Əbɨro 11:13 - Gabri Maja

¹³ Kalaŋ ga jɨne ga nee le nɔm mage na dan̰ aye kudurɔ koge. Dɨle wɔɔge hɨnga ga Kumu ye gɨ ɗi na kɨya bɨge le, ama kan solge mandɨge na hen̰ te ɨrga bɨ leen̰ge gusi-mɔwa koldɨge bɨ. Lee gɨ kan yege leen̰ cɨndi gɨ ke naa kɨrge bɨ ka-sɔmɛ cay tɨbayge dɨŋ bɨ.

Əbɨro 11:13 ပူးပေါင်းရင်းမြစ်များ

Matɨyo 13:17

Aŋ yəgɨŋ daa waŋ na cɨndi: Ka-yɔɔ-kɔl-gɨ-Kumu-ba-yɔɔ dan̰ kondɨwayge bɨ, kalaŋ ga gɨye-lɔɔdɨge or dan̰ durɔ ɗɨngar dan̰ kondɨwayge bɨ, geyge age na sol hɨnga ga kɨŋ ba sol kɛ le, ama kan sɨlage naŋ. Kan geyge age na je kɔl gɨ kɨŋ ba je kɛ le, ama kan jage naŋ bɨ.

Kɔl-gɨ-Ɗari gɨ Ja̰ wal 12:41

Ijay ye kɔl gɨ nee le, kɨya gɨ ban sol gusoŋ-tɔgɛ gɨ da Jesu, lee gɨ ban ye koldi.

Kɔl-gɨ-Ɗari gɨ Ja̰ wal 8:56

Mon̰dɨgɨŋ gɨ jɨne Abɨraham kɨɗɨn̰ ga ban ɨrɨm a cay wɔlɛ gɨ ɨŋ kɨya cagan̰ le ban te pɨre. Ban sol hɨnga nɔm ga ba kɨya lɔɔ gusɨge ga nee le dan̰ cɨndi bɨ, ban lee gusi-mɔwa.»

Magtubu di Pol wal bɨn̰ kalaŋ ga Rɔm 4:21

Ban sol kuɗa gɨ hɨnga ga Kumu ye gɨ ɗi na kɨya lɔɔ bii le, ban na orɨn̰ dan̰ dɔnɔ di ni leen̰ bɨ.

Magtubu di Pol wal bɨn̰ kalaŋ ga Rɔm 8:24

Kumu pɔɗɨna ɨni, ama hɨnga ga pɨna a boy pɔɗɛ gɨ nee gɨŋ le, na woy te game been̰ ɨrɨmedɨna cay nee ƴee. Hɨn̰ gɨ ungo na ya gɨ ɗi na woy gam naa hɨnga, ama ban na waa ɨni na, gɨ nee le na game hɨnga naŋ ɨni. Kɛ na waŋ ba kɨya game hɨnga ga ban way ɨni ga?

2 Korɛ̰t 4:18

Na hɨnga ga ungo sol dan̰ cɨndi ma mani ɗa cɨndɨni cay nee naŋ. Ama ni ɗe cɨndɨni na cay hɨnga ga ungo ɓala sɔlɛ dan̰ cɨndi naŋ. Kɨya wa hɨnga ga ungo sol dan̰ cɨndi le, na hɨnga ga kardɨge kɨya sɨngɨɗɨwa naŋ. Ama hɨnga ga ungo ɓala sɔlɛ dan̰ cɨndi naŋ le, na hɨnga ga kɨya wɔyɛ dan̰ tumoyge.

2 Korɛ̰t 5:6

Dan̰ wɔlɛ pɨna pɨna le na sɨla hɨnga pɨna naŋ. Ɨni na, na sol hɨn̰ gɨ na na sɨmagɨŋ a boy kuyoŋdi-gusɨna gɨ kɛ gɨŋ ƴee na, na woy na hen̰ dan̰ Ba-gulɔŋ.

Epɛs 2:19

Lee gɨ haw kɛ, kɨŋ ka-aye kudurɔ ga toygɨŋ na Jubɨ naŋ le, kɨŋ na kɨrge naŋ ɨni bɨ, kɨŋ na kalaŋ ga pɨna danani ɨni bɨ. Kɨŋ bɨle na te kalaŋ ga pɨna dan̰ kalaŋ ga woyge dan̰ cɨndɨge bɨ. Kɨŋ na te wandɨ da Kumu bɨ.

Əbɨro 11:14

Na cɨndi, kalaŋ ga yege kɔl hɨn̰ wo̰ na, kan gɨl doŋ yarara gɨ ke na mal naa cay gɨsəŋ kage ga ni somɨn̰ nee.

Əbɨro 11:17

Na dan̰ gɨyəŋ gɨ da aye kudurɔ ma, Abɨraham ƴom Isag kɨya bogɨn̰ kɨbar, kɨɗɨn̰ ga Kumu gɨwasii. Ban ƴom kurondi gɨ pɨna hayi kəɗ kəɗ kɨya bogɨn̰ kɨbar. Ban lee hɨnga ga nee le na kol cay kuroŋ gɨ nee le ma Kumu naa ye hɨn̰:

Əbɨro 11:27

Na dan̰ gɨyəŋ gɨ da aye kudurɔ ma, ban say ɗe cay gɨsəŋ ga Ejɨpt coŋ, dɨle hundɔrɔ kuduroy-hɔmɛ da kɨlma. Ban ɨre osu kobɨn̰ Kumu hɨn̰ ungo gɨ ɨre sol Kumu gɨ ungo ɓala solii dan̰ tɨdi naŋ wo̰.

Əbɨro 11:39

Kumu lee tɨmon̰ di ɗari a cay kalaŋ ga nee le nɔm, kol cay aye kudurɔ koge. Ama kan waage hɨnga ga Kumu ye gɨ ɗi na kɨya bɨge le naŋ.

1 Pɨyɛr 1:1

Na ɨŋ-bandi Pɨyɛr, ba-gɨre-gɨye gɨ da Jesu-Kɨris, ba wale magtubu di kɛ le. Ɨŋ wal bɨn̰ na kan ga Kumu torge ga sugudonge a cay jaa dɨŋ, a cay gɨsəŋ ga Po̰ gaŋ bɨ, Galasi gaŋ bɨ, Kapadosɨ gaŋ bɨ, Aji gaŋ bɨ, Bitini gaŋ bɨ.

1 Pɨyɛr 1:17

Kɨŋ ol Kumu bɨ, kɨŋ teeyi Baygɨŋ bɨ, ban dɨra cɨn̰ ungo naŋ bɨ. Ama ban boy kɔl cay ungo gɨ ani ani ojɨn̰ cay gɨye-lɔɔdi. Na toy di hɨn̰ wo̰ ma, ojɨ gɨ kɨŋ dɨbii hurɔmɔ cayi bɨ, ɗe gɨye-lɔɔdɨgɨŋ woy gɨ ɗari a boy wɔlɛ nɔm gɨ kɨŋ ban̰ a cay gɨsəŋ gaŋ kɛ.

1 Pɨyɛr 2:11

Ay kɨŋ karmɨnɨ ga ɨŋ lee-toygɨŋ, kɨŋ ga kɨŋ som cay gɨsəŋ gaŋ hɨn̰ ka-dɔrɔŋ wo̰ bɨ, kɨrge wo̰ bɨ le, jagɨŋ kɔl hɨnge. Tabɨlaŋdi hɨnga ga ɨsɨni ga dɨbɨ kɨmbɨl danagɨŋ tɔgɨ le jɨbɨgegɨŋ sɛdɨ coŋ bɨ.

1 Ja̰ 3:19

Hɨn̰ gɨ nana geygɨŋ karmiinagɨŋ ga ban̰aŋ dan̰ ga kandɨ na, na hɨn̰ wo̰ dɨm ma mana kɨya sɔlɛgɨŋ gɨ na naa kalaŋ ga da kɔl gɨ cɨndi. Dan̰ gɨyəŋ gɨ da ɨrɨme gɨ nee le na, ɗugoynagɨŋ kɨya bɔɔ po̰ dugo tumoy Kumu.