Əbɨro 12:25 - Gabri Maja

²⁵ Hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ. Kɨŋ ɗɔɔ ba kan̰e jɔɔ kɔl gɨ da ban gɨ ba-yɔɔ kɔl danagɨŋ le naŋ. Kɨya wa Moyis sogɨ sɨmay karɨn̰ Ɨsɨrayɛl a cay gɨsəŋ gɨŋ kɛ, ama kan ga kan̰ge jɔɔ kɔl koyi le wayge hale. Koni ni-gandi na Kumu som na gɨɗɨgɨ-Kumu gɨŋ yen̰ kɔl danani. Hɨn̰ gɨ ni na bɨl kardɨni bii na, kɛ ni kɨya wɔɔ wɨdɨlde gɨ ɗɨn̰ a wɔlɛdi gɨ nee gɨŋ le naŋ ga?

Əbɨro 12:25 ပူးပေါင်းရင်းမြစ်များ

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 8:4

Kardi nee Jesu yeyi hɨn̰: «Ja kuɗa: Yɔ koldi bɨn̰ ungo haw kɛ ɗe sol gɨ mada le na duroŋ gusɨn̰ naŋ. Ama ɨra gɨle gusɨn̰ a da ka-bɔgɛ kɨbar ɗe kan kobɨge sol kɛ mada le duroŋ gusɨn̰ leen̰ cɨndi haa bɨ ga. Ɨni na, mɨn̰ da orɨn̰ dan̰ hɨnga ga ni n̰ɨre bɨn̰ ka-bɔgɛ kɨbar, hɨn̰ gɨ gasɨn̰-kɔl gɨ da Moyis ba ye ojɨn̰ cay kalaŋ ga mada toge ba duroŋ gusɨge coŋ le, bɨ ba-bɔgɛ kɨbar le kɨya bɔgɛ kɨbar bɨn̰ Kumu. Hɨn̰ wo̰ na, kalaŋ nɔm kɨya sɔlɛge hɨn̰ gɨ mada le na duroŋ gusɨn̰ coŋ bɨ, kan kɨya ɓalege bugoŋ pɨna danan̰ bɨ.»

Gɨye-lɔɔ 7:35

Bɨ Etɛn ye ɗaŋ coŋ hɨn̰: «Moyis le, na ban gɨ naa karmii Ɨsɨrayɛln̰əŋ jɨbige sɛdɨ coŋ yeyge hɨn̰: “Na waŋ ba sɨn̰ ba-cayni bɨ, ba-bɔyɛ kɔl cayni bɨ ga le?” Na ban ma Kumu gɨygi hɨn̰ ba-cayge bɨ, ba-dorge kɨbɨ guyɔŋdu dɨŋ bɨ, dan̰ gɨyəŋ gɨ da ba-ƴɔbɛ gɨ daa nii gɨ andaŋ cayi duroy karɨn̰ sɨya gaŋ le.

1 Tesalonigɨ 5:15

Ɗagɨŋ muɗɔlɛ a cay gusɨgɨŋ gɨŋ ɗɔɔ gɨ ungo jogɨn̰ dan̰ ɨsɨna ban̰di ɨsɨna bɨn̰ mɨgay daa naŋ, ama kɨŋ mala gɨyəŋ gɨ ni lɔɔ hɨnga ga ɗari dan̰ tɨwa nɔm duroygɨŋ bɨ, kol cay kalaŋ nɔm bɨ.

2 Timote 4:4

Kan kɨya lɨgɨdege sɨmayige daa cay kɔl gɨ cɨndi, ama bɨlege gusɨge na gusi dɔrɛ te hɨnga ga toyge bɨ cayge bɨ unɔ gaŋ.

Əbɨro 1:1

A boy ɨlge ga jɨne jɨne gaŋ, Kumu yen̰ mon̰ina kɔl dan̰ gɨyəŋ gɨ da ka-yɔɔ-kɔl-gɨ-Kumu-ba-yɔɔ tɨbaa kondɨ bɨ, dan̰ gɨyəŋ gɨ toyge kan̰dɨge kan̰dɨge bɨ.

Əbɨro 11:7

Na dan̰ gɨyəŋ gɨ da aye kudurɔ ma, Nɨwe je kɔl gɨ Kumu yeyi tumɔ ojɨn̰ cay hɨnga ga kɨya lɔɔ gusɨge. Ama ungo baa sɔlɛ dan̰ cɨndi ƴee. Ban aya kɔl gɨ andaŋ kɨbɨ Kumu laan̰ sɔrɛ naŋ. Lee gɨ ban gaɗɨ koburo gɨ gumu taa taa hɨn̰ ƴaa wo̰ kɨya poɗɨn̰ ka-ƴaadi bɨ, kuyoŋdi-gusi koyi bɨ. Na dan̰ gɨyəŋ gɨ nee le ma, Nɨwe lee gɨ kɔl ƴom cay kalaŋ ga a cay gɨsəŋ gaŋ. Kɨya cay kuduroyi ga ban bee a cay Kumu le, Kumu solii leen̰ ungo gɨ dan̰ durɔ ɗɨngar a cɨndi.

Əbɨro 12:19

Kan jege noy burun̰ji di ye bɨ, noy ungo kalɨn̰ ma ye nee bɨ. Kɨɗɨn̰ ga karɨn̰ Ɨsɨrayɛl jege noy ungo gɨ nee le na, kan̰ge jɔɔ kɔl gɨ ɗaŋ cay mɨgayi gɨŋ.

Əbɨro 3:12

Karmɨnɨ ga ban̰aŋ dan̰ ga kandɨ, ɗagɨŋ muɗɔlɛ cay gusɨgɨŋ gɨŋ. Ɗe waŋ waŋ kalɨn̰ ma a duroygɨŋ ɗɔɔ kuduroy ɨsɨna naŋ le, kuduroy-dɨmbɨrwa orɨn̰ danayi bɨrɨŋ, dorii a te gɨyəŋ gɨ da Kumu gɨ som-bɨra gɨŋ le coŋ naŋ.

Əbɨro 3:17

Kalaŋ ga Kumu lee kuduroy-hɔmɛ ɨlge toyi-poɗɨn̰ danage le na ga ani ga? Ban lee kuduroy-hɔmɛ na dan̰ kalaŋ ga leege ɨsɨna bɨ, ga gundɨge baa duroy daldɨŋ bɨ.

Əbɨro 8:5

Gɨye gɨ ka-bɔgɛ kɨbar ga nee leege le, na turnoy hɨnga ga a gɨɗɨgɨ-Kumu gaŋ, kan ƴolge na ƴɔlɛ ƴɔbɨ. Kɨya wa kɨɗɨn̰ ga Moyis baa mɨnde gɨ ni gaɗe ƴaa-di-da-Kumu di leege dan̰ ɓala le, Kumu yeyi hɨn̰: «Ji kɨya lɔɔ hɨnga nɔm ɗe woy gɨlɨn̰ dan̰ kan ga ɨŋ ba gɨlɨn̰ a cay garma gɨŋ le.»

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»

Wasɨn̰a 22:9

Ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba-gɨye hɨn̰ ji-bandi wo̰ bɨ, hɨn̰ karmɨn̰ ka-yɔɔ-kɔl-gɨ-Kumu-ba-yɔɔ wo̰ bɨ, hɨn̰ kalaŋ nɔm ga ka-game kɔl gɨ da magtubu di kɛ le wo̰ bɨ.»