Əbɨro 13:22 - Gabri Maja

²² Ay! Karmɨnɨ ga ban̰aŋ dan̰ ga kandɨ, ɨŋ olgɨŋ gɨ kɨŋ ƴa kɔl gɨ ɨŋ ba gɨyɨn̰ bɨgɨŋ kɨya dobɨn̰ bandɨ kuduroygɨŋ le, dan̰ dɨbe-ɗugɔ. Ɨŋ wal kɔl bɨgɨŋ na dḛ wo̰ ƴɔbɨ.

Əbɨro 13:22 ပူးပေါင်းရင်းမြစ်များ

Gɨye-lɔɔ 13:15

Ungo gɨ pɨna wo̰, say ɗongɨsɨ magtubu gasɨn̰-kɔl gɨ da Moyis bɨ, di da ka-yɔɔ-kɔl-gɨ-Kumu-ba-yɔɔ bɨ. Kardi nee ɨni na, ka-sɔmɛ a cay ƴaa-daye-di-da-Jubɨn̰əŋ le, gɨyge yege hɨn̰: «Karmɨni, hɨn̰ gɨ kɨŋ na ɨran̰ dan̰ kɔl gɨ kɨya dɔbɛ bandɨ kuduroy kalaŋ ga ba dayaŋge kɛ le na, yanigɨŋ.»

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 5:20

Na Kɨris ba gɨyni gusɨgɨŋ kɨya yon̰ kɔl danagɨŋ dan̰ gusondi. Hɨn̰ gɨ naa Kumu gusi na ba ƴɔlɛ kɨbɨni dobɨn̰ bandɨ kuduroygɨŋ wo̰. Ni lee n̰age toygɨŋ dan̰ guson̰ Kɨris kɨya cay hɨnga ga kɛ le: Kɔgɨɗɔ, kɨŋ ɗɔɔ ba kan̰e bugoŋ pɨna dan̰ Kumu naŋ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Galad 6:11

Sɨlagɨŋ hɨnga ga ɨŋ ba sɨraŋde gumu gururu gururu kɛ le. Na ɨŋ-bandi ba-aye dan̰ hɨnga ga ni walɨn̰ magtubu dan̰ kɔbɔŋ hɨnge walɨn̰ kɔl gɨ ba kɛ le.

Epɛs 3:3

Kumu haŋgɨ cɨnɨ cay hɨnga ga ban gey lɔɔ ga woy kɨɗɨn̰ wɔsɛdɨge gaŋ. Ɨŋ wal kɔl gɨ ojɨ cay hɨnga ga nee le dḛ tumɔ bɨgɨŋ.

Əbɨro 12:5

Kɛ kuduroygɨŋ hal gɨybəŋ cay bandɨ di Kumu dobɨ kuduroygɨŋ hɨn̰ karɨndi wo̰ le ga? «Ay! Kuronɨ, sɔlɛ hale gɨ da Ba-gulɔŋ loon̰ hɨnga ga kalɨn̰ wo̰ naŋ bɨ, Ji ɗɔɔ kuduron̰ mundoŋ kɨɗɨn̰ ga ban ɗalɨn̰ naŋ bɨ.

Əbɨro 13:19

Kɔgɨɗɔ, ulagɨŋ Kumu hala ɗe aŋ jogɨ andaŋ duroygɨŋ cɛd ɗaŋ.

Əbɨro 2:1

Na toy di hɨn̰ wo̰ ma, ojɨ gɨ kɔl gɨ tumɔ na ba jegɨŋ dan̰ sɨmaynagɨŋ le, kuɗa gɨ ana aygɨŋ leen̰ hɨnga ga ni sɔrɛ naŋ, ɗe ana curoŋgɨŋ te gɨyəŋ gɨ ɗari gɨŋ coŋ naŋ.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

Əbɨro 4:1

Kumu yenagɨŋ gɨ ɗi na kɨya bɨna hɨnga ga ban yena koldɨge: Na kɨya andaŋ kɨɗɨn̰ dɔrɛ gɨlale kayi gaŋ bɨ, hɨnga ga ban kɨya bɨna ga nee le, woy ban̰dɨge gaŋ jaŋ ƴee. Na toy di hɨn̰ wo̰ ma, kuɗa gɨ na ɗe cɨn̰-muɗɔlɛ cay gusɨnagɨŋ, ɗe ungo pɨna wo̰ duroygɨŋ dɔgɛ andaŋ a te gɨyəŋ gɨ ni andɨn̰ kɨɗɨn̰ dɔrɛ gɨlale gaŋ le coŋ naŋ.

Əbɨro 4:11

Naa hɨn̰ wo̰ na, kuɗa gɨ ana ongulgɨŋ gusɨnagɨŋ daa andɨn̰ a kɨɗɨn̰ dɔrɛ gɨlale ga nee gaŋ le. Laanagɨŋ ɗe gɨ ungo pɨna duroyna kayaŋ kɨya cay lɔɔ te tumɔ naŋ, hɨn̰ gɨ da mon̰iinagɨŋ wo̰ naŋ.

1 Pɨyɛr 5:12

Ɨŋ wal magtubu di ɗɨgɨsɛg di kɛ le na dan̰ gɨyəŋ gɨ da kurɨndɨnagɨŋ Silbɛ̰, ɨŋ lee tɨmon̰ kol cayi gɨ ban na kurdɨna gɨ ɨre cay tɨbayi dɨŋ. Ɨŋ mal na gɨ ni dɔbɛ bandɨ kuduroygɨŋ bɨ, gɨ ni lɔɔ tɨmon̰ kol caygɨŋ gɨ kɨŋ na orɨn̰ dan̰ ɗarwa di da Kumu di cɨndi bɨ. Ɨrgɨŋ cay nee usa.