Əbɨro 2:10 - Gabri Maja

¹⁰ Leen̰ cɨndi, Kumu gɨ ba se hɨnga nɔm bɨ, gɨ hɨnga nɔm woy ojɨ cayi bɨ le, gey orɨn̰ dan̰ karɨn̰ Kumu dan̰ kondige boy gusoŋ-tɔgɛ koyi gɨŋ. Kɨya cay hɨnga ga nee le, ban̰ Kumu gɨ ban na laa ɗe ban gɨ ba haŋge gɨyəŋ gɨ da pɔɗɛ le, na duroŋ cɨrɛɗ jɨn̰ daa dan̰ gɨyəŋ gɨ da n̰age toyi.

Əbɨro 2:10 ပူးပေါင်းရင်းမြစ်များ

Kɔl-gɨ-Ɗari gɨ Lug wal 13:32

Ban dɨbɨge nee yege hɨn̰: «Ɨragɨŋ yan̰ gɨjaŋ gɨ ba jɨba gɨ kɛ le: “Sɨla! Labɨde bɨ, wan̰do bɨ, ɨŋ kɨya tɔɔ turnɔ ga ɨsɨndəŋ bɨ, pɔɗɛ ka-hɔmɨn̰ɛ bɨ, na ɗaŋdo ma maŋ kɨya dɨɗe kɨbɨ gɨye hɨnge ƴee.

Kɔl-gɨ-Ɗari gɨ Lug wal 2:14

«Gusoŋ-tɔgɛ na gɨ da Kumu gɨ a daa nii gɨɗɨgɨ-Kumu gɨŋ bɨ, gusi-dɔbɛ woy kɨya cay kalaŋ ga Kumu geyge tɔgɨ a cay gɨsəŋ gaŋ kɛ bɨ!»

Kɔl-gɨ-Ɗari gɨ Lug wal 24:26

Kɨŋ sɨla hɨn̰ gɨ naa wa wa kalɨn̰ ma, Kɨris ban gɨ Kumu dorii le kɨya gɨle-cɨn̰ pa dɨm ma ban kɨya andɨn̰ a duroy gusoŋ-tɔgɛ gɨŋ naŋ ga?»

Kɔl-gɨ-Ɗari gɨ Lug wal 24:46

Ban yege hɨn̰: «Sɨlagɨŋ! Kan walge a duroy magtubu dɨŋ yege hɨn̰: Naa wa wa kalɨn̰ ma, Kɨris ban gɨ Kumu dorii le, kɨya wɔɔ cɨn̰-gɨle-cɨn̰ bɨ, wɔlɛ sɨbɨdi gɨŋ na, ban kɨya bɔyɛ lɨbe a duroy kalaŋ ga madɨrdaŋ gaŋ bɨ.

Kɔl-gɨ-Ɗari gɨ Ja̰ wal 11:52

Bɨ na kɨya cay ɗarwa di da te wɔɔ gɨ da kalaŋ ga na Jubɨn̰əŋ dan̰ kan̰dɨge naŋ. Ama na kɨya cay ɗarwa di da karɨn̰ Kumu ga sugudoŋge, ɗe na dayaŋge daa bɨləŋge kuyoŋ-gusu gɨ pɨna.

Kɔl-gɨ-Ɗari gɨ Ja̰ wal 19:30

Kɨɗɨn̰ ga Jesu ƴɨbe cɛrɛ gɨ dasi le sol ɨni na, ban ye hɨn̰: «Te hɨnga nɔm ayaŋ coŋ ɨni.» Ɨni na, ban de cayi dugo bɨ, hɨmbɨ.

Gɨye-lɔɔ 3:15

Kɨŋ dɨɗii ban gɨ ba ɗɔɔ te habe gɨ ni somɨn̰-bɨra, ama Kumu boyi lɨbii duroy kalaŋ ga madɨrdaŋ gaŋ lee gɨ ni na tɨmon̰ kayi.

Gɨye-lɔɔ 5:31

Na ban ma Kumu ayi si a cay kobi gɨ bara gɨŋ hɨn̰ kɨlma wo̰ bɨ, ba-pɔɗɛ kalaŋ bɨ, ɗe gɨ te wɨn̰je gɨ da Ɨsɨrayɛln̰əŋ na wan̰ge gɨyəŋ gɨ ni bɨlin̰ gɨye-lɔɔdɨge, ɗe Kumu na ɗen̰ kuduroyi jal a cay ɨsɨna koge bɨ.»

Magtubu di Pol wal bɨn̰ kalaŋ ga Rɔm 11:36

Ho’o, hɨnga nɔm sayga na gusi Kumu bɨ, woy haw kɛ na dan̰ gɨyəŋ koyi bɨ, kol cayi bɨ. Kuɗa gɨ gusoŋ-tɔgɛ wɨya kol cayi dan̰ tumoyi! Ɗa-ɗe-woy-hɨn̰-wo̰!

Magtubu di Pol wal bɨn̰ kalaŋ ga Rɔm 9:23

Kumu gey gɨle kandi-wɔɔ ga da gusoŋ-tɔgɛ koyi gɨ lee hundɔrɔ a gusi kan ga ban sol cɨn̰-n̰age toge, ga ban ƴom cay tɨbayige na jɨne hayi ɗe kan na andɨn̰ge a boy gusoŋ-tɔgɛ koyi gɨŋ le.

1 Korɛ̰t 2:7

Ni gɨlɨn̰ kalaŋ na cɨn̰-muɗɔlɛ da Kumu di woy a kɨɗɨn̰ ga ungo wasɨn̰a cayge naŋ ga wosi, gɨ Kumu a boy ɨlge ga tumɔ gaŋ, ƴom cay tɨbayge tumɔ hayi kɨya gusoŋ-tɔgɛ tona.

1 Korɛ̰t 8:6

Ama ojɨn̰ cayna na-gandi na, Kumu na pɨna hayi kəɗ kəɗ. Ban na Bayna gɨ hɨnga nɔm sayga gusii bɨ, na kɨya ɔrɛ na gusii bɨ. Ba-gulɔŋ na pɨna hayi kəɗ kəɗ ƴɔbɨ, na Jesu-Kɨris gɨ hɨnga nɔm woy na kol cayi bɨ, na som na kol cayi bɨ.

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

2 Korɛ̰t 4:17

Dɔsɛ-ɗugɔ di ni ba wayoo haw kɛ le hɨmbal bɨ, kardo kɨya sɨngɨɗɨwa naŋ bɨ. Ama dɔsɛ-ɗugɔ di nee le n̰an na, na kɨya cay gusoŋ-tɔgɛ gɨ ɗɨn̰ cɨn̰-kɨɗɨn̰ gɨ toy kɨya ayaŋ naŋ.

2 Korɛ̰t 5:18

Hɨnga ga nee le nɔm sayga na gusi Kumu gɨ ba bogɨna pɨna danayi dan̰ gɨyəŋ gɨ da Kɨris bɨ, gɨ ba bogɨna gɨye bɔgɛ kalaŋ pɨna danayi, kobɨna bɨ.

2 Korɛ̰t 6:18

«Ɨŋ kɨya bɨle baygɨŋ bɨ, kɨŋ-gandi kalɨn̰ ma kɨŋ kɨya bɨle karɨnɨ ga ban̰aŋ dan̰ kandɨ bɨ. Ba-gulɔŋ gɨ dɔnɔdi ɗɨn̰ dɔnɔ nɔm ba yɔ hɨn̰ wo̰.»

Galad 3:26

Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

Epɛs 2:7

Ɗarwa di ban lee danana te bugoŋ pɨna dan̰ Jesu-Kɨris le, ban mal na gɨle kuduroy-ɗarwa toy di ɗɨn̰ cɨn̰-kɨɗɨn̰ a boy ɨlgen̰əŋ ga ba kɨya ɨrga le.

Epɛs 3:10

Ɗe ka-dɔɔ cay ƴaa bɨ, dɔnɔn̰əŋ ga woyge gɨɗɨgɨ-Kumu gɨŋ bɨ le, solɨn̰ge cɨn̰-muɗɔlɛ di tɔɔ kan̰do kan̰do di da Kumu haw kɛ dan̰ gɨyəŋ gɨ da Ka-Daye.

Kɔlɔs 3:4

Kɨɗɨn̰ ga Kɨris gɨ na sɔmɛ-bɨra kona na andaŋ na, kɨŋ-gandi kalɨn̰ ma kɨŋ kɨya andaŋ danayi pɨna duroy gusoŋ-tɔgɛ koyi gɨŋ bɨ.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 6:20

Ho’o, na kɨɗɨn̰ ga nee gaŋ le ma Jesu or tumoyna andaŋ a duroy ƴaa di da Kumu di woy a gɨɗɨgɨ-Kumu gɨŋ kɨya cayna. Kɨya gɨ ban bɨle mangɨl gɨ da ka-cay ka-bɔgɛ kɨbar dan̰ tumoyi hɨn̰ gɨ da Mɛlgisedɛg wo̰.

Əbɨro 7:26

Jesu le, na mangɨl gɨ da ka-cay ka-bɔgɛ kɨbar gɨ na or n̰agedi. Ban na ungo gɨ woy dan̰ cɨndi bɨ, dan̰ naji toyi bɨ, ɨsɨna pɨna wo̰ cilii naŋ bɨ. Ban gɨlɨn̰ dan̰ ka-lɔɔ ɨsɨna naŋ bɨ, Kumu ayi orɨn̰ danayi gɨɗɨgɨ-Kumu gɨŋ daa nii bɨ.

Əbɨro 7:28

Gasɨn̰-kɔl gɨ da Moyis si kalaŋ mangɨln̰əŋ ga da ka-cay ka-bɔgɛ kɨbar, ama kan kuɗudaŋge duroŋ cɨrɛɗ naŋ. Ama ɓɨse gɨ Kumu ɓɨsɨ gusi ayɨn̰ te tumoyi le ɨrga na kardi gasɨn̰-kɔl. Kɔl gɨ Kumu ɓɨsɨn̰ gusi gɨ nee le, dor Kurɨn̰ Kumu sii mangɨl gɨ da ka-cay ka-bɔgɛ kɨbar gɨ kuɗa duroŋ cɨrɛɗ dan̰ tumoyi.

1 Pɨyɛr 1:12

Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

Wasɨn̰a 4:11

«Ay Ba-gulɔŋ Kumu koni, Ji ɓal gɨ kan kɨya dɨbɨn̰ gusoŋ-tɔgɛ can̰ bɨ, Dɨbɨn̰ hurɔmɔ can̰ bɨ, ɓal wɔɔ dɔnɔ bɨ, Kɨya wa na ji-bandi ba se hɨnga nɔm. Na dan̰ kuduroy geye kon̰ ƴɔbɨ ma Hɨnga nɔm lee gusɨge bɨ woy bɨ.»

Wasɨn̰a 7:9

Kardi hɨnga nɔm ga nee le, ɨŋ sol dɨmdɨrdi kalaŋ dan̰ kondige ga ungo ɓala ɗɔngɨsɛ naŋ. Kan na kalaŋ ga a te kalaŋ ga ani ani bɨ, te wɨn̰je gɨ ani ani bɨ, te labar gɨ ani ani bɨ, te kɨbɨ wɔɔ gɨ ani ani bɨ. Kan ɨrege dan̰ tɨbayge daa tumoy kali-tɨrɨmbala bɨ, tumoy Kurɨn̰-dɨmangɨ bɨ. Kan tobɨge badɨge ga sɨngɨɗɨdəŋ ga bɛrɛ gusɨge bɨ ƴomge kabɨn̰ mɨlɨn̰ kobɨge bɨ.