2 Timote 4:14 - Gabri Maja

¹⁴ Alegjandɨr ba-dɔsɛ le, ləŋ ɨsɨna tɔgɨ. Ama Ba-gulɔŋ ba kɨya bii cay kobi ojɨn̰ cay gɨye-lɔɔdi gɨ ɨsɨni gɨ ban ləŋ le.

2 Timote 4:14 ပူးပေါင်းရင်းမြစ်များ

Magtubu di Pol wal bɨn̰ kalaŋ ga Rɔm 12:19

Ay kɨŋ ga ɨŋ lee-toygɨŋ. Ɗagɨŋ baa gɔjɛ-baa cay gusɨgɨŋ kogɨŋ kɨŋ-gandi gaŋ, ɗagɨŋ kuduroy-hɔmɛ di da Kumu ɗe lee gɨye kɔɔ, kɨya wa walge a duroy Magtubu di da Kumu dɨŋ yege hɨn̰: «Na ɨŋ-bandi ba kɨya gɔjɛ-baa, Na ɨŋ-bandi ba kɨya bɨn̰ kalaŋ pɨna pɨna nɔm, Cay kobɨge dan̰ gɨyəŋ gɨ da gɨye-lɔɔdɨge.» Na Ba-gulɔŋ ba yɔ.

Magtubu di Pol wal bɨn̰ kalaŋ ga Rɔm 2:6

Wɔlɛdi gɨ nee le Kumu kɨya bɔyɛ cay kobɨ waŋ waŋ kalɨn̰ ma, ojɨn̰ na cay gɨye-lɔɔdi.

2 Tesalonigɨ 1:6

Ho’o na gɨyəŋdi gɨ Kumu na jɨgen̰ dan̰ dɔsɛ-ɗugɔ daa bɨn̰ kalaŋ ga ka-dɔsɨdɛ ɗugoygɨŋ.

1 Timote 1:20

Himene bɨ, Alegjandɨr bɨ, woyge duroy kalaŋ ga nee le. Ɨŋ ɗege kobi Sidan. Na hɨn̰ wo̰ ma, wɔlɛ gɨ ɗaŋ kan gɨ jɔgɛ yagɨde Kumu naŋ ɨni.

2 Timote 4:15

Ji-bandi kalɨn̰ ma ɗa muɗɔlɛ cay gusɨn̰ gɨŋ kol cayi bɨ, kɨya wa kɔl nɔm gɨ ni ye le ban kan̰ kɨbɨni coŋ dan̰ togi.

1 Ja̰ 5:16

Hɨn̰ gɨ ungo na sɨla kurɨndi te lɔɔ ɨsɨna gɨ kɨya pɔyɛ duroyge dan̰ Kumu bɨrɨŋ coŋ naŋ na, kuɗa gɨ ban ula Kumu kol cayi bɨ, ban kɨya bii sɔmɛ-bɨra gɨ dan̰ tumoyi bɨ. Ɨsɨna gɨ kɨya pɔyɛ ungo dan̰ Kumu bɨrɨŋ woy nee. Ama na gɨ nee le ma maŋ yəgɨŋ gɨ kɨŋ na ula Kumu kol cay ka-lɔɔdɨge naŋ.

Wasɨn̰a 18:20

Gɨɗɨgɨ-Kumu, laagɨŋ gusi-mɔwa kol mundoŋ gɨ hɨndi mundoŋ kurɔm kurɔm coŋ le! Kɨŋ kalaŋ ga woy dan̰ cɨndɨgɨŋ bɨ, ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ kalɨn̰ ma, laagɨŋ gusi-mɔwa bɨ. Kɨya wa Kumu boy kɔl caa na kol hɨnga ga ɨsɨni ga hɨndi lee danagɨŋ.

Wasɨn̰a 18:6

Hɨnga ga hɨndi leen̰ kamdo le, Kɨŋ jɨgan̰ boo bandi nee bɨ, Hɨnga ga hɨndi lee le, Kɨŋ jɨgan̰ boo ban̰di nee tɨba sɔɔ bɨ. Kobo gɨ hɨndi polɨn̰ cɛrɛ di suru kɔɔ nee bɨn̰ kalaŋ le, Kɨŋ pɨlɨn̰a nee tɨba sɔɔ jɨgan̰ boo ban̰di nee bɨ.

Wasɨn̰a 6:10

Kan wɨlalge dan̰ te tumoyge di daa pəŋ pəŋ ye hɨn̰: «Ba-gulɔŋ, ji na ungo gɨ leen̰ hɨnde gɨ doriige siige dan̰ cɨndi. Kalaŋ ga a cay gɨsəŋ gaŋ le, kɛ ji gɨ aye can̰ bɨrɨŋ andɨn̰ na wɔlɛ gɨ ani gɨŋ kɨya bon̰ kɔl cayge ga? Kɛ na wɔlɛ gɨ ani ma mɨn̰ kɨya gɔjɛ ba da kɨbar di ni gɨ bugoŋ dugo le ga?»