Əbɨro 13:18 - Gabri Maja

¹⁸ Ulagɨŋ Kumu kol cayni. Ni sol leen̰ cɨndi gɨ ɨrɨmedɨni gɨlni hɨnga ga ɨsɨni kol cayni naŋ. Kɨya wa ni gey kɔbɛ gɨye-lɔɔ gɨ ɗari a te hɨnga nɔm.

Əbɨro 13:18 ပူးပေါင်းရင်းမြစ်များ

Gɨye-lɔɔ 23:1

Pol si cɨndi a cay ka-bɔyɛ kɔl cay kalaŋ ga ni Jubɨ solge gəɗəɗə bɨ, yege hɨn̰: «Karmɨnɨ, ɔrɛnɨ gɨ ɨŋ ba or tumoy Kumu bɨrɨŋ labɨde le, kuduronɨ gɨləŋ hɨnga ga ɨsɨni dḛ wo̰ cay nee naŋ.»

Gɨye-lɔɔ 24:16

Na kɨya cay kɔl gɨ nee le ma, maŋ ƴomɨn̰ togɨnɨ dan̰ wɔlɛ pɨna pɨna ɗe gɨ ɨrɨmenɨ masadi na unɔ tumoy Kumu bɨ, tumoy kalaŋ nee bɨ.»

Magtubu di Pol wal bɨn̰ kalaŋ ga Rɔm 12:17

Hɨn̰ gɨ ungo na laagɨŋ ɨsɨna na, jogɨn̰gɨŋ dan̰ ɨsɨna daa bii ban̰di nee naŋ. Kuɗa gɨ lɔɔ hɨnga ga ɗari ba ƴɨma kuduroygɨŋ a cɨn̰ kalaŋ nɔm.

Magtubu di Pol wal bɨn̰ kalaŋ ga Rɔm 13:13

Kuɗa gɨ haldɨna wɨya hɨn̰ hal gɨ da kalaŋ ga somge asɨn̰a gɨŋ wo̰. Ƴɨmanagɨŋ gusɨna cay dɔɔ harɨne gɨŋ bɨ, cay kɔyɛ cɛrɛ gɨŋ bɨ, cay yɔyɛ gorɨn̰ daa gɨŋ bɨ, cay yɔyɛ gɨ toyi kan̰di kan̰di gɨŋ bɨ, cay bɔjɨn̰ɛ gɨŋ bɨ, cay jangɨ dɨŋ bɨ.

Magtubu di Pol wal bɨn̰ kalaŋ ga Rɔm 15:30

Haw kɛ na, ay karmɨnɨ ga ban̰aŋ dan̰ ga kandɨ, ɨŋ olgɨŋ dan̰ gɨyəŋ gɨ da Ba-gulondɨna Jesu-Kɨris bɨ, dan̰ gɨyəŋ gɨ da geye gɨ Turnɔ di da Kumu bɨn̰ ungo bɨ le, hɨnga ga ba kɛ: Ɗagɨŋ gusɨgɨŋ kɨbɨ wɔrɨn̰ɛ gɨŋ danaŋ pɨna bɨ, ulan̰gɨŋ Kumu kol canɨ bɨ.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

Kɔlɔs 4:3

Ulayigɨŋ kol cayni bɨ. Ulagɨŋ Kumu ɗe haŋgɨ gɨyəŋ gɨ da tɔgɛ bɛrnɛ a tumoyni ɗe ani teen̰ bɛrnɛ gɨ da hɨnga ga woy a kɨɗɨn̰ wɔsɛdɨge gaŋ ojɨn̰ cay Kɨris, gɨ ɨŋ won̰ dangay dɨŋ koldi le bɨn̰ kalaŋ.

1 Tesalonigɨ 4:12

Hɨn̰ gɨ kɨŋ na laa hɨn̰ wo̰ na, kalaŋ ga doŋ kɨya dɨbege hurɔmɔ cay gɨye-lɔɔdɨgɨŋ bɨ, kɨŋ kɨya nɨn̰in̰ ungo pɨna naŋ bɨ.

1 Tesalonigɨ 5:25

Karmɨnɨ ga ban̰aŋ dan̰ ga kandɨ, ulagɨŋ Kumu kol cayni bɨ.

2 Tesalonigɨ 3:1

Ay, karmɨnɨ ga ban̰aŋ dan̰ ga kandɨ, kɔl gɨ ni ba kɨya yɔ gɨ ni kagadi ba kɛ: Ulagɨŋ Kumu kol cayni ɗe kɔl gɨ da Ba-gulɔŋ na cɨɗa gɨyəŋ koyi bɨ, ɗe kalaŋ na dɨbɨn̰ gusoŋ-tɔgɛ hɨn̰ gɨ ba won̰ a tagɨŋ wo̰ bɨ.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.

1 Pɨyɛr 3:21

Kaŋ ga kondi ga nee le na hɨnga ga ni gɨle ga ƴee ban̰di batɛm di haw kɛ poɗɨna le. Batɛm di nee le, na batɛm pɨle hɨnga ga ni kɨni ga woy gusi ungo coŋ naŋ. Ama na ungo gɨ ay tumoyi bɨn̰ Kumu dan̰ ɨrɨme gɨ arɨn̰ cərərə. Batɛm le poɗɨgɨŋ na dan̰ gɨyəŋ gɨ da bɔyɛ lɨbe gɨ da Jesu-Kɨris.