Əbɨro 12:3 - Gabri Maja

³ Ho’o, ɨrɨmgɨŋ a cay Jesu. Ban ƴom kuduroyi duroy gɨle-cɨn̰ gaŋ nɔm ga kalaŋ ga ka-lɔɔ ɨsɨna leege danayi. Bɨ hɨn̰ wo̰ na, kɨŋ ɗɔɔ togɨygɨŋ duroŋ sɔd coŋ kɨya cay kuduroygɨŋ ga mundoŋ naŋ.

Əbɨro 12:3 ပူးပေါင်းရင်းမြစ်များ

Matɨyo 11:19

Ama kɨɗɨn̰ ga ɨŋ-bandi Kurɨn̰-ungo ɨŋ caga na, ɨŋ dii bɨ, ɨŋ si bɨ, naa hɨn̰ wo̰ kalɨn̰ ma, kan yege hɨn̰: “Sɨlagɨŋ ba-dɔɔ dɔɔ bɨ, ba-sɔdɔ cɛrɛ koydɨn̰ bɨ, ba-ƴɔmɛ pɔgɨn̰ɛ dan̰ kalaŋ ka-hɔgɛ lambo bɨ, ka-lɔɔ ɨsɨna bɨ.” Ama cɨn̰-muɗɔlɛ gɨ da Kumu gɨl gusi dan̰ durɔ ɗɨngar na dan̰ gɨyəŋ gɨ da gɨye-lɔɔdi.»

Matɨyo 12:24

Ama Parɨsɨn̰an̰əŋ ga jege na, yege hɨn̰: «Ungo gɨ nee le, tay turnɔn̰əŋ ga ɨsɨndəŋ na dan̰ gɨyəŋ gɨ da dɔnɔ di da Bɛljebul, kɨlma gɨ da turnɔn̰əŋ ga ɨsɨndəŋ.»

Matɨyo 15:2

«Kɨya wa ma ka-aye-cay-tɨban̰ leege hɨnga hangɨɗɨn̰ge cay hada ga da mon̰inagɨŋ ga? Kɨya wa ma kan pɨlge kobɨge dan̰ te gɨyəŋ gɨ da hada, pa dɨm ma dan̰ge dɔɔ naŋ ga?»

Matɨyo 21:23

Jesu andaŋ duroy gulɔŋ ƴaa-di-da-Kumu dɨŋ ɨre gɨlɨn̰ kalaŋ hɨnga. Ɨni na, ka-cay ka-bɔgɛ kɨbar bɨ, kan ga muɗoldoŋ ga da te kalaŋ ga Ɨsɨrayɛl bɨ, ɨrgage gusi bɨ, ɨngɨriige yeyige hɨn̰: «Kɛ, dɔnɔ di ji leen̰ hɨnga ga nee le, kɛ ji saygan̰ na ani ga? Kɛ na waŋ ba bɨn̰ dɔnɔ di nee le ga?»

Matɨyo 21:46

Kan malge gɨyəŋ gɨ ni ƴomii, ama kan hɨndarge dɨmdɨrdi kalaŋ, kɨya wa dɨmdɨrdi kalaŋ leege Jesu leen̰ na ba-yɔɔ-kɔl-gɨ-Kumu-ba-yɔɔ.

Matɨyo 22:15

Kalaŋ ga ni Parɨsɨn̰a dayaŋge kɨya malɨn̰ gɨyəŋ gɨ ni gɨybɨn̰ Jesu, dan̰ gɨyəŋ di kɔl gɨ kɨya andaŋ kɨbi.

Kɔl-gɨ-Ɗari gɨ Lug wal 14:1

Wɔlɛ gɨ pɨna wo̰ gɨ na wɔlɛ gɨ ni dorɨn̰ gɨlale, Jesu or a da ba cay Parɨsɨn̰an̰əŋ gɨ pɨna wo̰ kɨya dɔɔ dɔɔ danayi. Parɨsɨn̰an̰əŋ ga somge kɨbɨ dɔɔ gɨŋ danayi le, sɨge cɨndɨge cayi jɛr jɛr soliige.

Kɔl-gɨ-Ɗari gɨ Lug wal 15:2

Ɨni na, Parɨsɨn̰an̰əŋ dan̰ ka-gɨlɨn̰ kalaŋ gasɨn̰-kɔl gɨ da Moyis yɨliige yege hɨn̰: «Sɨlagɨŋ gɨlmi gɨ kɛ le ƴom ka-lɔɔ ɨsɨna gusi bɨ, di dɔɔ danage bɨ.»

Kɔl-gɨ-Ɗari gɨ Lug wal 16:14

Parɨsɨn̰an̰əŋ, jege kɔl gɨ nee le nɔm bɨ, asɨge cay Jesu, kɨya gɨ kan na kalaŋ ga geyge sɔlɛ gursu pɨde cɨndɨge naŋ.

Kɔl-gɨ-Ɗari gɨ Lug wal 2:34

Simin̰o tor-kɨbi cayge bɨ, yen̰ Mari Jesu ƴoyi yo hɨn̰: «Na cɨndi! Kɨye gɨ kɛ le, kɨya bɨle te gabaŋ gɨ da kondɨwadi kalaŋ gɨ da te wɨn̰je gɨ da Ɨsɨrayɛl bɨ, kɨya bɨle te pɔɗɛ gɨ da kondɨwadɨge a duroyge bɨ. Bɨ ban na hɨnga ga kɨya gɨle Kumu bɨ, kalaŋ kɨya sayɨn̰ danayi dan̰ kɔl bɨ.

Kɔl-gɨ-Ɗari gɨ Lug wal 5:21

Kalaŋ ga ka-gɨlɨn̰ kalaŋ gasɨn̰-kɔl nɔm gɨ da Moyis dan̰ Parɨsɨn̰an̰əŋ ɨrɨmge kuduroyge yege hɨn̰: «Gɨlmi le, lee gusi leen̰ na Kumu ga? Kɨya wa ban yagɨde na Kumu. Ungo gɨ Kumu si le kɨya ɓale dɔrɛ ɨsɨna gɨ da ungo naŋ. Na Kumu pɨna hayi kəɗ kəɗ ba orɨn̰ dan̰ dɔnɔ di ni dorɨn̰ ɨsɨna.»

Kɔl-gɨ-Ɗari gɨ Ja̰ wal 10:20

Kondɨwadi kalaŋ duroyge yege hɨn̰: «Turnɔ di ɨsɨni woy kuduroyi bɨ, ban na ungo gɨ cayi dan̰ durɔ naŋ bɨ, na kɨya wa ma, magɨŋ je kɔl koyi ga?»

Kɔl-gɨ-Ɗari gɨ Ja̰ wal 18:22

Kɨɗɨn̰ ga Jesu ye kɔl gɨ nee le hɨn̰ wo̰ dɨbɨ dugo ɨni na, ba-game ƴaa-di-da-Kumu gɨ pɨna wo̰ gɨ ɨre a kɨɗɨn̰ ga nee le, ɨmbi pəj a maŋji bɨ, yeyi hɨn̰: «Kɛ mangɨl gɨ da ka-cay ka-bɔgɛ kɨbar gusi mɨn̰ dɨbii kɔl cay nee hɨn̰ wo̰ ga?»

Kɔl-gɨ-Ɗari gɨ Ja̰ wal 5:16

Ayɨn̰ toy boy wɔlɛdi gɨ nee gɨŋ le, Jubɨn̰əŋ san̰ge danayi, kɨya wa ban lee hɨnga ga nee le, na boy wɔlɛ gɨ ni dorɨn̰ gɨlale gɨ da Jubɨn̰əŋ gaŋ.

Kɔl-gɨ-Ɗari gɨ Ja̰ wal 7:12

Dɨmdɨrdi kalaŋ man̰ge kɔl kondɨ duroyge kol cayi. Kan ga pɨna yege hɨn̰: «Ban na ungo gɨ kuɗa» bɨ, kan ga ɗaŋ yege hɨn̰: «Na hɨn̰ wo̰ naŋ, ban nar na dɨmdɨrdi kalaŋ kɨya bogɨge kayaŋ.»

Kɔl-gɨ-Ɗari gɨ Ja̰ wal 8:13

Ɨni na, Parɨsɨn̰an̰əŋ yeyige hɨn̰: «Ji ba lɔɔ tɨmon̰ ton̰ dan̰ kɨbɨn̰ gaŋ na, tɨmon̰ ton̰ le, na dan̰ gɨyəŋdo naŋ.»

Kɔl-gɨ-Ɗari gɨ Ja̰ wal 8:52

Ɨni na, Jubɨn̰əŋ yeyige hɨn̰: «Haw kɛ na, ni sol gɨ turnɔ di ɨsɨni woy a kuduron̰. Abɨraham ma bɨ, ka-yɔɔ-kɔl-gɨ-Kumu-ba-yɔɔ kalɨn̰ ma mage bɨ, ama ji-bandi ji ye haw kɛ hɨn̰: “Hɨn̰ gɨ ungo na aya kɔl hɨnge laan̰ gɨye na, tɨma na kɨya cɨlii naŋ bɨrɨŋ”.

Kɔl-gɨ-Ɗari gɨ Ja̰ wal 8:59

A cay kɔl nɔm gɨ nee le, kan lobɨge gujulu oru age na worɨn̰iige. Ama Jesu wosɨ gusi bɨ, andaŋ doŋ duroy ƴaa-di-da-Kumu dɨŋ coŋ.

Kɔl-gɨ-Ɗari gɨ Ja̰ wal 9:40

Parɨsɨn̰an̰əŋ ga ba jege kɔl gɨ nee le, yeyige hɨn̰: «Kɛ, ni-gandi kalɨn̰ ma ji leeni leen̰ ka-bɨbe bɨ ga?»

1 Korɛ̰t 15:58

Na toy di hɨn̰ wo̰ ma, karmɨnɨ ga ban̰aŋ dan̰ ga kandɨ ga ɨŋ lee-toygɨŋ le, ɨrgɨŋ a cay tɨbaygɨŋ dɨŋ bɨ ɗɔɔgɨŋ gɨ hɨnga yɨbagdɨgɨŋ naŋ bɨ. Laagɨŋ gɨye gɨ da Ba-gulɔŋ cɨndɨgɨŋ tumɔ tumɔ dɨle ɨre dugo bɨ. Kɨya wa kɨŋ sol gɨ gɨlale gɨ kɨŋ ba gɨlal te bugoŋ pɨna kogɨŋ gɨŋ dan̰ Ba-gulɔŋ le, na gɨlale gɨ kalɨn̰ wo̰ dugo naŋ.

2 Korɛ̰t 4:1

Kumu sol cɨn̰-n̰age toni, lee gɨ ban bɨni gɨye gɨ nee le. Na toy di hɨn̰ wo̰ ma, gusɨni marani naŋ.

2 Korɛ̰t 4:16

Na toy di hɨn̰ wo̰ ma, ni ɗa gusɨni marani naŋ. Na cɨndi, kuyoŋdi-gusɨna togii na duroŋ dḛ dḛ kalɨn̰ ma, sɔmɛ-bɨra gɨ hɨrɨwa woy te sɔ cay mɨngay gɨŋ dan̰ wɔlɛ pɨna pɨna.

Galad 6:9

Hɨn̰ wo̰ na, kuɗa gɨ na leegɨŋ ɗarwa dan̰ wɔlɛ pɨna pɨna bɨ, na ɗɔɔ ba gɨlale toy nee naŋ bɨ. Hɨn̰ gɨ na na gɨlalagɨŋ toy nee naŋ na, na kɨya wɔɔgɨŋ cay kobɨnagɨŋ boy wɔlɛdi gɨŋ.

2 Tesalonigɨ 3:13

Ama kɨŋ-gandi karmɨnɨ ga ban̰aŋ dan̰ ga kandɨ, kɨŋ ɗɔɔ ba gɨlale te lɔɔ hɨnga ga ɗari gaŋ naŋ.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 12:5

Kɛ kuduroygɨŋ hal gɨybəŋ cay bandɨ di Kumu dobɨ kuduroygɨŋ hɨn̰ karɨndi wo̰ le ga? «Ay! Kuronɨ, sɔlɛ hale gɨ da Ba-gulɔŋ loon̰ hɨnga ga kalɨn̰ wo̰ naŋ bɨ, Ji ɗɔɔ kuduron̰ mundoŋ kɨɗɨn̰ ga ban ɗalɨn̰ naŋ bɨ.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

1 Pɨyɛr 2:23

Kɨɗɨn̰ ga kan yagɨdiige le, ban jɨga yagɨdage ban̰di nee naŋ bɨ. Kɨɗɨn̰ ga kan ɗɨndɨriige le, ban jɨga tɨgage gɨm naŋ bɨ. Ama ban ɗe gusi kobɨ Kumu gɨ boy kɔl dan̰ durɔ ɗɨngar.

Wasɨn̰a 2:3

Ɨŋ sol gɨ gɨle-cɨn̰ andaŋ caygɨŋ kol gusoŋnɨ bɨ, kɨŋ ƴom kuduroygɨŋ osu duroy nee bɨ, ɨŋ sol gɨ kɨŋ gabaŋ naŋ bɨ.