2 Timote 3:5 - Gabri Maja

⁵ Gɨye-lɔɔdɨge gɨ doŋ kɨya gɨle gɨ kan naa ka-lɔɔ hɨnga ga bugoŋ pɨna dan̰ hɨnga ga Kumu gey le, ama kan na ka-man̰e dɔnɔ di woy boy nee coŋ. Kuɗa gɨ ji bɨl kardɨn̰ bɨn̰ kalaŋ ga nee le.

2 Timote 3:5 ပူးပေါင်းရင်းမြစ်များ

Matɨyo 7:15

«Ɗagɨŋ muɗɔlɛ a cay gusɨgɨŋ gɨŋ kɨya cay kalaŋ ga ka-lɔɔ gusɨge loon̰ ka-yɔɔ-kɔl-gɨ-Kumu-ba-yɔɔ. Kan kɨya ɨrga gusɨgɨŋ dan̰ hurɔmɔ hɨn̰ karɨn̰ gamge wo̰, ama a kuduroyge na kan woyge na hɨn̰ gaye ga coŋ ga geyge dogɨŋ wo̰.

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

2 Tesalonigɨ 3:14

Hɨn̰ gɨ ungo na kan̰a bɔgɛ kɔl a cay kɔl gɨ ni ba ye a duroy magtubu di kɛ dɨŋ le na, kɨŋ laa gɨ ɗe kalaŋ solii bɨ, ayagɨŋ gusɨgɨŋ sɛdɨ gusii coŋ, ɗe dasi dii.

2 Tesalonigɨ 3:6

Karmɨnɨ ga ban̰aŋ dan̰ ga kandɨ, ni ay noyni bɨgɨŋ dan̰ guson̰ Ba-gulɔŋ Jesu-Kɨris: Dɨragɨŋ gusɨgɨŋ sɛdɨ coŋ gusi kurɨndɨna gɨ ani ani gɨ woy kuŋ cay gusi gɨŋ bɨ, gɨye-lɔɔdi ɨra pɨna dan̰ hɨnga ga ni gɨle ga ni gɨlii naŋ bɨ.

1 Timote 4:7

Ama dɔrɛ te hɨnga ga toyge bɨ cayge bɨ unɔ bɨ, dɔrɛ kɔl da kandɨ ga əsɨdəŋ bɨ le, jɨbɨge sɛdɨ coŋ. Ama ji tɨraba na gɨye-lɔɔ gɨ bugoŋ pɨna dan̰ Kumu.

1 Timote 4:8

Cɔgɨdɛ gusɨn̰ le, na hɨnga ga kuɗa hage ama ɗarwadɨge kunda tɔgɨ naŋ. Ama tɨrabe gɨye-lɔɔ gɨ bugoŋ pɨna dan̰ Kumu le, na hɨnga ga kuɗa tɔgɨ, kɨya cay hɨnga nɔm. Kɨya wa Kumu ye gɨ ɗi na kɨya be hɨnga kol cayi. Bɨ hɨnga ga ban ye gɨ ɗi na kɨya bee le, orɨn̰ dan̰ sɔmɛ-bɨra gɨ da sɔmɛ koyi na gɨ haw kɛ bɨ, gɨ da sɔmɛ koyi na gɨ ba kɨya caga bɨ.

1 Timote 5:8

Hɨn̰ gɨ ungo na sɨla kardi ka-wandɨ kayi naŋ ɗɨn̰ kɨɗɨn̰ coŋ le bɨ, sɨla kardi kalaŋ ga duroy ƴaadi gɨŋ naŋ bɨ na, ungo gɨ nee le na ungo gɨ nongɨ aye kudurɔ koyi ɗe coŋ bɨ, na ungo gɨ ɨsɨni ɗɨn̰ ungo gɨ aya kuduroy naŋ bɨ.

1 Timote 6:5

dan̰ man̰e-kɔl gɨ toy ayaŋ naŋ, gɨ da kalaŋ ga ɨrɨmedɨge mundoŋ coŋ, kɨya wa kɔl gɨ cɨndi le, unɔ gusɨge. Kalaŋ ga nee le, ɨrɨmge gɨ gɨye-lɔɔ gɨ bugoŋ pɨna dan̰ Kumu le, naa gɨyəŋ gɨ ni wan̰ hɨnga.

2 Timote 2:16

Ama ji na, are-kɔl ga badɨ dugo gɨ ɨra dan̰ aye kudurɔ pɨna naŋ le, ƴɨma gusɨn̰ cay nee coŋ. Kɨya gɨ na kan ga arge kɔl nɔm ga hɨn̰ wo̰ le, kɨya ɗɔɔge gɨye-lɔɔ gɨ bugoŋ pɨna dan̰ Kumu dḛ dḛ coŋ jɨn̰ tumɔ tumɔ.

2 Timote 2:23

Ama ɗa man̰e-kɔl ga badɨ badɨ coŋ bɨ, dɨngali coŋ bɨ. Kɨya wa ji sol gɨ kɨya ɨrgan̰ dan̰ bɔjɨn̰ɛ.

Titɨ 1:16

Kan yege gɨ ke na sol Kumu ama gɨye-lɔɔdɨge gɨl gɨ kan sɨlage Kumu naŋ leen̰ cɨndi. Kalaŋ ga gɨlɨn̰ge hɨn̰ wo̰ le, na kalaŋ ga ɨsɨnge tɔgɨ bɨ, na ka-mɨn̰e daa bɨ, ɓalage lɔɔ hɨnga ga ɗari pɨna wo̰ dɨbe daa naŋ bɨ.

Titɨ 3:10

Ungo gɨ ani ani gɨ ba gɨlɨn̰ kalaŋ hɨnga ga toyge kan̰dɨge kan̰dɨge bɨ poyɨn̰ karmii le, ji sɨga sɨmayi tɨbaa pɨna, tɨbaa sɔɔdi bɨ, kardi nee na puyoŋ wandɨ danayi.