2 Timote 2:21 - Gabri Maja

²¹ Ungo gɨ na dɨran̰ gusi mɨra kɨya cay kɨni gɨ nee le na, ban kɨya bɨləŋ na kɔjɛ ga woy kɨya gɨye gɨ da wɔlɛ gɨ ni kɨdɨrɛ bɨ, gɨ doriige sige dan̰ cɨndi bɨ, gɨ woy na kɨya loon̰ gɨye gɨ da Ba-gulondi gɨ ƴomge cay tɨbayi kuɗa ojɨn̰ cay gɨye nɔm gɨ kuɗa bɨ.

2 Timote 2:21 ပူးပေါင်းရင်းမြစ်များ

Gɨye-lɔɔ 9:15

Ama Ba-gulɔŋ yeyi hɨn̰: «Ɨra, ungo gɨ kɛ le na hɨnga kange ga ni leen̰ gɨye ga ɨŋ dorge, ɗe gɨ ban na ɨran̰ dan̰ gusonɨ a tumoy te wɔɔ gɨ da kalaŋ ga toyge na Jubɨ naŋ bɨ, tumoy kɛrɨmbɛlɛŋ bɨ, tumoy te wɨn̰je gɨ da Ɨsɨrayɛl bɨ.

1 Korɛ̰t 5:7

Subugudi mapa di ɨlgɨ ɨni gɨ na ɨsɨna le, dɨragɨŋ duroygɨŋ coŋ ɗe agɨŋ bɨlɨn̰ kalaŋ ga duroŋ mɨra. Kɨɗɨn̰ ga nee le, kɨŋ kɨya wɔyɛ gɨlɨn̰a hɨn̰ kɨrbaŋdi gɛmɛ gɨ woŋsi gɨ hɨrɨwa gɨ dɨbɨge subugu nee naŋ wo̰, kɨya wa Kɨris gɨ na karɨn̰ dɨmangɨ da Pakɨ tona le, diɗiige ɨni.

2 Korɛ̰t 7:1

Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.

2 Korɛ̰t 9:8

Kumu ɓal ba kɨya bɨgɨŋ ɗarwa di tɔɔ kan̰do kan̰do nɔm dan̰ kɔndɔ haa, ɗe agɨŋ orɨn̰ dan̰ hɨnga nɔm ga ɓalgɨŋ dan̰ wɔlɛ pɨna pɨna bɨ, ɗe toyge ga ba kondɨ tɔgɨ le, agɨŋ leen̰ gɨye gɨ ɗari nɔm bɨ.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

1 Timote 6:11

Ama ji ungo gɨ da Kumu na, aya gusɨn̰ coŋ cay hɨnga nɔm ga nee le. Ji mala na lɔɔ hɨnga ga dan̰ durɔ ɗɨngar bɨ, gɨye-lɔɔ gɨ bugoŋ pɨna dan̰ Kumu bɨ, aye kudurɔ bɨ, geye bɨ, ƴɔmɛ kuduroy-osɨwa bɨ, kale ga jali bɨ.

2 Timote 2:16

Ama ji na, are-kɔl ga badɨ dugo gɨ ɨra dan̰ aye kudurɔ pɨna naŋ le, ƴɨma gusɨn̰ cay nee coŋ. Kɨya gɨ na kan ga arge kɔl nɔm ga hɨn̰ wo̰ le, kɨya ɗɔɔge gɨye-lɔɔ gɨ bugoŋ pɨna dan̰ Kumu dḛ dḛ coŋ jɨn̰ tumɔ tumɔ.

2 Timote 2:20

Kɔjɛ ga woy a duroy ƴaa di gumu dɨŋ le, leege ga pɨna na dan̰ lɔr bɨ, dan̰ nare gɨ ni arja̰ bɨ, ƴɔbɨ naŋ. Ga ɗaŋ leege na dan̰ sɨya bɨ, dan̰ gun̰u bɨ. Lee gɨ ga pɨna woy na kɨya gɨye gɨ dan̰ wɔlɛ gɨ ni kɨdɨrɛ bɨ, ga ɗaŋ woy na kɨya gɨye gɨ ni wɔlɛ pɨna pɨna bɨ.

2 Timote 3:17

ɗe gɨ kalaŋ ga da Kumu nɔm ƴomɨn̰ge cay tɨbayge kuɗa bɨ, wan̰ge hɨnga ga ni loon̰ gɨye nɔm ga kuɗa bɨ.

2 Timote 4:11

ama na Lug ba bɔɔ danaŋ kɛ ƴɔbɨ. Kuɗa gɨ Marg ɨre danan̰, kɨya wa ban kɨya jɨbe tonɨ boy gɨyen̰əŋ gaŋ.

Titɨ 3:1

Ji hɨn kuduroyge a cay kɔl gɨ ojɨ cay dɔbɛ ca dugo tumoy ka-dɔrɛ tumoy kalaŋ bɨ, ka-dɔɔ cay ƴaa bɨ, cay kɔl gɨ ni jɔɔ bɨ, ɗe na ƴomɨn̰ge cay tɨbayge cay lɔɔ hɨnga ga ɗari pɨna pɨna nɔm bɨ.

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

1 Ja̰ 3:3

Waŋ waŋ gɨ na bɨga ɨrɨmedi hɨn̰ wo̰ a cay Kɨris na, kuɗa gɨ ban dɨran̰ gusi mɨra hɨn̰ gɨ Kɨris gusi ba leen̰ mɨra wo̰ bɨ.