Əbɨro 13:4 - Gabri Maja

⁴ Kuɗa gɨ kalaŋ nɔm dɨbɨge hurɔmɔ a cay ƴɔɔ gɨŋ bɨ, ɗɔɔ gɨ kɨni cɨle gasɨlaŋ gɔrɛ ƴaa le naŋ bɨ. Kɨya wa Kumu kɨya bɔyɛ kɔl a cay ka-lɔɔ gɨye yɔyɛ gɨ toy kan̰di kan̰di bɨ, ka-yɔyɛ kandɨ wala ban̰aŋ ga da kamdɨge bɨ.

Əbɨro 13:4 ပူးပေါင်းရင်းမြစ်များ

1 Korɛ̰t 5:13

Kan ga a doŋ le, na Kumu ba kɨya bɔyɛ kɔl cayge. Dɨragɨŋ kalaŋ ga ka-kuduroy-ɨndɨwa duroygɨŋ coŋ.

1 Korɛ̰t 6:18

Ƴɨmagɨŋ gusɨgɨŋ coŋ te yɔyɛ dan̰ gangɨ caygɨŋ bɨ. Ɨsɨna ga ɗaŋ nɔm ga ungo lee le, na a kuyoŋdi-gusi gɨŋ doŋ. Ama kalaŋ ga ka-yɔyɛ dan̰ gangɨ cayge le, leege ɨsɨna na dan̰ kuyoŋdi-gusɨge koge gaŋ.

1 Korɛ̰t 6:9

Kalaŋ ga dan̰ durɔ ɗɨngar naŋ, kɨya dɨbege tɨbayge boy dɔɔ-ƴaa gɨ da Kumu gɨŋ naŋ le kɛɛ, kɨŋ sɨla hɨn̰ wo̰ naŋ ga? Ɗɔɔgɨŋ cɨndɨgɨŋ nargɨŋ naŋ: Ka-lɔɔ gɨye yɔyɛ gɨ toy kan̰di kan̰di bɨ, ka-n̰ɨre kula bɨ, ka-yɔyɛ kandɨ wala ban̰aŋ ga da kamdɨge bɨ, ka-lɔɔ gusɨge leen̰ kandɨ bɨ, ban̰aŋ ka-wɔyɛ dan̰ kamdɨge ban̰aŋ bɨ,

1 Korɛ̰t 7:38

Hɨn̰ wo̰ na ungo gɨ na ƴa-turmɔ di kan ƴom caa bii na lee na hɨnga ga kuɗa bɨ, ungo gɨ na ƴa naŋ na, lee na hɨnga ga kuɗa ɗɨn̰ cɨla coŋ.

1 Korɛ̰t 9:5

Kɛ ni ɨran̰ dan̰ gɨyəŋ gɨ ni ƴɔɔ tama ɗe aye kudurɔ orɨn̰ dana kobɨni hɨn̰ ka-gɨre-gɨye ga ɗaŋ bɨ, ba-gulɔŋ karmii bɨ, Kepas bɨ, ba leen̰ge wo̰ naŋ ga?

2 Korɛ̰t 5:10

Kɨya wa naa wa wa kalɨn̰ ma, na-gandi nɔm na kɨya ɨregɨŋ tumoy Kɨris ɗe ban na bon̰ kɔl caynagɨŋ. Kɨɗɨn̰di ga nee gaŋ le na, waŋ waŋ kalɨn̰ ma kɨya wɔɔ hɨnga ojɨn̰ cay gɨye-lɔɔdi gɨ ɗari, naŋ le gɨ ɨsɨni, na hɨnga ga ban lee kɨɗɨn̰ ga ban ban̰ dan̰ kuyoŋdi-gusi a cay gɨsəŋ gaŋ kɛ.

Galad 5:19

Kalaŋ nɔm solge tabɨlaŋdi hɨnga ga ɨsɨni ga da kuyoŋdi-gusu le. Kan ba wɔyɛ kɛ: Yɔyɛ dan̰ gangɨ caygɨŋ bɨ, lɔɔ hɨnga ga ni dasi bɨ, yɔyɛ gorɨn̰ daa bɨ,

Galad 5:21

orɨn̰ dan̰ tabɨlaŋdi hɨnga ga da mɨgan̰ bɨ, kɔydɛ cɛrɛ tɔgɨ bɨ, lɔɔ harne bɨ, hɨnga ga ɗaŋ ga gɨlɨn̰ hɨn̰ wo̰ bɨ. Aŋ yəgɨŋ tumɔ jugu hɨn̰ gɨ ɨŋ ba yəgɨŋ le, kalaŋ ga ka-lɔɔ hɨnga ga hɨn̰ wo̰ le, kɨya andaŋge a boy dɔɔ-ƴaa di da Kumu dɨŋ naŋ.

Epɛs 5:5

Jagɨŋ kuɗa. Ungo gɨ ba lɔɔ gɨye yɔyɛ gɨ toy kan̰di kan̰di bɨ, lɔɔ hɨnga ga ni dasi wala orɨn̰ dan̰ tabɨlaŋdi wɔɔ hɨnga bɨ le, ban kɨya wɔɔ hɨnga a boy dɔɔ-ƴaa gɨ da Kɨris dan̰ Kumu naŋ. Orɨn̰ dan̰ tabɨlaŋ di ni woon̰ hɨnga le gɨlɨn̰ na hɨn̰ n̰ɨre kula wo̰.

1 Tesalonigɨ 4:6

Ojɨ cay kɔl gɨ nee le na, ɗɔɔ gɨ ungo mɔndɛ kuduroy kurɨndi wala tɨmdi naŋ bɨ, nare cɨndɨgɨŋ malɨn̰ gusɨgɨŋ kardi gusɨgɨŋ naŋ bɨ. Kɨya wa Ba-gulɔŋ kɨya gɔjɛ-baa di da hɨnga nɔm ga nee le. Ni yəgɨŋ kɔl gɨ nee le tumɔ bɨ, ni gɨlgɨŋ gɨ naa cɨndi bɨ.

1 Timote 3:12

Kuɗa gɨ ba-lɔɔ gɨye game hɨnga le, na ungo gɨ tamdi pɨna bɨ, sol dɔrɛ tumoy karɨndi bɨ, kalaŋ ga a duroy ƴaadi dɨŋ kuɗa bɨ.

1 Timote 3:2

Ɨni na, kuɗa gɨ ban wɨya na ungo gɨ masadi unɔ bɨ, tamdi na pɨnaa bɨ, ban na ungo gɨ ba ƴɔmɛ gusi osɨwa cay hɨnga bɨ, ba sɔlɛ-hɨnga ga ɗari dɨm ma kɨya lɔɔ bɨ, na ungo gɨ gɨye-lɔɔdi ƴee cɨn̰ kalaŋ bɨ, na ungo gɨ ba ƴɔmɛ kɨrge gusi kuɗa bɨ, gɨ sol gɨlɨn̰ kalaŋ hɨnga bɨ.

1 Timote 3:4

Sol dɔrɛ tumoyi kalaŋ ga duroy ƴaadi dɨŋ kuɗa bɨ, sol lɔɔ ɗe karɨndi beeyige kɔl nee kuɗa bɨ, dan̰ hurɔmɔ bɨ.

1 Timote 4:3

Kan narge kalaŋ ƴɔɔ gusɨge bɨ, narge ka-aye kudurɔ ga solge kɔl gɨ cɨndi le, dɔɔ hɨnga ga pɨna ga Kumu ɗe gɨ kan na daa laan̰ge ho’o cay nee le.

1 Timote 5:14

Kuɗa gɨ kandɨ ga kodɨn̰ige ma ga baage kambɨle ƴee le, ɨŋ gey gɨ kan ƴage ban̰aŋ bɨ, wɔɔge karɨn̰aŋ bɨ, ɗage cɨndɨge kardi kalaŋ ga a duroy ƴaadɨge gɨŋ kuɗa bɨ. Na hɨn̰ wo̰ ma kɨya bɨn̰ ka-baadɨnagɨŋ gɨyəŋ yon̰ kɔl gɨ ɨsɨni caynagɨŋ naŋ.

Titɨ 1:6

Ungo gɨ ji ba kɨya dorii le, kuɗa gɨ ban wɨya na ungo gɨ masadi unɔ bɨ, ungo gɨ tamdi na pɨnaa bɨ, gɨ karɨndi beege kuduroyge a cay Kumu bɨ, gɨ ungo dɨbɨ kɔl cayge ojɨn̰ cay gɨye-lɔɔdɨge gɨ ɨsɨni wala kol mɨn̰e daa toge naŋ bɨ.

Əbɨro 12:16

Ɗagɨŋ cɨndɨgɨŋ kardi gusɨgɨŋ ɗe ungo bɨle ba lɔɔ gɨye yɔyɛ gɨ toy kan̰di kan̰di, wala ba sɔlɛ-hɨnga ga woy dan̰ cɨndɨge loon̰ hɨnga naŋ, hɨn̰ Ejawi gɨ kɨya cay dɔɔ gɨ te ungo dɨŋ ƴɔbɨ le, ay gɨmɨn̰aw toyi di ojɨ cay kɨye gɨ wooyge cay wase le kɨl coŋ.

Wasɨn̰a 22:15

Ama gaye bɨ, ka-lɔɔ tɨmba bɨ, ka-lɔɔ gɨye yɔyɛ gɨ toyi kan̰dɨge kan̰dɨge bɨ, ka-dɨɗe kɨɗɨn̰ bɨ, ka-n̰ɨre kula bɨ, ka-geye kɔl yɔ ga ni poy naŋ le, yɔɔdɔ kɔl ga ni poy dan̰ wɔlɛ pɨna pɨna bɨ le, kɨya bɔɔge doŋ.