2 Timote 2:7 - Gabri Maja

⁷ Ɨrɨm a cay kɔl gɨ ɨŋ ba yen̰ kɛ le bɨ, Ba-gulondɨna kɨya bɨn̰ tɔgɨ di ni solɨn̰ duroy hɨnga nɔm.

2 Timote 2:7 ပူးပေါင်းရင်းမြစ်များ

Kɔl-gɨ-Ɗari gɨ Lug wal 21:15

Kɨya wa kɔl gɨ ni cɨn̰-muɗɔlɛ gɨ ɨŋ-bandi ɨŋ kɨya bɨgɨŋ le, ungo pɨna a duroy ka-baadɨgɨŋ kalɨn̰ ma, kɨya ɓale gange, wala dɨbɨgɨŋ kɔl cay nee naŋ.

Kɔl-gɨ-Ɗari gɨ Lug wal 24:45

Ɨni na, ban haŋgɨ cɨndɨge, ɗe kan na solɨn̰ te kɔl gɨ kan ba walge a duroy Magtubu di da Kumu dɨŋ le.

Kɔl-gɨ-Ɗari gɨ Lug wal 9:44

«Jagɨŋ kɔl gɨ ɨŋ ba kɨya yogɨŋ le kuɗa: Ba mɨnde gɨ kan kɨya ƴɔmɛ Kurɨn̰-ungo le bɨn̰ ka-baa di.»

Kɔl-gɨ-Ɗari gɨ Ja̰ wal 14:26

Ama Turnɔ ɗe-kuduroy-bɛrɛ na Ɗe-ƴɔɔ caygɨŋ di Banɨ kɨya gɨygoo dan̰ gusoŋnɨ le. Hɨndi kɨya gɨlgɨŋ hɨnga nɔm bɨ, kɨya lɔɔ ɗe gɨ kuduroygɨŋ na hɨn a cay kɔl nɔm gɨ ɨŋ ba yəgɨŋ le bɨ.

Kɔl-gɨ-Ɗari gɨ Ja̰ wal 16:13

Kɨɗɨn̰ ga Turnɔ di da kɔl gɨ cɨndi kɨya caga na, hɨndi kɨya gɨlgɨŋ kɔl gɨ cɨndi nɔm. Kɨya wa hɨndi kɨya yɔɔ kɔl wo̰ dan̰ cay gusoo naŋ, ama hɨndi kɨya yɔ na kɔl gɨ hɨndi je bɨ, hɨndi kɨya yəgɨŋ kol hɨnga nɔm ga kɨya caga bɨ.

Gɨye-lɔɔ 7:10

Hɨnga ga ni dɔsɛ-ɗɔgɔ nɔm ga Jɨsɛb ba way le duroŋ cayi coŋ. Kumu bɨn̰ Jɨsɛb cɨn̰ muɗɔlɛ bɨ, lee gɨ ban ƴee cɨn̰ Parawo̰ kɨlma gɨ Ejɨpt bɨ. Lee gɨ ban ayi sii ba-dɔɔ cay gɨsəŋ ga Ejɨpt bɨ, ba-cay hɨnga nɔm ga woy a boy duroy saba tɨrɨmbala toyi dɨŋ bɨ.

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

Kɔlɔs 1:9

Na toy di hɨn̰ wo̰ ma, ni-gandi kalɨn̰ ma, ayɨn̰ toy a boy wɔlɛ gɨ kɔl gɨ nee le ba ba sɨmayni na, ni dɨl ɔlɛ Kumu kol caygɨŋ naŋ. Ni ol Kumu ɗe na baa danagɨŋ ɗe agɨŋ solɨn̰ hɨnga nɔm ga kuduroyi gey dan̰ gɨyəŋ gɨ ni cɨn̰-muɗɔlɛ bɨ, cay bɨra ojɨn̰ cay hɨnga nɔm ga Turnɔ ɗe-kuduroy-bɛrɛ ba bee bɨ.

1 Timote 4:15

Hɨnga ga ojɨ gɨ ji gɨ lɔɔ ba kɔ, ɗa gusɨn̰ kɨbɨ nee. Na kɨɗɨn̰ ga nee le ma, kalaŋ nɔm kɨya solɨn̰ge cɨn̰ ɔrɛ tumɔ ton̰ bɨ.

2 Timote 2:6

Ba-yage gɨ lee gɨye gɨlalɨn̰ le, ba kɨya wɔɔ cɨn̰ gasa kayi cay wase.

2 Timote 2:8

Kuɗa gɨ ji hɨn cay Jesu-Kɨris ban na a te wɨn̰je gɨ da Dabid gɨ boy lɨbɨ duroy kalaŋ ga madɨrdaŋ gaŋ, hɨn̰ gɨ Kɔl-gɨ-Ɗari gɨ ɨŋ ba tee bɛrnɛ di le ba gɨlna.

Əbɨro 12:3

Ho’o, ɨrɨmgɨŋ a cay Jesu. Ban ƴom kuduroyi duroy gɨle-cɨn̰ gaŋ nɔm ga kalaŋ ga ka-lɔɔ ɨsɨna leege danayi. Bɨ hɨn̰ wo̰ na, kɨŋ ɗɔɔ togɨygɨŋ duroŋ sɔd coŋ kɨya cay kuduroygɨŋ ga mundoŋ naŋ.

Əbɨro 13:7

Hɨngɨŋ a cay ka-dɔrɛ tumoygɨŋ ga tumɔ teege bɛrnɛ gɨ da kɔl gɨ da Kumu bɨgɨŋ le. Sɨlagɨŋ gɨyəŋ gɨ kan dɨɗɨn̰ kɨbɨ gɨye-lɔɔdɨge bɨ, ayan̰gɨŋ cay tɨban̰ aye kudurɔ koge.

Əbɨro 3:1

Na toy di hɨn̰ wo̰ ma, ay karmɨnɨ ga ban̰aŋ dan̰ ga kandɨ, kɨŋ ga kɨŋ woy dan̰ cɨndɨgɨŋ nɔm ga Kumu təgɨŋ ɗe agɨŋ na wan̰ ɗarwa di a daa nii le sɨgɨŋ cɨndɨgɨŋ a cay Jesu. Ban na ba-gɨre-gɨye bɨ, mangɨl gɨ da ka-cay ka-bɔgɛ kɨbar gɨ da aye kudurɔ gɨ ni ba tee bɛrnɛdi le bɨ.

Əbɨro 7:4

Sɨlagɨŋ Mɛlgisedɛg le gɨmɨwadi ƴee bɨ. Mon̰dɨna gɨ pɨna gɨ ba se te mon̰dɨna Abɨraham kalɨn̰ ma, dor kɨbɨ hɨnga ga pɨna duroy hɨnga ga mɔjɨ ga da hɨnga nɔm ga ɗadɨrdaŋ ga ban lobɨ a kɨmbɨl gɨŋ le bii.

Magtubu di Jag wal 1:5

Hɨn̰ gɨ ungo pɨna duroygɨŋ cɨn̰-muɗɔlɛ na wɨyi na, kuɗa gɨ ban ɨngɨrɨn̰ Kumu, ban kɨya bii. Kɨya wa ban na ba bɨn̰ kalaŋ nɔm hɨnga, dan̰ kuduroy ga pɨna dɨle son̰ danage.

Magtubu di Jag wal 3:15

Cɨn̰-muɗɔlɛ gɨ hɨn̰ wo̰ le, na cɨn̰-muɗɔlɛ gɨ sayga na daa nii naŋ. Ama na cɨn̰-muɗɔlɛ gɨ cay gɨsəŋ gaŋ kɛ bɨ, na gɨ da ungo gɨ ɨndi bɨ, na gɨ da turnɔ ga ɨsɨndəŋ bɨ.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.