Əbɨro 11:7 - Gabri Maja

⁷ Na dan̰ gɨyəŋ gɨ da aye kudurɔ ma, Nɨwe je kɔl gɨ Kumu yeyi tumɔ ojɨn̰ cay hɨnga ga kɨya lɔɔ gusɨge. Ama ungo baa sɔlɛ dan̰ cɨndi ƴee. Ban aya kɔl gɨ andaŋ kɨbɨ Kumu laan̰ sɔrɛ naŋ. Lee gɨ ban gaɗɨ koburo gɨ gumu taa taa hɨn̰ ƴaa wo̰ kɨya poɗɨn̰ ka-ƴaadi bɨ, kuyoŋdi-gusi koyi bɨ. Na dan̰ gɨyəŋ gɨ nee le ma, Nɨwe lee gɨ kɔl ƴom cay kalaŋ ga a cay gɨsəŋ gaŋ. Kɨya cay kuduroyi ga ban bee a cay Kumu le, Kumu solii leen̰ ungo gɨ dan̰ durɔ ɗɨngar a cɨndi.

Əbɨro 11:7 ပူးပေါင်းရင်းမြစ်များ

Matɨyo 2:12

Ɨni na, Kumu andaŋ cayge duroy sɔndɛ gɨŋ gɨ kan na gɨ jɔgɛ ɔrɛ gusi Ɛrɔd naŋ. Lee gɨ kan jogɨge ɨndi tage dan̰ te gɨyəŋ gɨ doŋ.

Matɨyo 24:15

«Na toy di hɨn̰ wo̰ ma kɨɗɨn̰ ga kɨŋ na sɨla hɨnga ga ɨsɨni ga kɨya ɨrgan̰ dan̰ mundoŋ, ga Danɨyɛl ba-yɔɔ-kɔl-gɨ-Kumu-ba-yɔɔ naa ba ye koldɨge tumɔ le, na ɨre sɨma boy kɨɗɨn̰ ga woy dan̰ cɨndɨge gaŋ na. (Ɗe ungo gɨ ɗongɨsɨ kɔl gɨ nee le, sɨla duroy kuɗa.)

Matɨyo 24:25

Jagɨŋ, ɨŋ yəgɨŋ kɔl gɨ nee le jugu ɨni.

Matɨyo 24:38

Boy ɨlge gɨ a tumoy kaŋdi Kumu ga kondi ga ongɨ bɨrɨŋ ƴen̰ cay gɨsəŋ bɨnjaŋ bɨnjaŋ le, kalaŋ diige bɨ, sige bɨ, ban̰aŋ ƴeege kandɨ bɨ, kandɨ ƴeege ban̰aŋ bɨ, ɗege karɨndɨge ga kandɨ orge gɔrɛ ƴaa bɨ, bɨrɨŋ gɨsɨn̰ wɔlɛ gɨ Nɨwe san̰ andɨn̰ a boy koburo gɨ gumu taa taa hɨn̰ ƴaa wo̰ gɨŋ.

Matɨyo 3:7

Kɨɗɨn̰ ga Ja̰ sol kondɨwadi Parɨsɨn̰an̰əŋ bɨ, kondɨwadi Sadusɨn̰ɛn̰əŋ bɨ, ga ɨrgage gusii ɗe ban na leege batɛm le na, ban yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ da Kumu di ba kɨya caga le ga?

Kɔl-gɨ-Ɗari gɨ Lug wal 17:26

Wɔlɛ gɨ ɨŋ-bandi Kurɨn̰-ungo ɨŋ kɨya cagan̰ le, hɨnga kɨya lɔɔ gusɨge na hɨn̰ gɨ naa ba won̰ a boy ɨlge gɨ da Nɨwe gɨŋ wo̰.

Magtubu di Pol wal bɨn̰ kalaŋ ga Rɔm 1:17

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

Magtubu di Pol wal bɨn̰ kalaŋ ga Rɔm 10:6

Ama Magtubu di da Kumu ye kɔl ojɨn̰ cay gɨyəŋ gɨ kalaŋ kɨya bɨlɨn̰ kalaŋ ga dan̰ durɔ ɗɨngar dan̰ gɨyəŋ gɨ da aye kudurɔ. Kɔl le ba kɛ: «Ji ɗɔɔ ba yɔ ɗugon̰: “Kɛ, na waŋ ba kɨya nɔɔ ɔrɛ gɨɗɨgɨ-Kumu gɨŋ ga”.» Duroy na nɔɔ ɔrɛ daa male Kɨris.

Magtubu di Pol wal bɨn̰ kalaŋ ga Rɔm 3:22

Kumu bɨle kalaŋ leen̰ kalaŋ ga dan̰ durɔ ɗɨngar a cɨndi na dan̰ gɨyəŋ gɨ da kuduroyge ga kan ay bɨn̰ Jesu-Kɨris. Gɨyəŋ gɨ nee le, woy ojɨ na cay kalaŋ nɔm, ga beege kuduroyge a cay Jesu. Kɨya wa Kumu dɨra cɨn̰ ungo naŋ.

Magtubu di Pol wal bɨn̰ kalaŋ ga Rɔm 4:11

Kumu bɨn̰ Abɨraham kambe ga da wale ban̰a na kɨya gɨlɨn̰ gɨ tumɔ dɨm ma ban walɨn̰ ban̰a ƴee le, ban bɨle ungo gɨ dan̰ durɔ ɗɨngar cɨn̰ Kumu na kɨya cay aye kudurɔ koyi. Na toy di hɨn̰ wo̰ ma, Abɨraham bɨle bay kalaŋ nɔm ga Kumu bɨlge leen̰ kalaŋ ga dan̰ durɔ ɗɨngar a cɨndi, kol aye kudurɔ koge ko kan na walage ban̰a naŋ.

Magtubu di Pol wal bɨn̰ kalaŋ ga Rɔm 4:13

Kumu ye gɨ ɗi na kɨya bɨn̰ Abɨraham bɨ, kongɨn̰ii bɨ, cay gɨsəŋ nɔm hɨn̰ hɨnga ga ni ban̰di-gulɔŋ kage wo̰. Hɨnga ga Kumu ye gɨ ɗi na kɨya bii le, na kɨya bɨle gɨ Abɨraham bɨle gusi a kardi gasɨn̰-kɔl gaŋ naŋ. Ama na kɨya bɨle gɨ Kumu bɨlii leen̰ ungo gɨ dan̰ durɔ ɗɨngar a cɨndi, dan̰ gɨyəŋ gɨ da aye kudurɔ koyi.

Magtubu di Pol wal bɨn̰ kalaŋ ga Rɔm 9:30

A cay kɔl gɨ nee gɨŋ le nɔm na, kɛ na wa ma mani kɨya yɔ coŋ ga? Kalaŋ ga toyge na Jubɨ naŋ ga naa malage gɨ ni bɨle kalaŋ ga dan̰ durɔ ɗɨngar naŋ le, bɨlege kalaŋ ga dan̰ durɔ ɗɨngar ɨni. Na dan̰ gɨyəŋ gɨ da aye kudurɔ ma kan bɨləŋge kalaŋ ga dan̰ durɔ ɗɨngar.

Galad 5:5

Kona na-gandi ga na ba bee ɨrɨmedɨna a cay Kumu le, na sol gɨ ban bɨlna leen̰ kalaŋ ga dan̰ durɔ ɗɨngar. Bɨ na kɨya cay Turnɔ di da Kumu di lee gɨye dan̰ gɨyəŋ gɨ da aye kudurɔ konagɨŋ le ma, mana somɨn̰gɨŋ amɨn̰gɨŋ wɔlɛ gɨ nee le.

Pilib 3:9

Ɨŋ gey gɨ bugoŋ hɨnge pɨna danayi na duroŋ cɨrɛɗ. Na toy di hɨn̰ wo̰ ma, ɨŋ gey lɔɔ gusɨnɨ leen̰ ungo gɨ dan̰ durɔ ɗɨngar dan̰ gɨyəŋ gɨ da lɔɔ hɨnga ga gasɨn̰-kɔl ojɨ naŋ. Ama ɨŋ gey bɨle ungo gɨ dan̰ durɔ ɗɨngar dan̰ gɨyəŋ gɨ da kuduronɨ ga ɨŋ bɨn̰ Kɨris, kɨya wa gɨyəŋ gɨ Kumu bɨlɨn̰ kalaŋ durɔ ɗɨngar le, na gɨyəŋ gɨ da aye kudurɔ.

Əbɨro 11:1

Aye kudurɔ le na hɨnga ga ungo sol leen̰ cɨndi gɨ hɨnga ga ban ba bee ɨrɨmedi cay nee le, ɗi na kɨya wɔɔ. Hɨnga ga ungo baa sɔlɛ dan̰ cɨndi le, woy nee leen̰ cɨndi jɛɗɨ jɛɗɨ.

Əbɨro 12:25

Hɨn̰ wo̰ na, ɗagɨŋ muɗɔlɛ cay gusɨgɨŋ gɨŋ. Kɨŋ ɗɔɔ ba kan̰e jɔɔ kɔl gɨ da ban gɨ ba-yɔɔ kɔl danagɨŋ le naŋ. Kɨya wa Moyis sogɨ sɨmay karɨn̰ Ɨsɨrayɛl a cay gɨsəŋ gɨŋ kɛ, ama kan ga kan̰ge jɔɔ kɔl koyi le wayge hale. Koni ni-gandi na Kumu som na gɨɗɨgɨ-Kumu gɨŋ yen̰ kɔl danani. Hɨn̰ gɨ ni na bɨl kardɨni bii na, kɛ ni kɨya wɔɔ wɨdɨlde gɨ ɗɨn̰ a wɔlɛdi gɨ nee gɨŋ le naŋ ga?

Əbɨro 5:7

Kɨɗɨn̰ ga Jesu ban̰ a cay gɨsəŋ gaŋ le, Kumu gɨ ba ɓale poɗii kɨbɨ tɨma dɨŋ le, ban olii bɨ woy kɨbi bɨ wɨlal dan̰ kaŋdi cɨndi bɨ. Bɨ Kumu je ɔlɛ koyi kol dɔbɛ gɨ ban dobɨ cayi bii.

Əbɨro 8:5

Gɨye gɨ ka-bɔgɛ kɨbar ga nee leege le, na turnoy hɨnga ga a gɨɗɨgɨ-Kumu gaŋ, kan ƴolge na ƴɔlɛ ƴɔbɨ. Kɨya wa kɨɗɨn̰ ga Moyis baa mɨnde gɨ ni gaɗe ƴaa-di-da-Kumu di leege dan̰ ɓala le, Kumu yeyi hɨn̰: «Ji kɨya lɔɔ hɨnga nɔm ɗe woy gɨlɨn̰ dan̰ kan ga ɨŋ ba gɨlɨn̰ a cay garma gɨŋ le.»

1 Pɨyɛr 3:20

Duroy na ojɨ na cay turnoy kalaŋ ga tumɔ ka-baa ga da Kumu, kɨɗɨn̰ ga Kumu dɨbɨn̰ ɗugoy ƴee boy wɔlɛ gɨ Nɨwe gaɗɨn̰ koburo gɨ gumu taa taa hɨn̰ ƴaa wo̰ le. Na kalaŋ lagɨɗe wo̰, lee gɨ nɔm toge dɨŋ na kalaŋ margɨm ƴɔbɨ, ba andaŋge boy koburo gɨ gumu taa taa gɨŋ le, poɗɨn̰ge kɨbɨ kaŋ ga kondi.

2 Pɨyɛr 1:1

Na ɨŋ-bandi Simo Pɨyɛr ba-gɨre-gɨye bɨ, marɨna ba-gɨye bɨ, gɨ da Jesu-Kɨris, ba wale magtubu di kɛ le, gɨyɨn̰ bɨn̰ kan ga wayge aye kudurɔ gɨ kɨledi osu hɨn̰ koni wo̰ bɨ, dan̰ gɨyəŋ gɨ da gɨye-lɔɔ gɨ dan̰ durɔ gɨ da Kumu bɨ, Jesu-Kɨris gɨ Ba-poɗɨnagɨŋ bɨ le.

2 Pɨyɛr 2:5

Cay gɨsəŋ ga jɨne ga kalaŋ ga ka-lɔɔ terɨn̰ ba somɨn̰ge nee le, Kumu ɗage kalɨn̰ naŋ. Ama ban lee gɨ kaŋ ƴee cay gɨsəŋ nɔm coŋ. Na Nɨwe gɨ ba-yɔɔ kɔl dan̰ durɔ ƴɔbɨ ma ban poɗii bɨ, ban poɗɨ kalaŋ ga ɗaŋ jurgum danayi bɨ.

2 Pɨyɛr 3:6

Bɨ dan̰ gɨyəŋ gɨ da kɔl gɨ da Kumu gɨ nee le, kaŋ ƴee cay gɨsəŋ ga tumɔ nɔm mondɨn̰ cay gɨsəŋ ga tumɔ coŋ.