Əbɨro 10:34 - Gabri Maja

³⁴ Kɨya wa gɨ kɨŋ sol cɨn̰-n̰age da kan ga kan ƴomgege dangay dɨŋ bɨ, kɨŋ jɨbɨ toyge daa bɨ. Kɨɗɨn̰ ga kalaŋ donge hɨnga wɔɔdɨgɨŋ na, kɨŋ lee gusi-mɔwa kɨya gɨ kɨŋ sol gɨ kɨŋ na orɨn̰ dan̰ hɨnga wɔɔ ga kuɗa cɨla ɗɨn̰ na woy tumoygɨŋ, hɨnga ga ni wɔɔ ga nee le, kɨya wɔyɛ dan̰ tumoyge.

Əbɨro 10:34 ပူးပေါင်းရင်းမြစ်များ

Matɨyo 19:21

Ɨni na, Jesu dɨbii cay nee ye hɨn̰: «Hɨn̰ gɨ ji na gey bɨləŋ ungo gɨ kuɗa duroŋ cɨrɛɗ na, sa ɨra kɨle hɨnga-wɔɔdɨn̰ nɔm coŋ bɨ, aya gursudɨge gusɨnan̰ kan ga wɔɔdɨge unɔ ɨni na, ji kɨya wɔɔ hɨnga wɔɔ a daa nii. Kardi nee ɨni na, man̰ ɨre kɨba karɨnɨ.»

Kɔl-gɨ-Ɗari gɨ Lug wal 10:42

Me orɨn̰ dan̰ n̰age di hɨnga pɨna ƴɔbɨ. Na hɨnga ga ɗari ga nee le ma Mari bɨnde ay, ungo pɨna kɨya dɔrɛ kɔbɔ naŋ.»

Kɔl-gɨ-Ɗari gɨ Lug wal 12:33

Kɨlgɨŋ kandi-wɔɔdɨgɨŋ coŋ, ɗagɨŋ gursudɨge gusɨnan̰gɨŋ ka-n̰age. N̰anagɨŋ magɨla kogɨŋ gɨ ni bogɨn̰ gursu di kɨya mundoŋ naŋ bɨrɨŋ. Dayagɨŋ hɨnga wɔɔdɨgɨŋ a daa nii gusi Kumu. Gursu di nee le, kɨya mundoŋ naŋ bɨ, ka-hase kɨya bugoŋ mɨnde durdi nee naŋ bɨ, yulmu kɨya tale naŋ bɨ.

Kɔl-gɨ-Ɗari gɨ Lug wal 9:25

Ungo na ɨran̰ dan̰ hɨnga wɔɔ ga cay gɨsəŋ gaŋ nɔm, ma na waa habe gɨ ni somɨn̰ dan̰ cɨndi naŋ le, wɔɔ hɨnga ga nee le kɨya lɔɔ danayi hayi ga? Naŋ!

Gɨye-lɔɔ 21:33

ɨni na, gumu gɨ ba-sɔmɛ cay asɨgarn̰əŋ le, or gusi Pol ƴomii bɨ, ay noyi gɨ kan na saɗɨdɨdayige dan̰ mɔrɨyɔŋ won̰ sɔɔ. Kardi nee ɨni na, ban ɨngɨr hɨn̰: «Kɛ ungo le na waŋ ga bɨ, kɛ ban lee na wa bɨ ga?»

Gɨye-lɔɔ 28:20

Na toy di hɨn̰ wo̰ ma, maŋ ɨngɨr gɨ ni solgɨŋ bɨ, are-kɔl danagɨŋ bɨ. Leen̰ cɨndi na, na kɨya cay ungo gɨ a te wɨn̰je gɨ da Ɨsɨrayɛl gɨ kan ba beege ɨrɨmedɨge cayi gɨ na kɨya ɨrga le, ma maŋ tobɨn̰ mɔrɨyɔŋ ga kɛ le a kɔbɔŋ.»

Gɨye-lɔɔ 5:41

Ka-gɨre-gɨye andaŋge ɗege kɨɗɨn̰ bɔyɛ kɔl ga da kalaŋ ga ni Jubɨ dan̰ gusi-mɔwa. Kɨya wa Kumu solge gɨ kan na ɓal kɔjɛ hɨnga ga ni gɨle-cɨn̰ ga andaŋ cayge kɨya cay guson̰ Jesu.

2 Korɛ̰t 5:1

Kuyoŋdi-gusɨna na ƴaa tona di a cay gɨsəŋ gaŋ kɛ di woy gɨlɨn̰ hɨn̰ dabaŋ wo̰. Ama na solgɨŋ kuɗa hɨn̰ gɨ ƴaa di nee le na mundoŋ coŋ na, na orɨn̰ dan̰ hɨndi di kɨya sɔmɛ dan̰ tumɔɔ a gɨɗɨgɨ-Kumu gɨŋ. Ƴaa di nee le, na ƴaa di ungo gɨ ɨndi ba lɔɔ dan̰ kobi naŋ, ama na Kumu ba lɔɔ kol cayna.

Epɛs 3:1

Kɨya cay hɨnga ga Kumu lee le, ɨŋ ol Kumu. Ɨŋ-bandi Pol, ɨŋ woy dangay dɨŋ na kɨya cay gɨye hɨnge kol Jesu-Kɨris bɨ, kol caygɨŋ kɨŋ ga na kalaŋ ga toygɨŋ na Jubɨ naŋ bɨ.

Epɛs 4:1

Kɨya cay kɔl gɨ cɨndi gɨ nee le nɔm, ɨŋ-bandi Pol gɨ na ba-dangay kɨya cay bugoŋ gɨ ɨŋ bugoŋ pɨna dan̰ Ba-gulɔŋ le, ɨŋ lee n̰age toygɨŋ ɗe gɨye-lɔɔdɨgɨŋ bugoŋ pɨna dan̰ tɔgɛ gɨ Kumu teegɨŋ le.

Epɛs 6:20

Kɨya cay tɔgɛ bɛrnɛ le, ɨŋ bɨləŋ ba-ƴɔɔ ban̰di Kumu a cay gɨsəŋ gaŋ bɨ, na kol caa ma kan ƴɔmɔŋge dangay dɨŋ bɨ. Kuɗa gɨ Kumu bəŋ tɔgɨ ɗe aŋ teen̰ bɛrnɛ dɨle hundɔrɔ bɨ, aŋ yen̰ kɔl hɨn̰ gɨ Kumu ba gey wo̰ bɨ.

Pilib 1:7

Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ.

Kɔlɔs 1:5

Kɨŋ lee hɨnga ga nee le, na kɨya gɨ kɨŋ bee ɨrɨmedɨgɨŋ a cay hɨnga ga Kumu ƴom cay tɨbayge kol caygɨŋ a gɨɗɨgɨ-Kumu gɨŋ. Bɛrnɛ da kɔl gɨ cɨndi da Kɔl-gɨ-Ɗari gɨ naa kan ba tee bɛrnɛdi bɨgɨŋ le, ma na te hɨnga ga kɨŋ been̰ ɨrɨmedɨgɨŋ cay nee.

1 Timote 6:19

Na hɨn̰ wo̰ ma kan kɨya dayɨn̰ge cay hɨnga wɔɔ ga kuɗa bɨ, ga cɨndi bɨ pɨna kɨya cay wɔlɛ gɨ wan̰do bɨ ɗe kan wan̰ge sɔmɛ-bɨra gɨ dan̰ cɨndi.

2 Timote 1:16

Kuɗa gɨ Ba-gulɔŋ sɨla cɨn̰-n̰age di da kalaŋ ga a duroy ƴaa di da Onesipɔr dɨŋ, kɨya wa ban dɔbɔŋ bandɨ kuduronɨ daa daa. Dasi dayi kɨya cay dangay tɨnge naŋ bɨ.

2 Timote 2:9

Kɔl-gɨ-Ɗari gɨ nee le, ɨŋ way tabɨ kol cayi bɨrɨŋ saɗɨdaŋge haw kɛ dan̰ mɔrɨyɔŋ hɨn̰ gɨ ɨŋ naa ungo gɨ ba lɔɔ hɨnga ga ɨsɨni wo̰. Ama kɔl gɨ da Kumu le, ungo kɨya ɓale saɗɨdii naŋ bɨrɨŋ.

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Əbɨro 11:16

Leen̰ cɨndi na, kan geyge na cay gɨsəŋ ga kuɗa ɗɨn̰ kan ga kan ba say ɗe coŋ orɨn̰ge a gɨɗɨgɨ-Kumu gɨŋ. Na toy di hɨn̰ wo̰ ma, hɨn̰ gɨ kan na tɨga Kumu naa Kumu koge na, Kumu dasi dayi naŋ. Kɨya wa ban ƴom cay tɨbay cay ƴaa-di-gumu kol cayge.

Əbɨro 13:14

Kɨya wa a cay gɨsəŋ gaŋ kɛ le, na ɨran̰ dan̰ cay ƴaa di kɨya sɔmɛ dan̰ tumɔɔ naŋ. Ama na malgɨŋ na cay ƴaa-di-gumu di kɨya caga ƴee.

Əbɨro 13:3

Kuɗa gɨ kɨŋ hɨn a cay kan ga a dangay gɨŋ, hɨn̰ gɨ kɨŋ na woy naa dangay gɨŋ danage wo̰ bɨ. Kuɗa gɨ kɨŋ hɨn a cay kan ga kan gɨlgege cɨn̰ bɨ, kɨya wa kɨŋ-gandi kalɨn̰ ma kɨŋ orɨn̰ dan̰ kuyoŋdi-gusɨgɨŋ gɨ kɨya ɓale gɨle-cɨn̰ bɨ.

Əbɨro 9:15

Na toy di hɨn̰ wo̰ ma, Kɨris bɨle ba ɨre duroyna duroy saɗe kɨbɨ pɨna ɓɨse gusu gɨ hɨrɨwa le. Ban ma na kɨya boyɨn̰ cay kan ga hangɨɗɨge cay gasɨn̰-kɔl a te saɗe kɨbɨ pɨna ɓɨse gusu gɨ cay wase gɨŋ le. Na toy di hɨn̰ wo̰ ma, kalaŋ ga Kumu teege le, kɨya ɓalege wɔɔ hɨnga ga ni wɔɔ ga woy dan̰ tumoyge, ga Kumu ye gɨ ɗi na kɨya bɨn̰ karɨndi le.

Magtubu di Jag wal 1:2

Karmɨnɨ ga ban̰aŋ dan̰ ga kandɨ, hɨnga ga ni gɨwase ga dan̰ cɨndɨge cɨndɨge ga ba andɨdaŋ caygɨŋ le, kuɗa gɨ kɨŋ sɨlagegɨŋ hɨn̰ hɨnga ga ni gusi-mɔwa wo̰.

1 Pɨyɛr 1:4

Na orɨn̰gɨŋ dan̰ hɨnga ga ni wɔɔ ga ni ban̰di-gulɔŋ ga kɨya ɔsɨn̰ɛ naŋ bɨrɨŋ bɨ, ga mɨdage kɨya ƴɔmɛ naŋ bɨ, ga te jɨran̰dedɨge kɨya ayaŋ naŋ bɨ. Kumu gam hɨnga ga ni ban̰di-gulɔŋ ga nee le a gɨɗɨgɨ-Kumu gɨŋ ojɨn̰ caygɨŋ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.