Əbɨro 13:2 - Gabri Maja

² Ɗɔɔ gɨ kuduroygɨŋ hale gɨybəŋ a cay ƴɔmɛ kɨrge naŋ. Kɨya wa dan̰ gɨyəŋ gɨ da ƴɔmɛ kɨrge le, kalaŋ ga pɨna ƴomge ka-ƴɔbɛ ga daa nii gusɨge dɨle sɔlɛ.

Əbɨro 13:2 ပူးပေါင်းရင်းမြစ်များ

Matɨyo 25:35

Kɨya gɨ kurɔŋ ləŋ na, kɨŋ bəŋ hɨnga ga ni dɔɔ bɨ. Gɨmase dəŋ na, kɨŋ bəŋ kaŋ ga ni sɔ bɨ. Ɨŋ na kɨrga na, kɨŋ ƴɔmɔŋ gusɨgɨŋ bɨ.

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Matɨyo 25:43

Ɨŋ na kɨrga kalɨn̰ ma kɨŋ ƴɨmaŋ gusɨgɨŋ naŋ bɨ. Gusɨnɨ kalɨn̰, kalɨn̰ ma kɨŋ bəŋ badɨge naŋ bɨ. Ɨŋ woy hɔmɨn̰ɛ bɨ, ɨŋ woy ƴaa dangay dɨŋ bɨ kalɨn̰ ma kɨŋ ɨre sɨlaŋ naŋ bɨ.”

Gɨye-lɔɔ 16:15

Kan looge batɛm dan̰ ka-ƴaado pɨna bɨ, hɨndi molni, yeni hɨn̰: «Hɨn̰ gɨ kɨŋ na sɨla gɨ ɨŋ naa ɗe-aye kudurɔ bɨn̰ Ba-gulɔŋ na, kɨŋ ɨre sɨma tange.» Hɨndi loɗɨdɨde toyni bɨrɨŋ gɨ ni ɨrga som a taa.

Magtubu di Pol wal bɨn̰ kalaŋ ga Rɔm 12:13

Kuɗa gɨ kɨŋ jɨbɨ te kalaŋ ga woyge dan̰ cɨndɨge ga orɨn̰ge dan̰ n̰agedi hɨnga. Ƴɨmagɨŋ kɨrge gusɨgɨŋ dan̰ gusi-mɔwa.

Magtubu di Pol wal bɨn̰ kalaŋ ga Rɔm 16:23

Gayus gɨ ba ƴɔmɔŋ ɨŋ-bandi Pol tɨrga tayi bɨ, ba ƴɔmɛ Ka-Daye nɔm bɨ, ləgɨŋ lapɨya bɨ. Erasɨ gɨ ba-game gursu di da cay ƴaa-di-gumu bɨ, kurɨndɨna Kartus bɨ, ləgɨŋge lapɨya bɨ.

1 Timote 3:2

Ɨni na, kuɗa gɨ ban wɨya na ungo gɨ masadi unɔ bɨ, tamdi na pɨnaa bɨ, ban na ungo gɨ ba ƴɔmɛ gusi osɨwa cay hɨnga bɨ, ba sɔlɛ-hɨnga ga ɗari dɨm ma kɨya lɔɔ bɨ, na ungo gɨ gɨye-lɔɔdi ƴee cɨn̰ kalaŋ bɨ, na ungo gɨ ba ƴɔmɛ kɨrge gusi kuɗa bɨ, gɨ sol gɨlɨn̰ kalaŋ hɨnga bɨ.

1 Timote 5:10

Kuɗa gɨ ɗe kalaŋ solge gɨye-lɔɔdo gɨ kuɗa bɨ. Kuɗa gɨ hɨndi aba karɨn̰aŋ bɨ, ƴɨma kalaŋ kuɗa gusoo bɨ, pɨl tɨbay kalaŋ ga da Kumu bɨ, jɨbɨ te kalaŋ ga somge duroy n̰age dɨŋ bɨ, ɗe-gusoo kɨbɨ gɨye nɔm ga kuɗa bɨ.

Titɨ 1:8

Ama kuɗa gɨ ban wɨya na ungo gɨ ba ƴɔmɛ kɨrge gusi bɨ, na ungo gɨ hɨnga ga ɗari moyi lɔɔ bɨ. Ban kɨya sɔlɛ na hɨnga ga ɗari dɨm ma kɨya lɔɔ bɨ, na ungo gɨ ba lɔɔ hɨnga ga dan̰ durɔ ɗɨngar bɨ, hɨnga ga woy dan̰ cɨndɨge bɨ, ungo gɨ ba ƴɔmɛ gusi osɨwa cay hɨnga gaŋ bɨ.

1 Pɨyɛr 4:9

Kuɗa gɨ waŋ waŋ kalɨn̰ ma duroygɨŋ, ƴɨma karmii ga ɨrgage gusi dɨle yamɨn̰-kɔl.

3 Ja̰ 1:5

Ay, ji gɨ ɨŋ lee-ton̰, ji gɨl gɨ ji naa ungo gɨ ba ɨre osɨwa a cay tɨbayi dɨŋ, kɨya gɨ kɨɗɨn̰ ga karmɨna ga ɨrgage gusɨn̰ le, ko ji na sɨlage naŋ kalɨn̰ ma, ji jɨbɨ toyge.