Əbɨro 2:11 - Gabri Maja

¹¹ Jesu ba dorɨn̰ kalaŋ mɨra te ɨsɨna koge gɨŋ bɨ, kan ga ban dorge mɨra te ɨsɨna koge gɨŋ bɨ le, kan nɔm toge dɨŋ bayge na pɨna. Na toy di hɨn̰ wo̰ ma, dasi dayi di ni togɨge karmii ga ban̰aŋ dan̰ ga kandɨ naŋ.

Əbɨro 2:11 ပူးပေါင်းရင်းမြစ်များ

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Matɨyo 28:10

Ɨni na, Jesu yege hɨn̰: «Hundɔrɔgɨŋ naŋ. Ɨragɨŋ yon̰ karmɨnɨ gɨ kan na ɨra a cay gɨsəŋ ga Galile gaŋ: Na a nee ma kan kɨya sɔlɔŋge.»

Marg 3:34

Ɨni na, ban kobɨ kan ga somge kɨwayi ga nɨwriige daa le dan̰ tɨdi bɨ yege hɨn̰: «Na kan ga kɛ le ma na ƴonɨ bɨ, karmɨnɨ bɨ.

Marg 8:38

Hɨn̰ gɨ ungo na da dasi kol canɨ kɨɗɨn̰ ga kan na tɨga gusonɨ bɨ, kɨɗɨn̰ ga kan na dɨra kɔl hɨnge duroy te kalaŋ ga a boy ɨlge gɨ na ba somɨn̰ nee gɨŋ kɛ, ga na ka-yɔyɛ kandɨ wala ban̰aŋ da kamdɨge bɨ, ka-lɔɔ ɨsɨna bɨ na, ɨŋ-bandi Kurɨn̰-ungo le kalɨn̰ ma ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a di da Banɨ bɨ, dan̰ ka-ƴɔbɛ ga daa nii ga woyge dan̰ cɨndɨge bɨ.»

Kɔl-gɨ-Ɗari gɨ Lug wal 9:26

Hɨn̰ gɨ ungo na daa dasi, kɨɗɨn̰ ga kan na tɨga gusoŋnɨ bɨ kɨɗɨn̰ ga kan na dɨra kɔl hɨnge bɨ na, ɨŋ-bandi Kurɨn̰-ungo le, ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a tɨnge bɨ, dan̰ asɨn̰a da Banɨ bɨ, dan̰ asɨn̰a da ka-ƴɔbɛ ga daa nii ga woyge dan̰ cɨndɨge bɨ.

Kɔl-gɨ-Ɗari gɨ Ja̰ wal 17:19

Ɨŋ ay gusɨnɨ hɨnge ɨŋ-bandi si dan̰ cɨndi kɔl cayge, ɗe gɨ kan kalɨn̰ ma na wɨyage dan̰ cɨndɨge dan̰ gɨyəŋ gɨ da kɔl gɨ cɨndi bɨ.»

Kɔl-gɨ-Ɗari gɨ Ja̰ wal 17:21

Ɗe kan nɔm bugoŋge pɨna. Hɨn̰ gɨ ji-bandi Banɨ, ji ba woy kuduronɨ bɨ, ɨŋ ba woy kuduron̰ bɨ le. Ɗe kan kalɨn̰ ma woyge kuduroyna bɨ. Ɗe kalaŋ ga cay gɨsəŋ gaŋ been̰ge kuduroyge cay kɔl gɨ nee le, gɨ ji naa ba gɨyigəŋ.

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Gɨye-lɔɔ 17:26

«Na dan̰ gɨyəŋ gɨ da ungo gɨ pɨna hayi kəɗ kəɗ ma ban ɗen̰ te wɔɔ gɨ da kalaŋ nɔm ga somge a cay gɨsəŋ gaŋ bɨ. Ban ojɨ wɔlɛ gɨ hɨnga nɔm kɨya loon̰ gusɨge bɨ, gɨsɨ cay kɨɗɛlɛ gɨ kan kɨya somɨn̰ nee bɨ.

Gɨye-lɔɔ 17:28

«Na cɨndi, kɨya gɨ na kol cay ma mana somɨn̰gɨŋ-bɨra bɨ, mana leen̰ gɨŋ gusɨna gɨŋ daa bɨ, mana somɨn̰ gɨŋ ban̰ nee bɨ, hɨn̰ gɨ ka-kɨbe kɨra kagɨŋ ga pɨna wo̰ ba yege tumɔ hɨn̰: “Ni-gandi kalɨn̰ ma, ni na kongɨn̰ii bɨ.”»

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

Əbɨro 10:10

Jesu-Kɨris lee hɨnga ga kuduroy Kumu gey ɗəndəŋ. Kuyoŋdi-gusi gɨ ban ay been̰ kɨbar cay pɨna ɗɔɔ dan̰ cɨndi le, dorna mɨra te ɨsɨna gɨŋ.

Əbɨro 10:14

Na toy di hɨn̰ wo̰ ma, kɨɗɨn̰ ga Jesu ba ay gusi been̰ kɨbar cay pɨna ɗɔɔ ƴɔbɨ le, ban lee gɨ kan ga ban dorge mɨra te ɨsɨna gɨŋ le, bɨləŋge kalaŋ ga kuɗa duroŋ cɨrɛɗ dan̰ cɨndɨge.

Əbɨro 11:16

Leen̰ cɨndi na, kan geyge na cay gɨsəŋ ga kuɗa ɗɨn̰ kan ga kan ba say ɗe coŋ orɨn̰ge a gɨɗɨgɨ-Kumu gɨŋ. Na toy di hɨn̰ wo̰ ma, hɨn̰ gɨ kan na tɨga Kumu naa Kumu koge na, Kumu dasi dayi naŋ. Kɨya wa ban ƴom cay tɨbay cay ƴaa-di-gumu kol cayge.

Əbɨro 13:12

Na toy di hɨn̰ wo̰ ma, Jesu kalɨn̰ ma way cɨn̰-gɨle-cɨn̰, a kardi cay ƴaa-di-gumu dɨŋ doŋ, kɨya dorɨn̰ te kalaŋ sige dan̰ cɨndɨge dan̰ kɨbardi gɨ bugoŋ dugo le.

Əbɨro 2:14

Hɨn̰ gɨ karɨn̰aŋ na ɨran̰ge dan̰ kuyoŋdi-gusɨge bɨ, dan̰ kɨbar bɨ na, Jesu kalɨn̰ ma bɨle woy na hɨn̰ kan wo̰ bɨ. Lee gɨ ban orɨn̰ dan̰ kuyoŋdi-gusi hɨn̰ koge wo̰ bɨ. Ban lee hɨn̰ wo̰ na ɗe gɨ ay na mondɨn̰ dɔnɔ di da Haban̰ dan̰ gɨyəŋ gɨ da tɨmaydi. Haban̰ le na hɨndi di orɨn̰ dan̰ dɔnɔ di da tɨma kɔbɔ le.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.