2 Timote 4:7 - Gabri Maja

⁷ Ɨŋ worɨn̰ wɔrɨn̰ɛ gɨ kuɗa bɨ, ɨŋ dɨɗɨ kɨbɨ gɨre hɨnge bɨ, ɨŋ gam aye kudurɔ hɨnge bɨ.

2 Timote 4:7 ပူးပေါင်းရင်းမြစ်များ

Kɔl-gɨ-Ɗari gɨ Lug wal 11:28

Ama Jesu jɨga dɨboo cay nee yoo hɨn̰: «Ho’o, na kalaŋ ga ba jege kɔl gɨ da Kumu ayge leen̰ge gɨye dɨm ma, tumoy wolwa woy kol cayge ƴee.»

Kɔl-gɨ-Ɗari gɨ Lug wal 8:15

Gasi gɨse ga bugoŋ cay gɨsəŋ ga ɗari gaŋ le, gɨlɨn̰ na dan̰ kan ga ƴeege kɔl gɨ da Kumu dan̰ kuduroyge ga kuɗa bɨ, ɨrege kɛgɛgɛ cay tɨbayge kɨya ƴɔɔge bɨ, dɨbɨn̰ge-ɗugoyge bɨrɨŋ andɨn̰ hɨnga bɨge.

Kɔl-gɨ-Ɗari gɨ Ja̰ wal 17:6

Kalaŋ ga ji ba torge duroy kalaŋ ga cay gɨsəŋ gaŋ bəŋ le, ɨŋ lee gɨ kan solge gusondɨn̰. Kan na kan̰ tumɔ ma man̰ bəŋ danage: Kɔl kon̰ le kan ayge leen̰ge gɨye.

Kɔl-gɨ-Ɗari gɨ Ja̰ wal 4:34

Jesu yege hɨn̰: «Dɔɔ hɨnge na lɔɔ kuduroy-geye gɨ da ban gɨ gɨyigəŋ bɨ, dɨɗe kɨbɨ gɨye koyi bɨ.»

Gɨye-lɔɔ 13:25

Kɨɗɨn̰ ga baa mɨnde gɨ Ja̰ ba-lɔɔ batɛm kɨya dɨɗe kɨbɨ gɨye koyi na, ban ye hɨn̰: “Kɛ kɨŋ ɨrɨm gɨ ɨŋ na waŋ ga? Ɨŋ na ungo gɨ kɨŋ som gamii le naŋ ƴee. Ama sɨlagɨŋ ungo gɨ pɨna wo̰, tɨlga karɨnɨ nee gɨ gangɨdi gɨyabe ga a tɨbayi kalɨn̰ ma ɨŋ ɓala pɨndɨre naŋ.”

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Galad 2:2

Na kɨya cay andaŋ gɨ Kumu andaŋ canɨ, ma maŋ orɨn̰ Jerusalɛm le. Kɨɗɨn̰ ga ɨŋ bugoŋ na, ɨŋ dor te Kɔl-gɨ-Ɗari gɨ ɨŋ ba tee bɛrnɛdi bɨn̰ kalaŋ ga toyge na Jubɨ naŋ le, ɗe tumoy ka-dɔrɛ tumoy kalaŋ ga gɨmdəŋ kan̰dɨge. Ɨŋ lee hɨn̰ wo̰ na ɗe gɨ gɨye gɨ ɨŋ lee tumɔ bɨ, gɨ ɨŋ ɨre gɨre koldi haw kɛ bɨ le, ɗe na da ban̰ gusɨnɨ naŋ.

Pilib 1:30

Haw kɛ na, kɨŋ dɨbɨ gusɨgɨŋ a boy wɔrɨn̰ɛ gɨ tumɔ ɨŋ ba som worɨn̰ii le bɨ. Wɔrɨn̰ɛ gɨ nee le, labɨde kalɨn̰ ma ɨŋ woy kɨbɨ nee te wɔrɨn̰ɛ ƴee, hɨn̰ gɨ kɨŋ ba sol le kɔ.

1 Timote 1:18

Kuronɨ Timote hɨnga ga ɨŋ ba yen̰ gɨ ji na laa le, or pɨna na dan̰ te gɨyəŋ gɨ da kɔl gɨ Kumu ɗe kɨbɨ ka-yɔɔ-kɔl-gɨ-Kumu-ba-yɔɔ, lee gɨ kan ye kol can̰ tumɔ le. Ɗe kɔl gɨ kɛ le bɨn̰ tɔgɨ an̰ leen̰ wɔrɨn̰ɛ gɨ kuɗa.

1 Timote 6:12

Wɨrɨn̰a wɔrɨn̰ɛ gɨ kuɗa gɨ da aye kudurɔ bɨ, ƴɨma sɔmɛ-bɨra gɨ dan̰ cɨndi gɨ Kumu ba teen̰ koldi le bɨ. Hɨn̰ gɨ ji ba yen̰ kɔl aye kudurɔ kon̰ kuɗa tumoy tɨmon̰ ga kondi gaŋ le.

1 Timote 6:20

Ay Timote, gama hɨnga ga Kumu ba day been̰ kobɨn̰ kuɗa. Ji kan̰a are-kɔl ga badɨ badɨ wo̰ dugo ga ɨra dan̰ aye kudurɔ pɨna naŋ le. Man̰e-kɔl gɨ da ka-sɔlɛ hɨnga ga ni poy le kalɨn̰ ma, ji kan̰a coŋ bɨ.

2 Timote 1:14

Gama gɨle hɨnga ga kuɗa ga gɨlɨn̰ge bɨ, been̰ge kobɨn̰ bɨ le ɗɔmɔmɔ, dan̰ gɨyəŋ gɨ da Turnɔ ɗe-kuduroy-bɛrɛ di woy kuduroynagɨŋ.

2 Timote 3:10

Ama ji-bandi na, ji ay kardi hɨnga gɨle ga ɨŋ gɨlɨn̰ kalaŋ le bɨ, halnɨ bɨ, hɨnga ga ɨŋ ojɨ ga ni lɔɔ bɨ, aye kudurɔ hɨnge bɨ, dɨbe-ɗugɔ tɨnge bɨ, wandɨ tɨnge bɨ, kɨɗɨn̰ haye-kudurɔ kange bɨ.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.

Wasɨn̰a 3:8

“Ɨŋ sol gɨye-lɔɔdɨgɨŋ nɔm. Sɨlagɨŋ, ɨŋ haŋgɨ kɨbɨ-ƴaa ɗe hangɨwa a tumoygɨŋ”. Ungo pɨna wo̰ kalɨn̰ ma kɨya ɓale lɨge naŋ. Ɨŋ sol gɨ togɨygɨŋ na dḛ wo̰ haa, ama na hɨn̰ wo̰ kalɨn̰ ma, kɨŋ gam dan̰ kɔl hɨnge bɨ kɨŋ man̰a kɨbɨgɨŋ kol canɨ naŋ bɨ.

Wasɨn̰a 6:11

Kalaŋ pɨna pɨna nɔm ga kan naa dɨɗɨgege le, bɨgege badɨge ga bɛrɛ ga sɨngɨɗɨdəŋ. Ɗaŋ coŋ kan yegege gɨ kan na dɨbɨ ɗugoyge lam nee ƴee coŋ, bɨrɨŋ gɨsɨn̰ gɨ kamdɨge ka-lɔɔ gɨye bɨ karmɨge bɨ, gɨ kan kɨya dɨɗɨge hɨn̰ kan wo̰ bɨ le kondɨwayge na ɓala dɨm.