2 Timote 2:8 - Gabri Maja

⁸ Kuɗa gɨ ji hɨn cay Jesu-Kɨris ban na a te wɨn̰je gɨ da Dabid gɨ boy lɨbɨ duroy kalaŋ ga madɨrdaŋ gaŋ, hɨn̰ gɨ Kɔl-gɨ-Ɗari gɨ ɨŋ ba tee bɛrnɛ di le ba gɨlna.

2 Timote 2:8 ပူးပေါင်းရင်းမြစ်များ

Matɨyo 1:1

Magtubu da te mon̰ gɨ da Jesu-Kɨris ba kɛ: Ban na kungan̰ Dabid dan̰ kungan̰ Abɨraham.

Kɔl-gɨ-Ɗari gɨ Lug wal 24:46

Ban yege hɨn̰: «Sɨlagɨŋ! Kan walge a duroy magtubu dɨŋ yege hɨn̰: Naa wa wa kalɨn̰ ma, Kɨris ban gɨ Kumu dorii le, kɨya wɔɔ cɨn̰-gɨle-cɨn̰ bɨ, wɔlɛ sɨbɨdi gɨŋ na, ban kɨya bɔyɛ lɨbe a duroy kalaŋ ga madɨrdaŋ gaŋ bɨ.

Gɨye-lɔɔ 13:23

«Kumu andɨn̰ dan̰ ba-pɔɗɛ a te wɨn̰je gɨ da Ɨsɨrayɛl na a te wɨn̰je gɨ da Dabid gɨŋ hɨn̰ gɨ ban ba ye gɨ ɗi na kɨya lɔɔ bɨge le, ban na Jesu.

Gɨye-lɔɔ 2:24

Ama Kumu boyi lɨbii duroy kalaŋ ga madɨrdaŋ gaŋ bɨ, dorii kɨbɨ gusi lɔɔ gɨ da tɨma dɨŋ bɨ. Kɨya wa tɨma ɓala ƴomii a te dɔnɔ tɔɔ dɨŋ naŋ.

Gɨye-lɔɔ 2:30

Ama ban na ba-yɔɔ-kɔl-gɨ-Kumu-ba-yɔɔ bɨ, ban sol gɨ Kumu ay noyi dorɨn̰ gusi bii gɨ ɗi na kɨya dɔrɛ ungo pɨna duroy kongɨn̰ii gaŋ ɗoyi a cay kali-tɨrɨmbala toyi dɨŋ bɨ.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

Magtubu di Pol wal bɨn̰ kalaŋ ga Rɔm 2:16

Na hɨnga ga nee le ba kɨya wɔyɛ cɨn̰ kalaŋ pɨraŋ a boy wɔlɛ gɨ Kumu kɨya bon̰ kɔl a cay gɨye-lɔɔ gɨ da kalaŋ gɨ woy a kɨɗɨn̰ wɔsɛdi gɨŋ dan̰ gɨyəŋ gɨ da Jesu-Kɨris, hɨn̰ gɨ Kɔl-gɨ-Ɗari gɨ ɨŋ ba tee bɛrnɛdi le ba ye wo̰.

1 Korɛ̰t 15:1

Ay, karmɨnɨ ga ban̰aŋ dan̰ ga kandɨ, ɨŋ gey hɨne kuduroygɨŋ a cay tɔgɛ bɛrnɛ di da Kɔl-gɨ-Ɗari gɨ ɨŋ te bɨgɨŋ. Tɔgɛ bɛrnɛ di nee le kɨŋ ƴee bɨ, haw kɛ kol caa na kɨŋ luyoŋ toy nee kuɗa.

1 Korɛ̰t 15:4

Kɨris le kan ɨmgiige. Wɔlɛ sɨbɨdi gɨŋ na, Kumu boyii lɨbii hɨn̰ gɨ kan ba walge tumɔ duroy Magtubu di da Kumu dɨŋ le.

2 Tesalonigɨ 2:14

Kumu təgɨŋ na kɨya pɔɗɛ gɨ nee le dan̰ gɨyəŋ gɨ da Kɔl-gɨ-Ɗari koni gɨ ni tee bɨgɨŋ, ɗe agɨŋ na wan̰ gusoŋ-tɔgɛ gɨ da Ba-gulondɨna Jesu-Kɨris.

1 Timote 1:11

Kɔl gɨ ni gɨle gɨ nee le, bugoŋ pɨna dan̰ Kɔl-gɨ-Ɗari gɨ bəŋge kɔbɔŋ bɨ gɨl gusoŋ-tɔgɛ gɨ da Kumu gɨ orɨn̰ dan̰ tumoy wolwa bɨ.

1 Timote 2:7

Na kɨya cay kɔl gɨ nee le ma, kan səŋge ba-tɔgɛ bɛrnɛ bɨ, ba-gɨre-gɨye bɨ, na kɨya kɔl koyi gɨ cɨndi gɨ nee le. Ɨŋ ye na kɔl gɨ cɨndi wala ɨŋ ya na kɔl poy naŋ. Ɨŋ na ba-gɨlɨn̰ kalaŋ ga toyge na Jubɨ naŋ hɨnga ga ɗe ungo na bee kuduroy cay nee bɨ, kɔl gɨ cɨndi bɨ.

2 Timote 1:8

Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

2 Timote 2:7

Ɨrɨm a cay kɔl gɨ ɨŋ ba yen̰ kɛ le bɨ, Ba-gulondɨna kɨya bɨn̰ tɔgɨ di ni solɨn̰ duroy hɨnga nɔm.

Wasɨn̰a 5:5

Ama ba muɗɔlɛ gɨ pɨna wo̰ a duroy kamdi yəŋ hɨn̰: «Ɨle naŋ. Sɨla! Gusugo gɨ a te wɨn̰je gɨ da Juda bɨ, te mon̰ gɨ da kɨlma Dabid bɨ le boy-kɨmbɨl. Ban ɓal gɨ ba pɨndɨre tambo di ɓagɨmɨn̰ge kɨbɨ magtubu kɨɗɨn̰ jurgum le bɨ hangɨn̰ magtubu le bɨ.»