Əbɨro 12:2 - Gabri Maja

² Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 12:2 ပူးပေါင်းရင်းမြစ်များ

Matɨyo 16:21

Jesu ay te yon̰ ka-aye-cay-tɨbayi boy tɨwado di nee dɨŋ le waŋ daa ye hɨn̰: «Na wa wa kalɨn̰ ma ɨŋ kɨya ɔrɛ Jerusalɛm, ɗe aŋ wan̰ cɨn̰-n̰age tɔgɨ kobɨ ga muɗoldoŋ bɨ, ka-cay ka-bɔgɛ kɨbar bɨ, ka-gɨlɨn̰ kalaŋ gasɨn̰-kɔl gɨ da Moyis bɨ, kan kɨya dɨɗəŋge bɨ. Ama wɔlɛ sɨbɨdi gɨŋ na, ɨŋ kɨya bɔyɛ lɨbe.»

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Marg 14:36

Ban ye hɨn̰: «Aba! Banɨ, ji ɓal lɔɔ hɨnga nɔm, aya kobo gɨ ni son̰ hɨnga ga ni n̰age ga kɛ le canɨ coŋ. Ama ɗa ɗe woy na hɨn̰ gɨ ji-bandi ji gey wala, na hɨn̰ gɨ ɨŋ-bandi ɨŋ gey wo̰ naŋ.»

Marg 15:28

[Na toy di hɨn̰ wo̰ ma kɔl gɨ kan walge duroy Magtubu di da Kumu dɨŋ ye hɨn̰: «Kan ɗoŋgɨsiige pɨna dan̰ ka-lɔɔ ɨsɨna le» kɨya ɔrɛ kɨɗɨn̰dɨge gaŋ.]

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Marg 9:12

Ban dɨbɨge cay nee hɨn̰: «Na cɨndi, Eli kɨya ɨrga tumɔ pa dɨm, kɨya ɗɔɔ hɨnga nɔm ban̰di nee kɨɗɨn̰dɨge gaŋ. Ama na kɨya wa ma walge duroy Magtubu di da Kumu dɨŋ ojɨn̰ cay Kurɨn̰-ungo gɨ ban na kɨya gɨle-cɨn̰ tɔgɨ bɨ, kalaŋ na gɨ hagɨriige bɨ le ga?

Marg 9:24

Kɔl gɨ kɨbɨna kɛ bɨ, kɨye bayi le yeyi hɨn̰: «Ɨŋ bee kuduronɨ cay Kumu, gɨrəŋ daa aye kudurɔ hɨnge wɨye!»

Kɔl-gɨ-Ɗari gɨ Lug wal 17:5

Ka-gɨre-gɨye ga da Jesu yeyige hɨn̰: «Ba-gulɔŋ laa gɨ ɗe aye kudurɔ koni say cay mɨgayi gɨŋ.»

Kɔl-gɨ-Ɗari gɨ Lug wal 23:11

Ɨni na, Ɛrɔd dan̰ asɨgarn̰əŋ kayi sogiige bɨ, sɨlayge laan̰ hɨnga naŋ bɨ, dobiige badɨge ga jɨran̰daŋ tɔgɨ gusi. Bɨ kan say gɨygi gusi Piladɨ.

Kɔl-gɨ-Ɗari gɨ Lug wal 24:26

Kɨŋ sɨla hɨn̰ gɨ naa wa wa kalɨn̰ ma, Kɨris ban gɨ Kumu dorii le kɨya gɨle-cɨn̰ pa dɨm ma ban kɨya andɨn̰ a duroy gusoŋ-tɔgɛ gɨŋ naŋ ga?»

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 12:24

Jagɨŋ, ɨŋ yəgɨŋ na kɔl gɨ cɨndi, hɨn̰ gɨ cɨn̰ gɛmɛ na ba gɨsəŋ bɨ na mara naŋ na, hɨndi kɨya wɔyɛ na kɨɗɨn̰do gaŋ kan̰do tɔɔ dɨŋ haa. Ama hɨn̰ gɨ hɨndi na mara na, hɨndi kɨya wɔ karɨndo dan̰ kondɨwayge.

Kɔl-gɨ-Ɗari gɨ Ja̰ wal 12:32

Ama ɨŋ-bandi le, kɨɗɨn̰ ga kan kɨya seŋge daa a cay sɨya-gɨ-dagɨli gɨŋ na, ɨŋ kɨya dɔrɛ kalaŋ nɔm ɨrgan̰ danage gusɨnɨ.»

Kɔl-gɨ-Ɗari gɨ Ja̰ wal 13:3

Jesu sol gɨ Bay na ɗe hɨnga nɔm duroy kobi gɨŋ bɨ, gɨ ɗi na sayga naa gusi Kumu bɨ, ɗi na kɨya jɔgɛ ɔrɛ naa gusi Kumu bɨ.

Kɔl-gɨ-Ɗari gɨ Ja̰ wal 6:40

Əw, kuduroy geye gɨ da Banɨ le, na gɨ waŋ waŋ gɨ na sɨla kuroŋ bɨ, na bɨga kuduroyi cayi bɨ na, na sɨman̰-bɨra dan̰ cɨndi bɨ, ɨŋ kɨya boyi lɨbii a wɔlɛ kagadi gɨŋ bɨ.»

Kɔl-gɨ-Ɗari gɨ Ja̰ wal 8:56

Mon̰dɨgɨŋ gɨ jɨne Abɨraham kɨɗɨn̰ ga ban ɨrɨm a cay wɔlɛ gɨ ɨŋ kɨya cagan̰ le ban te pɨre. Ban sol hɨnga nɔm ga ba kɨya lɔɔ gusɨge ga nee le dan̰ cɨndi bɨ, ban lee gusi-mɔwa.»

Gɨye-lɔɔ 2:36

«Hɨn̰ wo̰ na, kuɗa gɨ waŋ waŋ gɨ a te wɨn̰je gɨ da Ɨsɨrayɛl sɨla kɔl gɨ kɛ le kuɗa: Jesu gɨ kɨŋ ba gagɨlii a cay sɨya-gɨ-dagɨli gɨŋ le, na ban ma Kumu bɨlii Ba-gulɔŋ bɨ, Kɨris ban gɨ Kumu dorii nee bɨ.»

Gɨye-lɔɔ 3:15

Kɨŋ dɨɗii ban gɨ ba ɗɔɔ te habe gɨ ni somɨn̰-bɨra, ama Kumu boyi lɨbii duroy kalaŋ ga madɨrdaŋ gaŋ lee gɨ ni na tɨmon̰ kayi.

Gɨye-lɔɔ 5:31

Na ban ma Kumu ayi si a cay kobi gɨ bara gɨŋ hɨn̰ kɨlma wo̰ bɨ, ba-pɔɗɛ kalaŋ bɨ, ɗe gɨ te wɨn̰je gɨ da Ɨsɨrayɛln̰əŋ na wan̰ge gɨyəŋ gɨ ni bɨlin̰ gɨye-lɔɔdɨge, ɗe Kumu na ɗen̰ kuduroyi jal a cay ɨsɨna koge bɨ.»

Gɨye-lɔɔ 5:41

Ka-gɨre-gɨye andaŋge ɗege kɨɗɨn̰ bɔyɛ kɔl ga da kalaŋ ga ni Jubɨ dan̰ gusi-mɔwa. Kɨya wa Kumu solge gɨ kan na ɓal kɔjɛ hɨnga ga ni gɨle-cɨn̰ ga andaŋ cayge kɨya cay guson̰ Jesu.

1 Korɛ̰t 1:18

Na cɨndi, kɔl gɨ ojɨ cay tɨma di Jesu ma a cay sɨya-gɨ-dagɨli gɨŋ le, na kɔl gɨ woy dɨngal na kɨya cay kan ga kɨya mundoŋ coŋ, ama na dɔnɔ di da Kumu kɨya cayna na-gandi ga na poɗɨ.

1 Korɛ̰t 1:23

Ama ni-gandi na, ni tee bɛrnɛ gɨ da Kɨris gɨ kan gagɨlige a cay sɨya-gɨ-dagɨli gɨŋ le bɨn̰ na kalaŋ nɔm. Bɛrnɛ di nee le bɨle na hɨn̰ gundi sɨya gɨ ba dɔgɛ tɨban̰ Jubɨn̰əŋ bɨ, bɨle na hɨnga ga ni dɨngale cɨn̰ kalaŋ ga toyge na Jubɨ naŋ bɨ.

Epɛs 2:16

Kɨris gey bogɨna pɨna nɔm dan̰ Kumu, Jubɨ bɨ Jubɨ naŋ bɨ ɗe ana na bɨlɨn̰ te kalaŋ ga pɨna dan̰ gɨyəŋ gɨ da tɨmaydi di a cay sɨya-gɨ-dagɨli gɨŋ. Na a cay sɨya-gɨ-dagɨli gɨŋ ma ban mondɨ ƴɔmɛ gusɨna dan̰ kuduroyna gɨ woy a duroyna bɨ, ban lee gɨ na bɨləŋ na te kalaŋ ga pɨna bɨ.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Pilib 1:6

Ɨŋ sol kuɗa, Kumu gɨ ba ɗɔɔ te gɨye gɨ kuɗa gɨ nee a kuduroygɨŋ le, kɨya orɨn̰ danayi bɨrɨŋ dɨɗe kɨbi a wɔlɛ gɨ Jesu-Kɨris kɨya cagan̰ gɨŋ.

Pilib 3:20

Ama na-gandi na, na na kalaŋ ga cay ƴaadɨna na a gɨɗɨgɨ-Kumu gɨŋ. Gɨɗɨgɨ-Kumu na kɨɗɨn̰ ga ba-pɔɗɛ kalaŋ Ba-gulondɨna Jesu-Kɨris gɨ na ba som gamii le, kɨya sayga nee ɨrga a cay gɨsəŋ gaŋ.

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Əbɨro 1:13

Duroy ka-ƴɔbɛ ga daa nii le, pɨna wo̰ gɨ Kumu yeyi hɨn̰: «Ɨre sɨma a kɨwanɨ a cay kɔbɔŋ gɨ bara gɨŋ, Bɨrɨŋ gɨsɨn̰ gɨ aŋ bɨle ka-baadɨn̰ Leen̰ hɨnga ga ni bogɨn̰ gondɨn̰ cay nee» le, unɔ yɔd.

Əbɨro 1:3

Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.

Əbɨro 10:14

Na toy di hɨn̰ wo̰ ma, kɨɗɨn̰ ga Jesu ba ay gusi been̰ kɨbar cay pɨna ɗɔɔ ƴɔbɨ le, ban lee gɨ kan ga ban dorge mɨra te ɨsɨna gɨŋ le, bɨləŋge kalaŋ ga kuɗa duroŋ cɨrɛɗ dan̰ cɨndɨge.

Əbɨro 10:33

Kɨɗɨn̰ ga pɨna na, kan yagɨdɨgɨŋge bɨ gɨlgɨŋge-cɨn̰ bɨ, cɨn̰ kalaŋ. Kɨɗɨn̰ ga pɨna na, kɨŋ bugoŋ pɨna dan̰ kalaŋ ga kan gɨlge-cɨn̰ duroy n̰age toge dɨŋ hɨn̰ wo̰ bɨ.

Əbɨro 11:36

Ka-aye kudurɔ ga pɨna kan sogdɨgege bɨ, somdɨgege dan̰ bɨraw bɨ, kan ga pɨna kan saɗɨdɨgege dan̰ mɔrɨyɔŋ bɨ beegege dangay dɨŋ bɨ.

Əbɨro 12:3

Ho’o, ɨrɨmgɨŋ a cay Jesu. Ban ƴom kuduroyi duroy gɨle-cɨn̰ gaŋ nɔm ga kalaŋ ga ka-lɔɔ ɨsɨna leege danayi. Bɨ hɨn̰ wo̰ na, kɨŋ ɗɔɔ togɨygɨŋ duroŋ sɔd coŋ kɨya cay kuduroygɨŋ ga mundoŋ naŋ.

Əbɨro 13:13

Na toy di hɨn̰ wo̰ ma, ɗe gɨ ana andaŋgɨŋ orgɨŋ a kardi gulɔŋ gɨŋ doŋ, ɗe kan dɨbɨn̰ge dasi cay nagɨŋ hɨn̰ koyi wo̰ bɨ.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Əbɨro 7:19

Na cɨndi, hɨnga ga gasɨn̰-kɔl gɨ da Moyis lee ɗe duroŋ cɨrɛɗ wo̰ unɔ. Ama Kumu bɨna a ban̰di nee hɨnga ga ni bogɨn̰ ɨrɨmedɨna cay nee, ga kuɗa ɗɨn̰ ga tumɔ coŋ. Lee gɨ na ɓal gɨ ni sɨye gusi Kumu dan̰ gɨyəŋ gɨ da hɨnga ga ni bogɨn̰ ɨrɨmedɨna cay nee ga nee le.

Əbɨro 8:1

Te kɔl nɔm gɨ ni ba ye le bambadi ba kɛ: Leen̰ cɨndi, na mangɨl gɨ da ka-cay ka-bɔgɛ kɨbar gɨ gɨlɨn̰ hɨn̰ ban gɨ nee le ma mana orɨn̰gɨŋ. Ban som durdi kali-tɨrɨmbala da Kumu ba dɔnɔ gɨ ɗɨn̰ dɔnɔ nɔm a cay kobi gɨ bara gɨŋ a gɨɗɨgɨ-Kumu.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

Magtubu di Jag wal 2:1

Karmɨnɨ ga ban̰aŋ dan̰ ga kandɨ, kɨŋ ay kuduroygɨŋ bɨn̰ Ba-gulondɨna Jesu-Kɨris gɨ dɨbɨge gusoŋ-tɔgɛ cayi ɨni. Dɔrɛgɨŋ cɨn̰ kalaŋ naŋ, kɨya wa dɔrɛ cɨn̰ kalaŋ le, na hɨnga ga ɨra dan̰ gɨyəŋ gɨ da ba-aye-kudurɔ naŋ.

1 Pɨyɛr 1:11

Turnɔ di da Kɨris di woy kuduroyge le gɨlge gɨle-cɨn̰ da Kɨris tumɔ haa bɨ, gusoŋ-tɔgɛ gɨ ban ba kɨya wɔɔ kardi gɨle-cɨn̰ di nee dɨŋ le bɨ. Kan malge toyi gɨɗaŋ kɨya solɨn̰ge gɨ hɨnga nɔm ga nee le na kɨya ɨrga naa dan̰ wɔlɛ gɨ ani gɨŋ bɨ, dan̰ gɨyəŋ gɨ mɨna bɨ ga?

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.

Magtubu di Jud wal 1:21

Kɨŋ-gandi gusɨgɨŋ amagɨŋ gusɨgɨŋ ɨrɨn̰gɨŋ a cay geye gɨ Kumu geygɨŋ gɨŋ le, gaman̰ sɔmɛ-bɨra gɨ dan̰ tumoyi gɨ Ba-gulondɨna Jesu-Kɨris kɨya bɨna dan̰ gɨyəŋ gɨ da sɔlɛ cɨn̰-n̰age toyi le.

Wasɨn̰a 1:11

Noy ungo le ye hɨn̰: «Hɨnga ga ji ba naa sɨlga dan̰ cɨndɨn̰ le, wala dugo duroy magtubu dɨŋ gɨyɨn̰ bɨn̰ Ka-Daye ga kɨɗɨn̰ jurgum ga a cay gɨsəŋ ga Aji gaŋ: A Epɛs bɨ, Simirnɨ bɨ, Pɛrgam bɨ, Tɨyatir bɨ, Sardɨ bɨ, Piladelpi bɨ, Lawdise bɨ.»

Wasɨn̰a 1:17

Kɨɗɨn̰ ga ɨŋ sɨlga ungo gɨ nee le ɨni na, ɨŋ ba dugo tɨbayi hɨn̰ ungo gɨ ma wo̰. Ban dɨbɨ kobi gɨ bara a canɨ bɨ ye hɨn̰: «Hundɔrɔ naŋ. Ɨŋ na gɨ cay wase bɨ gɨ karu gɛs bɨ.

Wasɨn̰a 1:8

Ba-gulɔŋ Kumu ye daa waŋ hɨn̰: «Ɨŋ na Alpa bɨ Omega bɨ, ɨŋ som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ, a boy wɔlɛ gɨ ba kɨya ɨrga gɨŋ bɨ. Ɨŋ na Kumu gɨ dɔnɔnɨ ɗɨn̰ dɔnɔ nɔm.»

Wasɨn̰a 2:8

Ungo gɨ ɨŋ ba solii le, ye ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Simirnɨ dɨŋ. «Ban gɨ cay wase cɨg cɨg dan̰ ban gɨ karu gɛs gɛs bɨ, ban gɨ ma pa dɨm ma jɨga som-bɨra bɨ le, ye hɨn̰: