2 Timote 4:18 - Gabri Maja

¹⁸ Ba-gulɔŋ kɨya bɔɗɔŋ duroy hɨnga nɔm ga ɨsɨnde gaŋ coŋ bɨ. Ban kɨya pɔɗɔŋ kɨya cay dɔɔ-ƴaa toyi di daa nii bɨ. Gusoŋ-tɔgɛ na koyi, ɨlge dan̰ ɨlge! Ɗa-ɗe-woy-hɨn̰-wo̰.

2 Timote 4:18 ပူးပေါင်းရင်းမြစ်များ

Matɨyo 13:43

Ama kalaŋ ga dan̰ durɔ ɗɨngar na, gusɨge kɨya ƴɔɔdɔ tɨwa jə̰ jə̰ hɨn̰ tɨwa di daa wo̰ boy dɔɔ-ƴaa di da Bayge dɨŋ. Ungo gɨ sɨmayi na wɨya nee na, kuɗa gɨ ban ɨrɨm cay kɔl gɨ ban ba je le.

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Matɨyo 6:13

Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ, Ama dɨrani kɨbɨ hɨnga ga ɨsɨni ga sayga gusi Haban̰. [Kɨya wa dɔɔ-ƴaa bɨ, dɔnɔ bɨ, gusoŋ-tɔgɛ bɨ, na hɨnga kan̰ ɨlge dan̰ ɨlge. Ɗa-ɗe-woy-hɨn̰-wo̰!]

Kɔl-gɨ-Ɗari gɨ Lug wal 11:4

Ɗa kuduron̰ jala cay ɨsɨna koni, Hɨn̰ gɨ ni-gandi kalɨn̰ ma ni ba ɗen̰ kuduroyni jal A cay waŋ waŋ gɨ ba looni ɨsɨna wo̰ bɨ. Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ.”»

Kɔl-gɨ-Ɗari gɨ Lug wal 12:32

«Ay gamge kange ga lagɨɗe, hundɔrɔ gɨŋ naŋ! Kɨya wa Baygɨŋ ay noyi gɨ ɗi na kɨya bɨgɨŋ dɔɔ-ƴaa toyi.

Kɔl-gɨ-Ɗari gɨ Lug wal 22:29

Na ban ma hɨn̰ gɨ Banɨ ba bəŋ dan̰ dɔɔ-ƴaa le, ɨŋ-bandi kalɨn̰ ma ɨŋ bɨgɨŋ dan̰ dɔɔ-ƴaa le bɨ.

Kɔl-gɨ-Ɗari gɨ Ja̰ wal 17:15

Ɨŋ ɨngɨrɨn̰ na gɨ ji na tɨrage coŋ duroy kalaŋ ga cay gɨsəŋ gaŋ naŋ. Ama na ɗe an̰ na cɨbɨ cɨndɨn̰ cayge ɗe bugoŋge kobi Haban̰ Ba-lɔɔ ɨsɨna naŋ.

Magtubu di Pol wal bɨn̰ kalaŋ ga Rɔm 11:36

Ho’o, hɨnga nɔm sayga na gusi Kumu bɨ, woy haw kɛ na dan̰ gɨyəŋ koyi bɨ, kol cayi bɨ. Kuɗa gɨ gusoŋ-tɔgɛ wɨya kol cayi dan̰ tumoyi! Ɗa-ɗe-woy-hɨn̰-wo̰!

Magtubu di Pol wal bɨn̰ kalaŋ ga Rɔm 16:27

Gusoŋ-tɔgɛ na gɨ da Kumu, na ban pɨna hayi ƴɔbɨ ma na ba cɨn̰-muɗɔlɛ. Kuɗa gɨ kalaŋ dɨbɨ gusoŋ-tɔgɛ cayi dan̰ gɨyəŋ gɨ da Jesu-Kɨris ɨlge dan̰ ɨlge! Ɗa-ɗe-woy-hɨn̰-wo̰.

1 Korɛ̰t 1:21

Na cɨndi, kɨɗɨn̰ ga Kumu gɨl cay cɨn̰-muɗɔlɛ toy nee le, kalaŋ ɓalage solii dan̰ gɨyəŋ gɨ da hɨnga-sɔlɛ ga da kalaŋ ga a cay gɨsəŋ gaŋ naŋ. Na toy di hɨn̰ wo̰ ma, Kumu poɗɨ kalaŋ na dan̰ gɨyəŋ gɨ da bɔgɛ kudurɔ a cay tɔgɛ bɛrnɛ di da Kɔl-gɨ-Ɗari gɨ kalaŋ solge leen̰ hɨnga ga ni dɨngale.

1 Korɛ̰t 10:13

Hɨnga ga ni gɨybe ga toyge kan̰dɨge kan̰dɨge ga ba leegɨŋ le, gɨlɨn̰ na dan̰ hɨnga ga ni gɨybe ga da kamdɨgɨŋ kalaŋ ga ɨndəŋ bɨ. Kumu na ungo gɨ ɨre a cay tɨbay dɨŋ, ban kɨya ɗɔɔ hɨnga ga ni gɨybe ɗɨn̰ togɨygɨŋ naŋ. Ama kɨɗɨn̰ ga hɨnga ga ni gɨybe na andaŋ caygɨŋ na ban kɨya bɨgɨŋ tɔgɨ ɗe agɨŋ na ƴomɨn̰ kuduroygɨŋ bɨ, kɨya bɨgɨŋ gɨyəŋ ɗe agɨŋ na andɨn̰ duroy nee coŋ bɨ.

1 Korɛ̰t 15:50

Ay, karmɨnɨ ga ban̰aŋ dan̰ ga kandɨ, kɔl gɨ ɨŋ ba gey yogɨŋ ba kɛ: Kuyoŋ-gusu ɓala wɔɔ hɨnga ga ni ban̰di-gulɔŋ gɨ da dɔɔ-ƴaa di da Kumu naŋ. Hɨnga ga kɨya ɔsɨn̰ɛ kɨya ɓale wɔɔ hɨnga ga ni ban̰di-gulɔŋ gɨ da hɨnga ga kɨya ɔsɨn̰ɛ naŋ, naŋ bɨrɨŋ.

2 Korɛ̰t 1:10

Na cɨndi, Kumu gɨ ba boɗɨni kɨbɨ tɨma di ba hɨn̰ wo̰ dɨŋ le, ban kɨya boɗɨni ɗaŋ coŋ. Ni bee ɨrɨmedɨni nɔm na cayi ban ƴɔbɨ, ho’o ban kɨya dorni kɨbɨ tɨma dɨŋ ɗaŋ coŋ.

Galad 1:5

Kuɗa gɨ gusoŋ-tɔgɛ wɨya kɨya cay Kumu ɨlge dan̰ ɨlge! Ɗa-ɗe-woy-hɨn̰-wo̰.

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

2 Tesalonigɨ 3:3

Ama Ba-gulɔŋ le, na ba ɨre a cay tɨbay dɨŋ. Ban kɨya lɔɔ gɨ kɨŋ kɨya orɨn̰ dan̰ tɔgɨ bɨ, kɨya amgɨŋ ɗe Haban̰ Ba-lɔɔ ɨsɨna ay banga caygɨŋ naŋ bɨ.

1 Timote 1:17

Kɨlma gɨ ba-sɔmɛ ɨlge dan̰ ɨlge, Gɨ na Kumu gɨ kɨya mare naŋ bɨ, Ungo kɨya sɔlɛ cɨndi naŋ bɨ, Ban gɨ na pɨna hayi kəɗ kəɗ bɨ le, Kuɗa gɨ kalaŋ ayage cayi daa bɨ, Dɨbɨge gusoŋ-tɔgɛ cayi bɨ, Ɨlge dan̰ ɨlge. Ɗa-ɗe-woy-hɨn̰-wo̰.

1 Timote 6:16

Na Ban ƴɔbɨ ma na ungo gɨ kɨya mare naŋ. Ban som na boy kɨɗɨn̰ ga asɨn̰ ɗen̰ ɗen̰ gaŋ, Ga ungo kɨya ɓale sɔlɛ naŋ bɨ, Ɓale ɔrɛ nee naŋ bɨ. Gusoŋ-tɔgɛ na koyi bɨ, Dɔnɔ di woy dan̰ cɨndo na toyi bɨ. Ɗa-ɗe-woy-hɨn̰-wo̰.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

2 Timote 4:1

Wɔlɛ pɨna Jesu-Kɨris kɨya jɨga. Ban kɨya jɨga kɨya dɔɔ-ƴaa bɨ, bɔyɛ kɔl cay kalaŋ ga somge-bɨra bɨ, kalaŋ ga madɨrdaŋ bɨ. Na toy di hɨn̰ wo̰ ma maŋ olɨn̰ tumoy Kumu bɨ, tumoy Jesu-Kɨris bɨ.

Əbɨro 11:16

Leen̰ cɨndi na, kan geyge na cay gɨsəŋ ga kuɗa ɗɨn̰ kan ga kan ba say ɗe coŋ orɨn̰ge a gɨɗɨgɨ-Kumu gɨŋ. Na toy di hɨn̰ wo̰ ma, hɨn̰ gɨ kan na tɨga Kumu naa Kumu koge na, Kumu dasi dayi naŋ. Kɨya wa ban ƴom cay tɨbay cay ƴaa-di-gumu kol cayge.

Əbɨro 12:22

Ama kɨŋ-gandi na, kɨŋ sɨygɨ na gasɨbi garma gɨ Sin̰o gɨŋ bɨ, na gasɨbi cay ƴaa-di-gumu da Kumu gɨ som-bɨra dan̰ tumoyi bɨ, dan̰ Jerusalɛm di gɨɗɨgɨ-Kumu gɨŋ bɨ, dan̰ ka-ƴɔbɛ ga daa dubu-dubu ga dayaŋge nee kɨya leen̰ kɨdɨrɛ bɨ.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

1 Pɨyɛr 1:5

Dɔnɔ da Kumu kɨya gamgɨŋ dan̰ gɨyəŋ gɨ da aye kudurɔ, ɗe agɨŋ wan̰ pɔɗɛ gɨ Kumu ƴom cay tɨbayi bɨ, kɨya wasɨn̰e cayi doŋ wɔlɛ kagadi gɨŋ bɨ.

1 Pɨyɛr 5:11

Dɔnɔ na toyi ɨlge dan̰ ɨlge! Ɗa-ɗe-woy-hɨn̰-wo̰!

2 Pɨyɛr 1:11

Na cɨndi, na toy di hɨn̰ wo̰ ma leege ɗarwa danagɨŋ, lee gɨ kan kɨya bɨgɨŋ gɨyəŋ andɨn̰ boy dɔɔ-ƴaa di da Kumu di woy dan̰ cɨndo dɨŋ le. Dɔɔ-ƴaa le na di da Jesu-Kɨris gɨ na Ba-gulondɨna bɨ, Ba-pɔɗɨna bɨ.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!

Magtubu di Jud wal 1:1

Na ɨŋ-bandi Jud, marɨna ba-gɨye gɨ da Jesu-Kɨris, Jag kurɨndi ba wale magtubu di kɛ le. Gɨyɨn̰ bɨn̰ kan ga Kumu teege gɨ na kan ga Bayna Kumu geyge bɨ Jesu-Kɨris gamge bɨ.