Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Timote 4:17 - Gabri Maja

17 Ama Ba-gulɔŋ ɨre karɨnɨ. Ban bəŋ tɔgɨ, lee gɨ ɨŋ teen̰ bɛrnɛ Kɔl-gɨ-Ɗari ɗəndəŋ bɨn̰ kalaŋ ga toyge na Jubɨ naŋ, ɗe jege kɔldɔ pɨraŋ daa bɨ. Ban bɔɗɔŋ a kɨbɨ gusugon̰əŋ gaŋ coŋ bɨ.

အခန်းကိုကြည့်ပါ။ ကော်ပီ




2 Timote 4:17
35 ပူးပေါင်းရင်းမြစ်များ  

Kɨɗɨn̰ ga kan kɨya ƴomgɨŋge orɨn̰ge danagɨŋ kɨɗɨn̰ bɔyɛ kɔl gaŋ na, ɗɔɔgɨŋ ɗugoygɨŋ algɨŋ kɛ na koldi wa ma magɨŋ kɨya yɔ ga, naŋ bɨ, cay jɨba di ni yon̰ naŋ bɨ, kɨya wa Kumu kɨya bɨgɨŋ kɔl gɨ ni yɔ a tɨwadi di nee dɨŋ le.


Kalaŋ kondɨ ayge te wale kol hɨnga ga ba lee gusɨge a duroyna le duroy magtubu dɨŋ.


Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.


Wan̰dodo dɨŋ ɨni na, Ba-gulɔŋ andaŋ cay Pol bɨ yey hɨn̰: «Ƴɨma kuduron̰ usa! Hɨn̰ gɨ ji ba leen̰ tɨmon̰ tɨnge a cay ƴaa-di-gumu di Jerusalɛm dɨŋ le, ojɨ gɨ a cay ƴaa-di-gumu di Rɔm dɨŋ kalɨn̰ ma, ji laa tɨmon̰ tɨnge nee bɨ.»


Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.


Ulagɨŋ Kumu ɗe aŋ andaŋ a kobɨ ka-bɔgɛ kuduroyge cay Kɨris naŋ ga somge a cay gɨsəŋ ga Jude gaŋ bɨ. Ulayigɨŋ ɗe hɨnga ga ni jɨbɨn̰ te kan ga woyge dan̰ cɨndɨge ga somge a Jerusalɛm ga ɨŋ ba orɨn̰ le kalɨn̰ ma, na ƴa cɨndɨge bɨ.


Ama Ba-gulɔŋ yəŋ hɨn̰: «Ɗarwa tɨnge ɓalɨn̰. Dɔnɔ tɨnge kɨya gɨle guso ɗəndəŋ gusi ungo gɨ ɨran̰ dan̰ dɔnɔ naŋ.» Na toy di hɨn̰ wo̰ ma ɨŋ kɨya gɨle gusɨnɨ dan̰ gusi-mɔwa gɨɗaŋ cay dɔnɔ di ɨŋ ɨran̰ naŋ, ɗe dɔnɔ di da Kɨris gɨl guso doŋ kol canɨ.


Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.


Ɨŋ leen̰ ho’o Ba-gulondɨna Jesu-Kɨris ba bəŋ tɔgɨ, kɨya wa ban sol gɨ ɨŋ ɓal gɨ ban na kɨya bəŋ kuduroyi. Lee gɨ Ban ayaŋ a boy gɨye koyi gɨŋ.


Naa hɨn̰ wo̰ na, kuronɨ, ɗarwa di Jesu-Kɨris ba lee dan̰ kan ga bugoŋ pɨna danayi le, ɨr cay nee usa.


Kɔl-gɨ-Ɗari gɨ nee le, ɨŋ way tabɨ kol cayi bɨrɨŋ saɗɨdaŋge haw kɛ dan̰ mɔrɨyɔŋ hɨn̰ gɨ ɨŋ naa ungo gɨ ba lɔɔ hɨnga ga ɨsɨni wo̰. Ama kɔl gɨ da Kumu le, ungo kɨya ɓale saɗɨdii naŋ bɨrɨŋ.


Ji sol tabɨ bɨ, n̰age bɨ, ga ɨŋ wayi a cay ƴaa-di-gumu di Antɨyɔs dɨŋ bɨ, Ikonɨyɔm dɨŋ bɨ, Listɨr dɨŋ bɨ le. Sɨla! Ɨŋ way n̰age tɔgɨ, ama Ba-gulɔŋ dɔrɔŋ kɨbɨ hɨnga ga nee le nɔm coŋ.


Ama ji-bandi na ƴɨma-gusɨn̰ usa a cay hɨnga nɔm ga kɛ le. Ji haya kuduron̰ duroy hɨnga ga ni gɨle-cɨn̰ gaŋ. Gɨye gɨ ni tɔgɛ bɛrnɛ kɔl-gɨ-Ɗari gɨ Kumu bɨn̰ le, ji laayi kuɗa.


Kɨɗɨn̰ ga tɨwa di Kumu gɨsɨ ɓal ɨni na, Kumu ba-pɔɗɨna wasɨn̰ cay kɔl koyi. Kɔl gɨ nee le, ban bəŋ kɔbɔŋ bɨ, ay noy bəŋ gɨ ɨŋ na tɨga bɛrnɛdi bɨ.


Na dan̰ gɨyəŋ gɨ da aye kudurɔ ma, kalaŋ ƴeedege dɔɔ-ƴaan̰əŋ bɨ, diidege cay ƴaan̰əŋ dan̰ gɨye-lɔɔ gɨ dan̰ durɔ ɗɨngar bɨ, wayge hɨnga ga Kumu ye gɨ ɗi na kɨya bɨge le bɨ. Kan lɨgɨdege kɨbɨ gusugon̰əŋ bɨ,


Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.


Hɨn̰ gɨ na wɨya hɨn̰ wo̰ na, ni sol gɨ Ba-gulɔŋ ɓal dɔrɛ kalaŋ ka-lɔɔ hɨnga ga dan̰ durɔ ɗɨngar kɨbɨ hɨnga ga ni gɨybe gaŋ bɨ, ɓal game kalaŋ ga ka-lɔɔ hɨnga ga dan̰ durɔ ɗɨngar naŋ kɨya lɔɔge hɨnga ga homi a wɔlɛ gɨ ni bon̰ kɔl gɨŋ bɨ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ