Əbɨro 13:9 - Gabri Maja

⁹ Kɨŋ ɗɔɔ gɨ hɨnga ga ni gɨle ga hɨrɨwa ga caga ga toyge kan̰dɨge kan̰dɨge lɔɔgɨŋ gɨ kɨŋ gɨ kayaŋ naŋ. Kuɗa gɨ ɗe kuduroy ungo waa tɔgɨ na a te ɗarwa di da Kumu dɨŋ ƴɔbɨ. Ama na te dɔɔn̰əŋ gaŋ naŋ. Kalaŋ ga ka-kɔbɛ hɨnga ga ni gɨle ga nee le waage hɨnga pɨna toy nee naŋ.

Əbɨro 13:9 ပူးပေါင်းရင်းမြစ်များ

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Matɨyo 24:4

Jesu say dɨbɨge cay nee yege hɨn̰: «Ɗagɨŋ muɗɔlɛ cay gusɨgɨŋ gɨŋ. Ɗɔɔgɨŋ ungo nargɨŋ bogɨgɨŋ kayaŋ naŋ ɨni.

Kɔl-gɨ-Ɗari gɨ Lug wal 5:38

Ama cɛrɛ di suru gɨ jali le kan beege na boy idili gɨ hɨrɨwa gɨŋ.

Gɨye-lɔɔ 20:30

Bɨ duroygɨŋ kɨŋ-gandi gusɨgɨŋ kogɨŋ gaŋ kalɨn̰ ma, kalaŋ ga pɨna kɨya sɔ gɨ ni dɔrɛ kɔl poy gɨ ni dorɨn̰ ka-aye-cay-tɨbay Jesu bogɨge kardɨge bɨ.

Gɨye-lɔɔ 20:32

Haw kɛ na, ɨŋ ɗegɨŋ na kobɨ Kumu bɨ, kobɨ kɔl gɨ da ɗarwa toyi bɨ, gɨ ɨŋ ba yəgɨŋ koldi le. Kɨya wa kɔl gɨ nee le, orɨn̰ dan̰ dɔnɔ di kɨya lɔɔ gɨ kɨŋ kɨya malge te aye kudurɔ kogɨŋ gɨŋ bɨ, wan̰ hɨnga ga ni ban̰di gulɔŋ ga Kumu kɨya bɨn̰ kalaŋ kayi ga ban torge sige dan̰ cɨndɨge le.

Magtubu di Pol wal bɨn̰ kalaŋ ga Rɔm 14:17

Ho’o hɨnga ga kuɗa tɔgɨ a boy dɔɔ-ƴaa gɨ da Kumu gɨŋ le, na hɨnga ga ni dɔɔ naŋ bɨ, na hɨnga ga ni sɔ naŋ bɨ, ama na lɔɔ hɨnga ga dan̰ durɔ ɗɨngar bɨ, gusi-dɔbɛ bɨ, gusi-mɔwa bɨ, kan ma na hɨnga ga Turnɔ ɗe-kuduroy-bɛrɛ bee le.

Magtubu di Pol wal bɨn̰ kalaŋ ga Rɔm 14:2

Dan̰ gɨyəŋ gɨ da aye kudurɔ gɨ da kalaŋ ga pɨna na, hɨnga nɔm won̰ na ga ni dɔɔ. Ama kalaŋ ga aye kudurɔ koge usa naŋ le, dii dege na kabɨn̰ hɨnga ƴɔbɨ.

Magtubu di Pol wal bɨn̰ kalaŋ ga Rɔm 14:6

Ban gɨ ba-dɔrɛ cɨn̰ wɔlɛ le, dor na kɨya cay Ba-gulɔŋ bɨ. Ban gɨ ba-dɔɔ hɨnga ga toyge kan̰dɨge kan̰dɨge le, dii na kɨya cay Ba-gulɔŋ bɨ, leen̰ Kumu ho’o. Ban gɨ ba-dɔɔ kabɨn̰ hɨnga ƴɔbɨ le, kan̰ dɔɔ na kɨya cay ba-gulɔŋ bɨ, leen̰ Kumu ho’o bɨ.

1 Korɛ̰t 6:13

«Hɨnga ga ni dɔɔ na woy naa kɨya cay kuduroy ungo bɨ, kuduroy ungo na woy naa kɨya cay dɔɔ bɨ.» Ho’o, a kagadi wɔlɛ gɨŋ na Kumu kɨya mɔndɛ hɨnga ga ni dɔɔ bɨ kudurɔ bɨ sɔɗɨmɔŋ toge dɨŋ. Ama kuyoŋdi-gusu wɨya na kɨya yoyɨn̰ dan̰ gangɨ caygɨŋ naŋ. Kuyoŋdi-gusu woy ojɨ na cay Ba-gulɔŋ bɨ, Ba-gulɔŋ woy ojɨ na cay kuyoŋdi-gusu bɨ.

1 Korɛ̰t 8:8

Na cɨndi, na dɔɔ ba kɨya sɨygɨna mɨnde gusi Kumu naŋ. Hɨn̰ gɨ na na da hɨnga naŋ kalɨn̰ ma, na kɨya wɔɔ hɨnga ga ɗaŋ boy nee naŋ bɨ, hɨn̰ gɨ na na da kalɨn̰ ma, hɨnga ga kɨya laa danana tɔgɨ ɗɨn̰ gɨ nee le unɔ nee bɨ.

2 Korɛ̰t 1:21

Ama ungo gɨ ba lɔɔ gɨ nana ɨr usa pɨna a te bugoŋ kona dan̰ Kɨris bɨ, ba n̰ɨge sɔŋ cayna dorna sɨna dan̰ cɨndɨna bɨ le, na Kumu.

Galad 6:1

Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ.

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

Epɛs 5:6

Ɗɔɔgɨŋ ungo nargɨŋ dan̰ kɔl gɨ ni poy naŋ: Kɨya wa na hɨnga ga hɨn̰ wo̰ le ba jɨbe te kuduroy-hɔmɛ di da Kumu bɔgɛ cay kalaŋ ga na ka-baadi le.

Kɔlɔs 2:4

Ɨŋ ye kɔl gɨ nee le hɨn̰ wo̰ na ɗe gɨ agɨŋ na ɗen̰ ungo wo̰ nare cɨndɨgɨŋ dan̰ kɔl ga mɔɔ cangɨn̰ danagɨŋ a gɨyəŋ gɨ ɗaŋ gɨŋ naŋ.

2 Tesalonigɨ 2:17

na walɨn̰a kuduroygɨŋ dan̰ bandɨ. Kuɗa gɨ ban bɨgɨŋ tɔgɨ di ni leen̰ hɨnga ga ɗari daa daa dan̰ gɨye-lɔɔdɨgɨŋ bɨ, dan̰ kɔl yɔdɨgɨŋ bɨ.

2 Tesalonigɨ 2:2

Hɨn̰ gɨ ungo na ya hɨn̰ wɔlɛ gɨ da Ba-gulɔŋ na bugoŋ ɨni na, kɨŋ ɗɔɔ caygɨŋ bɨrɨn̰e cɛd naŋ bɨ, hundɔrɔgɨŋ naŋ bɨ. Bɔgɛgɨŋ kuduroygɨŋ cay kɔl koyi gɨŋ naŋ, ko ban na ya gɨ ɗi na ye naa kɔl gɨ Kumu ba yɔ, wala na duroy tɔgɛ bɛrnɛ dɨŋ. Ko kan na gɨlgɨŋ magtubu hɨn̰ ni-gandi naa ba wale wo̰ kalɨn̰ ma, ɨrɨmegɨŋ gɨ naa ni-gandi naŋ.

1 Timote 6:20

Ay Timote, gama hɨnga ga Kumu ba day been̰ kobɨn̰ kuɗa. Ji kan̰a are-kɔl ga badɨ badɨ wo̰ dugo ga ɨra dan̰ aye kudurɔ pɨna naŋ le. Man̰e-kɔl gɨ da ka-sɔlɛ hɨnga ga ni poy le kalɨn̰ ma, ji kan̰a coŋ bɨ.

1 Ja̰ 4:1

Ay, kɨŋ ga ɨŋ lee-toygɨŋ, bɔgɛgɨŋ kuduroygɨŋ a cay turnɔn̰əŋ nɔm naŋ, ama ojɨ gɨ kɨŋ gɨwasa turnɔn̰əŋ sɨlan̰ kɛ kan sayga na gusi Kumu ga? Kɨya wa ka-yɔɔ-kɔl-gɨ-Kumu-ba-yɔɔ ga cɨndi naŋ kondɨge andaŋge a cay gɨsəŋ gaŋ kɛ ɨni.

Magtubu di Jud wal 1:12

Kɨɗɨn̰ ga kɨŋ day caygɨŋ kɨya dɔɔ gɨ da ka-karme na, kalaŋ ga nee le diidege bɨ, siidege bɨ, dɨle doon̰ dasi. Kan gɨlɨn̰ na hɨn̰ gundo gɨ ba dɔgɛ tɨbay ungo nayi wo̰ bɨ. Kan gɨlɨn̰ na hɨn̰ gɨrɨmbale ga kal gɨ gumu dorge narge ɔngɛ wo̰ bɨ. Kan gɨlɨn̰ na hɨn̰ hayaŋ ga wɔɔdɨge unɔ cayge bɨrɨŋ wo̰ bɨ, ga turoŋ dan̰ toyge daa bɨ, mage yɔd coŋ bɨ.

Magtubu di Jud wal 1:3

Ay karmɨnɨ ga ɨŋ lee-toygɨŋ, kɔl gɨ ojɨ cay pɔɗɛ gɨ da kalaŋ gɨ na kɔl gɨ ojɨ cay nagɨŋ nɔm bɨ le, ɨŋ gey wale magtubudi wo̰ wo̰ bɨgɨŋ. Ɨŋ sol gɨ kuɗa gɨ ni wale dobɨn̰ bandɨ kuduroygɨŋ, ɗe agɨŋ worɨn̰ɨn̰ kɨya cay aye kudurɔ gɨ Kumu bɨn̰ kalaŋ kayi ga woyge dan̰ cɨndɨge cay pɨna ɗɔ ƴɔbɨ le.