2 Timote 3:2 - Gabri Maja

² Kɨya wa kalaŋ kɨya bɨləŋge ka-kɨndare bɨ, kɨya lɔɔge te gursu tɔgɨ bɨ, kɨya gɨlege gusɨge bɨ, kɨya dɔgɛge-jorgɨyge bɨ, kɨya yagɨdege Kumu bɨ, kɨya bɨlege ka-baa ga da ka-wɔɔdɨge bɨ, kɨya sɔlɛge ɗarwa di ungo lee danage naŋ bɨ, kɨya hundɔrɔge kardi hɨnga ga woy dan̰ cɨndɨge ojɨn̰ cay Kumu naŋ bɨ.

2 Timote 3:2 ပူးပေါင်းရင်းမြစ်များ

Matɨyo 15:6

na kɨŋ ye hɨn̰: Ba-gulondi na ɨran̰ dan̰ kɔl cay naŋ. Hɨn̰ wo̰ na ojɨ gɨ ban na kɨya jɨbe te bay dan̰ ƴoyi naŋ.” Na toy di hɨn̰ wo̰ na, kɨŋ mondɨ kɔl gɨ da Kumu coŋ bɨ, kɨŋ leen̰ hɨnga dan̰ te gɨyəŋ gɨ da hada kogɨŋ.

Kɔl-gɨ-Ɗari gɨ Lug wal 12:15

Bɨ ban yen̰ dɨmdɨrdi kalaŋ le ye hɨn̰: «Ɗagɨŋ muɗɔlɛ a cay gusɨgɨŋ bɨ, orɨn̰gɨŋ dan̰ tabɨlaŋ di ni wan̰ hɨnga nɔm naŋ bɨ, kɨya wa ungo kɨya sɔmɛ-bɨra a cay gɨsəŋ gaŋ, kɨya cay hɨnga wɔɔdi ga kondi naŋ.»

Kɔl-gɨ-Ɗari gɨ Lug wal 16:14

Parɨsɨn̰an̰əŋ, jege kɔl gɨ nee le nɔm bɨ, asɨge cay Jesu, kɨya gɨ kan na kalaŋ ga geyge sɔlɛ gursu pɨde cɨndɨge naŋ.

Kɔl-gɨ-Ɗari gɨ Lug wal 6:35

Ama ƴɨmagɨŋ wandɨ dan̰ ka-baadɨgɨŋ bɨ, laagɨŋ ɗarwa bɨ, ɨban̰gɨŋ kalaŋ hɨnga dɨle ɨrɨme hɨn̰ gɨ kan na kɨya jogin̰ bɨgɨŋ daa bɨ. Hɨn̰ gɨ kɨŋ na laa hɨn̰ wo̰ na, Kumu kɨya bɨgɨŋ cay kobɨgɨŋ gɨ gumu bɨ, kan kɨya yɔ hɨn̰ gɨ kɨŋ na karɨn̰ Ban gɨ Ɗɨn̰ cay hɨnga nɔm. Kɨya wa Kumu kalɨn̰ ma, lee ɗarwa dan̰ kalaŋ ga sɨlage ɗarwa di Ban laage naŋ bɨ, dan̰ kalaŋ ga ka-lɔɔ ɨsɨna bɨ.

Gɨye-lɔɔ 5:36

Hɨngɨŋ kɨya cay Tedas, kɨya wa wɔlɛ gɨ pɨde gɨŋ le, ban say dan̰ cay gusi koyi lee gusi leen̰ ungo gɨ gumu. Na toy di hɨn̰ wo̰ ma, ban̰aŋ ɓal hɨn̰ aru poɗɨn̰ wo̰ bugoŋge kardi. Ama kɨɗɨn̰ ga kan dɨɗii coŋ ɨni na, kalaŋ ga bugoŋge kardi le, busdoŋge pɨna pɨna coŋ, lee gɨ hɨnga ga ban ba si toyge le, bɨle na hɨnga ga kalɨn̰ wo̰.

Magtubu di Pol wal bɨn̰ kalaŋ ga Rɔm 11:18

Na hɨn̰ wo̰ ma, uja gɨ ji kɨya dɔgɛ jorgɨn̰ a cay kobɨn̰i ga sɨdɨrdege coŋ naŋ. Hɨn̰ gɨ ji na gey dɔgɛ jorgɨn̰ kalɨn̰ ma, ɨrɨm gɨ ji-bandi ba bɨn̰ sarnay hɨya sɔmɛ-bɨra naŋ, ama na sarnay hɨya ba bɨn̰ ji-bandi sɔmɛ-bɨra.

2 Korɛ̰t 5:15

Ban ma na kɨya cay kalaŋ nɔm ɗe kan ga somge-bɨra le na sɨmage-bɨra na kol cayge ke naŋ, ama na kol cay ban gɨ ma ma boy lɨbɨ kol cayge le.

Pilib 2:21

Kalaŋ nɔm malge na hɨnga ga kɨya ɨrgan̰ dan̰ ɗarwa di da kuyoŋdi-gusɨge koge ƴɔbɨ, ama na hɨnga ga kɨya ɨrgan̰ dan̰ ɗarwa kol cay Jesu-Kɨris naŋ.

Kɔlɔs 3:5

Kuɗa gɨ kɨŋ ɗa hɨnga nɔm ga a cay gɨsəŋ gaŋ kɛ, ga woy a gusɨgɨŋ le ɗe mara coŋ: Na yɔyɛ dan̰ gangɨ caa bɨ, hɨnga ga ni dasi bɨ, kurɔŋdi hɨnga ga lee hundɔrɔ bɨ, kurɔŋdi hɨnga ga ɨsɨni dan̰ lɔɔ te gursu gɨ na n̰ɨre kula bɨ.

2 Tesalonigɨ 2:4

Ban na ba baa gɨ da hɨnga nɔm ga kalaŋ solge leen̰ kumu koge. Ban lee gusi leen̰ gumu a cay hɨnga nɔm ga kalaŋ n̰ɨrege. Ban kɨya ɗɔɔ kali toyi a duroy ƴaa-di-da-Kumu dɨŋ bɨ yɔɔ hɨn̰: «Ɗi naa Kumu.»

1 Timote 1:20

Himene bɨ, Alegjandɨr bɨ, woyge duroy kalaŋ ga nee le. Ɨŋ ɗege kobi Sidan. Na hɨn̰ wo̰ ma, wɔlɛ gɨ ɗaŋ kan gɨ jɔgɛ yagɨde Kumu naŋ ɨni.

1 Timote 1:9

Kuɗa gɨ na sɨla gɨ Kumu be gasɨn̰-kɔl na kɨya cay kalaŋ ga dan̰ durɔ ɗɨngar naŋ. Ama na kɨya cay ka-lɔɔ hɨnga ga dan̰ gɨyəŋdɨge naŋ bɨ, ka-baa bɨ, ka-lɔɔ ɨsɨna bɨ, ka-lɔɔ terɨn̰ bɨ, ka-bugoŋ dan̰ Kumu cay hɨnga ga woy dan̰ cɨndɨge naŋ bɨ, ka-dɨɗe ban̰an̰ge dan̰ ƴon̰iige bɨ, ka-dɨɗe kalaŋ bɨ,

1 Timote 3:3

Na guyɔŋ gɨ da cɛrɛ naŋ bɨ, ba-wɔrn̰ɛ dan̰ kalaŋ naŋ bɨ, ama na ungo gɨ kaledi jal bɨ, ba-bɔjɨn̰ɛ dan̰ kalaŋ naŋ bɨ, gɨ tabɨlaŋ di gursu ƴɨmayi naŋ bɨ.

1 Timote 6:10

Kɨya wa tabɨlaŋ di gursu le, na te sarnay hɨnga ga ɨsɨni nɔm. Kɨɗɨn̰ ga kalaŋ na aya gusɨge bɨn̰ gursu ɨni na, kɨya ɗɔɔge aye kudurɔ coŋ bɨ, kɨya kayaŋge hen̰ bɨ, hɨnga ga ni mɨrɨn̰tɨn̰i ga toyge kan̰dɨge kan̰dɨge kɨya looge bɨ.

1 Timote 6:4

ban na ungo gɨ dɔgɛ-jɔrgɔ bibii bɨ, sɨla hɨnga naŋ bɨ. Ban orɨn̰ dan̰ ləgɨnə di ni man̰e-kɔl di woy naa hɨn̰ hɔmɨn̰ɛ wo̰ bɨ, di ni bɔjɨn̰ɛ cay maanadi kɔl nɔm bɨ. Na hɨnga ga nee le ba ɨrgan̰ dan̰ jangɨ bɨ, gange kɔl bɨ, yagɨde kɨɗɨn̰ bɨ, ɨrɨme ga ɨsɨni a cay gusɨna bɨ,

2 Timote 3:4

kɨya bɨləŋge ka-aye cay kamdɨge bɨ, kɨya lɔɔge hɨnga dɨle ɨrɨme toyge bɨ, dɔgɛ jɔrgɔ lɨgɨde cɨndɨge bɨ, kɨya geyege Kumu naŋ ama kɨya geyege na gusi-mɔwa toge ƴɔbɨ.

Magtubu di Jag wal 2:8

Na cɨndi, hɨn̰ gɨ kɨŋ na gama gasaŋ ga kuɗa tɔgɨ ɗɨn̰ gasɨn̰-kɔl nɔm, ga walge duroy Magtubu di da Kumu dɨŋ hɨn̰: «Ji na gey mɨgan̰ hɨn̰ gɨ ji ba geyɨn̰ dan̰ kuyoŋdi-gusɨn̰ wo̰ bɨ le.» Kɨŋ lee na hɨnga ga kuɗa.

Magtubu di Jag wal 4:16

Ama haw kɛ, kɨŋ say dan̰ cay gusɨgɨŋ been̰ gusɨgɨŋ kogɨŋ gaŋ tɨwan̰e den̰ jorgɨygɨŋ. Dɔgɛ jorgɨygɨŋ gɨ hɨn̰ wo̰ le kuɗa naŋ.

Magtubu di Jag wal 4:6

Ama Kumu lee hɨnga ga gumu tɔgɨ ɗɨn̰ hɨnga nɔm, kɨya gɨlnagɨŋ na ɗarwa toyi. Na hɨn̰ wo̰ ma, kan walge hɨn̰: «Kumu jɨbɨ ka-dɔgɛ jorgɨyge sɛdɨ coŋ, ama ban lee ɗarwa toyi dan̰ kan ga dɨgage jorgɨyge naŋ.»

1 Pɨyɛr 5:5

Kɨŋ marɨne kalɨn̰ ma, kuɗa gɨ kɨŋ dɨba caygɨŋ dugo bɨn̰ ga muɗoldoŋ. Bɨ kɨŋ-gandi ka-aye kudurɔ nɔm ga duroy Ka-Daye nɔm le, dɔgɛgɨŋ jurgiigɨŋ dan̰ gusɨgɨŋ naŋ. Kɨya wa walge duroy Magtubu di da Kumu dɨŋ yege hɨn̰: «Kumu jɨbɨ ka-dɔgɛ jorgiige sɛdɨ coŋ, ama ban lee ɗarwa dan̰ kan ga dɨga jorgiige naŋ.»

2 Pɨyɛr 2:10

Naa wo̰ na leen̰ cɨndi, kalaŋ ga ka-kɔbɛ tabɨlaŋdi hɨnga ga mɨdagi ga leege bɨ, ka hagɨre dɔnɔ di da Ba-gulɔŋ bɨ le, ban kɨya lɔɔge hɨnga ga homi. Ka-gɨlɨn̰ kalaŋ hɨnga ga cɨndi naŋ ga nee le, kan na kalaŋ ga hɨndarage hɨnga naŋ bɨ, ka-dɔrɛ n̰ərə bɨ. Ka-ƴɔbɛ ga daa nii ga ojɨ gɨ ni dɨbe gusoŋ-tɔgɛ cayge le kalɨn̰ ma, kan hɨndarage kardɨge naŋ, ama yagɨdɨgege.

2 Pɨyɛr 2:12

Ama kalaŋ ga nee le, leege hɨnga dɨle ɨrɨme hɨn̰ kɨmɛnɛ ga coŋ ga kan woogege kɨya ƴomgege bɨ, dɨɗɨgege bɨ wo̰. Kan yagɨdege hɨnga ga kan sɨlage naŋ le. Kan kɨya mare na tɨma di gɨlɨn̰ hɨn̰ da kɨmɛnɛ ga coŋ wo̰.

2 Pɨyɛr 2:18

Kɔl yɔɔdɨge na kɔl gɨ ni gɨlɨn̰ gusɨge bɨ, na kɔl ga gɨmdəŋ kalɨn̰ wo̰ bɨ. Tabɨlaŋ di ni lɔɔ hɨnga ga ɨsɨni ga woy kuduroyge le, kan gɨybɨge boy toge dan̰ hɨnga ga ni ƴomɨn̰ kalaŋ ga andaŋge kobɨ kalaŋ ga ka-lɔɔ hɨnga ga dan̰ gɨyəŋdɨge naŋ ga haw kɛ ƴee le.

2 Pɨyɛr 2:3

Kol lɔɔ te gursu di woy kuduroyge le, ka-gɨlɨn̰ kalaŋ hɨnga ga dan̰ gɨyəŋdɨge naŋ ga nee le, kɨya gɨlgɨŋge kɔl gɨ ni narɨn̰ cɨn̰-kɨɗɨn̰ dan̰ cɨn̰-muɗɔlɛ age na diigɨŋ. Ama kɨya bɔyɛge kɔl cayge mɨnde bɨ, kɨya mondɨgege muɗɔgɨ muɗɔgɨ mɨnde bɨ.

Magtubu di Jud wal 1:16

Kalaŋ ga hɨn̰ wo̰ le gusɨge mooge naŋ bɨ, na ka-ɨle gusɨge dan̰ wɔlɛ pɨna pɨna bɨ, na ka-kɔbɛ hɨnga ga kuduroyge gey bɨ, na ka-yɔɔ-kɔl gɨ ni dogɨn̰ jɔrgɔ bɨ, na ka-nare cɨn̰ kalaŋ gɨ ni won̰ hɨnga bɨ.

Wasɨn̰a 13:1

Kardi nee, ɨŋ sol kɨmana gɨ kɨben̰di won̰ mɔjɨ bɨ cayi won̰ jurgum bɨ, andɨgaŋ a duroy kuray gɨ gumu taa taa gɨŋ doŋ. Jagɨwa-tɨrɨmbala ga dḛ dḛ woy a cay kɨben̰ gaŋ le pɨna pɨna. Ɨni na, walge gusoŋn̰əŋ ga yagɨde Kumu a cay caa gaŋ le.

Wasɨn̰a 16:11

Kan yagɨdege Kumu ba-sɔmɛ gɨɗɨgɨ-Kumu gɨŋ kol wɨdɨle koge bɨ, ɨya ba̰ra̰ toge bɨ. Ama kan bɨl gɨye-lɔɔdɨge gɨ ɨsɨni le naŋ.

Wasɨn̰a 16:21

Gɨna gɨ da kaŋdi Kumu ga nɨn̰dəŋ sayga gɨɗɨgɨ-Kumu gɨŋ laydaŋ a cay kalaŋ ga ɨndəŋ. Gɨna gɨ da kaŋdi Kumu le nɨn̰wadi ɓal kɨlo toyi-bay. Lee gɨ kalaŋ ga ɨndəŋ yagɨdege Kumu kol cay hɨnga ga ɨsɨni ga ka-mɔndɛ kɨɗɨn̰ gɨ na gɨna gɨ da kaŋdi Kumu, kɨya wa hɨnga ga ɨsɨni ga ka-mɔndɛ kɨɗɨn̰ ga nee le, lee hundɔrɔ ɗɨn̰ kamdɨge gɨɗaŋ nɔm.

Wasɨn̰a 16:9

Ɨni na, ɨlwa da tɨwa di daa di lee hundɔrɔ le, ul kalaŋ. Lee gɨ kalaŋ ga nee le yagɨdege guson̰ Kumu, kɨya wa kan solge gɨ Kumu orɨn̰ dan̰ dɔnɔ a cay hɨnga ga ɨsɨni ga ani ani ga ka-mɔndɛ kɨɗɨn̰. Ama kan bɨlge haldɨge kɨya dɨbɨn̰ gusoŋ-tɔgɛ a cay Kumu naŋ.