Əbɨro 12:24 - Gabri Maja

²⁴ Kɨŋ-gandi na, kɨŋ sɨygɨ na gusi Jesu gɨ dan̰ gɨyəŋ gɨ da kɨbardi gɨ gɨre dugo le. Kumu leen̰ saɗe kɨbɨ pɨna ɓɨse gusu gɨ hɨrɨwa dan̰ kalaŋ. Kɨbardi le ye kɔl kuɗa ɗɨn̰ gɨ da kɨbardi Abɛl.

Əbɨro 12:24 ပူးပေါင်းရင်းမြစ်များ

Matɨyo 23:35

Ɗe kɨbar di kalaŋ ga dan̰ durɔ ɗɨngar ga bugoŋ dugo gɨsəŋ kɛ le ba caygɨŋ. Ayɨn̰ toy a cay kɨbar Abɛl, gɨ na ungo gɨ dan̰ durɔ ɗɨngar, bɨrɨŋ andɨn̰ a cay Jagari kurɨn̰ Barasi, gɨ kɨŋ dɨɗii a duroy kɨɗɨn̰ ga kan gaɗɨge kɨya bogɨn̰ kɨbar nee, dan̰ ƴaa-di-da-Kumu dɨŋ.

Matɨyo 26:28

Kɨya gɨ hɨnga ga kɛ le na kɨbarnɨ, na kɨbar gɨ da saɗe kɨbɨ pɨna ɓɨse gusu gɨ bugoŋ dugo kol cay kondɨwa gɨ da kalaŋ, bɨ ɗe Kumu ɗen̰ kuduroy jal cay ɨsɨnan̰əŋ kage bɨ.

Marg 14:24

Bɨ ban yege hɨn̰: «Hɨnga ga kɛ le na kɨbarnɨ, na kɨbar gɨ da saɗe kɨbɨ pɨna ɓɨse gusu gɨ bugoŋ dugo kol cay kondɨwa gɨ da kalaŋ.»

Kɔl-gɨ-Ɗari gɨ Lug wal 22:20

Kɨɗɨn̰ ga kan diige mapa le ɨni na, Jesu ay kobo ga ni nare le bɨge hɨn̰ gɨ ban ba leen̰ dan̰ mapa le bɨ yege hɨn̰: «Kobo ga ni nare ga kɛ le, na saɗe kɨbɨ pɨna ɓɨse gusu gɨ hɨrɨwa dan̰ kɨbarnɨ gɨ bugoŋ dugo kol caygɨŋ le.

Galad 3:20

Ɓɨragɨ na, ba-ɨre durɔ le, ɨre na duroy kalaŋ sɔɔ. Ama a kɛ na, na Kumu pɨna hayi kəɗ kəɗ.

1 Timote 2:5

Kɨya wa Kumu na pɨna hayi kəɗ kəɗ bɨ, Ba-ɨre duroy Kumu dan̰ kalaŋ kalɨn̰ ma, Na pɨna hayi kəɗ kəɗ. Ungo gɨ nee le, Na Jesu-Kɨris.

Əbɨro 10:22

Hɨn̰ wo̰ na, ɗe gɨ ana sɨygɨŋ mɨnde gusi Kumu dan̰ ɗugoynagɨŋ pɨna bɨ, dan̰ aye kudurɔ gɨ osi kəŋ kəŋ bɨ, dan̰ ɗugoynagɨŋ di duroŋ mɨra te ɨrɨmedɨna gɨ ɨsɨn nɔm bɨ, dan̰ kuyoŋdi-gusɨnagɨŋ gɨ pɨlge dan̰ kaŋ ga arɨn̰ cərərə bɨ.

Əbɨro 11:28

Na dan̰ gɨyəŋ gɨ da aye kudurɔ ma, Moyis lee kɨdɨrɛ gɨ ni Pakɨ bɨ ayɨn̰ noy bee gɨ kan na wɨjdɨ kɨbar kɨbɨ-ƴaa gɨŋ bɨ, ɗe ba-ƴɔbɛ gɨ daa nii ba-mɔndɛ kalaŋ na da dɨɗe karɨn̰ Ɨsɨrayɛl ga woogege cay wase naŋ.

Əbɨro 11:4

Dan̰ gɨyəŋ gɨ da aye kudurɔ na, Abɛl bɨn̰ Kumu hɨnga ga ni bogɨn̰ kɨbar ga kuɗa ɗɨn̰ hɨnga ga da Kayin ga bee. Kɨya cay aye kudurɔ gɨ ban orɨn̰ le, Kumu solii leen̰ ungo gɨ dan̰ durɔ ɗɨngar. Kɨya wa Kumu gusi koyi ba ƴɔɔ hɨnga ga ni be kayi le. Bɨ na dan̰ gɨyəŋ gɨ da aye kudurɔ ma, Abɛl na mara kalɨn̰ ma, hɨnga ga ban lee le woy te yɔɔ kɔl ban̰ nee ƴee.

Əbɨro 13:20

Kuɗa gɨ Kumu gɨ ba-bee gusi-dɔbɛ bɨ, ba bɔyɛ Ba-gulondɨna Jesu-Kɨris lɨbe duroy kalaŋ ga madɨrdaŋ bɨ, bɨgɨŋ tɔgɨ di ni loon̰ ɗarwa ɗe agɨŋ ɓalɨn̰ loon̰ kuduroy geye koyi. Kuɗa gɨ ban laa gɨye gɨ moy a gusɨgɨŋ dan̰ gusoŋ Jesu-Kɨris gɨ na ba-dɔrɛ tumoy gamge gɨ gumu. Na kɨbar gɨ da sadɨga toyi ma na te saɗe kɨbɨ pɨna ɓɨse gusu, gɨ woy dan̰ tumoyi gɨ ban lee duroy kalaŋ ga ɨndəŋ dan̰ Kumu. Kuɗa gɨ gusoŋ-tɔgɛ woy kɨya cay Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

Əbɨro 7:22

Naa hɨn̰ wo̰ kalɨn̰ ma, na orɨn̰ dan̰ hɨnga ga ni saɗe kɨbɨ pɨna ɓɨse gusu ga kuɗa ɗɨn̰ dan̰ Kumu. Jesu le, ban na ba lɔɔ gɨ saɗe kɨbɨ pɨna le na usa.

Əbɨro 8:13

Kɨɗɨn̰ ga Kumu ye kɔl gɨ ojɨn̰ cay saɗe kɨbɨ pɨna ɓɨse gusu gɨ hɨrɨwa le, ban ay saɗe kɨbɨ pɨna ɓɨse gusu gɨ cay wase le, leen̰ saɗe kɨbɨ pɨna ɓɨse gusu gɨ ɨlgi. Hɨnga nɔm ga lee ga əsi bɨ, lee ga ɨlgi bɨ le, baa mɨnde kɨya kaɗɨn̰e.

Əbɨro 8:6

Ama gɨye gɨ da Jesu le, na gɨye gɨ gumu ɗɨn̰ gɨ da te ka-bɔgɛ kɨbar coŋ. Kɨya wa ban na ba ɨre duroynagɨŋ duroy saɗe kɨbɨ pɨna ɓɨse gusu gɨ kuɗa tɔgɨ ɗɨn̰, gɨ si toyi na a cay hɨnga ga Kumu ye gɨ ɗi na kɨya lɔɔ bɨge ga kuɗa ɗɨn̰ bɨ.

Əbɨro 8:8

Kumu sol hɨnga ga ɨsɨn gusi te kalaŋ kayi, na toy di hɨn̰ wo̰ ma ban ɗalge ye hɨn̰: «Ba-gulɔŋ Kumu ye hɨn̰: “Wɔlɛn̰əŋ tɨlgage nee, Ɨŋ kɨya lɔɔ dan̰ te wɨn̰je gɨ da Ɨsɨrayɛl bɨ, Te wɨn̰je gɨ da Juda bɨ, Saɗe kɨbɨ pɨna ɓɨse gusu gɨ hɨrɨwa.

Əbɨro 9:15

Na toy di hɨn̰ wo̰ ma, Kɨris bɨle ba ɨre duroyna duroy saɗe kɨbɨ pɨna ɓɨse gusu gɨ hɨrɨwa le. Ban ma na kɨya boyɨn̰ cay kan ga hangɨɗɨge cay gasɨn̰-kɔl a te saɗe kɨbɨ pɨna ɓɨse gusu gɨ cay wase gɨŋ le. Na toy di hɨn̰ wo̰ ma, kalaŋ ga Kumu teege le, kɨya ɓalege wɔɔ hɨnga ga ni wɔɔ ga woy dan̰ tumoyge, ga Kumu ye gɨ ɗi na kɨya bɨn̰ karɨndi le.

Əbɨro 9:19

Kɨɗɨn̰ ga Moyis dor te tumɔ pɨna pɨna nɔm di woy duroy magtubu gasɨn̰-kɔl dɨŋ, bɨn̰ karɨn̰ Ɨsɨrayɛln̰əŋ ɨni na, ban ay kɨbar gɨ da karɨn̰ sɨn̰əŋ bɨ, gɨ da kugan̰əŋ bɨ, pol dan̰ kaŋ bɨ, teɗi gamge ga yɨle bɨ, kabɨn̰ hɨnga ga teegege ijopɨ bɨ, wɨjɨde a cay magtubu di nee le bɨ, cay karɨn̰ Ɨsɨrayɛl bɨ.

Əbɨro 9:21

Kardi nee na Moyis wɨjɨde kɨbar a cay ƴaa-di-da-Kumu di leege dan̰ ɓala bɨ, cay kɔjɛn̰əŋ ga kan leen̰ge gɨye gɨ da Kumu nɔm bɨ.

1 Pɨyɛr 1:2

Bayna Kumu tornagɨŋ dan̰ gɨyəŋ gɨ da gɨse gɨ ban gɨsɨ tumɔ hayi. Lee gɨ kɨŋ na kalaŋ kayi dan̰ gɨyəŋ gɨ da Turnɔ toyi ɗe agɨŋ na jen̰ kɔl kɨbɨ Jesu-Kɨris bɨ, ɗe kɨbardi gɨ bugoŋ dugo le na dorgɨŋ mɨra bɨ. Kuɗa gɨ ɗarwa di da Kumu bɨ, gusi-dɔbɛ toyi bɨ, baa danagɨŋ gɨɗaŋ.