Əbɨro 1:6 - Gabri Maja

⁶ Ama kɨɗɨn̰ ga Kumu andɨn̰ dan̰ kurondi gɨ cay wase cɨg cɨg a cay gɨsəŋ gaŋ na, ban ye hɨn̰: «Ojɨ gɨ ka-ƴɔbɛ ga daa nii, Ga da Kumu nɔm na n̰ɨriige.»

Əbɨro 1:6 ပူးပေါင်းရင်းမြစ်များ

Matɨyo 24:14

Kɔl-gɨ-Ɗari gɨ ojɨ cay dɔɔ-ƴaa di daa nii di kɛ le, kan kɨya tɔgɛ bɛrnɛdi gon̰ kɨɗɨn̰ nɔm cay gɨsəŋ gaŋ, ɗe bɨle tɨmon̰ bɨn̰ te wɔɔ gɨ da kalaŋ nɔm. Wo̰ dɨm ma, cay gɨsəŋ toyge kɨya ayaŋ ƴee.

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:18

Ungo wo̰, gɨ sol Kumu dan̰ cɨndi unɔ bɨrɨŋ. Ama na Kurɨn̰-Kumu gɨ pɨna hayi kəɗ kəɗ, gɨ som durdi Bay le. Na ban ba lɔɔ gɨ ɗe kalaŋ na sɨlan̰ge Kumu.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Magtubu di Pol wal bɨn̰ kalaŋ ga Rɔm 8:29

Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

Kɔlɔs 1:15

Kɨris le na gɨlɨn̰a gɨ da Kumu, Gɨ ungo ɓala solii dan̰ cɨndi naŋ. Ban woy na hɨn̰ kɨye ba cay wase, Gɨ da hɨnga nɔm ga Kumu ɗe.

Kɔlɔs 1:18

Na ban coŋ ma na ba cay Ka-Daye. Ka-Daye na kuyoŋdi-gusi. Ban na ɗɔɔ te hɨnga bɨ, Ban na ba bɔyɛ lɨbe cay wase cɨg cɨg, Duroy kalaŋ ga madɨrdaŋ bɨ. Kumu lee hɨn̰ wo̰ ɗe ban na won̰, Ba cay wase cɨg cɨg gɨ da hɨnga nɔm.

Əbɨro 1:5

Na cɨndi duroy ka-ƴɔbɛ ga daa le, pɨna wo̰ gɨ Kumu yeyi hɨn̰: «Ji na kuronɨ, ayɨn̰ toy labɨde ɨŋ na ban̰» le, unɔ. Naŋ le, ɗaŋ coŋ: «Ɨŋ kɨya bɨle ban̰ bɨ, ji kɨya bɨle kuronɨ bɨ» le, unɔ.

Əbɨro 10:5

Na toy di hɨn̰ wo̰ ma, kɨɗɨn̰ ga Kɨris ɨre ɨrga cay gɨsəŋ gaŋ na, ban yen̰ Kumu hɨn̰: «Ji-bandi ji gey hɨnga ga ni bogɨn̰ kɨbar naŋ bɨ, Hɨnga ga ni aye be naŋ bɨ, Ama ji-bandi ji lee kuyonɨ bəŋ.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.

1 Ja̰ 4:9

Sɨlagɨŋ gɨyəŋ gɨ Kumu wasɨn̰ɨn̰ geye koyi duroynagɨŋ ba kɛ: Ban gɨygɨ Kurondi gɨ pɨna hayi kəɗ kəɗ a cay gɨsəŋ gaŋ ɗe ana na orɨn̰ dan̰ sɔmɛ-bɨra dan̰ gɨyəŋ koyi.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.