Əbɨro 12:4 - Gabri Maja

⁴ Gɨsɨn̰ haw kɛ kalɨn̰ ma kɨŋ ƴɨma gusɨgɨŋ usa kɨbɨ kɨmbɨl gɨŋ dan̰ ɨsɨna maran̰ naŋ ƴee.

Əbɨro 12:4 ပူးပေါင်းရင်းမြစ်များ

Matɨyo 24:9

«Boy wɔlɛdi gɨ nee le, kan kɨya ɗɔɔ gɨ kalaŋ na dɨsa ɗugoygɨŋ bɨ, na dɨɗɨgɨŋge bɨ. Te wɔɔ gɨ da kalaŋ nɔm kɨya ƴomgɨŋge dan̰ kuduroyge kɨya cay gusonɨ bɨ.

1 Korɛ̰t 10:13

Hɨnga ga ni gɨybe ga toyge kan̰dɨge kan̰dɨge ga ba leegɨŋ le, gɨlɨn̰ na dan̰ hɨnga ga ni gɨybe ga da kamdɨgɨŋ kalaŋ ga ɨndəŋ bɨ. Kumu na ungo gɨ ɨre a cay tɨbay dɨŋ, ban kɨya ɗɔɔ hɨnga ga ni gɨybe ɗɨn̰ togɨygɨŋ naŋ. Ama kɨɗɨn̰ ga hɨnga ga ni gɨybe na andaŋ caygɨŋ na ban kɨya bɨgɨŋ tɔgɨ ɗe agɨŋ na ƴomɨn̰ kuduroygɨŋ bɨ, kɨya bɨgɨŋ gɨyəŋ ɗe agɨŋ na andɨn̰ duroy nee coŋ bɨ.

Pilib 2:8

Ban dobɨ cayi dugo dan̰ kuduroy geye koyi, Lee gɨ jen̰ kɔl kɨbɨ Kumu bɨrɨŋ marɨn̰, Marɨn̰ tɨma di a cay sɨya-gɨ-dagɨli gɨŋ.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 13:13

Na toy di hɨn̰ wo̰ ma, ɗe gɨ ana andaŋgɨŋ orgɨŋ a kardi gulɔŋ gɨŋ doŋ, ɗe kan dɨbɨn̰ge dasi cay nagɨŋ hɨn̰ koyi wo̰ bɨ.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.

Wasɨn̰a 17:6

Ɨni na, ɨŋ sol tama le cɛrɛ di suru kɔyɔɔ, kɨya wa hɨndi sii na kɨbardi kalaŋ ga woyge dan̰ cɨndɨge gɨɗaŋ ga na kalaŋ ga ka-lɔɔ tɨmon̰ di da Jesu le. Kɨɗɨn̰ ga ɨŋ sɔlɔɔ na, kɔl kayaŋ yɔd.

Wasɨn̰a 18:24

Ka-yɔɔ-kɔl-gɨ-Kumu-ba-yɔɔ bɨ, kalaŋ ga woyge dan̰ cɨndɨge bɨ, kalaŋ nɔm ga a cay gɨsəŋ gaŋ ga kan wadɨlde tumoyge bɨ le, kɨbardɨge gɨre dugo na a cay ƴaa di Babilɔn.

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.