2 Timote 4:1 - Gabri Maja

¹ Wɔlɛ pɨna Jesu-Kɨris kɨya jɨga. Ban kɨya jɨga kɨya dɔɔ-ƴaa bɨ, bɔyɛ kɔl cay kalaŋ ga somge-bɨra bɨ, kalaŋ ga madɨrdaŋ bɨ. Na toy di hɨn̰ wo̰ ma maŋ olɨn̰ tumoy Kumu bɨ, tumoy Jesu-Kɨris bɨ.

2 Timote 4:1 ပူးပေါင်းရင်းမြစ်များ

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Kɔl-gɨ-Ɗari gɨ Lug wal 19:12

Ban yege hɨn̰: «Ungo gɨ pɨna wo̰ toy na Kɨlma, ban som cay tɨbay kɨya sɔ ɔrɛ cay gɨsəŋ ga hen̰ gaŋ ɗe Kɨlma gɨ pɨna wo̰ gɨ gumu na dobii tɨrɨmbala cayi pa dɨm ma, may na kɨya jɨga dɔɔ tɨrɨmbala ƴee.

Kɔl-gɨ-Ɗari gɨ Lug wal 19:15

«Kɨɗɨn̰ ga kan dobiige tɨrɨmbala cayi ɨni na, ban jɨga a cay gɨsəŋdi gaŋ. Ɨni na, ban ay noy teen̰ gɔyɔŋ kay ga ban ba gosɨnɨge gursu di ni lɔr le ay na solɨn̰ kaŋdo ga kan wayge.

Kɔl-gɨ-Ɗari gɨ Lug wal 23:42

Ban gɨ ba son̰ dan̰ mɨgay le, yen̰ Jesu hɨn̰: «Jesu, kɨɗɨn̰ ga ji kɨya caga kɨya dɔɔ-ƴaa cay gɨsəŋ gaŋ na, ɨrɨm kɨya canɨ.»

Gɨye-lɔɔ 10:42

Ban ye ni gɨ ni na tɨga bɛrnɛ bɨn̰ kalaŋ nɔm bɨ, ni na laa tɨmon̰ ya hɨn̰: Na ban ma Kumu dorii hɨn̰ ba-bɔyɛ kɔl cay kalaŋ ga som-bɨra bɨ, cay kalaŋ ga madɨrdaŋ gaŋ bɨ.

Gɨye-lɔɔ 17:31

Kɨya wa ban boy wɔlɛ gɨ ban kɨya bon̰ kɔl dan̰ gɨyəŋdi cay kalaŋ nɔm ga a cay gɨsəŋ gaŋ le. Ban kɨya bɔyɛ kɔl cay kalaŋ dan̰ gɨyəŋ gɨ da ungo gɨ ban dorii ɗeyi. Ungo le ma ama ban boyi lɨbii, gɨlɨn̰ kalaŋ nɔm gɨ ban na kɨya bɔyɛ kɔl na dan̰ gɨyəŋ gɨ da ungo gɨ nee le, leen̰ cɨndi.»

Magtubu di Pol wal bɨn̰ kalaŋ ga Rɔm 2:16

Na hɨnga ga nee le ba kɨya wɔyɛ cɨn̰ kalaŋ pɨraŋ a boy wɔlɛ gɨ Kumu kɨya bon̰ kɔl a cay gɨye-lɔɔ gɨ da kalaŋ gɨ woy a kɨɗɨn̰ wɔsɛdi gɨŋ dan̰ gɨyəŋ gɨ da Jesu-Kɨris, hɨn̰ gɨ Kɔl-gɨ-Ɗari gɨ ɨŋ ba tee bɛrnɛdi le ba ye wo̰.

Kɔlɔs 3:4

Kɨɗɨn̰ ga Kɨris gɨ na sɔmɛ-bɨra kona na andaŋ na, kɨŋ-gandi kalɨn̰ ma kɨŋ kɨya andaŋ danayi pɨna duroy gusoŋ-tɔgɛ koyi gɨŋ bɨ.

2 Tesalonigɨ 2:8

Na wɔlɛdi gɨ nee le ma, Ba-Kuduroy-Ɨndɨwa le kɨya gɨle gusi bɨ, Ba-gulɔŋ Jesu kɨya dɨɗii dan̰ habe gɨ kɨya andaŋ kɨbi bɨ, dan̰ dɔnɔ di da cagadi bɨ.

1 Timote 5:21

Ɨŋ olɨn̰ tumoy Kumu bɨ, tumoy Jesu-Kɨris bɨ, tumoy ka-ƴɔbɛ ga daa nii ga torgege bɨ, ji laa hɨnga ga ɨŋ ba gɨlɨn̰ kɛ le dɨle bɔɔ te ungo pɨna naŋ bɨ, dɨle lɔɔ hɨnga pɨna kɨya dorɨn̰ cɨn̰ ungo naŋ bɨ.

2 Timote 1:10

A boy tɨwa di na ba somɨn̰gɨŋ nee haw kɛ le, ban gɨl ɗarwa toyi dan̰ caga gɨ da ungo gɨ ba-poɗɨnagɨŋ. Ban na Jesu-Kɨris. Jesu mondɨ dɔnɔ da tɨma coŋ dan̰ gɨyəŋ gɨ da Kɔl-gɨ-Ɗari. Ban haŋgɨ cay sɔmɛ-bɨra gɨ kɨya mundoŋ naŋ.

2 Timote 2:14

Gɨlge hɨnga ga kɛ le, ɗe kuduroyge hɨn cay nee. Halage tumoy Kumu ɗe kan ɗe bɔjɨn̰ɛ ojɨn̰ cay kɔl nɔm baa. Kɨya wa bɔjɨn̰ɛ gɨ nee le, kɨya andaŋ hɨnga naŋ, ama kɨya mɔndɛ na kan ga ka-jɔɔdi.

2 Timote 4:18

Ba-gulɔŋ kɨya bɔɗɔŋ duroy hɨnga nɔm ga ɨsɨnde gaŋ coŋ bɨ. Ban kɨya pɔɗɔŋ kɨya cay dɔɔ-ƴaa toyi di daa nii bɨ. Gusoŋ-tɔgɛ na koyi, ɨlge dan̰ ɨlge! Ɗa-ɗe-woy-hɨn̰-wo̰.

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

1 Pɨyɛr 4:5

Ama hɨnga ga kan ba lee le, kan kɨya dɔrɛge kardɨge nɔm tumoy Kumu ƴee. Kɨya wa ban som cay tɨbayi dɨŋ kɨya bɔyɛ kɔl cay kalaŋ ga somge-bɨra bɨ, ga mage bɨ.

1 Pɨyɛr 5:4

Hɨn̰ gɨ kɨŋ na laa hɨn̰ wo̰ na, kɨɗɨn̰ ga Kɨris gɨ na kɨlma gɨ gumu gɨ ba sɔlɛ kardi gamge nɔm na jɨge na, kɨŋ kɨya wɔɔ jagɨwa-tɨrɨmbala gusoŋ-tɔgɛ ga jɨran̰edɨge ga toyge kɨya ayaŋ naŋ bɨrɨŋ le.

2 Pɨyɛr 1:11

Na cɨndi, na toy di hɨn̰ wo̰ ma leege ɗarwa danagɨŋ, lee gɨ kan kɨya bɨgɨŋ gɨyəŋ andɨn̰ boy dɔɔ-ƴaa di da Kumu di woy dan̰ cɨndo dɨŋ le. Dɔɔ-ƴaa le na di da Jesu-Kɨris gɨ na Ba-gulondɨna bɨ, Ba-pɔɗɨna bɨ.

2 Pɨyɛr 1:17

Ni ɨre nee kɨɗɨn̰ ga Bay Kumu bii hurɔmɔ bɨ gusoŋ-tɔgɛ bɨ. Te tumɔ di sayga duroy jɨran̰e dɨŋ di ɗɨn̰ hɨnga nɔm le ye hɨn̰: «Ban gɨ kɛ le na Kuronɨ gɨ ɨŋ lee-toyi tɔgɨ, gusɨnɨ mɔŋ cayi.»

1 Ja̰ 2:28

Ho’o, karɨnɨ kange bugoŋgɨŋ pɨna dan̰ Kɨris ɗe wɔlɛ gɨ ban na andaŋ dus na, ana ɨrɨn̰gɨŋ tumoyi dɨle sɔlɛ-hɨnga pɨna wo̰ bɨ, dɨle dasi dɔɔnagɨŋ bɨ.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.