Əbɨro 1:2 - Gabri Maja

² Ama a wɔlɛdi gɨ haw kɛ gɨ kardi nee gɛs na, Kumu yena kɔl na dan̰ gɨyəŋ gɨ da Kurondi gɨ ban dorii si ba-gulɔŋ hɨnga nɔm bɨ. Na danayi ban ɗaŋ coŋ ma, Kumu sɨn̰ gɨɗɨgɨ-Kumu dan̰ cay gɨsəŋ dan̰ hɨnga nɔm ga boy nee bɨ.

Əbɨro 1:2 ပူးပေါင်းရင်းမြစ်များ

Matɨyo 13:39

Ba-baa gɨ ba-gɨse tɨngɨrɨn̰ le, na Haban̰. Wɔlɛ gɨ ni walɨn̰ cay gasa le, na kagadi wɔlɛ. Bɨ ka-wale cay gasa le, na ka-ƴɔbɛ ga daa nii bɨ.

Matɨyo 17:5

Kɨɗɨn̰ ga Pɨyɛr ɨre ye kɔl ba kɨbi ƴee bɨ ga ma, gɨrɨmbale ga orɨn̰ dan̰ asɨn̰a ɨrga umboŋ cayge. Bɨ ga ma, noy ungo ye kɔl duroy gɨrɨmbale gaŋ le pəŋ pəŋ bɨ ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi, jagɨŋ kɔl koyi.»

Matɨyo 21:38

Ama, kɨɗɨn̰ ga ka-yage suru le solge kurondi le ɨni na, kan yen̰ge gusɨge kɔl duroyge yen̰ge hɨn̰: “Ban gɨ kɛ le, na ba bɨle ba-gulɔŋ yagedi suru le wɔlɛ gɨ ɗaŋ gɨŋ! Ɨrenagɨŋ, ana dɨɗiigɨŋ coŋ, ana boɗɨn̰gɨŋ hɨnga ga ni ban̰di-gulɔŋ le.”

Matɨyo 26:63

Ama Jesu som kɨbi munduŋ. Ɨni na, mangɨl gɨ da ka-cay ka-bɔgɛ kɨbar yeyi hɨn̰: «Ɨŋ olɨn̰, dɨra gusɨn̰ dan̰ guson̰ Kumu gɨ som-bɨra, yani kɛ ji na Kɨris ban gɨ Kumu dorii, Kurɨn̰-Kumu le ga?»

Matɨyo 28:18

Jesu ɨrga mɨnde gusɨge bɨ yege hɨn̰: «Kumu bəŋ Dɔnɔ nɔm a cay hɨnga ga gɨɗɨgɨ-Kumu gaŋ bɨ, a cay hɨnga ga cay gɨsəŋ gaŋ bɨ.

Matɨyo 3:17

Bɨ ga ma, noy ungo ye a gɨɗɨgɨ-Kumu gɨŋ hɨn̰: «Ban gɨ kɛ le na Kuronɨ, ɨŋ lee-toyi tɔgɨ, gusɨnɨ mɔŋ cayi na ase naŋ.»

Marg 1:1

Kɔl-gɨ-Ɗari gɨ da Jesu-Kɨris Kurɨn̰-Kumu ay toy na kɛ.

Marg 12:6

Bayi na ungo pɨna ƴɔbɨ gusi, na kurondi gɨ ban lee-toyi tɔgɨ. Lee gɨ kɨɗɨn̰ ga kan kagage nɔm coŋ ɨni na, na ban ma ban gɨygii gusɨge. Kɨya wa ban ye hɨn̰: “Kan kɨya bogɨn̰ kuronɨ kɔl nee.”

Marg 12:7

Ama ka-yage suru le yen̰ge gusɨge hɨn̰: “Ban gɨ kɛ le, na ba bɨle ba-gulɔŋ yagedi suru le wɔlɛ gɨ ɗaŋ gɨŋ! Ɨregɨŋ ana dɨɗiigɨŋ coŋ ɗe hɨnga ga ni ban̰di-gulɔŋ le baa bɨna.”

Kɔl-gɨ-Ɗari gɨ Ja̰ wal 1:10

Kɔl le tumɔ ban som a cay gɨsəŋ gaŋ bɨ, Kumu lee hɨnga ga cay gɨsəŋ gaŋ nɔm, na dan̰ gɨyəŋ koyi ban bɨ. Ama kalaŋ ga cay gɨsəŋ gaŋ, sɨlage gɨ naa ban naŋ.

Kɔl-gɨ-Ɗari gɨ Ja̰ wal 1:14

Kɔl le, bɨləŋ na ungo bɨ, som duroyni. Ni sol gɨmɨn̰aw toyi dan̰ cɨndɨni bɨ. Na gɨmɨn̰aw di da kuroŋ gɨ pɨna hayi kəɗ kəɗ, gɨ sayga gusi Bay. Ban le, ɗarwa dan̰ kɔl gɨ cɨndi, ƴee kuduroyi.

Kɔl-gɨ-Ɗari gɨ Ja̰ wal 1:3

Hɨnga nɔm ɗe gusɨge na dan̰ gɨyəŋ gɨ da Kɔl bɨ, hɨnga pɨna ga Ban ɗe, dɨle ɗɔɔ dan̰ Kɔl, unɔ bɨ.

Kɔl-gɨ-Ɗari gɨ Ja̰ wal 13:3

Jesu sol gɨ Bay na ɗe hɨnga nɔm duroy kobi gɨŋ bɨ, gɨ ɗi na sayga naa gusi Kumu bɨ, ɗi na kɨya jɔgɛ ɔrɛ naa gusi Kumu bɨ.

Kɔl-gɨ-Ɗari gɨ Ja̰ wal 13:32

[Hɨn̰ gɨ Kumu na wa gusoŋ-tɔgɛ gusii na,] Kumu kalɨn̰ ma kɨya dɨbe gusoŋ-tɔgɛ koyi cayi bɨ. Lam nee na ban kɨya dɨbe gusoŋ-tɔgɛ cayi ɨni.»

Kɔl-gɨ-Ɗari gɨ Ja̰ wal 15:15

Ɨŋ kɨya togɨgɨŋ marɨne ka-gɨye naŋ bɨrɨŋ ɨni. Kɨya wa marɨna ba gɨye le, sɨla gɨye-lɔɔ gɨ da ba-gulondi naŋ. Ama ɨŋ tegɨŋ na ka-pogɨn̰ɨnɨ, kɨya gɨ hɨnga nɔm ga ɨŋ je koldɨge gusi Banɨ le, ɨŋ wɨsa cayge dugo danagɨŋ naŋ.

Kɔl-gɨ-Ɗari gɨ Ja̰ wal 16:15

Hɨnga nɔm ga Banɨ orɨn̰ le na kange. Na toy di wo̰ ma, maŋ ye hɨn̰: Hɨndi kɨya caga yəgɨŋ na kɔl gɨ hɨndi je kɨbɨnɨ.»

Kɔl-gɨ-Ɗari gɨ Ja̰ wal 17:2

Ji bɨn̰ dan̰ kurondɨn̰ dɔnɔ a cay kalaŋ nɔm ga cay gɨsəŋ gaŋ. Ji bii dɔnɔ di nee le, na ɗe gɨ ban na bɨn̰ kalaŋ nɔm ga ji ba bii le sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:16

Na cɨndi, Kumu gey kalaŋ ga cay gɨsəŋ gaŋ tɔgɨ, lee gɨ ban ay kurondi gɨ pɨna hayi kəɗ kəɗ bee, ɗe waŋ waŋ gɨ na bɨga kuduroyi cayi na, na mundoŋ naŋ, ama na wayan̰ sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 3:25

Ɨni na, ka-aye-cay-tɨbayi Ja̰ man̰ge kɔl dan̰ Jubɨ gɨ pɨna wo̰, ojɨn̰ cay gɨyəŋ di dorɨn̰ gusu mɨra gɨ da Jubɨn̰əŋ.

Kɔl-gɨ-Ɗari gɨ Ja̰ wal 5:26

Kɨya wa hɨn̰ gɨ Kɨye bayi orɨn̰ dan̰ sɔmɛ-bɨra le, na hɨn̰ wo̰ ma ban bɨn̰ Kuroŋ ɗe gɨ ban kalɨn̰ ma na ɨran̰ dan̰ sɔmɛ-bɨra bɨ.

Kɔl-gɨ-Ɗari gɨ Ja̰ wal 5:27

Kɨye bayi le, bii dan̰ dɔnɔ gɨ ni bon̰ kɔl cay kalaŋ, kɨya wa ban na Kurɨn̰-ungo.

Kɔl-gɨ-Ɗari gɨ Ja̰ wal 9:29

Ni sol gɨ Kumu yen̰ Moyis kɔl, ama ungo gɨ kɛ le, ni sɨla kɨɗɨn̰ ga ban saygan̰ nee naŋ.

Gɨye-lɔɔ 10:36

Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le.

Gɨye-lɔɔ 2:17

“Sɨlagɨŋ hɨnga ga ba kɨya caga wɔlɛ kagadi gɨŋ le ba kɛ, Kumu ye hɨn̰: Ɨŋ kɨya lɔɔ gɨ ɗe Turnonɨ busoŋ cay kalaŋ nɔm bɨ, Karɨndɨgɨŋ ga ban̰aŋ dan̰ karɨndɨgɨŋ ga kandɨ Kɨya bɨləŋge ka-yɔɔ-kɔl-gɨ-Kumu-ba-yɔɔ bɨ, Ɨŋ kɨya yon̰ marɨne kagɨŋ kɔl, Boy hɨnga ga buyoŋ cɨn̰ ungo hɨn̰ dḛḛ wo̰ bɨ, Ɨŋ kɨya yon̰ kandɨgɨŋ ga əsɨdəŋ kɔl boy sɔndɛ gɨŋ bɨ.

Magtubu di Pol wal bɨn̰ kalaŋ ga Rɔm 1:4

Kɨɗɨn̰ ga Kumu boyii lɨbii duroy kalaŋ ga madɨrdaŋ gaŋ na, Turnɔ ɗe-kuduroy-bɛrɛ gɨl gɨ ban naa Kurɨn̰-Kumu gɨ dɔnɔdi ɗɨn̰ dɔnɔ nɔm.

Magtubu di Pol wal bɨn̰ kalaŋ ga Rɔm 8:17

Hɨn̰ gɨ na naa karɨn̰ Kumu na, na-gandi kalɨn̰ ma na woy na hɨn̰ ka-ƴɔ hɨnga ga ni ban̰di-gulɔŋ wo̰ bɨ. Na na ka-ƴɔ hɨnga ga ni ban̰di-gulɔŋ ga da Kumu bɨ, ka-ƴɔ hɨnga ga ni ban̰di-gulɔŋ pɨna dan̰ Kɨris bɨ. Na hɨn̰ wo̰ ma, hɨn̰ gɨ na na gɨl-cɨn̰ pɨna dan̰ Kɨris na, na kɨya andaŋ danayi pɨna a boy gusoŋ-tɔgɛ koyi gɨŋ bɨ.

1 Korɛ̰t 2:7

Ni gɨlɨn̰ kalaŋ na cɨn̰-muɗɔlɛ da Kumu di woy a kɨɗɨn̰ ga ungo wasɨn̰a cayge naŋ ga wosi, gɨ Kumu a boy ɨlge ga tumɔ gaŋ, ƴom cay tɨbayge tumɔ hayi kɨya gusoŋ-tɔgɛ tona.

1 Korɛ̰t 8:6

Ama ojɨn̰ cayna na-gandi na, Kumu na pɨna hayi kəɗ kəɗ. Ban na Bayna gɨ hɨnga nɔm sayga gusii bɨ, na kɨya ɔrɛ na gusii bɨ. Ba-gulɔŋ na pɨna hayi kəɗ kəɗ ƴɔbɨ, na Jesu-Kɨris gɨ hɨnga nɔm woy na kol cayi bɨ, na som na kol cayi bɨ.

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

Epɛs 1:10

Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.

Epɛs 3:9

Kumu gɨ ba ɗɔɔ hɨnga nɔm ƴom hɨnga ga woy kɨɗɨn̰ wɔsɛdɨge gaŋ le, wosɨge boy ɨrɨmedi gɨŋ na jɨne hayi. Ban gɨyəŋ na ɗe gɨ ɨŋ na dɨran̰ te gɨyəŋdi hɨnga ga woy kɨɗɨn̰ wɔsɛdɨge gaŋ ga Kumu lee le, ɗe arɨn̰ cərərə bɨn̰ kalaŋ.

Əbɨro 1:5

Na cɨndi duroy ka-ƴɔbɛ ga daa le, pɨna wo̰ gɨ Kumu yeyi hɨn̰: «Ji na kuronɨ, ayɨn̰ toy labɨde ɨŋ na ban̰» le, unɔ. Naŋ le, ɗaŋ coŋ: «Ɨŋ kɨya bɨle ban̰ bɨ, ji kɨya bɨle kuronɨ bɨ» le, unɔ.

Əbɨro 1:8

Ama a cay kurondi na, Kumu ye hɨn̰: «Ay, Kumu kali-tɨrɨmbala ton̰ woy dan̰ tumɔɔ. Bɨ ji di cay ƴaa ton̰ na dan̰ gɨye-lɔɔ, Gɨ dan̰ durɔ ɗɨngar bɨ.

Əbɨro 11:3

Dan̰ gɨyəŋ gɨ da aye kudurɔ na, na sol gɨ Kumu si gɨɗɨgɨ-Kumu bɨ, cay gɨsəŋ dan̰ hɨnga nɔm ga boy nee bɨ, na dan̰ gɨyəŋ gɨ da kɔl gɨ andaŋ kɨbi bɨ. Lee gɨ cay gɨsəŋ dan̰ hɨnga nɔm ga ungo sol dan̰ cɨndi le, ɗa toyge na a cay hɨnga ga ungo sol dan̰ cɨndi gaŋ naŋ.

Əbɨro 2:3

Pɔɗɛ gɨ gumu gɨ nee le, hɨn̰ gɨ na na sɨla laan̰ hɨnga naŋ na, kɛ kɔl gɨ ƴɔmɛ cayna naŋ na mɨna ga? Pɔɗɛ gɨ gumu gɨ nee le, Ba-gulɔŋ ban gusi koyi ay te tɔgɛ bɛrnɛdi tumɔ pa dɨm ma, kan ga jege koldi dan̰ sɨmayge yenige, lee gɨ or kɨɗɨn̰di gaŋ.

Əbɨro 3:6

Ama Kɨris na, ban ɨre cay tɨbayi dɨŋ na hɨn̰ Kurondi gɨ bayi Kumu sii a cay ƴaadi dɨŋ. Ƴaa di nee le na na-gandi, hɨn̰ gɨ na na ƴɨma kardi aye kudurɔ usa bɨ, tɨga-pɨre cay hɨnga ga na ba beegɨŋ ɨrɨmedɨna cay nee bɨ.

Əbɨro 4:14

Naa hɨn̰ wo̰ na, kuɗa gɨ ɗe ana ƴom aye kudurɔ gɨ na ba ye koldi le osu. Kɨya wa na orɨn̰ dan̰ mangɨl gɨ da ka-cay ka-bɔgɛ kɨbar gɨ gumu. Mangɨl gɨ da ka-cay ka-bɔgɛ kɨbar gɨ nee le, na Jesu, Kurɨn̰-Kumu gɨ gay gɨɗɨgɨ-Kumu orɨn̰ bɨrɨŋ andɨn̰ gusi Kumu.

Əbɨro 5:8

Ban na Kurɨn̰-Kumu hayi, ama dan̰ gɨyəŋ gɨ da hɨnga ga ni gɨle-cɨn̰ nɔm ga leeyi le, ban tɨrabɨ jɔɔ kɔl kɨbɨ Kumu.

Əbɨro 7:28

Gasɨn̰-kɔl gɨ da Moyis si kalaŋ mangɨln̰əŋ ga da ka-cay ka-bɔgɛ kɨbar, ama kan kuɗudaŋge duroŋ cɨrɛɗ naŋ. Ama ɓɨse gɨ Kumu ɓɨsɨ gusi ayɨn̰ te tumoyi le ɨrga na kardi gasɨn̰-kɔl. Kɔl gɨ Kumu ɓɨsɨn̰ gusi gɨ nee le, dor Kurɨn̰ Kumu sii mangɨl gɨ da ka-cay ka-bɔgɛ kɨbar gɨ kuɗa duroŋ cɨrɛɗ dan̰ tumoyi.

Əbɨro 7:3

Ungo sɨla bayi naŋ bɨ, ƴoyi naŋ bɨ, mon̰ii naŋ bɨ. Ungo dɨra kɔl gɨ ojɨ cay wɔlɛ wɔɔdi naŋ bɨ, gɨ ojɨ cay wɔlɛ tɨmaydi naŋ bɨ. Ban woy gɨlɨn̰ na hɨn̰ Kurɨn̰-Kumu wo̰. Lee gɨ ban woy na ba-bɔgɛ kɨbar dan̰ tumoyi.

Əbɨro 9:26

Hɨn̰ gɨ na wɨya naa hɨn̰ wo̰ na, ayɨn̰ toy gɨ Kumu ɗen̰ gɨɗɨgɨ-Kumu bɨ, cay gɨsəŋ bɨ bɨrɨŋ gɨsɨn̰ haw kɛ le, ojɨ gɨ Kɨris ni kɨya sɔlɛ cɨn̰-gɨle-cɨn̰ tɨba nee nee. Ama haw kɛ gɨ na kagadi wɔlɛ le, ban ɨrga gɨl-cɨn̰ na cay pɨna ƴɔbɨ. Kɨya mondɨn̰ ɨsɨna coŋ dan̰ gɨyəŋ gɨ da gusi koyi gɨ ban ay been̰ kɨbar le.

1 Pɨyɛr 1:20

Tumɔ pa dɨm ma Kumu kɨya ɗon̰ gɨɗɨgɨ-Kumu bɨ, cay gɨsəŋ bɨ ƴee na, Kumu dor Kɨris ɗe bɨləŋ hɨnga ga ni bogɨn̰ kɨbar. Lee gɨ haw kɛ a kagadi wɔlɛ gɨŋ gɨ Kumu wasɨn̰ cayi doŋ waŋ ɗe ban na poɗɨgɨŋ.

2 Pɨyɛr 3:3

Hɨnga ga ojɨ gɨ kɨŋ kɨya sɔlɛ cay wase ba kɛ: A kagadi wɔlɛ gɨŋ na, kalaŋ ka-lɔɔ hɨnga ga tabɨlaŋdɨge woy kuduroyge kɨya andaŋge. Kan kɨya asɨgɨŋge,

Magtubu di Jud wal 1:18

Kan yegɨŋge hɨn̰: «A kagadi wɔlɛ gɨŋ le, kalaŋ ga kɨya sɔgɛge Kumu kɨya sɔge bɨ, lɔɔge hɨnga ga kuduroyge gey ƴɔbɨ, na hɨnga ga jɨbɨ Kumu sɛdɨ coŋ.»