Əbɨro 10:38 - Gabri Maja

³⁸ Ungo gɨ na ungo hɨnge gɨ dan̰ durɔ ɗɨngar le, Kɨya sɔmɛ-bɨra leen̰ cɨndi kɨya cay aye kudurɔ. Ama hɨn̰ gɨ ban na dɨra toyi karu na, Gusɨnɨ kɨya mɔŋ danayi naŋ.»

Əbɨro 10:38 ပူးပေါင်းရင်းမြစ်များ

Matɨyo 12:18

«Sɨlagɨŋ marɨna ba-gɨye hɨnge gɨ ɨŋ dori ba kɔ, Ban gɨ ɨŋ lee-toyi tɔgɨ bɨ gusɨnɨ mɔŋ cayi. Ɨŋ gɨ lɔɔ gɨ ɗe Turnonɨ som cayi, Bɨ kɨya tɔgɛ bɛrnɛ gɨye-lɔɔ gɨ dan̰ durɔ Bɨn̰ te wɔɔ gɨ da kalaŋ ga ɗaŋ.

Matɨyo 13:21

Ama kɔl gɨ da Kumu le bɨga sarnay kuduroyge naŋ, kɔl gɨ kan ƴeege le kan ɨrge cay nee kardɨge sɨngɨɗɨ naŋ. Kɨɗɨn̰ ga hɨnga ga ni dɔsɛ-ɗugɔ na andaŋ cayge, naŋ le, kan na gɨlge-cɨn̰ kɨya cay kɔl gɨ da Kumu na, kan dɨbɨge aye kudurɔ koge coŋ.

Magtubu di Pol wal bɨn̰ kalaŋ ga Rɔm 1:17

Na cɨndi, Kɔl-gɨ-Ɗari gɨ nee le wasɨn̰ gɨyəŋ gɨ Kumu bɨle kalaŋ leen̰ kalaŋ ga dan̰ durɔ ɗɨngar a cɨndi. Bɨ na dan̰ gɨyəŋ gɨ da aye kudurɔ ɗɔɔ ƴɔbɨ. Waŋ waŋ gɨ ba ay kuduroy le, Kumu solii leen̰ ungo gɨ dan̰ durɔ ɗɨngar a cɨndi. Hɨn̰ gɨ kan ba walɨn̰ duroy Magtubu di da Kumu dɨŋ ye hɨn̰: «Ungo gɨ na ungo gɨ dan̰ durɔ ɗɨngar a cɨn̰ Kumu le, kɨya sɔmɛ-bɨra na dan̰ gɨyəŋ gɨ da aye kudurɔ koyi.»

Galad 3:11

Leen̰ cɨndi, ɗe ungo na bɨləŋ ungo gɨ dan̰ durɔ ɗɨngar tumoy Kumu dan̰ gɨyəŋ gɨ da gasɨn̰-kɔl gɨ ban kobɨ nɔm leen̰ gɨye le unɔ. Na toy di hɨn̰ wo̰ ma, Magtubu di da Kumu ye hɨn̰: «Ungo gɨ na ungo gɨ dan̰ durɔ ɗɨngar dan̰ gɨyəŋ gɨ da aye kudurɔ le, ban kɨya sɔmɛ-bɨra.»

1 Tesalonigɨ 2:15

Jubɨn̰əŋ ga nee le, kan naa ba dɨɗege Ba-gulɔŋ Jesu bɨ, ka-yɔɔ-kɔl-gɨ-Kumu-ba-yɔɔ ga tumoyi bɨ, gɨlnige ni-gandi kalɨn̰ ma cɨn̰ tɔgɨ bɨ. Mondɨge kuduroy Kumu bɨ, bɨlege ka-baa ga da kalaŋ nɔm bɨ.

Əbɨro 10:39

Ama na-gandi na, na na kalaŋ ga kɨya dɔrɛ toynagɨŋ karu ɗe ana na orɨn̰gɨŋ mundoŋ gɨŋ naŋ. Na na kalaŋ ga ka-aye kudurɔ bɨ, na orgɨŋ na te gɨyəŋ gɨ ni pɔɗɛ gɨŋ bɨ.

Magtubu di Jag wal 5:6

Kɨŋ dɨbɨ kɔl cay kalaŋ ga dan̰ durɔ ɗɨngar dɨɗɨge, ama kan somge nee kɨbɨge munduŋ dɨle gagɨgɨŋge kɔl coŋ.

1 Ja̰ 2:19

Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.