Əbɨro 10:11 - Gabri Maja

¹¹ Dan̰ wɔlɛ pɨna pɨna ka-bɔgɛ kɨbar nɔm ɨrege dan̰ tɨbayge daa kɨya loon̰ gɨye koge. Bɨdɨn̰ge Kumu hɨnga ga ni bogɨn̰ kɨbar ga toyge pɨna hage, ga kɨya ɓale dɔrɛ ɨsɨnan̰əŋ naŋ bɨrɨŋ le.

Əbɨro 10:11 ပူးပေါင်းရင်းမြစ်များ

Əbɨro 10:1

Gasɨn̰-kɔl gɨ da Moyis le gɨlnagɨŋ na turnoy hɨnga ga ɗari ga ba kɨya caga karu ƴɔbɨ. Ama kan na gusɨge ga leen̰ cɨndi naŋ ƴee. Dan̰ te gɨyəŋ gɨ da gasɨn̰-kɔl na, ojɨ gɨ kan kɨya ɨrgan̰ dan̰ hɨnga ga ni bogɨn̰ kɨbar ga pɨna hage ga nee le, tɨba nee nee, ɨlge dan̰ ɨlge. Hɨnga ga ni bogɨn̰ kɨbar ga nee le, kɨya ɓale dorɨn̰ mɨra kalaŋ ga geyge n̰ɨre Kumu dan̰ dɔrɛ mɨra di duroŋ cɨrɛɗ naŋ bɨrɨŋ.

Əbɨro 10:4

Kɨya wa kɨbardi sɨn̰əŋ ga ban̰aŋ bɨ, kugan̰əŋ bɨ, ɓala dɔrɛ ɨsɨna koge le coŋ naŋ bɨrɨŋ.

Əbɨro 5:1

Mangɨl gɨ da ka-cay ka-bɔgɛ kɨbar gɨ ani ani gɨ kan doriige duroy kalaŋ le, gɨye-lɔɔdi na lɔɔ gɨye bɨn̰ Kumu kol cayge. Kan som na kɨya bɨn̰ Kumu hɨnga ga ni bee bɨ, bɔgɛ kɨbar bɨ, kɨya cay ɨsɨnan̰əŋ.

Əbɨro 7:27

Jesu wɨya gɨlɨn̰ na hɨn̰ te mangɨl gɨ da ka-cay ka-bɔgɛ kɨbar ga ɗaŋ wo̰ naŋ. Ban na ba-bɔgɛ kɨbar gɨ dan̰ wɔlɛ pɨna pɨna kol ɨsɨna koyi bɨ, kol ɨsɨna gɨ da karɨn̰ Ɨsɨrayɛl bɨ, naŋ. Ban bee kɨbar gɨ nee le, na cay pɨna wo̰ ƴɔbɨ, kɨɗɨn̰ ga ban ay gusi be leen̰ hɨnga ga ni bogɨn̰ kɨbar.

Əbɨro 8:2

A nii le, ban lee gɨye a kɨɗɨn̰ ga woy dan̰ cɨndɨge gaŋ, kɨɗɨn̰ ga nee le ma na ƴaa-di-da-Kumu di leege dan̰ ɓala gɨ hɨnde gɨ ungo gɨ ɨndi ba gaɗe naŋ. Ba-gulondɨna gusi ba gaɗe.

Əbɨro 8:4

Hɨn̰ gɨ Kɨris na baa a cay gɨsəŋ gaŋ kɛ na, ban ni kɨya ɓale bɨləŋ ba-bɔgɛ kɨbar naŋ. Kɨya gɨ ka-bɔgɛ kɨbar ga ka bɨn̰ Kumu hɨnga ga ni bee dan̰ gɨyəŋ gɨ da gasɨn̰-kɔl le woyge nee ɨni.