Əbɨro 12:14 - Gabri Maja

¹⁴ Malagɨŋ gɨyəŋ gɨ ni somɨn̰ dan̰ gusi-dɔbɛ dan̰ kalaŋ nɔm bɨ, gɨ ni somɨn̰ dan̰ kuduroy-bɛrɛ dan̰ cɨndɨgɨŋ tumɔ tumɔ bɨ. Kɨya wa dɨle hɨnga ga nee le na, ungo gɨ ba kɨya sɔlɛ cɨn̰ Ba-gulɔŋ unɔ bɨrɨŋ.

Əbɨro 12:14 ပူးပေါင်းရင်းမြစ်များ

Marg 9:50

«Ɗɔgɔ le na hɨnga ga ɗari. Ama hɨn̰ gɨ ɗɔgɔ le man̰edo na sa coŋ na, na wa ba kɨya jɨgan̰ dan̰ man̰edo le ga? Wɨyagɨŋ hɨn̰ ɗɔgɔ wo̰ bɨ, kuɗa gɨ gusi-dɔbɛ ɗe woy duroygɨŋ bɨ.»

Kɔl-gɨ-Ɗari gɨ Lug wal 1:75

Ɗe ana na won̰gɨŋ hɨn̰ kalaŋ kayi Ga woyge dan̰ cɨndɨge wo̰ bɨ, Ga dan̰ durɔ ɗɨngar wo̰ bɨ, A tumoyi bɨrɨŋ gɨsɨn̰ wɔlɛ tɨman̰dɨnagɨŋ gɨŋ bɨ.

Magtubu di Pol wal bɨn̰ kalaŋ ga Rɔm 12:18

Hɨn̰ gɨ kɨŋ na ɓala na, laagɨŋ hɨnga nɔm ga gangɨdɨge woy a kobɨgɨŋ le, ɗe agɨŋ somɨn̰ dan̰ gusi-dɔbɛ dan̰ kalaŋ nɔm.

Magtubu di Pol wal bɨn̰ kalaŋ ga Rɔm 14:19

Hɨn̰ wo̰ na, kuɗa gɨ na mala na kardi hɨnga ga kɨya ɨrgan̰ dan̰ gusi-dɔbɛ a duroynagɨŋ bɨ, ɗe togɨygɨŋ na san̰ cay mɨgaa dɨŋ bɨ.

Magtubu di Pol wal bɨn̰ kalaŋ ga Rɔm 6:22

Ama haw kɛ na, kɨŋ andaŋ a te dɔnɔ di da ɨsɨna gɨŋ coŋ bɨ kɨŋ bɨle na gɔyɔŋ ga da Kumu. Wɔɔdi hɨnga ga kɨŋ ba kɨya wɔɔ le, na gɨye-lɔɔ gɨ gɨl gɨ kɨŋ naa kalaŋ ga da Kumu ga woy dan̰ cɨndɨge gɨ gɨye-lɔɔ gɨ nee le kɨya orɨn̰ danagɨŋ a sɔmɛ-bɨra gɨ dan̰ tumoyi gɨŋ.

1 Korɛ̰t 1:10

Ay, karmɨnɨ ga ban̰aŋ dan̰ ga kandɨ, ɨŋ lee n̰age gusɨgɨŋ dan̰ guson̰ Ba-gulondɨna Jesu-Kɨris: Bugoŋgɨŋ pɨna nɔm bɨ, ɗa gɨ puyoŋ unɔ duroygɨŋ bɨ. Ɗa gɨ kuduroygɨŋ bɨ ɨrɨmedɨgɨŋ bɨ, bugoŋ pɨna.

1 Korɛ̰t 13:12

Na hɨn̰ wo̰ kol cayna bɨ. Haw kɛ na, na sol Kumu na hɨn̰ duroy kudurɔm gɨ mɨdagi gɨŋ wo̰, ama a wɔlɛ ga ɗaŋ gaŋ na, na kɨya solii dan̰ cɨndɨna gerɨn̰ gerɨn̰. Haw kɛ na ɨŋ sol na kɨway hɨnga ƴɔbɨ, ama wɔlɛdi gɨŋ na ɨŋ kɨya sɔlɛ-hɨnga nɔm, hɨn̰ gɨ Kumu ba sɔlɔŋ wo̰ bɨ le.

2 Korɛ̰t 6:17

Na toy di hɨn̰ wo̰ ma Ba-gulɔŋ Kumu ye hɨn̰: «Andaŋgɨŋ duroy kalaŋ ga nee le coŋ, Dɨragɨŋ gusɨgɨŋ coŋ gusɨge, Cɨlegɨŋ hɨnga pɨna wo̰ ga lee kɨni naŋ, Ɨni na ɨŋ kɨya ƴomgɨŋ gusɨnɨ.»

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

Galad 3:21

Kɛ gasɨn̰-kɔl kɨya mɔndɛ hɨnga ga Kumu ye gɨ ɗi na kɨya lɔɔ le ga? Cə, na hɨn̰ wo̰ naŋ bɨrɨŋ! Tumɔ hɨn̰ gɨ kalaŋ na ɓalage wɔɔ sɔmɛ-bɨra gɨ dan̰ cɨndi dan̰ gɨyəŋ gɨ da kɔbɛ gɨ kan kobɨ gasɨn̰-kɔl nɔm gɨ Kumu bɨge na, kan ni kɨya bɨlege kalaŋ ga dan̰ durɔ ɗɨngar dan̰ gɨyəŋ gɨ da gɨye-lɔɔ gɨ nee le ɨni.

Epɛs 5:5

Jagɨŋ kuɗa. Ungo gɨ ba lɔɔ gɨye yɔyɛ gɨ toy kan̰di kan̰di bɨ, lɔɔ hɨnga ga ni dasi wala orɨn̰ dan̰ tabɨlaŋdi wɔɔ hɨnga bɨ le, ban kɨya wɔɔ hɨnga a boy dɔɔ-ƴaa gɨ da Kɨris dan̰ Kumu naŋ. Orɨn̰ dan̰ tabɨlaŋ di ni woon̰ hɨnga le gɨlɨn̰ na hɨn̰ n̰ɨre kula wo̰.

Pilib 3:12

Hɨnga ga ɨŋ ba gɨre koldɨge le ɨŋ ɨsɨma dan̰ kɔbɔŋ mɛj naŋ ƴee bɨ, ɨŋ duroŋ cɨrɛɗ naŋ ƴee bɨ. Ama ɨŋ gɨre cɨnɨ jɨn̰ cay hɨnga ga woy tumonɨ, ɗe aŋ na osɨmɨn̰ hɨnga ga ɨŋ gɨre koldɨge le dan̰ kɔbɔŋ mɛj, hɨn̰ Jesu-Kɨris kalɨn̰ ma ba ɔsɨmɔŋ dan̰ kobi wo̰ bɨ.

1 Tesalonigɨ 3:13

Kuɗa gɨ ban laa gɨ ɗugoygɨŋ usa ɗe agɨŋ won̰ kalaŋ ga woy dan̰ cɨndɨge bɨ, kalaŋ ga masadɨge unɔ bɨ, tumoy Bayna Kumu, kɨɗɨn̰ ga Ba-gulondɨna Jesu kɨya ɨrga dan̰ kalaŋ kayi nɔm le. Ɗa-ɗe-woy-hɨn̰-wo̰!

1 Tesalonigɨ 4:7

Na cɨndi, Kumu tɨgani na gɨ ni na laa naa hɨnga ga ni dasi naŋ, ama ɗe gɨ ni na wɨya naa kalaŋ ga gɨye-lɔɔdɨge woy dan̰ cɨndi.

1 Tesalonigɨ 5:15

Ɗagɨŋ muɗɔlɛ a cay gusɨgɨŋ gɨŋ ɗɔɔ gɨ ungo jogɨn̰ dan̰ ɨsɨna ban̰di ɨsɨna bɨn̰ mɨgay daa naŋ, ama kɨŋ mala gɨyəŋ gɨ ni lɔɔ hɨnga ga ɗari dan̰ tɨwa nɔm duroygɨŋ bɨ, kol cay kalaŋ nɔm bɨ.

1 Timote 6:11

Ama ji ungo gɨ da Kumu na, aya gusɨn̰ coŋ cay hɨnga nɔm ga nee le. Ji mala na lɔɔ hɨnga ga dan̰ durɔ ɗɨngar bɨ, gɨye-lɔɔ gɨ bugoŋ pɨna dan̰ Kumu bɨ, aye kudurɔ bɨ, geye bɨ, ƴɔmɛ kuduroy-osɨwa bɨ, kale ga jali bɨ.

2 Timote 2:22

Dɨra gusɨn̰ coŋ gusi tabɨlaŋdi hɨnga ga lee marɨne. Ama mala na gɨye-lɔɔ gɨ dan̰ durɔ ɗɨngar bɨ, aye kudurɔ bɨ, geye bɨ, gusi-dɔbɛ bɨ, dan̰ kalaŋ nɔm ga teege guson̰ Ba-gulɔŋ dan̰ kuduroyge ga arɨn̰ cərərə.

Əbɨro 12:10

Ban̰an̰nagɨŋ ga cay gɨsəŋ gaŋ kɛ, halnagɨŋge na gɨ ni tɨwa lam wo̰ ƴɔbɨ dan̰ gɨyəŋ gɨ da ɨrɨme gɨ kan ɨrɨm. Ama Kumu halnagɨŋ na kɨya ɗarwa tonagɨŋ ɗe ana na bɨləŋgɨŋ kalaŋ ga woy dan̰ cɨndɨge, hɨn̰ gɨ ban ba won̰ dan̰ cɨndi wo̰ bɨ.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

1 Pɨyɛr 3:11

Kuɗa gɨ ban bɨl kardi bɨn̰ hɨnga ga ɨsɨni bɨ, Ama laa hɨnga ga kuɗa bɨ, Ƴɨma gusi usa te male gusi-dɔbɛ bɨ.

1 Pɨyɛr 3:13

Hɨn̰ gɨ kɨŋ na gɨl gusi-hɨmbalwa kogɨŋ doŋ kol cay ɗarwa dan̰ kalaŋ na, kɛ na waŋ ba kɨya sɔ loogɨŋ hɨnga ga ɨsɨni ga?

2 Pɨyɛr 3:11

Hɨn̰ gɨ hɨnga nɔm na kɨya kaɗɨn̰a bɛɗ hɨn̰ wo̰ na, gɨye lɔɔdɨgɨŋ gɨ wɔyɛ na mɨna ga? Kuɗa sɔmɛ dan̰ gɨye-lɔɔ gɨ bugoŋ pɨna dan̰ Kumu bɨ, dan̰ gɨye-lɔɔ gɨ woy dan̰ cɨndi bɨ.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

3 Ja̰ 1:11

Ay, ji gɨ ɨŋ lee-ton̰, ƴɔlɛ hɨnga ga ɨsɨni naŋ, ama ƴɨla na hɨnga ga ɗari. Ungo gɨ na laa hɨnga ga ɗari na, ban na ungo gɨ da Kumu. Ungo gɨ na laa hɨnga ga ɨsɨni na, ban sɨla Kumu naŋ.