Əbɨro 1:14 - Gabri Maja

¹⁴ Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Əbɨro 1:14 ပူးပေါင်းရင်းမြစ်များ

Matɨyo 1:20

Kɨɗɨn̰ ga ban woy te ɨrɨme ƴee bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cayi duroy sɔndɛ gɨŋ, yeyi hɨn̰: «Jɨsɛb, kungay Dabid, ji ɗɔɔ ba hundɔrɔ gɨ ni kan̰e ƴɔɔ Mari coŋ naŋ. Kɨya wa kur gɨ hɨndi ƴee le, na dan̰ gɨyəŋ gɨ da Turnɔ ɗe-kuduroy-bɛrɛ.

Matɨyo 13:41

Kurɨn̰-ungo kɨya gɨye ka-ƴɔbɛ kayi ga daa nii, ɗe na torge hɨnga nɔm ga lee gɨ kalaŋ laydaŋge boy ɨsɨna gɨŋ bɨ, kɨya tɔrɛ ka-lɔɔ ɨsɨna nɔm boy dɔɔ-ƴaa toyi dɨŋ coŋ bɨ, kɨya

Matɨyo 18:10

«Duroy karɨn̰aŋ ga n̰en̰əŋ ga kɛ le, kɨŋ ɗɔɔ ba-dɔrɛ cɨn̰ gɨ pɨna duroyge. Əw, aŋ yəgɨŋ a gɨɗɨgɨ-Kumu gɨŋ daa nii na, ka-ƴɔbɛ kage ga daa nii ɨrege dan̰ tumoyge a tumoy Banɨ gɨ som a daa nii kɨya cayge.

Matɨyo 2:13

Kɨɗɨn̰ ga ka-sɔlɛ hɨnga duroy dɛsɨɗɛŋ dɨŋ say orge coŋ bɨ ga ma, ba-ƴɔbɛ gɨ daa nii gɨ da Ba-gulɔŋ andaŋ cay Jɨsɛb duroy sɔndɛ gɨŋ bɨ yey hɨn̰: «Sa daa, aya kɨye bɨ, ƴoyi bɨ, gɨrɨn̰ ɨran̰ danage a cay gɨsəŋ ga Ejɨpt gaŋ. Bɨ sɨman̰ nee bɨrɨŋ gɨsɨn̰ gɨ ɨŋ na yan̰ pa dɨm ma man̰ jɨgan̰ danage ƴee. Kɨya gɨ Ɛrɔd mal gɨ ni dɨɗe kɨye le coŋ.»

Matɨyo 24:31

Kɨɗɨn̰ ga noy burun̰ji di gumu kɨya yɔ na, ban kɨya gɨye ka-ƴɔbɛ kayi ga daa nii ɗe na orge dɔnɛge kan ga ban torge le, a tɨbɨn̰ gɨsəŋ ga poɗɨn̰ gaŋ. Kan kɨya aye toy kɨway kɨbɨ gɨsəŋ ga pɨna gaŋ bɨrɨŋ andɨn̰ kɨbɨ gɨsəŋ ga ɗaŋ gaŋ.

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Matɨyo 4:11

Ɨni na, Haban̰ ɗeeyi nee kɔ kɛgɛgɛ. Bɨ ga ma, ka-ƴɔbɛ ga daa ɨrgage gusi Jesu bɨ solge kardi dan̰ hɨnga.

Marg 10:17

Jesu de say kɨya bɔɔ gɨyəŋ gɨŋ ɔrɛ ɨni na, gɨlmi gɨ pɨna wo̰ gɨrgɨ ɨrga poy gɨbayi dugo tumoyi bɨ ɨngɨrii hɨn̰: «Ba-gɨlɨn̰ kalaŋ hɨnga gɨ ba lɔɔ hɨnga ga kuɗa, kɛ ɨŋ gɨ lɔɔ na mɨna ma maŋ gɨ wan̰ sɔmɛ-bɨra gɨ dan̰ cɨnɨ le ga?»

Kɔl-gɨ-Ɗari gɨ Lug wal 1:19

Bɨ ba-ƴɔbɛ gɨ daa nii le dɨbi cay nee yey hɨn̰: «Ɨŋ na Gabɨriyɛl, ba ɨre tumoy Kumu kɨya lɔɔ kuduroy geye koyi. Kumu gɨygəŋ gɨ ɨŋ na ɨre yan̰ bɨ, gɨ ɨŋ na ɨren̰ dan̰ Kɔl-gɨ-Ɗari gɨ kɛ le, bɨn̰ bɨ.

Kɔl-gɨ-Ɗari gɨ Lug wal 1:23

Kɨɗɨn̰ ga wɔlɛ gɨ da gɨye koyi ba kaga ɨni na, ban jogɨ or ƴaadi dɨŋ.

Kɔl-gɨ-Ɗari gɨ Lug wal 16:22

Wɔlɛ gɨ pɨna wo̰ ba-n̰age le say ma bɨ, ka-ƴɔbɛ ga daa nii ɨrgage ayige orɨn̰ danayi siige kɨway Abɨraham. Ba wɔɔ hɨnga le kalɨn̰ ma ma bɨ, kan ayige orɨn̰ danayi ɨmgiige.

Kɔl-gɨ-Ɗari gɨ Lug wal 2:13

Kɨɗɨn̰ ga nee le bɨ! Kondɨwadi ka-ƴɔbɛ ga daa nii ga a gɨɗɨgɨ-Kumu gaŋ andɨgaŋge lug lug bugoŋge dan̰ ba-ƴɔbɛ gɨ daa nii gɨ ɨre a kɨɗɨn̰ ga nee gaŋ le, hɨramɨn̰ge Kumu yen̰ge hɨn̰:

Kɔl-gɨ-Ɗari gɨ Lug wal 2:9

Ɨni na, ba-ƴɔbɛ gɨ daa nii gɨ da Ba-gulɔŋ Kumu andaŋ cayge hɨrɨj bɨ, asɨn̰a gɨ da Ba-gulɔŋ Kumu asɨn̰ cayge wɨlɨn̰ nɔm, gaa ma gusɨge n̰orge rag rag dan̰ hundɔrɔ.

Gɨye-lɔɔ 11:22

Kɔl gɨ nee le, baa a sɨmay Ka-Daye ga Jerusalɛm, lee gɨ kan gɨyge Barnabas a Antɨyɔs.

Gɨye-lɔɔ 12:23

Kɨɗɨn̰di ga nee gaŋ le bɨ, ba-ƴɔbɛ gɨ daa nii gɨ da Ba-gulɔŋ andɨ Ɛrɔd kɨya wa ban dɨbɨ gusoŋ-tɔgɛ a cay Kumu naŋ. Bɨ suboŋn̰əŋ bugoŋge kuduroy dii muɗɔgɨ dɨɗii coŋ.

Gɨye-lɔɔ 12:7

Ɨni na, kɨɗɨn̰di ga nee gaŋ le bɨ, ba-ƴɔbɛ gɨ daa nii gɨ da Ba-gulɔŋ gɨ pɨna wo̰ andaŋ cay hɨrɨj bɨ, asɨn̰a ƴee duroy ƴaa dangay bɨ. Ba-ƴɔbɛ gɨ daa nii le ɨsɨbɨ Pɨyɛr a gasɨbi lɨbii daa bɨ, yeyi hɨn̰: «Sa kɨlaw daa.» Kɨɗɨn̰di ga nee gaŋ le bɨ, mɔrɨyɔŋ ga a kobi le turoŋ bugoŋ dugo.

Gɨye-lɔɔ 13:2

Wɔlɛ gɨ pɨna wo̰, kɨɗɨn̰ ga kan dayge cayge kɨya n̰ɨre Ba-gulɔŋ bɨ, haye kɨbɨge bɨ na, Turnɔ ɗe-kuduroy-bɛrɛ yege hɨn̰: «Dɨragɨŋ Barnabas bɨ, Sol bɨ, ɗagegɨŋ dan̰ cɨndɨge bəŋ kɨya loon̰ gɨye gɨ ɨŋ teege koldi le.»

Gɨye-lɔɔ 16:26

Kɔl gɨ kɨbɨna kɛ bɨ, cay gɨsəŋ yɨbagde gusɨge dan̰ togɨyge yɨbag yɨbag lee gɨ te ƴaa dangay yɨbagdaŋ bɨ, kɨbɨ ƴaa dangay haŋdaŋ nɔm bɨ, hɨnga nɔm ga kan saɗɨdɨn̰ge tɨbay ka-dangay le pɨndɨrdoŋ nɔm coŋ bɨ.

Gɨye-lɔɔ 27:23

A duroy son̰do di kɛ dɨŋ, ba-ƴɔbɛ gɨ daa nii gɨ da Kumu gɨ ɨŋ na ungo koyi bɨ, ɨŋ lee gɨye koyi bɨ le, andaŋ canɨ,

Gɨye-lɔɔ 5:19

Ama dan̰ duroy son̰dodo dɨŋ na, ba-ƴɔbɛ gɨ daa nii gɨ da Ba-gulɔŋ gɨ pɨna wo̰ ɨrga haŋgɨ kɨbɨ ƴaa dangayn̰əŋ bɨ, dorge orɨn̰ danage doŋ bɨ, yege hɨn̰:

Magtubu di Pol wal bɨn̰ kalaŋ ga Rɔm 11:14

Bɨ ɨŋ lee gɨye gɨ nee le ɨrɨmɨn̰ gɨ karmɨnɨ ga ni kɨbarnɨ ga na Jubɨ na laan̰ge jangɨ koldi, aŋ na poɗɨn̰ kan ga pɨna duroyge.

Magtubu di Pol wal bɨn̰ kalaŋ ga Rɔm 13:6

Na toy di hɨn̰ wo̰ ma ɗaŋ coŋ, kɨŋ bee hɔgɛ lambo kɨya wa kalaŋ ga ka-hɔgɛ lambo kobɨgɨŋ le, na kalaŋ ga Kumu gusi ba sɨge a kɨbɨ gɨye gɨ nee gɨŋ le, ɗe kan na lee.

Magtubu di Pol wal bɨn̰ kalaŋ ga Rɔm 15:16

Kumu bɨləŋ marɨna ba-gɨye gɨ da Jesu-Kɨris a gusi kalaŋ ga toyge na Jubɨ naŋ. Ɨŋ ay gusɨnɨ dɨbɨ coŋ kɨbɨ gɨye gɨ ni tɔgɛ bɛrnɛ Kɔl-gɨ-Ɗari gɨ da Kumu gɨŋ, ɗe te kalaŋ ga toyge na Jubɨ naŋ na bɨlɨn̰ge wɨyan̰ge hɨn̰ hɨnga ga ni bogɨn̰ kɨbar ga woy dan̰ cɨndɨge dan̰ gɨyəŋ gɨ da Turnɔ ɗe-kuduroy-bɛrɛ bɨ, na ƴan̰ cɨn̰ Kumu bɨ.

Magtubu di Pol wal bɨn̰ kalaŋ ga Rɔm 15:27

Kan ojɨge hɨnga ga nee le, na dan̰ gusi-mɔwa. Woy gɨlɨn̰ na hɨn̰ tugɨla wo̰ a cayge, kɨya wa tumɔ na Jubɨn̰əŋ ba gɔsɨnɛge tɔrɛ-kɨbɨ koge gɨ kan way a gusi Kumu dan̰ kalaŋ ga toyge na Jubɨ naŋ. Haw kɛ na, ojɨ gɨ na kalaŋ ga toyge na Jubɨn̰əŋ naŋ na ba jɨbge te Jubɨn̰əŋ, dan̰ hɨnga ga ni tɔrɛ-kɨbɨ ga da cay gɨsəŋ ga kan wayge.

Magtubu di Pol wal bɨn̰ kalaŋ ga Rɔm 8:17

Hɨn̰ gɨ na naa karɨn̰ Kumu na, na-gandi kalɨn̰ ma na woy na hɨn̰ ka-ƴɔ hɨnga ga ni ban̰di-gulɔŋ wo̰ bɨ. Na na ka-ƴɔ hɨnga ga ni ban̰di-gulɔŋ ga da Kumu bɨ, ka-ƴɔ hɨnga ga ni ban̰di-gulɔŋ pɨna dan̰ Kɨris bɨ. Na hɨn̰ wo̰ ma, hɨn̰ gɨ na na gɨl-cɨn̰ pɨna dan̰ Kɨris na, na kɨya andaŋ danayi pɨna a boy gusoŋ-tɔgɛ koyi gɨŋ bɨ.

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

2 Korɛ̰t 9:12

Kɨya wa gɨye gɨ ba woy kɛ gɨ kɨŋ ba woy te lɔɔ le, kɨya lɔɔ gɨ kalaŋ ga woyge dan̰ cɨndɨge na waage naa hɨnga ga n̰agedɨge leege ƴɔbɨ naŋ, ama kɨya lɔɔ gɨ kalaŋ kondɨ na laan̰ge Kumu ho’o bɨ.

Galad 3:29

Ma hɨn̰ gɨ kɨŋ naa kalaŋ ga da Kɨris ɨni na, kɨŋ na kongɨn̰ii Abɨraham bɨ, kɨŋ na ka-wɔɔ hɨnga ga ni ban̰di-gulɔŋ ga Kumu ye gɨ ɗi na kɨya lɔɔ bɨn̰ Abɨraham le bɨ.

Galad 3:7

Sɨlagɨŋ kuɗa: Na kan ga somge bɨra dan̰ aye kudurɔ, ma na karɨn̰ Abɨraham ga hɨnde.

Galad 3:9

Abɨraham bee kuduroy cay Kumu ɨni na, Kumu tor-kɨbi cayi. Lee gɨ kan ga beege kuduroyge cay Kumu nɔm le, Kumu tor-kɨbi cayge hɨn̰ koyi wo̰ bɨ.

Epɛs 3:6

Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.

Pilib 2:17

Ko hɨn̰ gɨ na uja gɨ kɨbarnɨ na gɨ bugoŋ dugo hɨn̰ cɛrɛ di suru gɨ kan beege a cay hɨnga ga ni bogɨn̰ kɨbar hɨn̰ gɨ kɨŋ ba leede wo̰ bɨn̰ Kumu kɨya cay aye kudurɔ kogɨŋ kalɨn̰ ma, mɔŋ bɨ, ɨŋ kɨya lɔɔ gusi-mɔwa danagɨŋ nɔm bɨ.

Pilib 2:25

A boy ɨrɨme hɨnge gɨŋ na, ojɨ gɨ ɨŋ na gɨyɨn̰ dan̰ kurɨnɨ Epapərodit gɨ lee gɨye danaŋ bɨ, ni ɨre kɨbɨ wɔrɨn̰ɛ gɨŋ pɨna le bɨgɨŋ. Na cɨndi, na kɨŋ-gandi ba gɨyɨn̰ danayi bəŋ ɗe na ɨrgan̰ dan̰ hɨnga ga ɨŋ or n̰agedɨge bəŋ.

2 Tesalonigɨ 1:7

Na ban ma, wɔlɛ gɨ Ba-gulɔŋ Jesu kɨya andɨgaŋ gɨɗɨgɨ-Kumu gɨŋ dan̰ ka-ƴɔbɛ kayi ga daa nii ga orɨn̰ge dan̰ dɔnɔ kɨya ɨrgage na, kɨŋ ga kan gɨlgɨŋge-cɨn̰ bɨ, ni-gandi bɨ na, ban kɨya bɨna dɔrɛ gɨlale.

Titɨ 3:7

Na hɨn̰ wo̰ ma, na bɨlegɨŋ kalaŋ ga dan̰ durɔ ɗɨngar dan̰ gɨyəŋ gɨ da ɗarwa toyi bɨ, na beegɨŋ ɨrɨmedɨnagɨŋ na cay Ba-gulondɨnagɨŋ gɨ na na kɨya wɔɔ hɨnga ga ni ban̰di-gulɔŋ gɨ na sɔmɛ-bɨra gɨ dan̰ tumoyi.

Əbɨro 10:11

Dan̰ wɔlɛ pɨna pɨna ka-bɔgɛ kɨbar nɔm ɨrege dan̰ tɨbayge daa kɨya loon̰ gɨye koge. Bɨdɨn̰ge Kumu hɨnga ga ni bogɨn̰ kɨbar ga toyge pɨna hage, ga kɨya ɓale dɔrɛ ɨsɨnan̰əŋ naŋ bɨrɨŋ le.

Əbɨro 2:3

Pɔɗɛ gɨ gumu gɨ nee le, hɨn̰ gɨ na na sɨla laan̰ hɨnga naŋ na, kɛ kɔl gɨ ƴɔmɛ cayna naŋ na mɨna ga? Pɔɗɛ gɨ gumu gɨ nee le, Ba-gulɔŋ ban gusi koyi ay te tɔgɛ bɛrnɛdi tumɔ pa dɨm ma, kan ga jege koldi dan̰ sɨmayge yenige, lee gɨ or kɨɗɨn̰di gaŋ.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Əbɨro 6:12

Ni gey gɨ kɨŋ na gɨ bɨləŋ ka-dabɨr naŋ, ama gɨ kɨŋ na aya cay tɨbay ka-aye kudurɔ bɨ, ƴɨman̰ kuduroygɨŋ usa bɨ. Na kan ga nee le ba kɨya wɔɔge hɨnga ga Kumu ye gɨ ɗi na kɨya lɔɔ le.

Əbɨro 6:17

Na toy di hɨn̰ wo̰ ma, Kumu gey gɨ ka-wɔɔ hɨnga ga Kumu ye gɨ ɗi na kɨya bee le, na sɨlage duroy arɨn̰a gɨɗaŋ gɨ cay gasɨndi ga ban ay le, ɗi na kɨya bɨle naŋ. Na kɨya cay kɔl gɨ nee le ma, ban dɨɗɨ kɨbɨ hɨnga ga ban ye gɨ ɗi na kɨya bee le dan̰ ɓɨse gusi.

Əbɨro 8:6

Ama gɨye gɨ da Jesu le, na gɨye gɨ gumu ɗɨn̰ gɨ da te ka-bɔgɛ kɨbar coŋ. Kɨya wa ban na ba ɨre duroynagɨŋ duroy saɗe kɨbɨ pɨna ɓɨse gusu gɨ kuɗa tɔgɨ ɗɨn̰, gɨ si toyi na a cay hɨnga ga Kumu ye gɨ ɗi na kɨya lɔɔ bɨge ga kuɗa ɗɨn̰ bɨ.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

1 Pɨyɛr 1:12

Kumu gɨlɨn̰ ka-yɔɔ-kɔl-gɨ-Kumu-ba-yɔɔ, gɨ kan na teege bɛrnɛ bɨgɨŋ naa kɨŋ-gandi, wala kan na tɨgage bɛrnɛ naa kol cayge naŋ. Ka-tɔgɛ bɛrnɛ Kɔl-gɨ-Ɗari yege kɔl gɨ nee le labɨde na dan̰ dɔnɔ di da Turnɔ ɗe-kuduroy-bɛrɛ. Turnɔ ɗe-kuduroy-bɛrɛ le, na Kumu gɨ som gɨɗɨgɨ-Kumu gɨŋ le ba gɨygɨn̰ danaa. Ka-ƴɔbɛ ga daa nii kan kalɨn̰ ma, dan̰ gusɨge koge malge gɨ ni sɔlɛ kɔl gɨ nee le toyi bɨ.

1 Pɨyɛr 1:4

Na orɨn̰gɨŋ dan̰ hɨnga ga ni wɔɔ ga ni ban̰di-gulɔŋ ga kɨya ɔsɨn̰ɛ naŋ bɨrɨŋ bɨ, ga mɨdage kɨya ƴɔmɛ naŋ bɨ, ga te jɨran̰dedɨge kɨya ayaŋ naŋ bɨ. Kumu gam hɨnga ga ni ban̰di-gulɔŋ ga nee le a gɨɗɨgɨ-Kumu gɨŋ ojɨn̰ caygɨŋ.

1 Pɨyɛr 3:7

Kogɨŋ kɨŋ-gandi kandɨ kodɨn̰ige ba kɛ: Kɨɗɨn̰ ga kɨŋ na sɨma dan̰ kandɨn̰igɨŋ na, kuɗa gɨ kɨŋ sɨla gɨ kan na kalaŋ ga usa tɔgɨ naŋ. Kɨŋ bɨge hurɔmɔ kɨya wa naa wa wa kalɨn̰ ma, kan kɨya wɔɔ sɔmɛ-bɨra gɨ Kumu be kalɨn̰ le danagɨŋ bɨ. Kɨŋ laa hɨn̰ wo̰ ɗe hɨnga pɨna lɨgɨ gɨyəŋ ɔlɛ Kumu kogɨŋ naŋ.

Magtubu di Jud wal 1:14

Inɔg gɨ na te mon̰dɨna gɨ pɨna pɨna kɨɗɨn̰ jurgum ayɨn̰ toy a cay Adam le. Ban ye-kɔl-gɨ-Kumu-ba-yɔɔ ye hɨn̰: «Sɨlagɨŋ, Ba-gulɔŋ ɨrga dan̰ ka-gɨre-gɨye kayi ga woyge dan̰ cɨndɨge ga kondɨwayge ɗɨn̰ ɗɔngɨsɛ,

Wasɨn̰a 5:6

Ɨni na, ɨŋ sol Kurɨn̰-dɨmangɨ a durdi kali-tɨrɨmbala a duroy kandi-se ga gɨɗɨgɨ-Kumu gaŋ bɔb duroy ka-muɗɔlɛ. Kurɨn̰-dɨmangɨ le gɨlɨn̰ hɨn̰ gɨ kan na walge tumoyi tumɔ wo̰. Kurɨn̰-dɨmangɨ le orɨn̰ dan̰ kɨben̰di jurgum bɨ tɨdi jurgum bɨ, kan na Turnɔ di da Kumu ga jurgum ga Kumu gɨyge a cay gɨsəŋ gaŋ nɔm.