Əbɨro 10:24 - Gabri Maja

²⁴ Ɗe gɨ na na sɨla kardi gusɨnagɨŋ ɗe ana jɨbɨn̰gɨŋ te gusɨnagɨŋ daa a te lɔɔ wandɨ bɨ, lɔɔ gɨye ga da hɨnga ga ɗari gaŋ bɨ.

Əbɨro 10:24 ပူးပေါင်းရင်းမြစ်များ

Gɨye-lɔɔ 11:29

Ka-aye-cay-tɨbay Jesu ojɨge jɨbe te ka-aye kudurɔ ga somge a cay gɨsəŋ ga Jude gaŋ. Waŋ waŋ kalɨn̰ ma dan̰ hɨnga wɔɔ ga woy kobi.

Magtubu di Pol wal bɨn̰ kalaŋ ga Rɔm 11:4

Ama kɔl gɨ Kumu jɨga dɨbii cay nee le, kɨŋ sol ga? Ban ye hɨn̰: «Ɨŋ gam kalaŋ duroyge won̰ dubu jurgum, ga pɨyage gɨbayge tumoy kula gɨ ni Baal gɨŋ naŋ.»

Magtubu di Pol wal bɨn̰ kalaŋ ga Rɔm 12:15

Laagɨŋ gusi-mɔwa dan̰ kalaŋ ga leege gusi-mɔwa bɨ, ɨlgɨŋ dan̰ kalaŋ ga ɨlege bɨ.

1 Korɛ̰t 10:33

Na toy di hɨn̰ wo̰ ma ɨŋ-bandi kalɨn̰ ma ɨŋ ƴom gusɨnɨ osu leen̰ hɨnga nɔm ɗe na mon̰ kalaŋ le. Kɨya gɨ ɨŋ mal na hɨnga ga da ɗarwa tɨnge naŋ ama na ɗarwa di da kalaŋ ga dan̰ kondiige, ɗe kan na poɗɨn̰ge.

1 Korɛ̰t 9:22

Kɨɗɨn̰ ga ɨŋ na sɨma duroy kalaŋ ga hɨmbaɗɨdaŋ gaŋ na, ɨŋ bɨle gusɨnɨ leen̰ hɨn̰ ungo gɨ hɨmbaɗɨ bɨ. Ɨŋ lee hɨn̰ wo̰ ɗe aŋ na wan̰ kalaŋ ga hɨmbaɗɨdaŋ bɨn̰ Kɨris. Ɨŋ lee gusɨnɨ hɨn̰ kalaŋ nɔm a te gɨye-lɔɔ gɨ ani ani gɨŋ, ɗe naa dan̰ gɨyəŋ gɨ ani ani kalɨn̰ ma kan ga pɨna duroyge na waage pɔɗɛ.

2 Korɛ̰t 8:8

Ojɨn̰ cay hɔgɛ hɨnga ga ni jibe tɔɔ le, na dɔnɔ maŋ ɗa caygɨŋ naŋ. Ɨŋ yəgɨŋ na kol gusi-hɨmbalwa di da ka karme ga ɗaŋ aŋ na gɨwasɨgɨŋ. Ɨŋ bɨgɨŋ na gɨyəŋ ɗe agɨŋ na gɨlɨn̰ wandɨ togɨŋ leen̰ cɨndi.

2 Korɛ̰t 9:2

Ɨŋ sol gɨ gusɨgɨŋ hɨmbalgɨŋ gɨ ni jɨbe toyge. Lee gɨ ɨŋ dor kɔldɨgɨŋ ayɨn̰ canɨ daa tumoyi kalaŋ ga a cay gɨsəŋ ga Masedɨwan gaŋ hɨn̰: «Karmɨna ga a cay gɨsəŋ ga Agay ƴomge cay tɨbayge na naga hage gɨ ni bee hɨnga.» Gusi-hɨmbalwa togɨŋ dobɨ bandɨ kuduroy Ka-Daye gɨɗaŋ ɗe na beege hɨnga bɨ.

Galad 5:13

Ay, karmɨnɨ ga ban̰aŋ dan̰ ga kandɨ, Kumu təgɨŋ kɨya gɨ ban gey gɨ kɨŋ na gura caygɨŋ kalɨn̰. Ama kɨŋ aye gɔrɛ cay kalɨn̰ le, loon̰ jɨba di ni loon̰ hɨnga ga kuyoŋdi-gusɨgɨŋ gey kalɨn̰ wo̰ naŋ. Ama kɨŋ laa gɨye bɨn̰ gusɨgɨŋ hɨn̰ gɨ kɨŋ naa gɔyɔŋ dan̰ gusɨgɨŋ wo̰.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 5:6

Kɨɗɨn̰ ga ungo na bugoŋ pɨna dan̰ Jesu-Kɨris na, hɨn̰ gɨ ban na wala ban̰a wala, wala ban̰a naŋ kalɨn̰ ma, laa hɨnga naŋ. Hɨnga ga gumu na, na aye kudurɔ gɨ lee hɨnga dan̰ gɨyəŋ gɨ da wandɨ.

Galad 6:1

Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ.

Kɔlɔs 3:16

Ɗagɨŋ kɔl gɨ da Kɨris ɗe som duroygɨŋ dan̰ kandi-wɔɔ ga a nee nɔm. Dan̰ gɨyəŋdi na, gɨlɨn̰gɨŋ ungo gɨ ani ani hɨnga bɨ, halan̰gɨŋ gusɨgɨŋ a duroygɨŋ dan̰ cɨn̰-muɗɔlɛ tɔgɨ bɨ. Kɨbɨgɨŋ kɨra gɨ ni hɨramɨn̰ Kumu bɨ, kɨra gɨ ni dɨbɨn̰ gusoŋ-tɔgɛ bɨ, kɨra gɨ Turnɔ ɗe-kuduroy-bɛrɛ ba ɗɔɔ kɨbɨgɨŋ bɨ. Dan̰ kuduroygɨŋ nɔm leen̰ ho’o bɨn̰ Kumu.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 5:11

Na toy di hɨn̰ wo̰ ma, dɨbagɨŋ bandɨ kuduroygɨŋ duroygɨŋ bɨ, jɨbgɨŋ te gusɨgɨŋ te aye kudurɔ gɨŋ bɨ, hɨn̰ gɨ kɨŋ ba leen̰ ɨni le.

2 Tesalonigɨ 3:9

Leen̰ cɨndi na, ni orɨn̰ dan̰ gɨyəŋ gɨ ni ƴon̰ hɨnga kagɨŋ. Ama ni gey ɗɔɔ na gɨye lɔɔ gɨ gɨl, agɨŋ na ƴɔlɨn̰ gɨye-lɔɔdini.

1 Timote 6:18

Yage ɗe kan lee kuɗa dan̰ kalaŋ bɨ, ɗe kan lee gɨye gɨ kuɗa tɔgɨ bɨ, ɗe kan bɨn̰ kalaŋ hɨnga tɔgɨ bɨ, ɗe kan gosɨn hɨnga kage bɨn̰ kamdɨge bɨ.

Titɨ 2:4

Kuɗa gɨ kan gɨlɨn̰ kambɨle gɨyəŋ gɨ ni geyɨn̰ kodɨn̰ige bɨ, karɨndɨge bɨ,

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

Əbɨro 13:1

Kuɗa gɨ geye gɨ da ka-karme ɨra cɨndo tumɔ tumɔ.

Əbɨro 13:3

Kuɗa gɨ kɨŋ hɨn a cay kan ga a dangay gɨŋ, hɨn̰ gɨ kɨŋ na woy naa dangay gɨŋ danage wo̰ bɨ. Kuɗa gɨ kɨŋ hɨn a cay kan ga kan gɨlgege cɨn̰ bɨ, kɨya wa kɨŋ-gandi kalɨn̰ ma kɨŋ orɨn̰ dan̰ kuyoŋdi-gusɨgɨŋ gɨ kɨya ɓale gɨle-cɨn̰ bɨ.

Əbɨro 3:13

Ama dɨbagɨŋ bandɨ kuduroy gusɨgɨŋ dan̰ wɔlɛ pɨna pɨna. Sɨlagɨŋ kuɗa gɨ kɨɗɨn̰ ga magtubu ba ye: Labɨde na, duroy na labɨde kol cayna bɨ. Hɨn̰ wo̰ na dɨbagɨŋ bandɨ kuduroy gusɨgɨŋ, ɗe ɨsɨna nar cɨn̰ ungo duroygɨŋ dɨrsɨn̰ toyi a cay nee naŋ.

1 Ja̰ 3:18

Ay, karɨnɨ kange, ɗɔɔ gɨ na geyegɨŋ gusɨnagɨŋ dan̰ kɔl gɨ a kɨbɨnagɨŋ ƴɔbɨ naŋ, ama kuɗa gɨ na geygɨŋ gusɨnagɨŋ dan̰ gɨye-lɔɔdɨnagɨŋ bɨ dan̰ geye gɨ hɨnde bɨ.