2 Timote 2:20 - Gabri Maja

²⁰ Kɔjɛ ga woy a duroy ƴaa di gumu dɨŋ le, leege ga pɨna na dan̰ lɔr bɨ, dan̰ nare gɨ ni arja̰ bɨ, ƴɔbɨ naŋ. Ga ɗaŋ leege na dan̰ sɨya bɨ, dan̰ gun̰u bɨ. Lee gɨ ga pɨna woy na kɨya gɨye gɨ dan̰ wɔlɛ gɨ ni kɨdɨrɛ bɨ, ga ɗaŋ woy na kɨya gɨye gɨ ni wɔlɛ pɨna pɨna bɨ.

2 Timote 2:20 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 8:49

Jesu jɨga dɨbɨge cay nee yege hɨn̰: «Turnɔ di ɨsɨni unɔ kuduronɨ. Ama ɨŋ ay na cayi Banɨ daa, ama kɨŋ-gandi na, kɨŋ dɨbɨ na dasi canɨ.

Magtubu di Pol wal bɨn̰ kalaŋ ga Rɔm 9:20

Hay! Ungo gɨ ɨndi, kɛɛ, ji na waŋ ma man̰ kɨya gaŋge kɔl kɨbɨ Kumu ga? Hɨn̰ gɨ ba dɔsɛ hɨnga na dusa hɨnga na, kɛ hɨnga ga ban dosu le, orɨn̰ dan̰ gɨyəŋ gɨ ni yoyi hɨn̰: «Kɛ, na kɨya wa ma man̰ dɔsɔŋ gɨlɨn̰ wo̰ ga?»

1 Korɛ̰t 3:9

Kɨya wa ni lee gɨye na pɨna boy gɨye gɨ da Kumu gɨŋ bɨ, kɨŋ na yage gɨ da Kumu bɨ. Kɨŋ na ƴaa gɨ Kumu ba ɗɔɔ bɨ.

2 Korɛ̰t 4:7

Ama na-gandi ga na kojɨ kandi-wɔɔ ga nee le, na woy gɨlɨn̰ na hɨn̰ pɨray gun̰u wo̰, ɗe kalaŋ solɨn̰ gɨ dɔnɔ di ɗɨn̰ cɨn̰-kɨɗɨn̰ di ni ba leen̰ gɨye le, na sayga na gusi Kumu wala naa gusɨni ni-gandi naŋ.

Epɛs 2:22

Kɨya bugoŋ gɨ kɨŋ bugoŋ pɨna dan̰ Kɨris le, Kumu bəgɨŋ pɨna dan̰ ka-aye kudurɔ ga ɗaŋ, ɗe gɨ agɨŋ na bɨlɨn̰ hɨn̰ ƴaa di Kumu som nee dan̰ gɨyəŋ gɨ da Turnɔ.

1 Timote 3:15

Ama hɨn̰ gɨ ɨŋ na bugoŋ haw kɛ naŋ kalɨn̰ ma, ɨŋ wal kol hɨnga ga kɛ le bɨn̰ an̰ solɨn̰ gɨyəŋ gɨ ni loon̰ gɨye a duroy ƴaa-di-da-Kumu dɨŋ. Ƴaa le, na Ka-Daye ga na kalaŋ ga da Kumu gɨ som-bɨra. Na hɨndi mana ɗe ƴɔmɛ kɔl gɨ cɨndi daa hɨn̰ sɨya gɨ ni duroy ƴaa wo̰ bɨ ɗe jɨbe te kɔl gɨ cɨndi daa bɨ.

1 Pɨyɛr 2:5

Kɨŋ-gandi kalɨn̰ ma, kɨŋ woy gɨlɨn̰ na hɨn̰ oru gɨ woy-bɨra gɨ Kumu lobɨgɨŋ leen̰ ƴaa-sɔmɛ gɨ da Turnɔ wo̰. Lee gɨ kɨŋ bɨle ka-bɔgɛ kɨbar ga woy dan̰ cɨndɨge bɨn̰ Kumu, ga kɨŋ lee gɨye n̰ɨre bii dan̰ gɨyəŋ gɨ da Turnɔ ɗe-kuduroy-bɛrɛ. N̰ɨre kogɨŋ dan̰ gɨyəŋ gɨ da Jesu-Kɨris le, kɨya mon̰ Kumu.