Əbɨro 11:37 - Gabri Maja

³⁷ Kan ga pɨna kan worɨn̰digege dan̰ oru dɨɗɨgege bɨ, wadɨldɨgege dugo dan̰ si bɨ, dɨɗɨgege dan̰ pəlɨm bɨ. Kan badɨdege bɨ, saɗɨdege na sumu tuu bɨ dɨmangɨ bɨ gusɨge. Hɨnga-wɔɔdɨge unɔ bɨ, hɨnga ga ni kuduroy-hɔmɛ wayge bɨ, kalaŋ gɨlge cɨn̰ bɨ.

Əbɨro 11:37 ပူးပေါင်းရင်းမြစ်များ

Matɨyo 21:35

Ama ka-yage suru le, say ƴomge gɔyɔŋ ga kan gɨygɨge le, teege gɨ pɨna bɨ, dɨɗɨge gɨ ɗaŋ bɨ. Worɨn̰dege ban gɨ cay sɨbɨdɨge dan̰ oru, dɨɗiige bɨ.

Matɨyo 3:4

Ja̰ le orɨn̰ na dan̰ badɨge ga leege dan̰ teɗi jambal bɨ, saɗɨ te wɨrɨndi na dan̰ ɓala bɨ. Hɨnga dɔɔdi na dugunun̰əŋ bɨ, sɔŋ di tumu di coŋ bɨ.

Matɨyo 8:20

Jesu dɨbɨn̰ ungo le cay nee yey hɨn̰: «Gajaŋ kalɨn̰ ma orɨn̰ge dan̰ umboŋdɨge nee bɨ, cɨɗəŋ ga daa orɨn̰ge dan̰ ƴaadɨge nee bɨ, ama ɨŋ-bandi Kurɨn̰-ungo le, ɨŋ wa kɨɗɨn̰ ga ni dobɨn̰ canɨ nee naŋ.»

Kɔl-gɨ-Ɗari gɨ Lug wal 13:34

«Ay Jerusalɛm! Ay Jerusalɛm! Me-hɨndi di ɗe dɨɗe ka-yɔɔ-kɔl-gɨ-Kumu-ba-yɔɔ bɨ! Ɗe wɔrɨn̰dɛ kalaŋ ga Kumu gɨygɨge gusee dan̰ oru dɨɗɨge bɨ! Cay mɨna ma, maŋ gey daye karɨnde gusɨnɨ hɨn̰ gɨ tɔɗɔ ba dayɨn̰ karɨndo tɔɔ, ama kɨŋ kan̰ ɗɔŋ lɔɔ coŋ!

Gɨye-lɔɔ 14:19

Kardi nee na, Jubɨn̰əŋ ga pɨna wo̰ ga saygage Antɨyɔs bɨ, Ikonɨyɔm bɨ, gosɨrge dɨmdɨrdi kalaŋ. Bɨ worɨn̰dege Pol dan̰ oru kɨya dɨɗiige. Ɨni na, kan say sɨriige orɨn̰ge danayi dɨbiige doŋ kardi cay ƴaa-di-gumu dɨŋ coŋ. Boy ɨrɨme koge gɨŋ na, kan ɨrɨmge gɨ ban na ma hayi ɨni.

Gɨye-lɔɔ 7:52

Na ka-yɔɔ-kɔl-gɨ-Kumu-ba-yɔɔ ga ani ma mon̰igɨŋ dɨle gɨlge cɨn̰ ga? Kan dɨɗɨge ka-yɔɔ-kɔl-gɨ-Kumu-ba-yɔɔ ga teege bɛrnɛ caga gɨ da marɨna ba-gɨye koyi Kɨris, gɨ gɨye-lɔɔdi or dan̰ durɔ ɗɨngar bɨge. Bɨ kɨɗɨn̰ ga ban caga ɨni na, kɨŋ ay cayi bɨ, dɨɗii coŋ bɨ.

2 Korɛ̰t 12:10

Na toy di hɨn̰ wo̰ ma, ɨŋ lee gusi-mɔwa kɨɗɨn̰ ga ɨŋ ɨran̰ dan̰ dɔnɔ naŋ bɨ, kɨɗɨn̰ ga yagɨdaŋge bɨ, lənge hɨnga ga ni jəŋge bɨ, gɨləŋge cɨn̰ bɨ, lənge hɨnga ga osɨdəŋ osɨdəŋ bɨ, kɨya cay Kɨris. Kɨya wa kɨɗɨn̰ ga ɨŋ na ɨran̰ dan̰ dɔnɔ naŋ na, na kɨɗɨn̰di ga nee gaŋ le ƴɔbɨ ma maŋ way dɔnɔ.

Əbɨro 11:25

Ama ban ojɨ gɨ ni wɔɔ tabɨ dan̰ te kalaŋ ga da Kumu, ɗɨn̰ gɨ ni lɔɔ gusi-mɔwa di kardo sɨngɨɗɨ naŋ duroy sɔmɛ-bɨra duroy ɨsɨna gɨŋ.

Əbɨro 13:3

Kuɗa gɨ kɨŋ hɨn a cay kan ga a dangay gɨŋ, hɨn̰ gɨ kɨŋ na woy naa dangay gɨŋ danage wo̰ bɨ. Kuɗa gɨ kɨŋ hɨn a cay kan ga kan gɨlgege cɨn̰ bɨ, kɨya wa kɨŋ-gandi kalɨn̰ ma kɨŋ orɨn̰ dan̰ kuyoŋdi-gusɨgɨŋ gɨ kɨya ɓale gɨle-cɨn̰ bɨ.

Wasɨn̰a 11:3

A duroy wɔlɛ gɨ nee le, ɨŋ kɨya bɨn̰ ka-lɔɔ tɨmon̰ kange ga sɔɔ dɔnɔ ɗe yege-kɔl-gɨ-Kumu-ba-yɔɔ ɓal wɔlɛ dubu-pɨna dan̰ wɔlɛ aru sɔɔ dan̰ toyi-jii. Kan tobɨge na badɨge ga ni n̰age gusɨge.»