Əbɨro 13:5 - Gabri Maja

⁵ Ɗɔɔ gɨ haldɨgɨŋ wɔyɛ hɨn̰ hal gɨ da kalaŋ ka-lɔɔ te gursu naŋ. Ama ɗe gɨ hɨnga ga kɨŋ ba way haw kɛ le ɓalgɨŋ. Kɨya wa Ba-gulɔŋ gusi ye hɨn̰: «Ɨŋ kɨya ɗon̰ coŋ naŋ bɨ, kan̰ɨn̰ coŋ naŋ bɨ.»

Əbɨro 13:5 ပူးပေါင်းရင်းမြစ်များ

Matɨyo 6:19

«Kɨŋ ɗɔɔ ba mɨrəŋde kandi-wɔɔ ga cay gɨsəŋ gaŋ naŋ. Kɨya gɨ a cay gɨsəŋ gaŋ kɛ, yulmu kɨya tale bɨ, yɨlwa kɨya ƴɔmɛ bɨ, ka-hase kɨya kɨbege bɨrɨm gɨ ni hasɨn̰ bɨ.

Matɨyo 6:25

«Sɨlagɨŋ na kɨya cay kɔl gɨ nee le ma maŋ yəgɨŋ hɨn̰: Sɔlɛgɨŋ kɨya cay hɨnga ga ni dɔɔ poɗɨn̰ bɨ, sɔ poɗɨn̰ bɨ, badɨge ga ni tɔbɛ tolɨn̰ gusɨgɨŋ bɨ naŋ. Habe gɨ kɨŋ somɨn̰-bɨra le, ɗɨn̰ hɨnga ga ni dɔɔ bɨ, kuyoŋdi-gusɨgɨŋ kalɨn̰ ma, ɗɨn̰ badɨge bɨ naŋ ga?

Matɨyo 6:34

Hɨn̰ wo̰ na, kɨŋ ɗɔɔ ba sɔlɛ kɨya cay wɔlɛ gɨ wan̰do: Wɔlɛ gɨ wan̰do le kɨya sɔlɛ cay gusi koyi gɨŋ. Tabe gɨ ojɨ cay wɔlɛ gɨ labɨde le, ɓal cay wɔlɛ gɨ labɨde.

Kɔl-gɨ-Ɗari gɨ Lug wal 3:14

Asɨgarn̰əŋ kalɨn̰ ma, ɨrgage ɨngɨrige yege hɨn̰: «Kɛ, ni gɨ lɔɔ koni na mɨna bɨ ga?» Ja̰ jɨga dɨbɨge cay nee yege hɨn̰: «Ɔsɨmɛgɨŋ ungo ƴon̰ nare koyi kalɨn̰ wo̰ naŋ. Ɗagɨŋ cɨndɨgɨŋ na cay hɨnga ga ni cay kobɨgɨŋ kagɨŋ gaŋ ɗɔ ƴɔbɨ.»

Kɔl-gɨ-Ɗari gɨ Lug wal 8:14

Gasi-gɨse ga bugoŋ duroy gɨsɨm gaŋ le, gɨlɨn̰ na dan̰ kan ga jege kɔl gɨ da Kumu bɨ, beege kuduroyge cay nee bɨ, ama ɨrɨme a cay hɨnga ga cay gɨsəŋ gaŋ bɨ, tabɨlaŋ wɔɔ gursu bɨ, gusi-mɔwa ga cay gɨsəŋ gaŋ bɨ, ba ƴɔmɛ kuduroyge narge malge te aye kudurɔ koge gaŋ coŋ.

Magtubu di Pol wal bɨn̰ kalaŋ ga Rɔm 1:29

Hɨnga ga dan̰ durɔ ɗɨngar naŋ ga toyge kan̰dɨge kan̰dɨge ba wanɨn̰a kuduroyge bɨ: Hɨnga ga nee le na terɨn̰ bɨ, lɔɔ te gursu bɨ, ƴɔmɛ ungo kuduroy bɨ, cɨn̰-pɨɗɨma bɨ, dɨɗe ungo bɨ, bɔjɨn̰ɛ bɨ, lɔɔ jɨba bɨ, lɔɔ solum bɨ, pɔydɛ kɔl bɨ, kuduroy ɨndɨwa bɨ, yɨle kɨɗɨn̰ bɨ.

1 Korɛ̰t 5:11

Ɨŋ’ɨ̰, magtubu di ɨŋ wal bɨgɨŋ le ojɨ na cay kalaŋ ga kan teege naa karmɨni, ama bɨlege na ka-lɔɔ gɨye yɔyɛ gɨ toy kan̰di kan̰di, wala dan̰ ka-orɨn̰ dan̰ tabɨlaŋ di hɨnga, wala ka-n̰ɨre kula, wala ka-pɔyɛ kɔl, wala ka-kɔyɛ cɛrɛ, wala ka-hase. Kalaŋ ga hɨn̰ wo̰ le, kɨŋ ɗɔɔ ba ɔrɛ gusɨge. Hɨnga ga ni dɔɔ kalɨn̰ ma, kɨŋ ɗɔɔ ba dɔɔ danage.

1 Korɛ̰t 6:10

ka-hase bɨ, ka-orɨn̰ dan̰ tabɨlaŋdi wɔɔ hɨnga bɨ, ka-kɔydɛ cɛrɛ bɨ, ka-pɔyɛ kɔl bɨ, ka-bɔɗɨdɛ hɨnga bɨ, kɨya dɨbege tɨbayge a boy dɔɔ-ƴaa gɨ da Kumu gɨŋ naŋ.

2 Korɛ̰t 4:9

Kalaŋ gɨlnige-cɨn̰, ama Kumu ɗani coŋ naŋ. Laydɨnige, ama tɨɗabage kɨbɨni naŋ.

Epɛs 5:3

Haw kɛ na, kɨŋ na kalaŋ ga kɨŋ woy dan̰ cɨndɨgɨŋ ɨni, ɗɔɔ gɨ yɔyɛ dan̰ gangɨ caygɨŋ, naŋ le lɔɔ hɨnga ga ni dasi, naŋ le lɔɔ te gursu le, ungo tɔgɛ gusondɨge duroygɨŋ naŋ ɨni.

Epɛs 5:5

Jagɨŋ kuɗa. Ungo gɨ ba lɔɔ gɨye yɔyɛ gɨ toy kan̰di kan̰di bɨ, lɔɔ hɨnga ga ni dasi wala orɨn̰ dan̰ tabɨlaŋdi wɔɔ hɨnga bɨ le, ban kɨya wɔɔ hɨnga a boy dɔɔ-ƴaa gɨ da Kɨris dan̰ Kumu naŋ. Orɨn̰ dan̰ tabɨlaŋ di ni woon̰ hɨnga le gɨlɨn̰ na hɨn̰ n̰ɨre kula wo̰.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

1 Timote 3:3

Na guyɔŋ gɨ da cɛrɛ naŋ bɨ, ba-wɔrn̰ɛ dan̰ kalaŋ naŋ bɨ, ama na ungo gɨ kaledi jal bɨ, ba-bɔjɨn̰ɛ dan̰ kalaŋ naŋ bɨ, gɨ tabɨlaŋ di gursu ƴɨmayi naŋ bɨ.

2 Pɨyɛr 2:14

Tama di ani ani di kan kɔbɔɔ dan̰ cɨndɨge le, kan won̰ge danaa a ɨrɨmedɨge gɨŋ bɨ, lɔɔ hɨnga ga ɨsɨni sɨlge naŋ bɨrɨŋ bɨ. Kan gɨybɨge boy toge ƴomɨn̰ge kalaŋ ga togɨyge unɔ bɨ. Tɨrabe lɔɔ te gursu le, kan solge tɔgɨ bɨ, ɓɨse gɨ da Kumu woy cayge.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.

Magtubu di Jud wal 1:11

Ɓɨse woy gamge. Kan ayge gɨyəŋ gɨ da Kayin. Kan ayge gɨyəŋ gɨ da poy di da Balam haw age na wan̰ cay kobɨge nee bɨ. Kan kan̰ɨn̰ge kɔl kɨbɨ Kumu hɨn̰ Kore wo̰ bɨ. Na toy di hɨn̰ wo̰ ma kan kɨya mundoŋ leen̰ cɨndi.