Əbɨro 10:19 - Gabri Maja

¹⁹ Hɨn̰ wo̰ na karmɨnɨ ga ban̰aŋ dan̰ ga kandɨ, na ɓal gɨ ni andaŋ a kɨɗɨn̰ ga woy dan̰ cɨndɨge cɨla coŋ dɨle hundɔrɔ, kɨya cay kɨbardi Jesu.

Əbɨro 10:19 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 5:2

Na kol cayi ma mana wan̰ gɨyəŋ gɨ ni andɨn̰ a ɗarwa di da Kumu dɨŋ di nee le dan̰ gɨyəŋ gɨ da aye kudurɔ. A duroy ɗarwa di nee dɨŋ le na ɨre cay nee osu bɨ. Na lee gusi-mɔwa a cay gusoŋ-tɔgɛ gɨ da Kumu gɨŋ bɨ. Kɨya wa na sol gɨ wɔlɛ pɨna na kɨya andaŋ a boy gusoŋ-tɔgɛ gɨ nee gɨŋ le. Na hɨnga ga nee le ma, mana bee ɨrɨmedɨna cay nee.

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

Epɛs 2:18

Kɨya cay hɨnga ga Kɨris lee le, na-gandi ga toyna na Jubɨ bɨ, ga toyna na Jubɨ naŋ bɨ, na orɨn̰gɨŋ dan̰ gɨyəŋ gɨ ni ɨrga mɨnde gusi Bayna Kumu, dan̰ gɨyəŋ gɨ da Turnoyi.

Epɛs 3:12

Kol bugoŋ gɨ na bugoŋ pɨna dan̰ Kɨris bɨ, kuduroyna ga na bee cayi bɨ le, na way gɨyəŋ gɨ ni ɨrgan̰ gusi Kumu kɨya yoy kɔl boy ɔlɛ gɨŋ dɨle hundɔrɔ.

2 Timote 1:7

Kɨya wa Kumu bɨnagɨŋ na Turnɔ di ni hɨndarɨn̰ cɨn̰ ungo naŋ. Ama dan̰ gɨyəŋ gɨ da Turnɔ ɗe-kuduroy-bɛrɛ le, ban bɨnagɨŋ tɔgɨ bɨ, geye bɨ, ƴɔmɛ gusɨna osɨwa cay hɨnga gaŋ bɨ.

Əbɨro 10:18

Kɨɗɨn̰ ga Kumu na ɗa kuduroy jala a cay ɨsɨna gɨ da kalaŋ gaŋ coŋ ɨni na, uja gɨ ungo kɨya aye hɨnga ga ni bogɨn̰ kɨbar be kɨya cay ɨsɨna naŋ ɨni.

Əbɨro 10:35

Naa hɨn̰ wo̰ na, kɨŋ ɗɔɔ ba kaye bandɨ togɨŋ naŋ: Kɨya wa hɨnga ga ni cay kobɨgɨŋ ga gumu woy ojɨ cay bandɨ di nee le.

Əbɨro 12:28

Na hɨn̰ wo̰ ma, ɗa gɨ na laan̰gɨŋ Kumu ho’o kɨya gɨ ban bɨna dɔɔ-ƴaa di osu di kɨya yɨbagdaŋ naŋ. Kuɗa gɨ na laan̰ Kumu ho’o, laan̰ gɨye bii dan̰ gɨyəŋ gɨ kɨya ƴɔɔ-cɨndi, dan̰ dɔbɛ caa bɨ, bɔgɛ kɔl bɨ.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Əbɨro 4:16

Naa hɨn̰ wo̰ na, kuɗa gɨ na sɨye bongi kali-tɨrɨmbala di da ɗarwa dɨle hundɔrɔ coŋ bɨrɨŋ ɗe ban solɨn̰ cɨn̰-n̰age tonagɨŋ. Bɨ ana wan̰ ɗarwa di a gusii di kɨya jɨbe toyna a duroy hɨnga ga na or n̰agedɨge a boy tɨwado dɨŋ.

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

Əbɨro 9:12

Kɨris andaŋ a kɨɗɨn̰ ga woy dan̰ cɨndɨge cɨla gaŋ ga Kumu ɨre nee, na cay pɨna ƴɔbɨ dan̰ cɨndi. Ban andaŋ nee na dan̰ kɨbar gɨ da kugan̰əŋ naŋ bɨ, karɨn̰ sɨn̰əŋ naŋ bɨ, ama na dan̰ kɨbardi koyi. Na hɨn̰ wo̰ ma ban dorna beena daa kɨbɨ ɨsɨna konagɨŋ dan̰ tumoyna.

Əbɨro 9:3

Duroy gɨ ni cay sɔɔdi gɨ teeyige naa kɨɗɨn̰ ga woy dan̰ cɨndɨge ɗɨn̰ coŋ le, woy na a kardi badɨge ga boy duroy ƴaa-di-da-Kumu di leege dan̰ ɓala.

1 Ja̰ 4:17

Na hɨn̰ wo̰ ma, a wɔlɛ gɨ ni bon̰ kɔl gɨŋ le, na kɨya hundɔrɔgɨŋ naŋ. Kɨya wa geye gɨ da Kumu duroŋ dan̰ durɔ cɨrɛɗ gusɨnagɨŋ bɨ, na orgɨŋ a cay gɨsəŋ gaŋ kɛ, gɨlɨn̰ na hɨn̰ gɨ da Jesu-Kɨris wo̰ bɨ.