Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Timote 2:19 - Gabri Maja

19 Ama te ƴaa di Kumu ɗe som osɨ le, woy dan̰ gɨyəŋdo. Walge kɔl nɔm gɨ kɛ le boy nee yen̰ge hɨn̰: «Ba-gulɔŋ sol kalaŋ ga na kayi bɨ.» Ye ɗaŋ coŋ hɨn̰: «Waŋ waŋ gɨ na tɨga guson̰ Ba-gulɔŋ na, Ɗe hɨnga ga dan̰ gɨyəŋdɨge naŋ coŋ bɨ.»

အခန်းကိုကြည့်ပါ။ ကော်ပီ




2 Timote 2:19
69 ပူးပေါင်းရင်းမြစ်များ  

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.


Na toy di hɨn̰ wo̰ ma, ɨragɨŋ duroy te wɔɔ gɨ da kalaŋ nɔm, laagɨŋ gɨ ɗe kalaŋ bɨləŋge ka-aye-cay-tɨbanɨ. Laagegɨŋ batɛm dan̰ gusoŋ Kɨye bayi bɨ, Kɨyeyi bɨ, Turnɔ ɗe-kuduroy-bɛrɛ bɨ.


Ɨni na, ɨŋ kɨya yoge daa waŋ hɨn̰: «“Ɨŋ sɨlagɨŋ naŋ bɨrɨŋ, ɨragɨŋ walaŋ sɛdɨ kɨbɨnɨ coŋ, kɨŋ ga ka-lɔɔ ɨsɨna!”


Kumu ongɨ bɨ, kaŋdi kuray buyoŋ ƴee kardi ƴaa bɨ, kal ye dan̰ togii tɔgɨ cay ƴaa gɨŋ bɨ, ama ƴaa le ba naŋ, kɨya gɨ ɗege tɔɔ na cay garma gɨŋ.


Kan ɨrgan̰ge dan̰ sɨle le bii. Ɨni na, Jesu ɨngɨrge hɨn̰: «Na cay waŋ bɨ na waŋ gusondi bɨ, ma kan ɗege duroy sɨle dɨŋ le ga?» Kan dɨbiige cay nee yeyge hɨn̰: «Na gɨ da Sejar.»


Kɨya wa kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan gey kayge kan ga Kumu torge bɨ.


Ban kɨya yogɨŋ ɗaŋ coŋ hɨn̰: “Ɨŋ sɨla kɨɗɨn̰ ga kɨŋ saygan̰ nee naŋ! Ƴɨmagɨŋ gusɨgɨŋ kɨbɨnɨ coŋ, kɨŋ nɔm ga ka-lɔɔ ɨsɨna!”


Ban gɨlɨn̰ na hɨn̰ ungo gɨ ba gaɗe ƴaa, ama pay umboŋ ɗe ɗɨge mɨrɨg bɨrɨŋ andaŋ cay garma gɨŋ pa dɨm ma ɗen̰ te ƴaa cay nee ƴee wo̰. Kɨɗɨn̰ ga kaŋdi kuray na buyoŋ ɨra te ƴaa di nee dɨŋ bɨ, tɨgaa paj paj bɨ, yɨbagdaa yɨbag yɨbag bɨ kalɨn̰ ma ƴaa le kɨya dusoŋ naŋ. Kɨya gɨ ungo le gaɗɨ ƴaa le kuɗa.


Ɨŋ-bandi, ɨŋ na ba sɔlɛ kardi gamge gɨ kuɗa, lee gɨ ɨŋ sol gamge kange bɨ, kan kalɨn̰ ma sɔlɔŋge bɨ.


Kɔl gɨ ɨŋ ba ye haw kɛ le ɨŋ ya ujan̰ na caygɨŋ nɔm naŋ. Ɨŋ-bandi ɨŋ sol kalaŋ ga ɨŋ ba torge. Ama naa wa wa kalɨn̰ ma ojɨ kɔl gɨ ba walge duroy Magtubu di da Kumu dɨŋ na ɨra kɨɗɨn̰di gaŋ. Kɔl gɨ nee le ye hɨn̰: «Ungo gɨ dii dɔɔ danaŋ le, say bɨle kardi bəŋ.»


Ungo gɨ ani ani gɨ na ƴa kɔl-tɨmon̰ toyi na, ban gey cay nee gɨ kɔl gɨ Kumu ba ye le naa kɔl gɨ cɨndi.


Kɨɗɨn̰ ga ban wayi ɨni na, ban ɨrgan̰ danayi a Antɨyɔs. Kan sɔɗɨmɔŋ toge dɨŋ ɨlgɨge daa pɨna, duroy kalaŋ ga Ka-Daye ga a Antɨyɔs bɨ, gɨlɨn̰ge dɨmdɨrdi kalaŋ kɔl tɔgɨ bɨ. Cay wase cɨg cɨg na, na a cay ƴaa-di-gumu di Antɨyɔs dɨŋ ma kalaŋ ayge te tɔgɛ ka-aye-cay-tɨbay Jesu, naa kalaŋ ga ka-kɔbɛ Kɨris.


Kɨɗɨn̰di ga nee gaŋ le, Kalaŋ toyge ga ba baa kɨya malege Ba-gulɔŋ, Pɨna dan̰ te wɔɔ gɨ da kalaŋ nɔm ga gusonɨ ye cayge le.


Haw kɛ na, na ka-cay ka-bɔgɛ kɨbar nɔm ba biige te tumɔ ɗe gɨ ban na ƴɨman̰ kalaŋ nɔm ga ba teege gusondɨn̰.»


Kumu ɗa te kalaŋ kayi ga ban torge tumɔ ɓɨrag hayi le coŋ naŋ. Kɛ kɔl gɨ walge a duroy Magtubu di da Kumu dɨŋ ojɨn̰ cay ba-yɔɔ-kɔl-gɨ-Kumu-ba-yɔɔ Eli le, kɨŋ hal gɨybəŋ cay nee ga? A kɨɗɨn̰di ga pɨna gaŋ na, ban yen̰ kɔl Kumu bɨ, ɨlɨn̰ gusi a cay te wɨn̰je gɨ da Ɨsɨrayɛl tumoy Kumu. Eli ɨle gusi ye hɨn̰:


Kuɗa gɨ geye kogɨŋ nare cɨn̰-kɨɗɨn̰ naŋ. Gɨrgɨŋ ɗagɨŋ ɨsɨna coŋ dan̰ gɨre gɨ daa, ama lun̰doŋgɨŋ kardi hɨnga ga ɗari usa.


Ama ɨŋ gey tɔgɛ bɛrnɛ di da Kɔl-gɨ-Ɗari tɔgɨ na a kɨɗɨn̰ ga ungo ja guson̰ Kɨris nee naŋ ƴee ƴɔbɨ, ɗe aŋ na gaɗɨn̰ ƴaa a cay te ƴaa gɨ da ungo gɨ ɗaŋ gɨŋ naŋ.


Ban ɨrga na ɗe gɨ kalaŋ ga toyge na Jubɨ naŋ kalɨn̰ ma na dɨbɨn̰ge gusoŋ-tɔgɛ a cay Kumu kɨya cayi sɔlɛ cɨn̰-n̰age toyi bɨ, hɨn̰ gɨ ba walge a duroy Magtubu di da Kumu dɨŋ ye hɨn̰: «Ay Kumu, na toy di hɨn̰ wo̰ ma, Ɨŋ mɨlawɨn̰ a duroy te labar gɨ da kalaŋ ga ɗaŋ bɨ, Ɨŋ kɨbɨ kɨra hɨramɨn̰ gusondɨn̰ bɨ.»


Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.


Ama tumɔ pa dɨm ma gɨ kan kɨya woon̰ mɔgɨnɛ bɨ, tumɔ pa dɨm ma gɨ kan kɨya lɔɔ hɨnga ga ɗari naŋ le ga ɨsɨni na, Kumu ojɨ gɨ ni dɔrɛ a duroyge ungo pɨna ɗe kuduroy geye gɨ da Kumu na dɨɗɨ kɨbi dan̰ gɨyəŋ gɨ da dɔrɛ gɨ da ungo le.


Ni wal magtubu di kɛ le gɨyɨn̰ bɨn̰ na Ka-Daye ga da Kumu ga somge a cay ƴaa di Korɛ̰t bɨ, bɨn̰ kan ga woyge dan̰ cɨndɨge dan̰ bugoŋ pɨna dan̰ Jesu-Kɨris bɨ, bɨn̰ kalaŋ nɔm ga Kumu teege te gɨyəŋ koyi gɨŋ ɗe na bɨləŋge kalaŋ ga woyge dan̰ cɨndɨge dan̰ kalaŋ nɔm ga olge Kumu a kɨɗɨn̰ gaŋ nɔm dan̰ guson̰ Ba-gulɔŋ Jesu-Kɨris, ban gɨ na Ba-gulondɨge bɨ, Ba-gulondɨna bɨ le.


Ama hɨn̰ gɨ ungo na gey Kumu na, ungo gɨ nee le Kumu solii ɨni.


Ay karmɨnɨ ga ban̰aŋ dan̰ ga kandɨ ga ɨŋ lee-toygɨŋ, kuɗa gɨ na ɨrɨmgɨŋ cay hɨnga ga Kumu ba ye gɨ ɗi na kɨya lɔɔ le. Na toy di hɨn̰ wo̰ ma kuɗa gɨ kɨŋ dɨran̰ gusɨgɨŋ mɨra cay hɨnga nɔm ga ni kɨni ga ojɨ cay kuyoŋdi-gusu bɨ, ɨrɨme bɨ. Kuɗa gɨ na wɨya dan̰ cɨndɨna kɨya wa na na kalaŋ ga ka-hundɔrɔ Kumu.


Ama haw kɛ na, kɨŋ sol Kumu bɨ, leen̰ cɨndi na, Kumu ba solgɨŋ. Ama na mɨna ma magɨŋ bɨle kɨya lɔɔ gɨye lɔɔ gɨ da tɔgɨn̰əŋ ga a cay gɨsəŋ gaŋ, ga na kula ga ɓalage lɔɔ hɨnga naŋ le ga? Kɛ kɨŋ gey jɔgɛ bɨləŋ gɔyɔŋ kage ɗaŋ coŋ ga?


Dan̰ kɨradi-kɔl gɨ ɗaŋ, Kumu aygɨŋ leen̰ ƴaa di ban somɨn̰ nee. Te ƴaa le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ama Jesu-Kɨris gusi ma na oru gɨ kuɗa ɗɨn̰ kamdi gɨ ɗege tɨbɨn̰ ƴaa gɨ ƴom kalaŋ pɨna.


Kumu na te wɔɔ gɨ da kalaŋ pɨna pɨna nɔm bayge, ga gɨɗɨgɨ-Kumu gaŋ bɨ, ga cay gɨsəŋ gaŋ bɨ.


Yɔɔgɨŋ kɔl gɨ ɨsɨni naŋ, kɨya wa kɔl gɨ ɨsɨni le leen̰ dan̰ Turnɔ ɗe-kuduroy-bɛrɛ di Kumu ɗo gusɨnagɨŋ le, cɨn̰-n̰age. Hɨndi na hɨnga ga Kumu jɨbɨ gusɨgɨŋ gɨlɨn̰ gɨ kɨŋ naa kayi bɨ, gɨlɨn̰ gɨ wɔlɛ gɨ ɗaŋ gɨŋ na, Kumu na kɨya ɨrga pɔɗɨnagɨŋ yɔd bɨ.


Ama hɨn̰ gɨ ɨŋ na bugoŋ haw kɛ naŋ kalɨn̰ ma, ɨŋ wal kol hɨnga ga kɛ le bɨn̰ an̰ solɨn̰ gɨyəŋ gɨ ni loon̰ gɨye a duroy ƴaa-di-da-Kumu dɨŋ. Ƴaa le, na Ka-Daye ga na kalaŋ ga da Kumu gɨ som-bɨra. Na hɨndi mana ɗe ƴɔmɛ kɔl gɨ cɨndi daa hɨn̰ sɨya gɨ ni duroy ƴaa wo̰ bɨ ɗe jɨbe te kɔl gɨ cɨndi daa bɨ.


Na hɨn̰ wo̰ ma kan kɨya dayɨn̰ge cay hɨnga wɔɔ ga kuɗa bɨ, ga cɨndi bɨ pɨna kɨya cay wɔlɛ gɨ wan̰do bɨ ɗe kan wan̰ge sɔmɛ-bɨra gɨ dan̰ cɨndi.


Kɨya wa Abɨraham som gam na cay ƴaa-di-gumu di sige tɔɔ osu. Bɨ Kumu na ba ɔjɛ gɨyəŋ gɨ ni gaɗɨn̰ bɨ, ban na ba gaɗedo bɨ.


Karmɨnɨ ga ɨŋ lee-toygɨŋ, na hɨnga ga nee le ma magɨŋ gam gusi Kumu. Na toy di hɨn̰ wo̰ ma, ƴɨmagɨŋ gusɨgɨŋ usa ɗe agɨŋ somɨn̰ dan̰ gusi-dɔbɛ bɨ, dɔrɛ mɨra bɨ, ɗe masadɨgɨŋ unɔ tumoy Kumu bɨ.


Tumɔ kan na duroynagɨŋ, ma haw kɛ sayge andaŋge, ama leen̰ cɨndi na, tumɔ kalɨn̰ ma kan na karmiinagɨŋ naŋ. Tumɔ hɨn̰ gɨ kan naa karmiinagɨŋ na, kan ni kɨya sɔmɛ dananagɨŋ. Sɔ gɨ kan sayge andaŋge duroynagɨŋ doŋ coŋ le, gɨl doŋ pɨraŋ gɨ ungo pɨna wo̰ duroyge gɨ na kurɨndɨnagɨŋ le unɔ.


Kɨmana gɨ ji ba sɨlgayi le, tumɔ ban woy nee. Ama haw kɛ ban unɔ. Ban kɨya sɔ a te umboŋ gɨ ɗɨgi mɨrɨg gɨ kagadi unɔ gɨŋ andɨgaŋ doŋ bɨ, ɔrɛ kɨɗɨn̰ mundoŋ gaŋ. Kalaŋ ga gusondɨge unɔ a duroy magtubu sɔmɛ-bɨra gɨŋ, ayɨn̰ toy gɨ ɗen̰ge cay gɨsəŋ le, kan kɨya sɔlɛ kɨmana le bɨ, kɔl kɨya kayge gɨɗaŋ kɨya wa a boy wɔlɛ gɨ tumɔ gɨŋ ban woy nee bɨ haw kɛ ban unɔ, ama ban kɨya jɨga.


Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.


Bɨrɨm gɨ da cay ƴaa-di-gumu le, orɨn̰ dan̰ tɨbayi mɔjɨ-cayge-sɔɔ. Walge guson̰ ka-gɨre-gɨye ga mɔjɨ-cayge-sɔɔ ga da Kurɨn̰-dɨmangɨ le cay nee pɨna pɨna nɔm.


Kan kɨya sɔlɛ cɨndi bɨ kɨya ɗɔge gusondi a jɨndɨge bɨ.


“Ɨŋ sol gɨye-lɔɔdɨgɨŋ nɔm. Sɨlagɨŋ, ɨŋ haŋgɨ kɨbɨ-ƴaa ɗe hangɨwa a tumoygɨŋ”. Ungo pɨna wo̰ kalɨn̰ ma kɨya ɓale lɨge naŋ. Ɨŋ sol gɨ togɨygɨŋ na dḛ wo̰ haa, ama na hɨn̰ wo̰ kalɨn̰ ma, kɨŋ gam dan̰ kɔl hɨnge bɨ kɨŋ man̰a kɨbɨgɨŋ kol canɨ naŋ bɨ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ