Əbɨro 12:15 - Gabri Maja

¹⁵ Ɗagɨŋ cɨndɨgɨŋ kardi gusɨgɨŋ, ɗe ungo duroygɨŋ dor gusi coŋ a te ɗarwa di da Kumu dɨŋ naŋ. Kuɗa gɨ ungo mɔndɛ kalaŋ kondɨwa hɨn̰ gɨ ban naa hɨya gɨ a duroygɨŋ gɨ wɔɔdi orɨn̰ dan̰ sɛm, di kɨya nɔɔ cay kalaŋ jɨn̰ tumɔ tumɔ wo̰ naŋ.

Əbɨro 12:15 ပူးပေါင်းရင်းမြစ်များ

Kɔl-gɨ-Ɗari gɨ Lug wal 22:32

Ama ɨŋ-bandi na, ɨŋ ol Kumu kol can̰ ɗe aye kudurɔ kon̰ na gɨ jɔgɛ karu naŋ. Kɨɗɨn̰ ga ji na bɨl gɨye lɔɔdɨn̰ jɨge gusɨnɨ na, dɨba bandɨ a kuduroy karmɨn̰.»

1 Korɛ̰t 10:12

Na toy di hɨn̰ wo̰ ma ungo gɨ ɨrɨm kuduroy gɨ ɗi naa ungo gɨ ɨre daa na, ɗa gɨ ban ɗa muɗɔlɛ a cay gusi gɨŋ gajanaŋ ban da bɔɔ.

1 Korɛ̰t 13:8

Wandɨ kɨya kaɗɨn̰e naŋ bɨrɨŋ. Te yɔɔ-kɔl-gɨ-Kumu-ba-yɔɔ kɨya ayaŋ bɨ. Wɔlɛ kɨya caga gɨ dɔnɔ di ni yon̰ kɨbɨn̰əŋ ga ungo sɨla toyge naŋ kɨya ayaŋ bɨ, wɔlɛ kɨya caga gɨ te sɔlɛ-hɨnga kɨya kaga bɨ.

1 Korɛ̰t 15:33

Ɗɔ cɨndɨgɨŋ nargɨŋ naŋ: «Ƴɔmɛ pɔgɨn̰ɛ dan̰ kalaŋ ga haldɨge ɨsɨn le kɨya mɔndɛ hal gɨ ɗari gɨ da ungo.»

1 Korɛ̰t 5:6

Hɨnga ga kɨŋ ba de jorgiigɨŋ koldɨge le, na hɨnga ga kuɗa naŋ. Subugu di mapa di dḛ wo̰ le, lee gɨ kɨrbaŋdi gɛmɛ gɨ woŋsi sodɨ nɔm le kɛɛ, kɨŋ sɨla naŋ ga?

2 Korɛ̰t 13:5

Ɨngɨrgɨŋ gusɨgɨŋ kogɨŋ, kɛ leen̰ cɨndi kɨŋ na ka-aye kudurɔ ga? Kɨbagɨŋ gusɨgɨŋ sɨla. Kɛ kɨŋ sɨla gɨ Jesu-Kɨris na wɨya gusɨgɨŋ naŋ ga? Leen̰ cɨndi duroy kɔbɛ gusɨgɨŋ gɨŋ le hɨn̰ gɨ kɨŋ na sɨla gɨ Kɨris na unɔ gusɨgɨŋ na, kɨŋ na ga gabaŋ.

2 Korɛ̰t 6:1

Naa hɨn̰ wo̰ na ni-gandi ga ni na ka-lɔɔ gɨye pɨna dan̰ Kumu le, ni lee n̰age toygɨŋ, kɨŋ ɗɔɔ ɗarwa di kɨŋ ba way gusi Kumu le bɨle hɨnga ga kalɨn̰ wo̰ dugo naŋ.

Galad 2:13

Karmɨnɨ ga toyge na Jubɨ ga ɗaŋ bage boy sɔɔ gɨ tɨba sɔɔ gɨ nee gɨŋ le bɨ, lee gɨ Barnabas kalɨn̰ ma, ƴol sɔɔ gɨ tɨba sɔɔ gɨ nee le bɨ.

Galad 5:4

Kɨŋ ga ka-male gɨ kalaŋ na sɨlagɨŋge laan̰ kalaŋ ga dan̰ durɔ ɗɨngar dan̰ gɨyəŋ gɨ da gasɨn̰-kɔl le, kɨŋ curoŋ yɔd dan̰ Kɨris, bɨlɨn̰ kardɨgɨŋ bɨn̰ ɗarwa di da Kumu toyi bɨ.

Epɛs 5:3

Haw kɛ na, kɨŋ na kalaŋ ga kɨŋ woy dan̰ cɨndɨgɨŋ ɨni, ɗɔɔ gɨ yɔyɛ dan̰ gangɨ caygɨŋ, naŋ le lɔɔ hɨnga ga ni dasi, naŋ le lɔɔ te gursu le, ungo tɔgɛ gusondɨge duroygɨŋ naŋ ɨni.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

Titɨ 1:15

Kalaŋ ga duroŋge mɨra le, hɨnga nɔm na hɨnga ga duroŋ mɨra kol cayge bɨ. Ama kalaŋ ga leege kɨni le, na kalaŋ ga kan̰ge aye kuduroyge coŋ bɨ, hɨnga ga duroŋ mɨra kol cayge unɔ bɨ. Kɨya wa gɨrɨn̰ cayge bɨ, ɨrɨmedɨge bɨ, lee kɨni.

Əbɨro 3:12

Karmɨnɨ ga ban̰aŋ dan̰ ga kandɨ, ɗagɨŋ muɗɔlɛ cay gusɨgɨŋ gɨŋ. Ɗe waŋ waŋ kalɨn̰ ma a duroygɨŋ ɗɔɔ kuduroy ɨsɨna naŋ le, kuduroy-dɨmbɨrwa orɨn̰ danayi bɨrɨŋ, dorii a te gɨyəŋ gɨ da Kumu gɨ som-bɨra gɨŋ le coŋ naŋ.

Əbɨro 4:1

Kumu yenagɨŋ gɨ ɗi na kɨya bɨna hɨnga ga ban yena koldɨge: Na kɨya andaŋ kɨɗɨn̰ dɔrɛ gɨlale kayi gaŋ bɨ, hɨnga ga ban kɨya bɨna ga nee le, woy ban̰dɨge gaŋ jaŋ ƴee. Na toy di hɨn̰ wo̰ ma, kuɗa gɨ na ɗe cɨn̰-muɗɔlɛ cay gusɨnagɨŋ, ɗe ungo pɨna wo̰ duroygɨŋ dɔgɛ andaŋ a te gɨyəŋ gɨ ni andɨn̰ kɨɗɨn̰ dɔrɛ gɨlale gaŋ le coŋ naŋ.

Əbɨro 4:11

Naa hɨn̰ wo̰ na, kuɗa gɨ ana ongulgɨŋ gusɨnagɨŋ daa andɨn̰ a kɨɗɨn̰ dɔrɛ gɨlale ga nee gaŋ le. Laanagɨŋ ɗe gɨ ungo pɨna duroyna kayaŋ kɨya cay lɔɔ te tumɔ naŋ, hɨn̰ gɨ da mon̰iinagɨŋ wo̰ naŋ.

Əbɨro 6:11

Ama kuduroy geye koni na gɨ waŋ waŋ kalɨn̰ ma duroygɨŋ gusi-hɨmbalayi cɨndi tumɔ tumɔ bɨrɨŋ dɨɗɨn̰ kɨbi. Kɨɗɨn̰ ga nee le, hɨnga ga kɨŋ bee ɨrɨmedɨgɨŋ cay nee gɨ na kɨya ɨrga le, kɨya ɔrɛ kɨɗɨn̰dɨge gaŋ nɔm.

2 Pɨyɛr 1:10

Karmɨnɨ ga ban̰aŋ dan̰ ga kandɨ, na toy di hɨn̰ wo̰ ma, kuɗa gɨ kɨŋ ƴɨma togɨygɨŋ daa ɗe ɗɨn̰ di tumɔ coŋ agɨŋ ɨrɨn̰ osu a te tɔgɛ gɨ Kumu təgɨŋ le bɨ, dɔrɛ gɨ Kumu dorgɨŋ le bɨ. Kɨya wa hɨn̰ gɨ kɨŋ na laa hɨn̰ wo̰ na, kɨŋ kɨya bɔɔ a boy hɨnga ga ɨsɨni gaŋ naŋ bɨrɨŋ.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

2 Pɨyɛr 3:11

Hɨn̰ gɨ hɨnga nɔm na kɨya kaɗɨn̰a bɛɗ hɨn̰ wo̰ na, gɨye lɔɔdɨgɨŋ gɨ wɔyɛ na mɨna ga? Kuɗa sɔmɛ dan̰ gɨye-lɔɔ gɨ bugoŋ pɨna dan̰ Kumu bɨ, dan̰ gɨye-lɔɔ gɨ woy dan̰ cɨndi bɨ.

2 Pɨyɛr 3:14

Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.

2 Ja̰ 1:8

Ɗagɨŋ muɗɔlɛ a cay gusɨgɨŋ gɨŋ ɗe agɨŋ kayɨn̰ cay kɔbɔ gɨ da gɨye-lɔɔdɨgɨŋ naŋ, ama ɗe agɨŋ wan̰ cay kobɨgɨŋ ɗəndəŋ.