Əbɨro 10:25 - Gabri Maja

²⁵ Na ɗɔɔ ba ɗɔɔ kɨɗɨn̰ dayaŋ kana coŋ naŋ, hɨn̰ gɨ kalaŋ ga pɨna ba sunoŋge toy nee wo̰. Ama dɨbanagɨŋ bandɨ kuduroy gusɨnagɨŋ, kɨya wa kɨŋ sol wɔlɛ gɨ da Ba-gulɔŋ wɨyga mɨnde ɨni.

Əbɨro 10:25 ပူးပေါင်းရင်းမြစ်များ

Matɨyo 10:15

Aŋ yəgɨŋ daa waŋ na cɨndi: Wɔlɛ bɔyɛ kɔl gɨŋ le, kɔl gɨ kɨya ƴɔmɛ cay ƴaa-di-gumu di nee le, kɨya osɨwa tɔgɨ ɗɨn̰ kɔl gɨ kɨya ƴɔmɛ cay gɨsəŋ ga Sɔdɔm bɨ, Gɔmɔr bɨ.

Matɨyo 18:20

Əw kɨɗɨn̰ ga kalaŋ sɔɔ naŋ le, sɨbɨ dayaŋge nee dan̰ gusoŋnɨ na, ɨŋ woy duroyge nee.»

Kɔl-gɨ-Ɗari gɨ Ja̰ wal 12:48

Ungo gɨ na kan̰aŋ bɨ, gey kɔl hɨnge naŋ bɨ le, ban way ba bɔyɛ kɔl cayi ɨni: Kɔl gɨ ɨŋ ba ye le, kɨya bɔyɛ kɔl cayi, a wɔlɛ kagadi gɨŋ.

Gɨye-lɔɔ 16:16

Wɔlɛ gɨ pɨna wo̰ gɨ ni or jɨn̰ kɨɗɨn̰ ɔlɛ Kumu gɨŋ ɨni na, turmɔ ɗe-gɨye di pɨna wo̰ yal cɨndɨni. Hɨndi na tama di orɨn̰ dan̰ turnɔ di ɨsɨni di lee gɨ hɨndi bee garme. Bɨ ka-gulondo wan̰ge hɨnga wɔɔ tɔgɨ, kɨya garme ga hɨndi bee le.

Gɨye-lɔɔ 2:1

Kɨɗɨn̰ ga wɔlɛ gɨ ni leen̰ kɨdɨrɛ gɨ ni Pantekot ɓal ɨni na, kan nɔm dayge cayge kɨɗɨn̰ ga pɨna gaŋ.

Gɨye-lɔɔ 2:42

Kan dorge sɨmayge kuɗa jen̰ge kɔl gɨ ka-gɨre-gɨye gɨlgege bɨ, dayge gusɨge kɨɗɨn̰ dayaŋ ga da ka-karme gaŋ bɨ, dɨn̰ge hɨnga pɨna bɨ, gosnɨn̰ge gusɨge dɔɔ gɨ da Ba-gulɔŋ bɨ, olɨn̰ge Kumu pɨna daa daa bɨ.

Gɨye-lɔɔ 20:7

Ni dayaŋ dan̰ wɔlɛ gɨ ni dɨmasɨ kɨbɨ hɨnga ga ni dɔɔ ga da Ba-gulɔŋ gaŋ, kɨya doon̰ mapa pɨna ɨni na, Pol say dor kɔl bɨn̰ kalaŋ ga dayaŋ le bɨrɨŋ andɨn̰ duroy kɨɗɨn̰, kɨya wa ban gey ɔrɛ tɨrga dan̰ jogɨɗɨ.

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

1 Korɛ̰t 11:20

Hɨn̰ wo̰ na kɨɗɨn̰ ga kɨŋ ba dayaŋ le, dɔɔ gɨ kɨŋ ba di le na dɔɔ gɨ da Ba-gulɔŋ naŋ.

1 Korɛ̰t 14:23

Kɨradi-kɔl, hɨn̰ gɨ kɨŋ-gandi nɔm kɨŋ na ɨr kɨɗɨn̰ dayaŋ gaŋ ma kɨŋ-gandi nɔm kɨŋ na aya te yɔ kɨbɨ gɨ ungo sɨla naŋ na. Kɛ kalaŋ ga sɨla hɨnga naŋ, naŋ le kan ga ayage kuduroyge naŋ na andaŋge ƴen̰ kardɨgɨŋ na kɨya solgɨŋge leen̰ na ka-sɨwage naŋ ga?

1 Korɛ̰t 14:3

Ama ba-yɔɔ-kɔl-gɨ-Kumu-ba-yɔɔ le ye kɔl na dan̰ kalaŋ ɗe togɨyge na san̰ cay mɨga dɨŋ bɨ, na gɨ ni dobɨn̰ bandɨ kuduroyge bɨ, na gɨ ni jalɨn̰ kuduroyge bɨ.

1 Korɛ̰t 3:13

Kumu kɨya andɨn̰ dan̰ gɨye-lɔɔ gɨ da kalaŋ pɨna pɨna cɨn̰ tɨwa dɨŋ. Wɔlɛ gɨ ni bon̰ kɔl kɨya lɔɔ gɨ ɗe kan na sɨla gɨye le, kɨya wa wɔlɛ gɨ nee le kɨya te hɨnga nɔm daa na dan̰ tɨwa bɨ, na tɨwa ba kɨya gɨwase gɨye gɨ da kalaŋ pɨna pɨna bɨ.

1 Korɛ̰t 5:4

Kɨɗɨn̰ ga kɨŋ na daydaŋ dan̰ guson̰ Ba-gulondɨna Jesu-Kɨris bɨ, dɔnɔ toy na ba duroygɨŋ bɨ na, ɨrɨmenɨ bugoŋ danagɨŋ pɨna kɨɗɨn̰ dayaŋ ga nee gaŋ le.

Pilib 4:5

Kuɗa gɨ kalaŋ nɔm sɨlage kaledɨgɨŋ ga jali. Ba-gulɔŋ baa mɨnde.

1 Tesalonigɨ 4:18

Hɨn̰ wo̰ na, dɨbagɨŋ bandɨ kuduroy gusɨgɨŋ duroygɨŋ dan̰ kɔl gɨ nee le.

1 Tesalonigɨ 5:11

Na toy di hɨn̰ wo̰ ma, dɨbagɨŋ bandɨ kuduroygɨŋ duroygɨŋ bɨ, jɨbgɨŋ te gusɨgɨŋ te aye kudurɔ gɨŋ bɨ, hɨn̰ gɨ kɨŋ ba leen̰ ɨni le.

Əbɨro 10:24

Ɗe gɨ na na sɨla kardi gusɨnagɨŋ ɗe ana jɨbɨn̰gɨŋ te gusɨnagɨŋ daa a te lɔɔ wandɨ bɨ, lɔɔ gɨye ga da hɨnga ga ɗari gaŋ bɨ.

Əbɨro 10:37

Kɨya wa Magtubu di da Kumu ye hɨn̰: «Baa tɨwa lam wo̰ ƴee, baa lam wo̰ ƴɔbɨ na, Ban gɨ ojɨ gɨ kɨya ɨrga le, kɨya caga. Ban kɨya aye cayi naŋ.

Əbɨro 13:22

Ay! Karmɨnɨ ga ban̰aŋ dan̰ ga kandɨ, ɨŋ olgɨŋ gɨ kɨŋ ƴa kɔl gɨ ɨŋ ba gɨyɨn̰ bɨgɨŋ kɨya dobɨn̰ bandɨ kuduroygɨŋ le, dan̰ dɨbe-ɗugɔ. Ɨŋ wal kɔl bɨgɨŋ na dḛ wo̰ ƴɔbɨ.

Əbɨro 3:13

Ama dɨbagɨŋ bandɨ kuduroy gusɨgɨŋ dan̰ wɔlɛ pɨna pɨna. Sɨlagɨŋ kuɗa gɨ kɨɗɨn̰ ga magtubu ba ye: Labɨde na, duroy na labɨde kol cayna bɨ. Hɨn̰ wo̰ na dɨbagɨŋ bandɨ kuduroy gusɨgɨŋ, ɗe ɨsɨna nar cɨn̰ ungo duroygɨŋ dɨrsɨn̰ toyi a cay nee naŋ.

Magtubu di Jag wal 5:8

Kɨŋ kalɨn̰ ma dɨbɨgɨŋ ɗugoygɨŋ bɨ, hayagɨŋ-kuduroygɨŋ bɨ, kɨya wa wɔlɛ caga gɨ da Ba-gulɔŋ ba mɨnde.

1 Pɨyɛr 4:7

Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.

2 Pɨyɛr 3:11

Hɨn̰ gɨ hɨnga nɔm na kɨya kaɗɨn̰a bɛɗ hɨn̰ wo̰ na, gɨye lɔɔdɨgɨŋ gɨ wɔyɛ na mɨna ga? Kuɗa sɔmɛ dan̰ gɨye-lɔɔ gɨ bugoŋ pɨna dan̰ Kumu bɨ, dan̰ gɨye-lɔɔ gɨ woy dan̰ cɨndi bɨ.

2 Pɨyɛr 3:14

Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.

2 Pɨyɛr 3:9

Ba-gulɔŋ aya cayi kɨya lɔɔ hɨnga ga ban ye gɨ ɗi na kɨya lɔɔ le naŋ. Kalaŋ ga yege gɨ ban na ay naa cayi le, sɨlage toy kuɗa naŋ. Golgo gɨ ni yɔ Ba-gulɔŋ na dɨbɨ ɗugoyi naa kol caygɨŋ. Ban gey gɨ ungo pɨna wo̰ kalɨn̰ ma na gɨ mundoŋ naŋ. Ban gey gɨ kalaŋ nɔm na bɨlge gɨye-lɔɔdɨge.

Magtubu di Jud wal 1:19

Na kalaŋ ga nee le ma, na kalaŋ ga ka-ɨrgan̰ dan̰ puyoŋ a duroygɨŋ le. Kan na ka-kɔbɛ ɨrɨme gɨ da ungo gɨ ɨndi ƴɔbɨ. Ama ɨran̰ge dan̰ Turnɔ di da Kumu naŋ.