbala dɨŋ bɨ, Gusi Kurɨn̰-dɨmangɨ bɨ.»