Əbɨro 13:17 - Gabri Maja

¹⁷ Jagɨŋ kɔl kɨbɨ ka-dɔrɛ tumoygɨŋ bɨ dɨbagɨŋ caygɨŋ dugo bɨge bɨ. Kɨya wa kan sige cɨndɨge kardɨgɨŋ dan̰ tɨwa nɔm na kɨya dorɨn̰ kardi gɨye kogɨŋ bɨn̰ Kumu. Hɨn̰ gɨ kɨŋ na ja kɔl kɨbɨge na, kan kɨya lɔɔge gɨye koge dan̰ gusi-mɔwa, ama naa hɨn̰ wo̰ naŋ na kan kɨya lɔɔ gɨye koge le dan̰ ɨle kuduroyge. Gɨ nee le kɨya ande hɨnga bɨgɨŋ naŋ.

Əbɨro 13:17 ပူးပေါင်းရင်းမြစ်များ

Kɔl-gɨ-Ɗari gɨ Lug wal 16:2

Ban teeyi bɨ yey hɨn̰: “Na kɔl gɨ ni wa ma maŋ je kol can̰ wo̰ ga? Gɨləŋ kardɨ hɨnga wɔɔnɨ ga ji ba am le aŋ sol, kɨya wa ɨŋ gey gɨ ji kɨya sɔlɛ kardi hɨnga kange naŋ ɨni.”

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Magtubu di Pol wal bɨn̰ kalaŋ ga Rɔm 14:12

Na hɨn̰ wo̰ ma, waŋ waŋ kalɨn̰ ma duroyna kɨya dɔrɛ kardi gɨye-lɔɔdi dan̰ gusi koyi bɨn̰ Kumu.

1 Korɛ̰t 16:16

karmɨnɨ ga ban̰aŋ dan̰ ga kandɨ, dɨbagɨŋ caygɨŋ dugo bɨn̰ na kalaŋ ga hɨn̰ wo̰ le kɔ bɨ, kan ga ƴom kɨbɨ gɨye danage dan̰ ɗugoyge ga pɨna bɨ.

Epɛs 5:21

Kɨŋ ka-dɨbe hurɔmɔ cay Kɨris le, dɨbagɨŋ caygɨŋ dugo bɨn̰ gusɨgɨŋ duroygɨŋ.

Pilib 1:4

Dan̰ wɔlɛ pɨna pɨna kɨɗɨn̰ ga ɨŋ ol Kumu hɨnge kol caygɨŋ nɔm na, ɨŋ lee na dan̰ gusi-mɔwa.

Pilib 2:12

Ay karmɨnɨ ga ɨŋ lee-toygɨŋ, kɨŋ je kɔl kɨbɨ Kumu dan̰ wɔlɛ pɨna pɨna, hɨn̰ boy wɔlɛ gɨ ɨŋ ba won̰ duroygɨŋ le. Haw kɛ gɨ ɨŋ ba unɔ duroygɨŋ kalɨn̰ ma, kɨŋ je kɔl kɨbɨ Kumu ɗɨn̰ gɨ tumɔ coŋ. Leedɨdɨn̰ gɨye a cay pɔɗɛ kogɨŋ gɨŋ dan̰ bɔgɛ kɔl bɨ dan̰ lɔɔ pag pag bɨ.

Pilib 2:16

kɨya gɨlɨn̰ kɔl gɨ ni somɨn̰-bɨra. Hɨn̰ gɨ kɨŋ na bɨl wɨya hɨn̰ wo̰ na, ɨŋ kɨya ɓale aye canɨ daa a boy wɔlɛ gɨ Kɨris kɨya cagan̰ gɨŋ. Bɨ na hɨnga ga nee le ba kɨya gɨle gɨ gɨye hɨnge nɔm bɨ gɨlale hɨnge nɔm bɨ le, na hɨnga ga kɨya ban̰ gusɨnɨ naŋ.

Pilib 2:29

Na toy di hɨn̰ wo̰ ma, kuɗa gɨ kɨŋ ƴɨmayi gusɨgɨŋ dan̰ gusi-mɔwa gɨɗaŋ dan̰ guson̰ Ba-gulɔŋ. Aŋ yəgɨŋ, kalaŋ ga hɨn̰ wo̰ le, kuɗa gɨ kɨŋ bɨge hurɔmɔ.

Pilib 3:18

Ɨŋ ye kɔl gɨ nee le, kɨya wa kalaŋ ga geyge kɔl gɨ da sɨya-gɨ-dagɨli gɨ da Kɨris naŋ woyge nee dan̰ kondiige, hɨn̰ gɨ ɨŋ ba yəgɨŋ tɨba kondɨ le, ma maŋ jɨga yəgɨŋ haw kɛ dan̰ kaŋdi cɨnɨ.

Pilib 4:1

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ, kɨŋ ga ɨŋ lee-toygɨŋ, tabɨlaŋdi jɔgɛ solgɨŋ ləŋ tɔgɨ. Kɨŋ ga ɨŋ lee-toygɨŋ, kɨŋ na gusi-mɔwa tɨnge bɨ, jagɨwa tɨrɨmbala kange bɨ, ɨrgɨŋ usa hɨn̰ wo̰ le kɔ a te bugoŋ pɨna gɨŋ dan̰ Ba-gulɔŋ.

2 Tesalonigɨ 3:14

Hɨn̰ gɨ ungo na kan̰a bɔgɛ kɔl a cay kɔl gɨ ni ba ye a duroy magtubu di kɛ dɨŋ le na, kɨŋ laa gɨ ɗe kalaŋ solii bɨ, ayagɨŋ gusɨgɨŋ sɛdɨ gusii coŋ, ɗe dasi dii.

1 Timote 5:17

Kan ga muɗoldoŋ ga dorge tumoy Daye kuɗa le, ɗa gɨ kalaŋ bɨge hɨnga ga ni cay kobɨge kɨɗɨn̰ sɔɔ. Ama gɨ kondi tɔgɨ na, na kan ga ɗege gusɨge kɨbɨ gɨye gɨ nɨye-tɔgɨ, gɨ na gɨye-tɔgɛ bɛrnɛ bɨ, gɨlɨn̰ kalaŋ kɔl gɨ da Kumu le bɨ.

Əbɨro 13:24

Laan̰gɨŋ ka-dɔrɛ tumoygɨŋ nɔm lapɨya bɨ, kalaŋ ga woyge dan̰ cɨndɨge nɔm lapɨya bɨ. Kalaŋ ga a cay gɨsəŋ ga Itali gaŋ ləgɨŋge lapɨya bɨ.

Əbɨro 13:7

Hɨngɨŋ a cay ka-dɔrɛ tumoygɨŋ ga tumɔ teege bɛrnɛ gɨ da kɔl gɨ da Kumu bɨgɨŋ le. Sɨlagɨŋ gɨyəŋ gɨ kan dɨɗɨn̰ kɨbɨ gɨye-lɔɔdɨge bɨ, ayan̰gɨŋ cay tɨban̰ aye kudurɔ koge.

Magtubu di Jag wal 4:7

Naa hɨn̰ wo̰ na, tɨbagɨŋ caygɨŋ dugo te Kumu bɨ, jɨbɨgɨŋ haban̰ sɛdɨ coŋ bɨ. Hɨn̰ wo̰ na, hɨndi kɨya gɨre sɛdɨ gusɨgɨŋ coŋ.

1 Pɨyɛr 5:5

Kɨŋ marɨne kalɨn̰ ma, kuɗa gɨ kɨŋ dɨba caygɨŋ dugo bɨn̰ ga muɗoldoŋ. Bɨ kɨŋ-gandi ka-aye kudurɔ nɔm ga duroy Ka-Daye nɔm le, dɔgɛgɨŋ jurgiigɨŋ dan̰ gusɨgɨŋ naŋ. Kɨya wa walge duroy Magtubu di da Kumu dɨŋ yege hɨn̰: «Kumu jɨbɨ ka-dɔgɛ jorgiige sɛdɨ coŋ, ama ban lee ɗarwa dan̰ kan ga dɨga jorgiige naŋ.»