2 Timote 2:24 - Gabri Maja

²⁴ Ama kuɗa gɨ marɨna ba-gɨye gɨ da Ba-gulɔŋ bɔjɨn̰dɛ naŋ. Kuɗa gɨ ban sɨma dan̰ gusi-dɔbɛ dan̰ kalaŋ nɔm bɨ, ɓala gɨlɨn̰ kalaŋ hɨnga bɨ, haya kuduroyi cay are-kɔl gɨ da ka-cɨbe cay kalaŋ dan̰ kɔl nɔm bɨ.

2 Timote 2:24 ပူးပေါင်းရင်းမြစ်များ

Matɨyo 12:19

Ban kɨya bɔjɨn̰ɛ dan̰ ungo naŋ bɨ, Kɨya dɔgɛ-sɨle naŋ bɨ. Ungo kɨya jɔɔ noyi a te gɨyəŋ gɨŋ naŋ bɨ.

Kɔl-gɨ-Ɗari gɨ Ja̰ wal 6:52

Kɨya cay kɔl gɨ nee le, Jubɨn̰əŋ ayge te man̰e-kɔl duroyge ɨl pɨvb dan̰ gusɨge yege hɨn̰: «Kɛ na mɨna ma ungo gɨ kɛ le, kɨya bɨna kuyoŋdi-gusi gɨ ni dɔɔ ga?»

Gɨye-lɔɔ 15:2

Kardi kɔl gɨ nee le na, tumɔ di ɓalɨn̰a naŋ say woy bɨ, Pol dan̰ Barnabas man̰ge kɔl dan̰ kalaŋ ga nee le ɨl pɨvb ojɨn̰ cay kɔl gɨ nee le. Ɨni na, kalaŋ ayge noyge gɨ Pol bɨ, Barnabas bɨ, kalaŋ ga pɨna wo̰ ga Antɨyɔs bɨ, na ɨrage a cay ƴaa-di-gumu di Jerusalɛm dɨŋ, yage koldi bɨn̰ ka-gɨre-gɨye ga da Jesu bɨ, kan ga muɗoldoŋ bɨ.

Gɨye-lɔɔ 23:9

Kalaŋ dege sɨle jɨn̰ nee nee bɨ, ka-gɨlɨn̰ kalaŋ gasɨn̰-kɔl gɨ da Moyis ga pɨna duroy Parɨsɨn̰an̰əŋ, say jɨbgege sɛdɨ coŋ dan̰ togɨyge kɨya ƴon̰ cay Pol yen̰ge hɨn̰: «Ni waa hɨnga pɨna ga ɨsɨni ga ungo le lee naŋ. Gajanaŋ gɨ lɔɔ na turnɔ di pɨna wo̰ wala, na ba-ƴɔbɛ gɨ daa nii gɨ pɨna wo̰ ba are-kɔl danayi kalɨn̰ ma mani sɨla naŋ.»

Gɨye-lɔɔ 7:26

Ɗaŋdo ɨni na, Moyis way karmii ga ni Ɨsɨrayɛl won̰ge sɔɔ worɨn̰ge dan̰ gusɨge. Ban ɨrga gusɨge kɨya bogɨge-dugo yege hɨn̰: “Ka-pogɨn̰ɨnɨ, kɨŋ na karme ama na kɨya wa ma magɨŋ leen̰ gusɨgɨŋ ɨsɨna wo̰ ga?”

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 10:4

Kɨya wa hɨnga ga ni kɨmbɨl ga ni ba leen̰ kɨmbɨl le, na hɨnga ga ni kɨmbɨl ga da kalaŋ ga ɨndəŋ naŋ. Ama na hɨnga ga ni leen̰ kɨmbɨl ga osɨdəŋ ga sayga na gusi Kumu bɨ, dan̰ gɨyəŋdɨge na ni mondɨn̰ ƴaa ga osɨdəŋ osɨdəŋ bɨ. Ni mondɨ ɨrɨme ga dan̰ gɨyəŋdɨge naŋ coŋ bɨ,

2 Korɛ̰t 6:4

Dan̰ gɨyəŋ gɨ da haldɨni le, ni gɨl a duroy hɨnga nɔm gɨ ni naa ka-lɔɔ gɨye ga da Kumu. Ni hay mani hay-kuduroyni ƴee duroy dɔsɛ-ɗugɔ gaŋ bɨ, duroy hɨnga ga ni mɔndɛ kudurɔ gaŋ bɨ, duroy hɨnga ga osɨdəŋ osɨdəŋ gaŋ bɨ.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Epɛs 4:2

Wɔyɛgɨŋ hɨn̰ kalaŋ ga ka-dɔgɛ jorgiige wo̰ naŋ bɨ, laagɨŋ hɨnga dan̰ kaledɨgɨŋ ga jali bɨ, a boy hɨnga gaŋ nɔm. Wɨyagɨŋ ka-dɨbe ɗugɔ jɨn̰ tumɔ tumɔ bɨ. Ƴɨmagɨŋ kuduroygɨŋ duroygɨŋ, dan̰ gɨyəŋ gɨ da wandɨ.

Pilib 2:14

Laagɨŋ hɨnga nɔm dɨle yon̰ cɔɗ cɔɗ bɨ, dɨle man̰e kɔl cay nee bɨ,

Pilib 2:3

Lɔɔgɨŋ hɨnga pɨna wo̰ dan̰ gɨyəŋ gɨ da jangɨ naŋ bɨ, dan̰ gɨyəŋ gɨ da dɔgɛ jɔrgɔ gɨ kalɨn̰ wo̰ dugo naŋ bɨ. Ama dan̰ dɔbɛ-ca na, kuɗa gɨ waŋ waŋ kalɨn̰ ma sɨla mɨgayi hɨn̰ gɨ gumu ɗii.

Kɔlɔs 3:13

Dɨbgɨŋ ɗugoygɨŋ dan̰ wandɨ duroygɨŋ. Hɨn̰ gɨ ungo na ɨran̰ dan̰ kɔl gɨ na hɨmayi a cay kurɨndi kalɨn̰ ma ɗa kuduroyi jala a cay kurɨndi le. Hɨn̰ gɨ Ba-gulɔŋ ba ɗen̰ kuduroy jal a caygɨŋ le, laagɨŋ hɨn̰ wo̰ a duroygɨŋ bɨ.

1 Tesalonigɨ 2:7

Ni na ka-gɨre-gɨye ga da Kɨris, ni orɨn̰ dan̰ dɔnɔ di ni ɨngɨrgɨŋ hɨnga dan̰ kondiige, ama ni aya hɨnga gusɨgɨŋ naŋ. Kɨɗɨn̰ ga ni ban̰ duroy gɨŋ le, kaledɨni jal hɨn̰ karɨn̰aŋ ƴoyge di sol kardi karɨndo kuɗa wo̰.

1 Timote 6:11

Ama ji ungo gɨ da Kumu na, aya gusɨn̰ coŋ cay hɨnga nɔm ga nee le. Ji mala na lɔɔ hɨnga ga dan̰ durɔ ɗɨngar bɨ, gɨye-lɔɔ gɨ bugoŋ pɨna dan̰ Kumu bɨ, aye kudurɔ bɨ, geye bɨ, ƴɔmɛ kuduroy-osɨwa bɨ, kale ga jali bɨ.

Titɨ 1:1

Ɨŋ-bandi Pol, ɨŋ na marɨna ba-gɨye gɨ da Kumu bɨ, ba-gɨre-gɨye gɨ da Jesu-Kɨris bɨ. Na nɨn̰wa gɨ sɨge canɨ gɨ ɨŋ na gɨlɨn̰ kalaŋ ga Kumu torge le kɔl, ɗe kan na ayɨn̰ kuduroyge bɨ gɨ ɨŋ na laa ɗe kan na sɨlan̰ kɔl gɨ cɨndi gɨ bugoŋ pɨna dan̰ gɨye-lɔɔ gɨ bugoŋ pɨna dan̰ Kumu bɨ,

Titɨ 1:7

Ba-dɔrɛ tumoy Ka-Daye gɨ na ungo gɨ beeyige gɨye gɨ ni solɨn̰ kardi hɨnga ga da Kumu kobi le, kuɗa gɨ ban wɨya na ungo gɨ ungo kɨya ɓale dɨbe kɔl cayi naŋ bɨ. Kuɗa gɨ ban wɔyɛ ba-dɔrɛ n̰ərə naŋ bɨ, ba kuduroy-hɔmɛ naŋ bɨ, ba-kɔydɛ cɛrɛ naŋ bɨ, ba wale man̰e naŋ bɨ, ungo gɨ ba male gursu dan̰ gɨyəŋ gɨ dan̰ durɔ naŋ, naŋ bɨ.

Titɨ 1:9

Ban na ba ƴɔmɛ kɔl gɨ ojɨ gɨ ni bɔgɛ kudurɔ cay nee osɨwa gɨ na kɔl gɨ or pɨna dan̰ hɨnga ga ni gɨle bɨ. Hɨn̰ wo̰ na ban kɨya ɓale bɔgɛ kɔl gɨ ɗari kuduroy kalaŋ dan̰ hɨnga ga ni gɨle ga cɨndi bɨ, ban kɨya ɓale gɨle a cɨn̰ tɨwa dɨŋ gɨ kɔl gɨ da ka-man̰e-kɔl gɨ da Kumu naa cɨndi naŋ bɨ.

Titɨ 3:2

Ji hɨn kuduroyge gɨ kan naa yagɨde ungo naŋ bɨ, wɔrɨn̰dɨdɛ dan̰ kalaŋ naŋ bɨ, ɗe kan na bɨlɨn̰ge ka-kuduroy-ɗarwa bɨ, gɨlɨn̰ge gɨye-lɔɔdɨge gɨ dan̰ kaledɨge ga jal tumoy kalaŋ nɔm.

Magtubu di Jag wal 1:1

Na ɨŋ-bandi Jag, marɨna ba-gɨye gɨ da Kumu bɨ, gɨ da Ba-gulɔŋ Jesu-Kɨris bɨ, ba gɨyɨn̰ dan̰ magtubu di kɛ le. Bɨn̰ dan̰ te wɨn̰je ga mɔjɨ-cayge-sɔɔ ga sugdoŋge a cay gɨsəŋ gaŋ. Ɨŋ leegɨŋ lapɨya.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

Magtubu di Jag wal 4:2

Lee gɨ kɨɗɨn̰ ga kɨŋ ba or n̰age di hɨnga ma, magɨŋ ba waa naŋ na, kɨŋ or bɨrɨŋ dɨɗe tɨma. Kɨɗɨn̰ ga kɨŋ lee jangɨ dɨle wɔɔ hɨnga na, kɨŋ bojɨn̰ bɨ, kɨŋ worɨn̰ bɨ. Kɨŋ waa hɨnga naŋ na kɨya gɨ kɨŋ ula hɨnga naŋ.

1 Pɨyɛr 3:8

Gɨ ni dɨɗɨn̰ kɨbi na, kɨŋ-gandi nɔm le, kuɗa gɨ kuduroygɨŋ bugoŋ pɨna bɨ, kuɗa ɨrɨmedɨgɨŋ gɨ ƴen̰ kuduroygɨŋ ɨra pɨna bɨ, geygɨŋ gusɨgɨŋ hɨn̰ ka-karme ga geyge gusɨge wo̰ bɨ, sɨlagɨŋ cɨn̰-n̰age di da kamdɨgɨŋ bɨ, tɨbagɨŋ caygɨŋ dugo bɨn̰ gusɨgɨŋ bɨ.

Magtubu di Jud wal 1:3

Ay karmɨnɨ ga ɨŋ lee-toygɨŋ, kɔl gɨ ojɨ cay pɔɗɛ gɨ da kalaŋ gɨ na kɔl gɨ ojɨ cay nagɨŋ nɔm bɨ le, ɨŋ gey wale magtubudi wo̰ wo̰ bɨgɨŋ. Ɨŋ sol gɨ kuɗa gɨ ni wale dobɨn̰ bandɨ kuduroygɨŋ, ɗe agɨŋ worɨn̰ɨn̰ kɨya cay aye kudurɔ gɨ Kumu bɨn̰ kalaŋ kayi ga woyge dan̰ cɨndɨge cay pɨna ɗɔ ƴɔbɨ le.